ঙসি প্রধান মন্ত্রী শ্রী নরেন্দ্র মোদীনা মুম্বাইগী ছাত্রপতি সিবাজি মহারাজ তর্মিনসতা বন্দে ভারত ত্রেন অনি লমথাখ্রে। ত্রেনশিং অদু মুম্বাই-সোলাপুর বন্দে ভারত অমসুং মুম্বাই-সাইনগর সির্দি বন্দে ভারতনি। মুম্বাইদা লম্বী চিনবা ফনবা অমসুং গারিশিং নুংঙাইনা চেনবা য়ানবা লম্বীগী প্রোজেক অনি-সান্তক্রুজ চেম্বুর লিঙ্ক রোদ অমসুং কুরার অন্দরপাস প্রোজেক মীয়ামদা কৎথোকখ্রে।
ছাত্রপতি সিবাজি মহারাজ তর্মিনসকী প্লেতফোর্ম নম্বর ১৮দা থুংলবগা, প্রধান মন্ত্রীনা মুম্বাই-সাইনগর সির্দি বন্দে ভারত য়েংখি। মহাক্না ত্রেনগী ক্রিউশিং অমসুং কোচ মনুংদা লৈরিবা অঙাংশিংগা ৱারি শানখি।
মীয়ামদা ৱা ঙাংবদা প্রধান মন্ত্রীনা হায়খি অহানবা ওইনা নোংমতদা বন্দে ভারত ত্রেন অনি লমথাবা অসি ভারত রেলৱেজগী অচৌবা নুমিৎ অমনি অমসুং মরুওইনা মহারাস্ত্রগী লম্বী-থোঙগী খুমাংচাউশিনবনি। হায়রিবা বন্দে ভারত ত্রেনশিং অসিনা শেন-থুমগী মফমশিং হায়বদি মুম্বাই অমসুং পুনেগা লাইনিংগী মফমশিংদা শম্নহনগনি অমসুং কোলেজ কাবা, ওফিস চৎপা, ললোন-ইতিক, লাইখুরুম্বা অমসুং লৌউ-শিংউগী থবকশিংগী চৎথোক-চৎশিনগী কান্নবা পীরগনি। অনৌবা বন্দে ভারত ত্রেনশিং অসিনা শেংলবা লাইফমশিং হায়বদি সির্দি, নাশিক, ত্রিম্বাকেশ্বর অমসুং পঞ্চাভতি ফাওবা চৎপা লাইহল্লগনি অমসুং তুরিজম চাউখৎনবা ইনোৎ অমা পীরগনি। সোলাপুর বন্দে ভারত এক্সপ্রেসনা সোলাপুআর, পন্ধপুর, অকলকোত অমসুং তুলজাপুর য়ৌবদা হেন্না খুদোংচাহল্লগনি।
প্রধান মন্ত্রীনা হায়খি বন্দে ভারত ত্রেন অসি অনৌবা ভারতকী অচৌবা শক্তম অমনি। মসি ভারতকী খোঙজেল য়াংবা অমসুং পাক-চাউবগী মমি অমনি। হৌজিক ফাওবদা লৈবাক অসিগী রাজ্য ১৭গী জিলা ১০৮ বন্দে ভারত ত্রেন ১০না শম্নহল্লে। ঙসি হৌদোক্লিবা প্রোজেক কয়া অসিনা হিংবদা লাইবা হেনগৎহল্লগনি। ইলেবেতেদ রোদনা ইস্তর্ন অমসুং ৱেস্তর্ন সবঅর্বানগী মফমশিং অমসুং অন্দরপাস শম্নহনগদৌরিবা অসি মরুওইবনি।
