QuoteWe live in an era in which connectivity is all important: PM Modi
QuoteGovernance cannot happen when the dominant thought process begins at 'Mera Kya' and ends at 'Mujhe Kya’: PM Modi
QuoteAtal Bihari Vajpayee Ji is the 'Bharat Marg Vidhata.' He has shown us the way towards development: PM Modi

প্রধানমন্ত্রী শ্রী নরেন্দ্র মোদীনা ঙসি নোইদা অমসুং দিল্লীগী মরক্তা অনৌবা মেত্রো লিঙ্ক অমা শঙ্গাখ্রে। মহাক্না দিল্লী মেত্রোগী মজেন্তা লাইনগী শরুক অমা শঙ্গাবগী থৌরমদা বোতানিকেল গার্দেন মেত্রো স্তেসন্দা প্লেক অমগী মাইখুম হাংদোকখি। মেত্রো লাইন অসিগী শরুক অমা নোইদাদা লৈবা বোতানিকেল গার্দেনগা খা দিল্লীদা লৈবা কলকাজী মন্দিরগা শম্নৈ। মহাক্না মীয়ামগী ওইবা মীফম অমগীদমক থৌরম মফমদা থুংলদ্রিঙৈদা মেত্রো ত্রেন্দা তোংদুনা ঙৈহাক চৎখি।

|

থৌরম অদুদা ৱা ঙাংলদুনা প্রধানমন্ত্রীনা ‘কৃসমস’কী য়াইফ-পাউজেল পীখি। মহাক্না মসিসু ফোংদোকখি মদুদি ঙসি অসি ‘ভারত রত্ন’ অনি পন্দিৎ মোহন মালবীয় অমসুং হান্নগী প্রধানমন্ত্রী শ্রী অতল বিহারী বাজপেয়ীগী মপোক নুমিৎনি।
মহাক্না হায়খি মদুদি উত্তর প্রদেশকী মীয়ামগী মতেংদগী লৈবাক অসিনা অচেৎপা অমসুং তুং কোইগদবা সরকার অমা ফংজরে। মহাক্না মসিসু হায়খি মদুদি মহাক উত্তর প্রদেশকী মীয়ামগী মীনুংশি অসিগীদমক মতম পুম্নমক্তা মখোয়গী লমন তোল্লবনি।

|

মহাক্না হায়খি মদুদি ঐখোয় মতম অসিদা তশেংনা কনেক্তিবিতী মরু ওইবা যুগ অমদা হিংলি। মহাক্না মসিসু হায়খি মদুদি শঙ্গারিবা মেত্রো লাইন অসিনা হৌজিক্কী মীরোল অসিদা নত্তনা লাক্কদৌরিবা মীরোলদসু মখোয়গী সর্বিস পীগনি। মহাক্না হায়খি মদুদি ২০২২, ঐখোয়না নীং খা তম্বগী চহি ৭৫ শুবগী থৌরম পাংথোকপা মতমদা ঐখোয় পেত্রোল পুশিল্লকপা হন্থবা ভারত অমদা লৈবা অসি মহাক্কী মংলান্নি। মহাক্না হায়খি মদুদি মংলান অসিবু মংফাওনহন্নবা খ্বাইদগী নৌবা মাস ত্রান্সিৎ সিস্তেমগী মথৌ তাই। শ্রী নরেন্দ্র মোদীনা ৱাফম অসিগী মতাংদা পনখি মদুদি হান্নগী প্রধানমন্ত্রী শ্রী অতল বাজপেয়ীজীনা দিসেম্বর ২০০২দা দিল্লী মেত্রোদগী খোংচৎ অমা চৎখি অমসুং মতম অদুদগী হৌদুনা হৌজিক ফাওবা নেস্নেল কেপিতেল রিজন্দা মেত্রে নেৎৱার্ক অসি নীংথিজনা পাকথোক-চাওথোক্লে।

|

প্রধানমন্ত্রীনা অখন্ননা শাফু পীরদুনা হায়খি মদুদি ‘ঐগী করি’ অমসুং ‘ঐবু করি’ হায়বা ৱাফমশিং অসি খল্লিমখৈদি মতিং লৈবা লৈঙাকলোন অমা লৈবা অসি ওইথোক্তে। মহাক্না হয়খি মদুদি অসিগুম্বা মখলগী মীয়েং অসি হৌজিক হোংলক্লে। মহাক্ন মসিসু হায়খি মদুদি কেন্দ্র সরকার অসি রাজনীতিগী কান্নবা লৌনবগীদমক লৈবা নত্তে, জাতিগী কান্নবশিংদা মিৎয়েং থমদুনা ৱারেপ লৌনবনি।

