গ্যাস শিজিন্নবগী ইকোনোমী অসিনা ইন্দিয়াগী ওইনা হৌজিক তঙাইফদবা ওইরি: প্রধান মন্ত্রী
ঐখোয়না ৱেস্ত বেঙ্গাল অসি মপুং ওইবা ললোন-ইতিক তৌনবা অমসুং ইন্দস্ত্রীএল সেন্তর ওইনবা চোকথবা লৈতনা হোৎনরি: প্রধান মন্ত্রীপ্রধান মন্ত্রী শ্রী নরেন্দ্র মোদীনা ঙসি ৱেস্ত বেঙ্গালগী হাল্দিয়াদা চৎখ্রে অমসুং লৈবাক অসিদা কৎথোক্লদুনা এল.পি.জি. মপালদা পুথোকখিনবগী থাফম, কিলোমিতর ৩৪৮ শাংবা দোভি – দুর্গাপুর নেচুরেল গ্যাস পাইপলাইন সেক্সন, প্রধান মন্ত্রী উর্জা গঙ্গা প্রোজেক্তকী শরুক অমা ওইরিবা অসি খুৎশিন্নখি। মহাক্না হাল্দিয়া রিফাইনরিগী অনিশুবা কেতালাইতিক-আইসোদেৱাক্সিং য়ুনিৎকী উরেপ উয়ুং তমখি অমসুং রানিচাক্কী লেন ৪গী আর.ও.বি.-কম-ফ্লাইওভর অসি লৈবাক অসিদা খুৎশিন্নখি। থৌরম অসি ৱেস্ত-বেঙ্গালগী গবর্নর অমসুং য়ুনিয়ন মিনিস্তর শ্রী ধর্মেন্দ্র প্রধান অমদি অতৈ অতোপ্পশিংনা শরুক য়াখি।
থৌরম অসিদা ৱা ঙাংলদুনা, প্রধান মন্ত্রীনা হায় মদুদি ঙসি অসি ৱেস্ত বেঙ্গাল অমসুং নোংপোকথংবা ইন্দিয়া পুম্বগী ওইনা আত্মানির্ভর ভারতকী লমদা অশেংবা ফুইল শম্নবা অমসুং ফংহনবা অসিনা য়াম্না চাওরবা নুমিৎ অমা ওইরি। প্রোজেক্ত মরি অসিনা মফম অসিদা ইজ ওফ লিবিং অমসুং ইজ ওফ দুইং ব্যুজিনেস তৌবদা চাওখৎলগনি। মসিগী প্রোজেক্ত অসিনা হাল্দিয়াদা মপুং ওইবা এক্সপোর্ত-ইম্পোর্তকী হব ওইনা চাওখৎপদা মতেং ওইরগনি।
প্রধান মন্ত্রীনা হায় মদুদি গ্যাস শিজিন্নবগী ইকোনোমী অসিনা ইন্দিয়াগী ওইনা হৌজিক তঙাইফদবা ওইরি। ৱান নেসন ৱান গ্যাস অসিনা হায়রিবশিং অসি ফংননবা মরুওইবা খোঙথাং অমা ওইরি। মসিদীদমক, নেচুরেল গ্যাসকী মমল হন্থবা অমসুং গ্যাস-পাইপলাইনগী নেৎৱার্ক চাওথোকপা অসি মিয়েং চংবা মথৌ তাই। ঐখোয়না হোৎনরিবা অসিনা মরম ওইদুনা ইন্দিয়া অসি গ্যাস খ্বায়দগী হেন্না শিজিন্নবা লৈবাক অমা ওইহনবা অসিনি। হায়দ্রোজেন মিসন অসি হোংনা অমসুং অশেংবা ইনর্জি ফংনবগী পুক্নিং থৌগৎনবা বজেৎতা লাউথোকখ্রে।
প্রধান মন্ত্রীনা নোংপোক থংবা ইন্দিয়াগী পুন্সি মহিং অমসুং ব্যুজিনেসকী ফিবম ফগৎনবা রেল, লম্বী, এয়রপোর্ত, পোর্তস, ঈশিং লম্বীশিংগী পরীং অমা শেমখ্রে। মহাক্না হায়খি মদুদি গ্যাসকী অৱাৎপা লৈবা অসিনা মফম অসিদা ইন্দস্ত্রী থিংজিন্নবগী মরম ওইরি। হায়রিবা অসি কোক্নবা, নোংপোক অমসুং নোংচুপকী পোর্তশিং অসি শম্ননবগী ফিরেপ লৌরে। য়াম্না চাওবা শরুক অমা ওইনা প্রধান মন্ত্রী উর্জা গঙ্গা পাইপলাইন অসি ঙসি প্রোজেক্ত অসিগী শরুক অমা ওইনা খুৎশিন্নখ্রে। কিলোমিতর ৩৫০ শাংবা দোভি-দুর্গাপুর পাইপলাইন অসিনা ৱেস্ত বেঙ্গাল খক্তা নত্তনা বিহার অমসুং ঝরখন্দগী দিস্ত্রীক্ত ১০ হেন্না কান্নবা পীরগনি। শেমগৎ-শাগৎলিবা থবক অসিনা মীওই লাখ ১১ মফম অসিগী মীওইশিংদা থবক পীরি। মসিনা অশেংবা অনানবা পাইপ এল.