‘ভোকেল ফোর লোকেল’ অমসুং আত্মানির্ভর আভিয়ান অসি নহারোলগী মখা পোল্লি: প্রধান মন্ত্রী
এন.সি.সি. অমসুং এন.এস.এস.অতৈ ওর্গানাইজেসনশিদা বেক্সিন অসিগী পাউ শন্দোক্নবা হায়রিপ্রধান মন্ত্রী শ্রী নরেন্দ্র মোদীনা ঙসি ‘এত হোম’ অমগী থৌরমদা রিপব্লিক দে পেরেদতা ইন্দিয়াদা উৎকদৌরিবা ত্রাইবেস গেস্ত, এন.সি.সি. ভোলুন্তিয়রস অমসুং তেবলোক্স আর্তিস্তশিংগা উন্নখ্রে। য়ুনিয়ন মিনিস্তরশিং শ্রী রাজনাথ সিংহ, শ্রী আর্জুন মুন্দা,শ্রী কিরেন রিজিজু অমসুং শ্রীমতি রেনুকা সিংহ সারুতানা থৌরম অসিদা শরুক য়াখি।
থৌরম অসিদা ৱা ঙাংলদুনা, প্রধান মন্ত্রীনা হায় মদুদি রিপব্লিক দে পেরেদতা ইন্দিয়াদা উৎকদৌরিবা ত্রাইবেস গেস্ত, এন.সি.সি. ভোলুন্তিয়রস অমসুং তেবলোক্স আর্তিস্তশিং অসি য়াম্না খিঙই। মখোয়না উৎকদৌরিবা লৈবাক অসিগী মমল য়াম্লবা পোৎলমশিং অসি মীপুম খুদিংদা চাওথোকচবা অমা ফাওরগনি। প্রধান মন্ত্রীনা হায় মদুদি রিপব্লিক দে পেরেদ অসি ইন্দিয়াগী চাওরবা সোসিও-কলচরেল হেরিতেজদা অমসুং মালেমগী খ্বায়দগী চাওরবা দেমোক্ত্রেসি পীরিবা কন্সতিত্যুসন অসিদা শ্রদ্ধাঞ্জলী কৎপনি ।
প্রধান মন্ত্রীনা হায় মদুদি হন্দক্কী চহি অসি, ইন্দিয়ানা ৭৫শুবা ইন্দিপেন্দেন্স চংলক্লি অমসুং হন্দক্কী চহি অসি ঐখোয়না গুরু তেগ বহাদুর জিগী ৪০০শুবা প্রকাশ পুরব পাংথোক্লি। অমুকশু, হন্দক্কী চহি অসি নেতাজী সুভাস চন্দ্র বোসকী ১২৫শুবা মপোক কুম্মোন তাদুনা পরক্রম দিবস হায়না লাওথোক্লি। মসিগী থৌরমশিং অসিনা ঐখোয়না ইরৈবাক অসিগীদমক পুক্নিং থৌগৎলি, হায়না প্রধান মন্ত্রীনা হায়।
প্রধান মন্ত্রীনা মহাক্কী নহা ওইরিবা অতিথিদা হায় মদুদি ইন্দিয়া অসি মসিগী মীয়াম্না শেম্বা অপুনবা পান্দম অমনা ওইবনি। মহাক্না হায় ইন্দিয়া হায়বদি – স্তেত কয়া অমা-লৈবাক অমা, কম্ম্যুনিতি কয়া অমা-ইমোসন অমা, মফম কয়া অমা-পন্থুংফম অমা, কস্তম কয়া অমা -ভেল্যু অমা, লোল কয়া অমা-ফোংদোকপা অমা অমসুং মচু কয়া অমা – ত্রাই মচু অমা। অমসুং মসিগী অমত্তা ওইবা পন্থুং অসি ‘এক ভারত -শ্রেস্থ ভারত’নি। মহাক্না মফম কয়াদগী লাক্লিবা নহা ওইরিবা অতিথিশিংঅসিদা কন্না হায়রি মদুদি মখোয় অমনা অমগী চৎনবী, চাক-এনশাং, লোল অমসুং আর্ত অসি পুখৎনগদবনি। প্রধান মন্ত্রীনা হায়রি মদুদি‘এক ভারত -শ্রেস্থ ভারত’না ‘ভোকেল ফোর লোকেল’চংশিনবদা শক্তি পীগনি। মফম অমনা মফম অমগী পোত্থোক্তা চাওথোকপা ফাওরবা অমসুং মদুবু পুখৎলবা মতম অদুদা ঐখোয়না পান্দম অদু ফংবা ঙমগনি।‘ভোকেল ফোর লোকেল’ অমসুং আত্মানির্ভর আভিয়ান অসি ঐখোয়গী নহাগী মখা পোল্লি, হায়না প্রধান মন্ত্রীনা হায়খি।
প্রধান মন্ত্রীনা হায়খি মদুদি লৈবাক অসিগী নহাশিং অসি চপ চাবা হৈ-শিংবা শাগৎপা অমা চংই। মসি মরুওইবা পীরদুনা মহাক্না স্কীল মিনিস্ত্রী অমা ২০১৪দা শেমখি অমসুং নহা ওইরিবা মীওই করোর ৫.৫ অমা মখল কয়াগী স্কীল অমসুং মশাগী ওইবা থবক পীখ্রে।
মসিগী স্কীলগী মিয়েং থম্লিবা অসিনা অনৌবা নেস্নেল এজুকেসন পোলিসি অসিদা শেংনা উবা ফংলে। কনাগুন্বা অমনা মহাক্না পাম্বা সবজেক্ত অমা খন্নবগী মফম অমা পীবা অসিনা পোলিসি অসিগী মরুওইবনি। ক্লাস ৬কী মথক্তগী ছাত্রশিংনা মখোয়না পাম্বা সবজেক্তা অমসুং মখোয়গী মফমগী ওইবা তঙাইফদবা অমসুং ব্যুজিনেস য়েংলগা কোর্সশিং খনবা য়ারগনি। মতুংদা ময়াইগী থাক্তশু, একাদেমিক অমসুং ভোকেসনেলগী সবজেক্তশিং অসিশু পুথোক্লি।
প্রধান মন্ত্রীনা এন.সি.সি. অমসুং এন.এস.এস.বু মখোয়না লৈবাক অসিদা মরুওইনা কোরোনাগী মতম মনুংদা লৌরিবা থৌদাং অসিদা থাগৎপা ফোংদোকখি। মহাক্না মখোয়দা হায়খি মদুদি মথংগী লায়চৎ লাকপদা থেংননবা মাংলোমদা চংশিনগদবনি। মহাক্না মখোয়বু চোংথোরক্তুনা বেক্সিনেসন অসিদা মতেং পাংনবা অমসুং মখোয়না লৈবাক অসিগী কাচিন কোয়া য়ৌহনবা অমসুং সমাজগী মফম কয়া অমা য়ৌশিন্দুনা বেক্সিন অসিগী পাউজেল শন্দোক্নবা হায়খি। “বেক্সিন অসি পুথোক্তুনা, ঐখোয়গী সাইন্তিস্তশিংনা মখোগী মথৌ পাংথোকখ্রে, হৌজিক্তি ঐখোয়গী তারে। ঐখোয়না তোংঙা অমসুং অরানবা পাউ শন্দোক্নবা হোৎনরিবশিং মায়থিবা পীগদবনি”।
