অসামগী ইনফ্রাস্ত্রকচর ফগৎলকপনা মরম ওইরগা আত্মানির্ভর ভারতকী মরু ওইবা সেন্তর অমা ওইরক্লি
প্রধান মন্ত্রী শ্রী নরেন্দ্র মোদীনা অসামগী সিবনগরদা লম লৈজদবা য়েলহৌমীদা লেন্দ এলোৎমেন্ত সর্তিফিকেৎশিং য়েন্থোকখ্রে। থৌরম অসিদা অসাম সরকারগী মুখ্য মন্ত্রী অমসুং মন্ত্রীশিং অমদি কেন্দ্রগী মন্ত্রী শ্রী রামেশ্বর তেলী শরুক য়াখ্রে।
থৌরম অসিদা ৱা ঙাংলদুনা প্রধান মন্ত্রীনা অসামগী য়েলহৌমীশিংগী ইমুং লাখ ১ হেনবদা রাইৎ তু লেন্দ ফংহনদুনা সিবসগরগী মীয়ামগী পুন্সিদা অচৌবা অৱাবা অমা কোকহনখ্রে হায়না ফোঙদোকখ্রে। মহাক্না হায় ঙসিগী থৌরম অসি অসামগী য়েলহৌমীশিংগী মশাগী ইকাই খুম্নবা, নীংখা-তম্বা অমসুং ঙাকশেলগা মরী লৈনৈ। মহাক্না লৈবাক অসিগীদমক্তা কত্থোকখিবা সিবসগরনা লৌখিবা থৌদাং অদু থমখ্রে। অসামগী ইতিহাস্তা সিবনগরগী মরু ওইবা অদু শকখঙলদুনা সরকারনা লৈবাক অসিগী আর্কিওলোজিকেল সাইৎ ৫গী মনুংদা সিবসগর য়াওহন্নবা খোঙথাংশিং লৌখৎলি।
প্রধান মন্ত্রীনা নেতাজিবু মহাক্কী ১২৫শুবা মপোক কুমওন্দা জাতি অসিনা নীংশিংবা ওইনা জনুৱারী ২৩অসি ‘পরাক্রম দিৱস’ ওইনা পালন তৌরি। ঙসি ন্যু ইন্দিয়া শেমগৎনবা ইথিল অসি ঙাক্নবা লৈবাক শিনবা থুংনা পরাক্রম নুমিৎ অসিদা প্রোগ্রাম কয়া পাঙথোকপা হৌখ্রে। মহাক্না হায় নেতাজিগী থৌনা অমসুং কত্থোকখিবা অদুনা হৌজিকসু ঐখোয়দা ইথিল পীরি। মহাক্না ভারত রতনা ভুপেন হজারিকাগী শৈৱেং অদু পল্লদুনা লমগী মরু ওইবা অদু থমখি।
“ও মুর ধরিত্রি আই,
চোরোনোতে দিবা থাই,
খেতিয়োকোর নিস্তার নাই,
মতী বিনে ওহোহাই ।”
মসিগী অর্থদি মালেম ইমা, অদোমগী খুয়াদা ঐহাক্কী মফম অমত্তা পীবিয়ু। লৌমী অমনা নহাক য়াওদ্রবদি করি তৌগনি? লম য়াওদ্রবদি মহাক্তি পাঙ্গল থোক্লরোই।
প্রধান মন্ত্রীনা হায় নীংখা তমখিবা চহি কয়া শুরবসু অসামগী ইমুং কয়ানা লম লৈতনা হিংলমখি। মহাক্না মখা তারদুনা হায় সোনোৱাল সরকারনা শক্তি পাইবা মতমদা ত্রাইবেল লাখ ৬ হেনবনা মখোয়গী লম ক্লেম তৌনবা চে অমত্তা পাইরমদে। মহাক্না সোনোৱাল সরকারগী অনৌবা লেন্দ পোলিসী