স্বিস ফেদরেসনগী রাষ্ট্রপতি হিজ এক্সিলেন্সী,
ইকাইখুম্নজরবা স্তেৎ অমসুং সরকারগী মকোকশিং,
ৱার্ল্দ ইকোনোমিক ফোরমগী ফাউন্দর অমসুং এগজিক্যুতিব চেয়রমেন শ্রী ক্লোজ স্বাব,
মালেমগী অহল ওইরবা অমসুং শক্নাইরবা ইন্ত্রপ্রিনর, ইন্দস্ত্রিয়েলিস্ত অমসুং সিইওশিং,
মীদিয়াগী মরূপশা, ইবুংঙো অমসুং ইবেম্মশিং,
খুরুমজরি।
দেবোস্তা ৱার্ল্দ ইকোনোমিক ফোরমগী পুৱারী ওইরবা চহি নিফুনিপাল্লক শুবা মীফমদা শরুক য়াজবা ঐহাক থাঙ্গৈশেংনা নুংঙাইবা পোকচৈ। ইহান হানবদা ঐনা শ্রী ক্লোজ স্বাবপু মহাক্কী খোংথাং অসিগীদমক অমসুং ৱার্ল্দ ইকোনোমিক ফোরম্বু অচেৎপা অমসুং পাক চাওরবা ফম্বাক অমা ওইহনবীবগীদমক হন্না হন্না থাগৎপা ফোংদোকচরি। মহাক্কী ভিজন্দা অচৌবা অনীংবা এজেন্দা অমা য়াওরি মসিগী পান্দমদি মালেমগী ফিভম ফগৎহনবনি। মহাক্না এজেন্দা অসিবু শেনমিৎলোন অমসুং রাজনীতিগী ওইবা ৱাখল্লোনগা লোইননা য়াম্না অচেৎপা মওংদা শাফু পীরি। লোইননা ঐখোয়বু হরাও তয়াম্না ওকপীবগীদমক ঐনা স্বিৎজর্লেন্দ সরকার অমসুং মখোয়গী মীয়ামগী মফমদা তৌবীমল খঙবা ফোংদোকচরি।
মরূপশা,
দেবোস্তা ইকোন কোনবা ওইনা ভারতকী প্রধানমন্ত্রীগী খোংচৎ ইং কুমজা ১৯৯৭তা শ্রী দেবে গৌড়ানা মফম অসিদা লাকখিবা অদুনা ওইখি। ১৯৯৭দা ভারতকী জিদিপি অসি শুপ্নগী দোলর বিলিয়ন ৪০০দগী খজিক্তমক হেনখি। হৌজিক চহি তরাগী খুজিং অনিগী মতুংদা শরুক তরুক ওইরে। চহি অদুদা ফোরম অসিগী হিরম “বিল্দিং দ নেৎৱার্ক সোসাইতী” ওইরম্মি। ঙসি চহি ২১গী মতুংদা তেক্নোলোজী অমসুং দিজিতেল এজকী মথৌ তাবা অমসুং মরু ওইবদুবু য়েংলুরগা হিরম অসি য়াম্না লিবা ওইনা থোক্লে। ঙসি ঐখোয় শুপ্নগী নেৎৱার্ক সোসাইতী খক্তা নত্তনা বিগ দেতা, আর্তিফিসিএল ইন্তিলিজেন্স লোইননা কোবোৎকী তাইবংদা লৈরি। ১৯৯৭তা য়ুরোগী শেল চৎনরমদে। অমসুং এসিয়ান ফাইনান্সিয়েল ক্রাইসিসকী মতাংদা মফম-মরাং অমত্তা খঙলমদে, ব্রেক্সিৎকী মরমদসু খন্নরমদে। ১৯৯৭তা মীওই খরা খক্তনা ওসমা বিল লাদেনগী মরমদা তারম্মি অমসুং হেরী পোত্তরগী মিংসু খঙনরমদে। মতমদুদা শত্রংগী শান্নরোইনা কম্প্যুতরগী খুত্তা মাইথিবা ফংগনি হায়বগী থোইনা অকিবা লৈনরমদে। মতমদুদা সাইবর স্পেস্তা গুগলনা শাফোংলদ্রি।
