গুরু নানক দেবজীগী পাউতাকশিং অমসুং গুনশিং ঙাক্না চৎনবা প্রধান মন্ত্রী নরেন্দ্র মোদীনা হায়খ্রে। করতারপুর কোরিদোর অমসুং ইন্তিগ্রেতেদ চেক পোস্ত শঙ্গাবগী দেরা বাবা নানক্তা শীনবা অখন্নবা থৌরম অমদা মহাক্না শরুক য়াখি। মহাক্না গুরু নানক দেবজীগী ৫৫০শুবা মপোক নুমিৎকী নীংশিং শেলয়েক অমসু ফোংখি।

|

থৌরম অদুদা প্রধান মন্ত্রীনা হায়খি শেংলবা দেরা বাবা নানক্কী মফম অসিদা লৈবাক্কী মীয়ামদা করতারপুর কোরিদোর কৎথোকপা অসিদা মহাক নুংঙাইবা ফাওই।

ক্বামী সেবা এৱার্দ পীদুনা সিরোমনী গুরুদ্বারা প্রাবন্ধক কমিতীনা প্রধান মন্ত্রী ইকায়খুম্নবা উৎখি। প্রধান মন্ত্রীনা হায়খি মনা অসি মহাক্না শ্রী গুরু নানক দেবজীগী খুয়া থম্বালদা কৎথোকচরি।

|

প্রধান মন্ত্রীনা হায়খি ৫৫০শুবা গুরু নানক জয়েন্তী থৌরমগা মরি লৈননা আই সি পি অমসুং করতারপুর কোরিদোর হাংদোকপা অসি অফবা থৌজাল অমনি অমসুং মসিনা হৌজিক পাকিস্তানদা লৈরিবা গুরুদ্বারা দরবার সাহিব ফাওবা চৎপা লাইরগনি।

লাইখুরুম্বা মীওইশিং ঙমখৈ ফাওবা চৎপা য়ানবা অপীবা মতমগী মনুংদা কোরিদোর শাবগীদমক প্রধান মন্ত্রীনা এস জী পি সি, পঞ্জাব সরকার অমসুং মসি শারিবশিংবু থাগৎখি। প্রধান মন্ত্রীনা পাকিস্তানগী প্রধান মন্ত্রী ইমরান খান অমসুং ঙমখৈগী ৱাংমদা লৈরিবা মসি থবক ওইনা পাংথোকপা ঙমহল্লিবশিংবু থাগৎখি।

প্রধান মন্ত্রীনা হায়খি গুরু নানক দেবজী অসি ভারত খক্তগী নত্তনা মালেম পুম্নমক অসিগী মঙাল অমনি। মহাক গুরু অমা ওইবতা নত্তনা, ঐখোয়গী পুন্সিগী ফিলোসোফী অমসুং য়ুম্বী অমনি। গুরু নানক দেবজীনা ঐখোয়দা অশেংবা গুনশিংনা হিংবগী মরুওইবা অদু তাকপীখি অমসুং ঐখোয়দা পুকচেল শেংবা অমসুং মশা মথন্ত থাজবা থম্বা শেন-থুমগী ফিবম অমা পীরমখি।

|

প্রধান মন্ত্রীনা হায়খি মান্নবা, মচিন-মনাও ওইবা অমসুং খুন্নাইগী অপুনবগী মতাংদা গুরুনা ঐখোয়দা তাকপীখি অমসুং মহাক্না খুন্নাইগী ফত্তবশিং লৌথোক্নবা কন্না হোৎনখি। মসিগী কোরিদোর অসিনা লাইখুরুম্বা চৎপা মীওই লিশিং কয়া মতেং পাংলগনি।

প্রধান মন্ত্রীনা হায়খি হৌখিবা চহি মঙা অসিদা সরকারনা লৈবাক অসিগী ইনাকখুল্লবা হেরিতেজ অমসুং কলচর ঙাক্নবা হোৎনরি। গুরু নানক দেবজীগী ৫৫০শুবা মপোক নুমিৎ অসি লৈবাক শীনবা থুংনা অমসুং মালেম শীনবা থুংনা ঐখোয়গী এম্বেসীশিংদা থৌরম কয়া পাংথোক্লি। গুরু গোবিন্দ সিংহজী ইকায়খুম্নবা উৎতুনা গুজরাতকী জামনাগরদা ফম্মুং ৭৫০ লৈবা অনৌবা হোস্পিতাল অমা শারে।