অমসুং অসাম মীয়ামগীদমক্তা হোৎনরিবা অসিগীদমক্তা থাগৎখ্রে। মহাক্না হায় লমগী লীজনা মরম ওইরগা অসামগী অশেংবা য়েলহৌমীশিংনা মতম শাংনা দাবী তৌরকপা অদু থুংহনবা ঙমখ্রে। মসিনা মীওই মিলিয়ন কয়াগী হিংবগী পুন্সি মহিং ফগৎহন্নবা লম্বীসু ফাৎখ্রে। মহাক্না হায় হৌজিক্তি রাইৎ তু লেন্দ অসি ফংবগা লোইননা বেনিফিসরীশিং অসিদা মখোয়না হান্না ফংলদবা পি.এম. সম্মান নিধি, কিসান ক্রেদিৎ কার্দ, ক্রোপ ইন্সুরেন্স পোলিসী অসিগুম্বা অতোপ্পা স্কীম কয়াগী কান্নবসু পীবা ঙম্লগনি। মসিদা নত্তনা মখোয়না বেঙ্কশিংদগী লোনশিংসু লৌবা য়ারগনি।
প্রধান মন্ত্রীনা হায় অসামগী ত্রাইবেলশিং খোঙজেল য়াংনা চাউখৎহনবা অমসুং ঙাকশেনবা হায়বা অসি সরকার অসিগী ৱাশক্নি। মহাক্না হায় অসামিস লোল অমসুং মখোয়গী লিতরেচর য়োকখৎনবা খোঙথাং কয়া লৌখৎখ্রে। মসিগা মান্ননা কাংলুপ খুদিংমক্কী মশক নাইবা মীওইশিংবুসু ইকাই খুম্নখ্রে। হৌখিবা চহি ৪ মখাই অসিদা লাইনিং-লাইশোনগী ওইবা পুৱারীগী মরু ওইবা পোৎশকশিং য়োকখৎনবা হোৎনরি। মহাক্না হায় কাজিরঙ্গা নেস্নেল পার্কতা লম খোপচিনবা থিংনবা অমসুং মসি চাউখৎহন্নবা খোঙথাং কয়া লৌখৎখ্রে।
প্রধান মন্ত্রীনা হায় মরোমদোম লেপচবা ভারত অমা ওইহন্নবা অৱাং নোংপোক অমসুং অসামগী চাউখৎ থৌরাং খোঙজেল য়াংনা পাইখৎপা মথৌ তাই। অসামগী মরোমদোম লেপচনবা লম্বী অসি অসাম মীয়ামগী থাজবগী খুত্থাংদা চৎকনি। থাজবা হায়বা অসি তঙাই ফদবা ফেচিলিতীশিং অমসুং অফবা ইনফ্রাস্ত্রকচর লৈরবা খক্তদা হেনগৎলক্কনি। হৌখিবা চহিশিং অসিদা লমশিং অসিদা অসামদা অমুক্তা ওইখিদ্রিবা মওংশিংদা থবক পাইখৎখ্রে। অসামদা জন ধন বেঙ্ক একাউন্তশিং অসি লাইরবা করোর ১.৭৫কী হাংখ্রে। একাউন্তিশিং অসিনা মরম ওইরগা কোরোনাগী মতমদা ইমুং লিশিং কয়াগী বেঙ্ক একাউন্তশিংদা হকথেংননা ত্রান্সফর তৌখ্রে। অয়ুশমান ভারত স্কীমনা অসামগী মীশিংগী চাদা ৪০গী ময়াদা কোনশিনবা ঙমখ্রে। মসিগী মনুংদা লাখ ১.৫না লেম্না লায়েংবগী খুদোংচাবা ফংখ্রে। হৌখিবা চহি ৬ অসিদা অসামদা তোইলেৎ কভরেজ চাদা ৩৮তগী চাদা ১০০ হেনগৎহনখ্রে। চহি মঙাগী মমাংদা য়ুমথোং চাদা ৫০দগী তাবা খক্তনা মৈ ফংলমখি হায়রিবা অসি হৌজিক্তি য়ুমথোং চাদা ১০০দা য়ৌবা ঙমখ্রে। হৌখিবা চহি ১.৫ অসিদা অসামদা জল জীবন মিসনগী মখাদা য়ুম লাখ ২.৫ হেনবদা তোতি ঈশিংগী কন্নেক্সন ফংহনখ্রে।
