প্রধান মন্ত্রী শ্রী নরেন্দ্র মোদীনা বরানাসিদা ঙসি কোবিদ বেক্সিনেসন দ্রাইভকী বেনিফিসরীশিং অমসুং বেক্সিনেতরশিংগা ভিদিও কনফরেন্সিংগী থোংদা ৱারী শানখ্রে।
প্রধান মন্ত্রীনা বেনারসকী মীওইশিং, থৌরম অসিদা শরুক য়ারিবা হোস্পিতাল অসিগী দোক্তরশিং, মেদিকেল স্তাফ, পেরা মেদিকেল স্তাফ, সেনিতেসন্দা থবক তৌরিবশিং অমসুং কোরোনা বেক্সিন অসিগা শরুক য়ারিবা পুম্বা থাগৎপা ফোংদোকখ্রে। কোবিদনা মরম ওইরগা থৌরম অসিদা মহাক্না মীয়ামগা পুনবা ফংহৌদবা অসিদা নুঙাইতবা ফোংদোক্লি। মহাক্না হায় মদুদি মালেমগী খ্বায়দগী চাওরবা বেক্সিনেসনগী থৌরম অসি ঙসি ঐখোয়গী লৈবাক্তা চৎথরি। মহাক্না হায় মদুদি ঙসিদি ঐখোয়না ইশাগী বেক্সিন শেমজবা ঙম্বগী থৌনা লৈরে। ঙসি হোৎনর্বা অসিনা বেক্সিন অসি লৈবাক অসিগী কাচিন-কোয়া য়ৌনা য়াম্না থুনা য়ৌহনবা ঙম্লে। ঙসিদি ইন্দিয়া অসি মপুং ফানা মসিগী মালেমগী খ্বায়দগী চংলিবা অসি মরোমদোম পুথোকপা ঙম্লে অমসুং ইন্দিয়ানা লৈবাক কয়াদী মতেং পাংলি।
প্রধান মন্ত্রীনা বেনারস অমসুং মসিগী অকোইবদা লৈরিবা মফমশিং অসিগী ইনফ্রাস্ত্রকচরদা চহি তরুক অসিদা অহোংবা কয়া অমা লাক্লি হায়না উৎলি, হায়রিবা অসিনা কোরোনা মতমদা পুর্বনচল পুম্বা মতেং পীখি। মহাক্না মসি অমসু খঙহনখি মদুদি বনারসকী মফমশিং অসিদসু চপ মান্নবা খোঙজেল উৎলি। বনারসতা হকশেলগী থবক তৌবা মীওই লিশিং ২০ হেন্না বেক্সিন পীগনি। মসিগীদমক, বেক্সিনেসন সেন্তর ১৫ লিংখৎখ্রে। প্রধান মন্ত্রীনা উত্তর প্রদেশকী মুখ্য মন্ত্রী অমসুং মহাক্কী লোয়নশিং শিন-লাংবা অসিগীদমক থাগৎপা ফোংদোকখ্রে।
মহাক্না হায়খি মদুদি ঙসিগী উন্নবা অসিগী পান্দমদি শিন-লাংবা অসিদা য়েংশিন্নবা অমসুং বেক্সিনেসন দ্রাইব অসিদা করি থোকপগে হায়বা অদু য়েংশিনবনি। মহাক্না বেক্সিনেসন দ্রাইব অসিদা য়াওরিবা মীওইশিংগা ৱারী শান্নখি। মহাক্না ফোংদোকখি মদুদি বনারসতগী লাকপা ৱাফমশিংনা অতৈ মফমশিংদসু ৱাখল তাহল্লগনি।
প্রধান মন্ত্রীনা মেত্রোন, এ.এন.এম. ৱার্করশিং, দোক্তরশিং, অমসুং লেব তেক্নিসিয়ানশিংগা উন্নখি। প্রধান মন্ত্রীনা মখোয়দা লৈবাক্কী থাগৎপা মখোয়দা পীরি। প্রধান মন্ত্রীনা সাইন্তিস্তশিংবুশু মখোয়গী লম্বোইবগী মওং কত্থোকপা অসিদা থাগৎপা ফোংদোকখি। প্রধান মন্ত্রীনা অমুকশু পনখি মদুদি লৈবাক অসিনা লায়চৎ অসি থেংনবদা হেন্না কান্নবা ফংলি মরমদি হান্ননা লম-তু শেংবগী চৎনবি স্বচাতা অভিয়ানগী খোঙথাং অসি লোখৎপননি। প্রধান মন্ত্রীনা কোরোনাগী লান্মীশিংবু লায়চৎ অমসুং বেক্সিনেসন অসিগী অশেংবা ই-পাওগীদমক থাগৎপা ফোংদোকখ্রে।
