PM Modi holds talks with Nepalese PM KP Oli to deepen bilateral ties
I have assured Nepal PM Oli that India will cooperate in Nepal's economic and social development: PM ModiNew railway line will be developed from Kathmandu to India: PM Modiপ্রধান মন্ত্রী শ্রী নরেন্দ্র মোদীগী বার্তন ফংদুনা নেপালগী প্রধান মন্ত্রী শ্রী কে.পি. শর্ম ওলী এপ্রিল ৬, ২০১৮দগী এপ্রিল ৮, ২০১৮ ফাওবা রাজ্যগী খোংচৎতা ভারত্তা থুংখ্রে।
এপ্রিল ৭, ২০১৮দা প্রধান মন্ত্রী অনিমক্না লৈবাক অনিগী মরক্তা লৈরিবা তোঙান তোঙানবা মরিশিং অদু পাক্তক্ননা নৌহৌনা য়েংশিনখি। মখোয়না লৈবাক অনিগী সরকার, প্রাইবেৎ সেক্তর অমসুং মীয়ামগী মরক্তা শরুক য়াবা হেঙ্গৎলক্লিবা অদু তরাম্না ওকখি। প্রধান মন্ত্রী অনিমক্না মান্নবা, নাকল অনিগী মরক্তা থাজনবা, ইকাই খুম্নবা অমসুং কান্নবদা য়ুমফম ওইরগা লৈবাক অনিগী ওইবা মরিশিং অসি অনৌবা থাক্তা পুখৎনবা পুন্না থবক তৌমিন্ননবা ৱারেপ লৌখি।
ভারত-নেপালগী মরূপ ওইবগী মরি অসি পুৱারীগী ওইবা অমসুং নাৎকী ওইবা মরি অমদি মীয়ামগী মরক্তা লৈনরিবা মরিশিংদা য়ুমফম ওইরগা শেম্লিবা অদুবু নৌহৌনা নিংশিংলদুনা নাকল অনিগী মরি হেন্না চেৎশিলহন্নবা চাং নাইনা অৱাংবা থাক্কী পোলিতিকেল একচেঞ্জশিং পাংথোকপগী মরূওইবা অদু প্রধান মন্ত্রী অনিমক্না চেৎনা পন্নখি।
ভারতকা লোইননা মরূপ ওইবগী মরিশিং মখা তানা চেৎশিলহন্নবগীদমক মহাক্কী সরকারনা মরুওইবা খোংথাং লৌখৎলি হায়না প্রধান মন্ত্রী ওলীনা ফোংদোকখি। ইকোনোমিক ত্রান্সফোর্মেশন অমসুং চাউখৎ-থৌরাংগীদমক ভারতকী প্রোগ্রেস অমসুং প্রোস্পেরিতীদগী কান্নবা ফংনবা লম্বী অমদা লৈবাক অনিগী ওইবা মরিশিং চাউখৎহন্নবা নেপাল সরকারগী অপাম্বা অদু মহাক্না ফোংদোকখি। নোপাল সরকারগী মরু ওইবশিং অদুগী মতুং ইন্না ভারতনা নেপালগা লোইননা মসিগী শরুক য়ামিন্নবা অসি হেন্না চেৎশিনহন্নবা অচেৎপা ৱাফম থম্লি হায়না প্রধান মন্ত্রী মোদীনা প্রধান মন্ত্রী ওলীগী মফমদা থাজবা পীখি।
‘সবকা সাথ সবকা বিকাস’, ভারত সরকারগী মীৎয়েং অসি য়ুমলোন্নবশিংগা লোইননা ভারতনা শরুক য়ামিন্ননবগীদমক মতেং পীরিবা ফ্রেমৱার্ক অমনি হায়না প্রধান মন্ত্রী মোদীনা ফোংদোকখি। নিংশিংনীংঙাই ওইরবা পোলিতিকেল ত্রান্সফোর্মেশন অমগী মতুংদা মহাক্কী সরকারনা ‘সমৃদ্ধ নেপাল, সুখী নেপালী’ হায়বা ফিদম্নীংঙাই ওইরবা অতেনবা ৱাফম অসিগা লোয়ননা ইকোনোমিক ত্রান্সফোর্মেশন্দা প্রায়োরিতী পীরি হায়না প্রধান মন্ত্রী ওলীনা ফোংদোকখি। প্রধান মন্ত্রী মোদীনা নেপালগী প্রজা মীয়াম অমসুং সরকারবু নেপালদা লোকেল লেবেল, ফেদরেল পর্লিয়ামেন্ত অমদি অহানবা প্রোভিন্সিয়েল মীখলশিং মায় পাক্না পাংথোকপদা নুংঙাইবা ফোংদোকখি।
প্রধান মন্ত্রী অনিমক্না নেপালগী বিরগঞ্জদা শারিবা ইন্তিগ্রেতেদ চেক পোস্ত শঙ্গাখি। অথুবা মতমদা মসি মথৌ তৌহনবনা ক্রোস-বোর্দর ত্রেদ অমসুং পোৎ পুথোক পুশিন তৌবা অমদু প্রজাশিং চৎথোক চৎশিন তৌবা হেঙ্গৎহল্লগনি হায়না মখোয়না থাজবা থমখি।
প্রধান মন্ত্রী অনিমক্না ভারতকী মোতিহারীদা পাংথোকপা, মোতিহারী-অম্লেখগঞ্জ ক্রোস-বোর্দর পেত্রোলিয়ম প্রদক্তস পাইপলাইনগী গ্রাউন্দ ব্রেকিং সেরেমোনীদা শরুক য়াখি।
ম্যুচুয়েল ইন্তরেস্তকী ওইবা মখাগী মরুওইবা লমশিং অসিদা তোঙান তোঙানবা স্তেতমেন্ত অহুম ঙসি ইশু তৌখ্রে (লিঙ্কশিং মখাদা পীরি):
• India-Nepal: New Partnership in Agriculture
• Expanding Rail Linkages: Connecting Raxaul in India to Kathmandu in Nepal
• New Connectivity between India and Nepal through Inland Waterways
প্রধান মন্ত্রী ওলীনা, বার্তন তৌরকপা, অমদি মহাক অমসুং মহাক্কী মীহুৎ কাংবুদা পীবীরিবা অতিথী সেবা অদুগীদমক প্রধান মন্ত্রী মোদীবু থাগৎপা ফোংদোকখি।
নেপালদা অথুবা মতমদা লাকপীনবা প্রধান মন্ত্রী ওলীনা প্রধান মন্ত্রী মোদীগী মফমদা বার্তন অমা খুৎশিন্নখি। প্রধান মন্ত্রী মোদীনা বার্তন অদু তরাম্না লৌখি; দিপ্লোমেতিক চেনেলগী খুত্থাংদা অক্নবা মতম অদু লেপকনি।