প্রধান মন্ত্রীনা মসিগী খুদোংচাবশিং অসিনা অয়াম্বনা নুপীশিংদা কান্নবা পী। উজজ্বালা য়োজনা এস.সি./এস.তি. লাখ ৪ ওইবা ইমুং লাখ ৩৫দা গ্যাস কন্নেক্সন পীখ্রে। এল.পি.জি. গ্যাস কভরেজ অসি ২০১৪দা চাদা ৪০ ওইরম্বদগী হৌজিক চাদা ৯৯ ওইরে। এল.পি.জি. দিস্ত্রিব্যতরগী মশিং অসি ২০১৪গী ৩৩০দগী হৌজিক ৫৭৬তা হেনগৎখ্রে। কোরোনাগী মতমদা ফ্রী সিলিন্দর লাখ ৫০ হেনবা য়েন্থোকখ্রে। উজজ্বালানা মফম অমগী নুপীশিংগী পুন্সি মহিংদা অহোংবা কয়া পুরক্লে অমসুং অনৌবা দিস্ত্রিব্যুসন সেন্তরশিংনা অনৌবা থবকশিং ফংহল্লে।
মহাক্কী সরকারগী মন্ত্রা সবকা সাথ, সবকা ভিকাস, সবকা, ভিস্বাসকী মতাংদা পল্লদুনা প্রধান মন্ত্রীনা হায় সরকার অসিনা সেক্সন খুদিংমক্তা চাওখৎপগী কান্নবশিং ফংলি। মহাক্না মীরাইবীবনা মরম ওইদুনা মতম কুইনা ৱাদুনা লাক্লবা চাই ত্রাইবকী পুন্সি মহিং ফগৎহন্নবা পাইখৎলিবা খোঙথাং কয়ামরুমগী মতাংদা পনখি। ত্রাইব অসিগী ইমুংশিংদা অমাঙশঙশিং শাবীরে, অঙাংশিং মহৈ তম্বা হকশেলগী খুদোংচাবশিং অমসুং ইম্প্লোইমেন্ত ফংহল্লে। চাই ত্রাইবকী মেম্বরশিং বেঙ্কিং ফেসিলিতীশিং ফংহল্লে অমসুং মখোইগী একাউন্তশিংদা স্কিম কয়ামরুমগী কান্নবশিং হকথেংননা ফংহল্লে। প্রধান মন্ত্রীনা শিন্মী লুচিংবা সন্তোশ তোপনোগী মীতম খিন্দুনা ত্রাইবশিংগী কন্ত্রিব্যুসন অদু মশক খংলে হায়না ফোঙদোকখি।
প্রধান মন্ত্রীনা হায় অসামগী মফম খুদিংমক্তা ত্রাইব খুদিংমক পুনশিনবনা মরম ওইদুনা শান্তি লৈবা অমসুং খুমাং চাওশিনবা মাইকৈদা চংশিল্লি। পুৱারী ওইরবা বোরো এগ্রিমেন্তনা অসামগী চাওরবা মফম অমা হৌজিক্তি শান্তী অমসুং চাওখৎপা মাইকৈদা চংশিল্লে। এগ্রিমেন্ত তৌনখিবগী মতুংইন্না হন্দক্তা পাংথোকখিবা বোরোলেন্দ তেরিতোরিএল কাউন্সিলগী রিপ্রজেন্তেতিবশিংগী মীখলনা চাওখৎপগী অনৌবা পেরাদাইম অমা পুরক্লগনি হায়না প্রধান মন্ত্রীনা আশা তৌরি।
