Ayushman Bharat is one of the revolutionary steps of New India
Ayushman Bharat symbolizes the collective resolve and strength of 130 crore people as India: PM ModiAyushman Bharat is a holistic solution for a healthy India: PMলৈবাক অসিদা লায়রবা ইমুং ক্রোর ১০.৭০ হকশেলগী খুদোংচাবা পীনবা পান্দম থম্লিবা মালেমদা খ্বাইদগী চাউবা হেল্থ ইন্সুরেন্স স্কিম অয়ুশ্মান ভারতকী অনৌবা মোবাইল এপ্লিকেসন অমা প্রধান মন্ত্রী নরেন্দ্র মোদীনা হৌদোকখ্রে।
নই দিল্লীদা পাংথোকপা আরোগ্য মনথন লোইশিনবগী থৌরম মপু প্রধান মন্ত্রী নরেন্দ্র মোদীনা ওইখি।
অয়ুশ্মান ভারত প্রধান মন্ত্রী-জন অরোগ্য য়োজনা পি.এম.-জে.এ.ৱাই.গী খনগৎলবা কান্নবা ফংলবা মীওইশিংগা মহাক্কা ৱারী শানখি।
হৌখিবা চহি অমদা স্কিম অসিনা পাংথোকখিবা থবকশিং উৎপা পি.এম.-জে.এ.ৱাই.গী এগজিবিসন অমা মহাক্না য়েংখি।
মহাক্না ‘অয়ুশ্মান ভারত স্তার্ত-অপ গ্রান্দ চেলেঞ্জ’ হৌদোকখি অমসুং থৌরম অদুদা নীংসিং স্তাম্প অমা ফোংখি।
থৌরম অদুদা প্রধান মন্ত্রীনা হায়খি অয়ুশ্মান ভারতকী অহানবা চহি অসি ৱারেপ লৌবা, কৎথোকপা অমসুং অমনা অমদগী তম্বা চহিনি। ঐখোয়না কন্না হোৎনবদগী ঐখোয়না ভারত অসি মালেমদা খ্বাইদগী চাউবা অনা-লায়েংগী স্কিম মাইপাক্না পায়খৎলি।
মহাক্না হায়খি লৈবাক অসিগী লায়রবা খুদিংমক অমসুং নাগরিক খুদিংমক মেদিকেলগী কান্নবশিং ইরাই লাইনা ফংলগনি। মসিগী মাইপাক অসিদা কৎথোকপা অমা য়াওরি অমসুং হায়রিবা কৎথোকপা অদু লৈবাক অসিগী রাজ্য অমসুং য়ুনিয়ন তেরিতোরী খুদিংমক মরি লৈনৈ।
মহাক্না হায়খি, লৈবাক অসিগী লায়রবা মীওই লাখ কয়া লায়নাশিংদগী কন্নবা অচৌবা থাজবা অমা পীরে। মমাংগী চহিদা, কনাগুম্বা মীওই অমগী লম, য়ুম, সনা-লিক্কোন নৎত্রগা অতোপ্পা পোৎলমশিং লায়েংনবা বন্ধোপ থমদ্রবা নৎত্রগা য়োন্দ্রবদি, মদু অয়ুশ্মান ভারতকী অচৌবা মাইপাকপনি।
প্রধান মন্ত্রীনা হায়খি হৌখিবা চহিদা লায়রবা মীওই ৫০,০০০ মখোয়গী জিলা অমসুং রাজ্যগী ৱাংমদা হেন্না ফবা লায়েংগীদমক পি.এম.জে.এ.ৱাই.গী মখাদা কান্নবশিং লৌখি।
প্রধান মন্ত্রীনা হায়খি অয়ুশ্মান ভারত অসি অনৌবা ভারত অমগী অনৌবা অওনবশিংগী মনুংদা অমনি অমসুং মসিনা মীচম মীয়ামগী পুন্সি কন্নবা মরুওইবা থৌদাং অমা লৌবদা নত্তনা মসি লৈবাক অসিগী মীওই ক্রোর ১৩০গী কৎথোকপা অমসুং থৌনাগী খুদম অমনি।
মহাক্না হায়খি অয়ুশ্মান ভারত অসি ভারত পুম্নমক্কী ওইবা থৌরাংনি অমসুং মশা ফবা ভারত অমা শেমগৎনবা অচুম্বা খোংথাং অমনি। মহাক্না হায়খি ভারতকী খুদোংচাদবশিং কোকহন্নবা মচেৎ-মকাই ওইনা সরকারনা খনবগী মহুৎতা ঐখোয়না অপুনবগী ওইনা থবক পায়খৎপদগী মসি ওইরকপনি। লৈবাক অসিগী মফম অমদা লৈবা অনাবশিং অয়ুশ্মান ভারতনা হেন্না ফবা লায়েংগী ফংহল্লি।
অয়ুশ্মান ভারত পি.এম.-জে.এ.ৱাই.না চহি অমা মপুং ফারকপগী নেসনেল হেল্থ ওথোরিতীনা শীন্দুনা পাংথোকপা নুমিৎ নিনিগী থৌরম অমনি আরোগ্য মনথন। হায়রিবা থৌরম অসিগী পান্দমদি মমাং চহিদা স্কিম অসি পাংথোকপদা থেংনবা খুদোংচাদবশিং কোকহন্নবা অমসুং থবক ওইনা পাংথোকপদা হেন্না ফগৎহন্নবা অনৌবা লম্বীশিং থিনবা পি.এম.জে.এ.ৱাই.গী মরুওইবা থৌদাং লৌরিবশিং উনদুনা খন্ননবা মফম অমা পীবনি।
