নই দিল্লীদা নেস্নেল ৱার মেমোরিয়েল লৈবাক্কী মীয়ামদা কৎথোকপা ওইনা ঙসি প্রধান মন্ত্রী নরেন্দ্র মোদীনা মুৎপা নাইদ্রবা মৈরি চুখৎখি। মহাক্না মেমোরিয়েল অদুগী শরুক কয়া য়েংখি।

|

মমাংদা এক্স-সর্বিসমেনশিংদা ৱা ঙাংবদা মহাক্না হায়খি, লান্মী লাখ কয়াগী থৌনা অমসুং কৎথোকপনা মরম ওইদুনা ভারত লান্মী অসি মালেমদা খ্বাইদগী কনবশিংগী মরক্ত য়াওরিবনি।

|

 প্রধান মন্ত্রীনা হায়খি হায়রিবা লান্মীশিং অসিনা য়েক্নবশিং অমসুং মহৌশানা থোকহনবা অমাং-অতাশিং অহানবা ওইনা মায়োক্নরি।

|

হন্দক থোকখিবা পুলৱামাগী থৌদোক অদুদা থৱায় কৎখ্রবা সি আর পি এফ জৱানশিং প্রধান মন্ত্রীনা নীংশিংখি অমসুং ভারত ঙাকশেন্নবা থৱায় কৎখ্রবা অথৌবশিং অদুদা ইকায়খুম্নবা উৎখি। মহাক্না হায়খি ঙসিদি অনৌবা ভারত অসি মালেমগী থাক্ত ফিবম ফগৎলে অমসুং মসি লৈবাক অসিগী আর্মদ ফোর্সশিংনা ওইহনবনি। ঙসি নেস্নেল ৱার মেমোরিয়েল নৎত্রগা রাস্ত্রয় সমর স্মারক হাংদোকপদা মহাক্না হরাওবা ফোংদোকখি।

|

লান্মীশিংদা অমসুং পেন্সন ফংলবশিংদা ৱান রেঙ্ক, ৱান পেন্সন পীনবা সরকার অসিনা ৱাশকখিবা অদু কেন্দ্র সরকারনা থুংহল্লে হায়না প্রধান মন্ত্রীনা ফোংদোকখি। মহাক্না হায়খি ও আর ও পি অসিনা পেন্সন চাদা ৪০ ফাওবা হেনগৎলে অমসুং লান্মীশিংগী তোলোব চাদা ৫৫ ফাওবা হেনগৎলে।

|

প্রধান মন্ত্রীনা হায়খি, হৌজিক সুপর স্পিসিয়েলিতী হোস্পিতাল য়াম্না দরকার ওইরে অমসুং অসিগুম্বা সুপর স্পিসিয়েলিতি হোস্পিতাল অহুম লিংখৎলগনি।

|

প্রধান মন্ত্রীনা হায়খি, আর্মি দে, নেভী দে অমসুং এয়র ফোর্স দেদা লান্মীশিং পুক্নীং থৌগৎনবা অনৌবা থৌরাং কয়া পায়খৎলে। ২০১৭গী ওগস্ত ১৫দা গেলেন্তরি এৱার্দস পোর্তেল হাংদোক্লে। হৌজিক নুপীশিং ফাইত্তর পাইলোত ওইনবগী খুদোংচাবা লৈরে। মখোয়গী নুপা ওফিসরশিংগা চপ মান্ননা সোর্ত সর্বিস কম্মিসনগী নুপী ওফিসরশিং পর্মিনেন্ত কম্মিসন পীরে।

|

প্রধান মন্ত্রীনা হায়খি, ঙাকশেনগী খুৎলায় লৈবদা মপুং ফানা অহোংবা লৈরে। অরোনবা লৈতবা অমসুং খুদিংমক খুদোংবা ফংগদবা সরকারগী থৌরাং লৈরে। মেক ইন ইন্দিয়াদা সরকারনা পুক্নীং থৌগৎলি।

|

প্রধান মন্ত্রীনা হায়খি, য়ু এন পিসকিপ্পিং মিসন ৭০গী মনুংদা ভারত লান্মীনা মিসন ৫০ শরুক য়াখি অমসুং হায়রিবা ওপরেসনশিং অসিদা লান্মী লাখ ২ রোম শরুক য়াখি। ভারত নেভীনা ২০১৬দা পাংথোকখিবা ইন্তর্নেস্নেল ফ্লিত রিভ্যুদা লৈবাক ৫০গী নেভীশিং শরুক য়াখি। চহি খুদিংগী মরুপ-মপাং ওইবা লৈবাকশিংগী লান্মীশিংগা ঐখোয়গী লান্মীনা অচৌবা জোইন্ত এক্সরসাইজ ১০ পাংথোক্লি।

|

মহাক্না হায়খি, ভারত লান্মীগী তৌবা ঙম্বা অমসুং ঐখোয়না মালেমগী ওইনা লৈনরিবা মরি অসিনা মরম ওইদুনা ভারত মহাসাগরদা পাইরেসীগী থবক অঙকপা ফংনা হন্থরে। ভারত লান্মীগী নোংমৈ চংদবা জেক্কেত লাখ ১.৮৬ লৈনবা মতম কয়াগী মমাংদগী তক্নদুনা লাকখি অমসুং হৌখিবা চহি মরি মখাই অসিদা কেন্দ্র সরকারনা নোংমৈ চংদবা জেক্কেত লাখ ২.৩০ লৈরে। কেন্দ্র সরকারনা ভারত লান্মী অসি অনৌবা এয়রক্রাফশিং, হেলিকোপ্তরশিং, সবমেরিনশিং, জহাজশিং অমসুং খুৎলায়শিং পীরে। মতম কয়া পন্দুনা লাক্লিবা ৱারেপশিং অসি লৈবাক্কী য়াইফনবা থবক ওইনা পাংথোকপনি।

|

 

|

 

|

 

|

 

|

প্রধান মন্ত্রীনা হায়খি, নেস্নেল ৱার মেমোরিয়েলগী মথক্ত, নেস্নেল পুলিস মেমোরিয়েলসু লিংখৎলে। সরদার পতেল, বাবাসাহেব অম্বেদকর অমসুং নেতাজী সুভাষ চন্দ্র বোস য়াওনা লৈবাক্কী লুচিংবশিং কেন্দ্র সরকারনা মশক খঙলে। লৈবাক্কী য়াইফনবা ৱাফমশিং মাংদা থমদুনা কেন্দ্র সরকারনা মখা তানা ৱারেপ কয়া লৌখিগনি।

|

 

 

 

 

 

 

 

 

 

 

 

 

 

 

 

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
UPI transactions in Jan surpass 16.99 billion, highest recorded in any month

Media Coverage

UPI transactions in Jan surpass 16.99 billion, highest recorded in any month
NM on the go

Nm on the go

Always be the first to hear from the PM. Get the App Now!
...
PM Modi greets everyone on occasion of National Science Day
February 28, 2025

The Prime Minister Shri Narendra Modi greeted everyone today on the occasion of National Science Day. He wrote in a post on X:

“Greetings on National Science Day to those passionate about science, particularly our young innovators. Let’s keep popularising science and innovation and leveraging science to build a Viksit Bharat.

During this month’s #MannKiBaat, had talked about ‘One Day as a Scientist’…where the youth take part in some or the other scientific activity.”