প্রধান মন্ত্রীনা হৌখিবা চহি তরুক্কী মনুংদা কন্নেক্তিবিতী অমসুং অতোপ্পা ইনফ্রাস্ত্রকচরগী মোদর্নাইজেসন তৌনবা পাইখৎখিবা খোঙথাংশিংগী মতাংদা পনখি। অসাম অমসুং অৱাং নোংপোক লমদম অসি এসিয়াগী নোংপোকথংবা লৈবাকশিংগা ভারতকা শম্নহন্নবা মরুওইবা মফমনি। অসাম অসি ইফ্রাস্ত্রকচর ফগৎলকপনা মরম ওইদুনা আত্মানির্ভর ভারতকী মরুওইবা সেন্তর অমা ওইরক্লি। প্রধান মন্ত্রীনা অসামগী খুঙ্গংশিংগী কিলোমিতর লিশিং ১১ শাংবা লম্বীসু পনখি অমসুং দা. ভুপেন হজারিকা সেতু, বোগিবীল থোং, সরাইঘাত থোং অমসুং শাবা লোইখ্রবা নত্রগা শারিবা থোংশিংনা অসামগী কন্নেক্তিবিতী ফগৎহল্লি। মসিগী মথক্তা বাঙ্গলাদেশ, নেপাল, ভুতান অমসুং ম্যান্মারগা শাম্নগদবা ঈশিংগী লম্বীশিংসু মীৎয়েং চংলি। রেল অমসুং এয়র কন্নেক্তিবিতী হেনগৎহনবনা অসামদা ইন্দস্ত্রীগী অমসুং থবক্কী খুদোংচাবশিং হেনগৎহল্লি। লোকপ্রিয় গোপিনাথ বোর্দোলোই ইন্তরনেস্নেল এয়র্পোর্তকী অনৌবা তর্মিনেল অমসুং কস্তম ক্লিয়রেন্স, কোক্রাঝারদা লৈবা রুপসি এয়র্পোর্ত মোদর্নাইজ তৌবা, বোঙ্গাইগাউনদা লৈবা মল্তী মোদেল লোজিস্তিক্সনা অসামগী ইন্দস্ত্রী ফগৎহনবদা অনৌবা শাফু অমা পীরগনি।
প্রধান মন্ত্রীনা হায় অসাম অসি লৈবাক অসিবু গ্যাস-বেজ ইকনোমীগী মাইকৈদা পুরিবা মরুওইবা পার্তনর অমনি। অসামদা ওইল অমসুং গ্যাস ইনফ্রাস্ত্রকচরদা লুপা করোর লিশিং ৪০দগী হেন্না চাদিং তৌরি। গুৱাহাতী বারাওনি পাইপ লাইন অসিনা অৱাং নোংপোক লমদম অমসুং নোংপোক থংবা ভারত শম্নহনবদা মাপঙ্গল কনখৎহল্লগনি। নুমালিগর রিফাইনরী অসি বাইও-রিফাইনরী ফেসিলিতীগা লোইননা হৌদোকখ্রে অমসুং মসিনা অসাম অসি ইথানোলগুম্বা বাইও-রিফাইনরী মরাং কাইনা পুথোকপা লমদম অমা ওইহল্লগনি। লাক্কদৌরিবা এম্স অমসুং ইন্দিয়ন এগ্রিকলচরেল রিসর্চ ইন্সতিত্যুত অসিনা মফম অসিগী নহাশিংদা অনৌবা এভেন্যুশিং পীরগনি অমসুং মফম অসি হকশেল অমসুং এজুকেসনগী হব অমা ওইহল্লগনি হাবরদুনা প্রধান মন্ত্রীনা লোইশিনখি।