|

প্রধানমন্ত্রীনা হায়খি মদুদি মমাংগী সরকারশিংনা অনৌবা কাংলোন শেম্বদা চাওথোকচবা পোক্নরম্মি। মহাক্না হায়খি মদুদি হৌজিক্কী সরকার অসি কান্নদ্রবা কাংলোনশিং মরু ফংনা মুথৎপা সরকার অমা ওইহনবা পাম্মি। মহাক্না হায়খি মদুদি অরিবা ওইরবা কাংলোনশিংনা ৱারেপ লৌবদা অপনবা ওইহল্লে মরম অসিনা অসিগুম্বা কাংলোনশিং লৈরিমখৈ অফবা লৈঙাক অমা লৈবা ওইথোক্তে।

|

প্রধানমন্ত্রীনা উত্তর প্রদেশকী মুখ্যমন্ত্রী য়োগী আদিত্যনাথবু থাগৎপা ফোংদোকখি অমসুং মহাক্না হায়খি মদুদি অফবা লৈঙাক্তা মহাক্কী অখন্ননা মীৎয়েং চংবা অসিনা রাজ্য অসি অনৌবা মতোল অমদা পুরি। প্রধানমন্ত্রীনা নোইদাদা লাক্তুনা শহর অসিদা লৈরিবা অন্ধবিশ্বাসপু লোইশিনখিবগী মরু মুখ্যমন্ত্রী আদিত্যনাথতা পীখি। প্রধানমন্ত্রীনা হায়খি মদুদি কনাগুম্বনা করিগুম্বা অদুগুম্বা মফম অদুদা চৎত্রবদি মহাক্কী মুখ্যমন্ত্রী ওইবগী মতম কুইনা চৎকনি অমসুং মফম অদুদা চৎলবদি মাক্কী মতম তেনগনি হায়না খল্লবদি অদুগুম্বা মীশক অদু মুখ্যমন্ত্রী ওইবগী মথৌ অমত্তা তাদে।

|

প্রধানমন্ত্রীনা রেলৱেগী হেন্না ফবা ইনফ্রাস্ত্রকচরগীদমক্তা পাইখৎলিবা থবকশিং, লম্বীগী নেৎৱার্ক পাকথোক-চাওথোকহনবা অমসুং রেন্যুএবল ইনর্জীগী লমশিংদা চাওখৎলক্লিবা অদুগী মতাংদসু পনখি। মহাক্না শ্রী অতল বিহারী বাজপেয়ীজীবু ‘ভারত মার্গ বিধাতা’ হায়না কৌখি অমসুং মসিগা লোইননা মহাক্না হায়খি মদুদি শ্রী অতল বিহারী বাজপেয়ীজীনা ঐখোয়বু চাওখৎপগী লম্বী তাকপীখি।

মসিগী মমাংদা মহাক্কী ৱারোল পীরদুনা উত্তর প্রদেশকী মুখ্যমন্ত্রী য়োগী আদিত্যনাথনা প্রধানমন্ত্রী শ্রী নরেন্দ্র মোদীবু থাগৎপা ফোংদোকখি অমসুং হায়খি মদুদি প্রধানমন্ত্রীনা লৈবাক অসিগী রাজনীতিবু অনৌবা ৱাহন্থোক অমা পীবীরে। মহাক্না মসিসু হায়খি মদুদি প্রধানমন্ত্রীনা মতম পুম্নমক্তা মসি হায়দুনতা লাক্লি মদুদি ঐখোয় চাওখৎপগী লম্বীদা চংশিনগদবনি।

Click here to read the full text speech

Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Google CEO Sundar Pichai meets PM Modi at Paris AI summit:

Media Coverage

Google CEO Sundar Pichai meets PM Modi at Paris AI summit: "Discussed incredible opportunities AI will bring to India"
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 12 ফেব্রুৱারি, 2025
February 12, 2025

Appreciation for PM Modi’s Efforts to Improve India’s Global Standing