প্রধান মন্ত্রীনা হায়খি ২১শুবা চহিচাগী ভারতকীদমক মীয়ামগী চৎথোক-চৎশিন ফগৎহনবা দরকার ওই অমসুং মসিনা মীয়াম হিংবদা লাইহনগনি। মসিগী ৱাখল্লোন্দা অনৌবা ত্রেনশিং, মেত্রো পাকথোক-চাউথোকহনবা অমসুং অনৌবা এয়রপোর্তশিং অমসুং হিথাংফমশিং শেমগৎপনি। অহানবা ওইনা বজেত্তা ইনফ্রাস্ত্রকচর শেমগৎনবা লুপা কোরোর লাখ ১০ খাক্তুনা থম্লে। মসিদা রেলৱেজগী লুপা করোর লাখ ২.৫ য়াওরি। মমাঙদা অমুক্তা ওইখিদ্রিবা মওংদা মহারাস্ত্রাগীদমক রেল বজেত হেনগৎলে অমসুং দবল-ইঞ্জিনগী সরকারগী থবকশিংনা মরম ওইদুনা মহারাস্ত্রাগী লম্বী-থোং য়াংনা চাউখৎলগনি।
প্রধান মন্ত্রীনা হায়খি চহি অসিগী বজেত্তা তোলোপ চাবশিং অমসুং ললোন-ইতিক তৌবশিং অনিমক্কী য়াইফনবা থবকশিং য়াওরে। ২০১৪গী মমাঙদা লুপা লাখ ২দগী হেন্না ইনকম লাকপশিং তেক্স লৌরমখি অদুবু মসি সরকার অসিনা মসি লুপা লাখ ৫দা হেনগৎলে অমসুং হৌজিক চহি অসিগী বজেত্তা লুপা লাখ ৭তা হেনগৎলে। য়ু.পি.এ সরকারদা চাদা ২০ তেক্স পীরম্বশিং হৌজিক তেক্স অমতা পীদ্রে। হৌজিক অনৌবা থবক তৌবশিং শেন হেন্না তুংশিন্নবা খুদোংচাবা অমা লৈরে। চহি অসিগী বজেত্তা ‘সবকা সাথ সবকা প্রায়াস’কী ৱাখল্লোন পুক্নিং থৌগৎকনি হায়বগী থাজবা থম্লি অমসুং বিক্সিত ভারত অমা শেমগৎনবা ইমুং খুদিংমক অমসুং মীওই খুদিংমক পুক্নিং থৌগৎকনি।
থৌরম অদুদা মহারাস্ত্রাগী রাজ্যপাল শ্রী ভাগত সিংহ কোসয়ারি, মহারাস্ত্রাগী চীফ মিনিস্তর শ্রী একনাথ সিন্দে, মহারাস্ত্রাগী দিপুতি চীফ মিনিস্তর শ্রী দেবেন্দ্র ফদনাবিস, য়ুনিয়ন রেলৱেজ মিনিস্তর অশ্বিনি বৈসনো, মাইক্রো, স্মোল অমসুং মেদিয়ম ইন্তরপ্রাইজেসকী য়ুনিয়ন মিনিস্তর শ্রী নারয়ন রানে, রাজ্য মন্ত্রীশিং শ্রী রামদাস অথাৱালে অমসুং শ্রী কাপিল মোরেশ্বর অমসুং মহারাস্ত্রা সরকারগী মিনিস্তরশিং শরুক য়াখি।
নুঙগীৱারোল
ঙসি প্রধান মন্ত্রী শ্রী নরেন্দ্র মোদীনা মুম্বাইগী ছাত্রপতি সিবাজি মহারাজ তর্মিনসতগী লমথাখিবা ত্রেন অনি অদু মুম্বাই-সোলাপুর বন্দে ভারত ত্রেন অমসুং মুম্বাই-সাইনগর সির্দি বন্দে ভারত ত্রেন্নি। মসি অনৌবা ভারত্তা হেন্না খুদোংচাবা অমসুং পেসেঞ্জরশিং নুংঙাইবা চৎথোক-চৎশিনগী মচাক-মথুমশিং শেমগৎনবা প্রধান মন্ত্রীগী পান্দম ফংনবা মাইকৈদা থাংজিল্লকপা মরুওইবা খোঙথাং অমনি।