পি.জি. চখুম ফাওবদা পীরি অমসুং অনানবা সি.এন.জি.গী গারী চেনবা ঙমহল্লি। সিন্দ্রি অমসুং দুর্গাপুর ফর্তিলাইজর ফেক্তরিনা লেপ্পা লৈতনা গ্যাস ফংগনি। প্রধান মন্ত্রীনা জি.এ.আই.এল. অমসুং ৱেস্ত বেঙ্গাল সরকারদা জাগদিশপুর-হাল্দিয়া অমসুং বোকারো-ধর্মা পাইপলাইনগী দুর্গাপুর-হাল্দিয়া সেক্সন অসি য়াম্না থুনা লোইশিন্নবা হায়খি।
উজাল্লা স্কীম অসিনা হেন্না য়াম্না লোইশিনবা ঙম্লে অমসুং মীয়ামগী এল.পি.জি.গী অপাম্বা, অমদি মফম অসিগী এল.পি.জি.গী ইনফ্রাস্ত্রকচরগী থবকশিং অসি ফগৎপা হেনগৎলক্লি। এস.সি./এস.তি. কেতগরীগী নুপী লাখ ৩৬ হেন্না য়াওদুনা এল.পি.জি. কন্নেক্সন লাখ ৯০ ৱেস্ত বেঙ্গালগী নুপীশিংদা পীখ্রে। চহি তরুক অসিদা ৱেস্ত বেঙ্গালদা এল.পি.জি. ফংহনবা অসি চাদা ৪১ দগী চাদা ৯৯দা চোংখি। হন্দক্কী চহিগী বজেৎ অসিদা উজাল্লা স্কীমগী মখাদা লেম্না গ্যাস কন্নেক্সন করোর অমা হেনবগী য়াওরি। এল.পি.জি. অসি হাল্দিয়াদগী পুথোরকপা অসিনা চাওরবা থৌদাং অমা লৌদুনা ৱেস্ত বেঙ্গাল, ওরিশা, বিহার, ঝকখন্দ, ছত্তিসগর, উত্তর প্রদেশ অমসুং অৱাং নোংপোক লমদমদা মীওই করোর ২হেন্না গ্যাস ফংগনি হায়রিবা অসিদা করোর ১না উজাল্লা স্কীমগী বেনেফিসরিশিংদা ফংগনি।
প্রধান মন্ত্রীনা অমকশু হায় মদুদি ঐখোয়গী লু-নানবা ফুইল হায়খিবা ঙাকপগী শরুক অমা ওইনা বি.এস.-৬ গী ফুইল প্লান্ত অসি ঙসিদগী হৌখ্রে। মসিগী অনিশুবা কেতলাইতিক দিৱেক্সিং য়ুনিৎ অসিনা মীরমদগী মপাল তাংদুনা পোৎ লৌবা হন্থরগনি। “ঐখোয়না পোৎশিং অসি মপাল লমদা থাদোকপা ঙম্নবা ফিবম অমদা লৈরে” হায়না প্রধান মন্ত্রীনা হায়খি।
প্রধান মন্ত্রীনা হায় মদুদি ঐখোয়না ৱেস্ত বেঙ্গাল অসি মপুং ওইবা ললোন-ইতিক তৌনবা অমসুং ইন্দস্ত্রীএল সেন্তর ওইনবা চোকথবা লৈতনা হোৎনরি। মসিগী পোর্ত-লেদ অসি চাওখৎপগী অফবা খুদম অমনি। খোঙথাং কয়া অমা কোলকাতাগী স্যামা প্রসাদ মুকর্জি পোর্তথ্রস অসি মতমগা চুন্নবা লৌখৎপনি। প্রধান মন্ত্রীনা পুক্নিং চিংশিনখি মদুদি হালদিয়া দোক কম্প্লেক্স অসি য়ুম্লোন্নবা লৈবাকশিংদা শম্ননবা। ফ্লাইওভর কয়া অমনা মফমশিং অসি শম্নবদা হেন্না ফগনি। “মসিনা হাল্দিয়া অসি আত্মানির্ভর ভারতকী শরুক অমা ওইনা চাওখৎলগনি” প্রধান মন্ত্রীনা মসি হায়দুনা লোইশিনখি।