|

প্রধান মন্ত্রীনা হায়খি নহা ওইরিবা মীরোলশিং কান্নবা ফংনবা য়ুনেস্কোগী মতেংগা লোয়ন্না গুরু বানী মালেমগী লোন কয়াদা হন্দোক্লে। সুলতানপুর লোধী অসি হেরিতেজ তাউন অমা ওইনা শেমগৎলে অমসুং গুরু নানকজীগী মরুওইবা মফমশিংগা শম্নবা অখন্নবা ত্রেন অমা হৌদোক্লে। শ্রী অকল তক, ধাম ধামা সাহিব, তেজপুর সাহিব, কেসগর সাহিব, পাতনা সাহিব অমসুং হুজুর সাহিব ত্রেন অমসুং এয়র শম্নবা হেনগৎহল্লে। অমৃতসর অমসুং নানদেদকী মরক্তা অখন্নবা ফ্লাইত হৌরে। অমৃতসরদগী লন্দন ফাওবগী এয়র ইন্দিয়া ফ্লাইত্তা এক ওমকার পাউজেল তাহল্লে।

প্রধান মন্ত্রীনা হায়খি মালেমগী মফম কয়াদা লৈরিবা সিখ ইমুংশিং কান্নবা ফংনবা মরুওইবা ৱারেপ অমা কেন্দ্র সরকারনা লৌরে। মপান লৈবাক্ত লৈবশিংনা ভারত্তা লাকপদা চহি কয়া থেংনরকপা অৱাবা কোকহল্লে। হৌজিক ইমুং কয়া ভিসা অমসুং ও সি আই কার্দ লৌবা য়ারে। মখোয়না ভারত্তা লৈবা মখোয়গী মরি-মতাশিং লাইনা উনবা অমসুং লাইফমশিংদা চৎপা য়ারগনি।

মহাক্না হায়খি কেন্দ্র সরকারগী অহেনবা ৱারেপ অনিনা সিখ কাংলুপ্তা মতেং পাংলে। অহানবদা আর্তিকল ৩৭০ লৌথোকপা। মসিনা জে অমসুং কে অমসুং লেহদা লৈবা সিখশিং ভারতকী অতৈ মফমশিংদা লৈরিবা নাগরিকশিংগুম চপ মান্নবা হকশিং ফংলগনি। সিতিজেন এমেন্দমেন্ত বিলনা সিখশিং লৈবাক অসিগী নাগরিক ওইবদা মতেং পাংলগনি।

মহাক্না হায়খি গুরু নানক দেবজীদগী হৌরগা গুরু গোবিন্দজী ফাওবা, গুরু কয়া ভারতকী অপুনবা অমসুং সেক্যুরগীদমক মখোয়গী থৱায় কৎখি। ভারতকী নীংতম্নবা সিখ কয়া মখোয়গী থৱায়শিং কৎখি। মসি মশক খঙনবা কেন্দ্রনা থবক কয়া পায়খৎলে। জল্লিয়ানৱালা বাঘ মেমোরিয়েল মতমগা চুনবা মওংদা নৌথোকহল্লে। হৌজিক সিখ মহৈরোইশিং মশানা মশা থবক পীজনবা অমসুং মখোয়গী লৌশিং হেনগৎনবা মিৎয়েং থম্লি। সিখ মহৈরোই লাখ ২৭ রোম স্কোলরসিপশিং পীরে।

Click here to read full text speech

  • Ashok bhai dhadhal September 07, 2024

    Jai ma bharti
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Global aerospace firms turn to India amid Western supply chain crisis

Media Coverage

Global aerospace firms turn to India amid Western supply chain crisis
NM on the go

Nm on the go

Always be the first to hear from the PM. Get the App Now!
...
Former UK PM, Mr. Rishi Sunak and his family meets Prime Minister, Shri Narendra Modi
February 18, 2025

Former UK PM, Mr. Rishi Sunak and his family meets Prime Minister, Shri Narendra Modi today in New Delhi.

Both dignitaries had a wonderful conversation on many subjects.

Shri Modi said that Mr. Sunak is a great friend of India and is passionate about even stronger India-UK ties.

The Prime Minister posted on X;

“It was a delight to meet former UK PM, Mr. Rishi Sunak and his family! We had a wonderful conversation on many subjects.

Mr. Sunak is a great friend of India and is passionate about even stronger India-UK ties.

@RishiSunak @SmtSudhaMurty”