মুম্বাই-সোলাপুর বন্দে ভারত ত্রেন অসি লৈবাক অসিগী ৯শুবা বন্দে ভারত ত্রেন্নি। অনৌবা মালেম থাক্কী ত্রেন অসিনা মুম্বাই অমসুং সোলাপুর অনিগী মরক্তা চৎথোক-চৎশিন ফগৎহল্লগনি অমসুং মরুওইবা লাইফমশিং হায়বদি সিদ্ধেশ্বর, অকলকোত, তুলজাপুর, পন্ধারপুর অমসুং অলান্দি ফাওবা চৎনবদা খুদোংচাহল্লগনি।
লৈবাক অসিগী ১০শুবা বন্দে ভারত ত্রেন ওইরিবা মুম্বাই-সাইনগর সির্দি বন্দে ভারত অসিনা মহারাস্ত্রাগী মরুওইবা লাইফমশিং হায়বদি নাশিক, ত্রিম্বাকেশ্বর, সাইনগর সির্দি অমসুং সানি শিঙ্গানাপুর য়ৌবদা খুদোংচাহল্লগনি।
প্রধান মন্ত্রীনা মীয়ামদা কৎথোকখিবা সান্তক্রুজ চেম্বুর লিঙ্ক রোদ অমসুং কুরার অন্দরপাসনা মুম্বাইগী লম্বী চিনবা হন্থহল্লগনি অমসুং গারিশিং নুংঙাইনা চেনবা য়াহনগনি। কুরলাদগী বাকোলা ফাওবগী নৌনা শাবা ইলাবেতেদ কোরিদোর অমসুং কুরলাদা লৈবা এম.তি.এন.এল জঙ্কসন, বি.কে.সিদগী এল.বি.সি ফ্লাইওভর ফাওবগী লম্বী অসিনা সহর অসিগী নোংপোক-নোংচুপ শম্নবদা খুদোংচাবা হেনগৎহল্লগনি। হায়রিবা লম্বীশিং অসিনা ৱেস্তর্ন এক্সপ্রেস হায়ৱেদগী ইস্তর্ন এক্সপ্রেস হায়ৱে শম্নহল্লগনি অমসুং ইস্তর্ন অমসুং ৱেস্তর্ন সবঅর্বানশিং হেন্না খুদোংচাহল্লগনি। ৱেস্তর্ন এক্সপ্রেস হায়ৱেগী লম্বী চিনবা হন্থহনবদা কুরার অন্দরপাস অসি য়াম্না মরুওইবা অমনি। মসিনা মীয়াম লম্বী লান্থোকপা য়াহল্লগনি অমসুং গারিশিংশু ৱেস্তর্ন এক্সপ্রেস হায়ৱেগী অচিনবা মরক ফাওদনা চৎথোক-চৎশিন তৌবা য়াহল্লগনি।
आज का दिन भारतीय रेल के लिए, विशेष रूप से मुंबई और महाराष्ट्र की आधुनिक कनेक्टिविटी के लिए बहुत बड़ा है। pic.twitter.com/s4h9FnUvcW
— PMO India (@PMOIndia) February 10, 2023
Vande Bharat trains are a reflection of India's speed and scale. pic.twitter.com/hoNc6WDu2l
— PMO India (@PMOIndia) February 10, 2023
आज देश में आधुनिक ट्रेनें चलाई जा रही हैं, मेट्रो का विस्तार हो रहा है, नए-नए एयरपोर्ट्स और पोर्ट्स बनाए जा रहे हैं। pic.twitter.com/58e4HvqwIk
— PMO India (@PMOIndia) February 10, 2023
इस बार के बजट में मध्यम वर्ग को मजबूती दी गई है। pic.twitter.com/Cs2Wbg8JjF
— PMO India (@PMOIndia) February 10, 2023