অমসুং করিগুম্বা ১৯৯৭তা অদোম্না ইন্তর্নেত্তা ‘অমাজোন’ হায়বা ৱাহৈ অসি থিরবদি অদোম্না তুরেলশিং অমসুং শুক্লবা উমংশিংগী মরমদা ফংগনি। মতম অদুদা ত্বীৎ তৌবা অসি উচেকশিংগী মথৌ ওইরম্মি, মীওইবগী নত্তে। মদু হৌখ্রবা চহি চানি।
ঙসি, চহি তরাগী খুজিং অনিগী মতুংদা ঐখোয়গী খুন্নাই অসি য়াম্না কম্প্লেক্স ওইবা নেৎৱার্কশিংগী নেৎৱার্ক লৈরে। মতম অদুদা দেবোস অসি মাংজিল থাখ্রে, অমসুং ৱার্ল্দ ইকোনোমিক ফোরম অসি তুংলমচৎকী লমজিংলোই অমা ওইখ্রে। ঙসিসু দেবোস মাংজিল থারি।
চহি অসিগী ফোরমগী হিরম – “ক্রিয়েতিং এ শ্যার্দ ফ্যুচর ইন এ ফ্রেকচর্দ ৱার্ল্দ”নি। হায়বদি ময়ি চৎলবা মালেম অসিদা শ্যার্দ ফ্যুচর শেমগৎপা। অনৌ অনৌবা অহোংবনা, অনৌ অনৌবা পাঙ্গলশিংনা শেনমিৎলোনগী মতিক অমসুং রাজনীতিগী ওইবা পাঙ্গল অসি হোংদোক্লি। মসিদগী মালেমগী শক্তমদা তুং কোইগদবা মমি অমা উবা ফংলক্লি। মালেমগী মাংদা ইং-তপ্পা, তংদু-লৈতাবা অমসুং ঙাক-শেলগী মতাংদা অনৌবা অরুবা শিংনবা কয়া লৈরি।
তেক্নোলোজী দ্রাইভন ত্রান্সফোর্মেসন অসিনা ঐখোয়না লৈরিবা, থবক তৌবা, থবক-থৌওং, ৱারি-ৱতাই অমসুং মালেমগী লুপশিং অমসুং রাজনীতি লোইননা শেনমিৎলোন ফাওবদা য়াম্না লুথনা ইথিল পীরি। তোক্নোলোজীগী – লোইনবা, লৈথোকপা অমসুং থুগাইবা – মাইকৈ অহুম অসিগী অচৌবা খুদম অমা সোসিয়েল মীদিয়া শিজিন্নবদা উবা ফংলি। ঙসি দেতা অসি খ্বাইদগী চাওবা লন ওইরি। দেতাগী গ্লোবেল ফ্লোনা খ্বাইদগী চাওবা খুদোংচাবা অমা পীররি, অমসুং খ্বাইদগী চাওবা শিংনবসু ওইররি। দেতা চাওনা চাওনা শেম্নরক্লি। মখোয়বু খুদুম চন্নবা লমজেল তান্নরি। মরমদি, দেতাবু খুদুম চনবা ঙম্বা অদুনা তুংলমচৎতা খুদুম চনবা ঙমগনি হায়না লৌনরি।
মতৌ অসুম্না সাইবর সেক্যুরিতী অমসুং ন্যুক্লিয়র সেফতীগী লমদসু খোংজেল য়াংনা হোংলক্লিবা তেক্নোলোজী অমসুং মাং-তাকহনবা পাঙ্গলশিং হেনগৎলকপনা হান্নদগী লৈরক্লবা শিংনবশিং অমুক্কা হেন্না অরুবা ওইহল্লে। সাইন্স, তেক্নিক অমসুং শেনমিৎলোনগী খোংহৌনা অমরোমদা মীওইবগী চাওখৎ-থৌরাংদা অনৌবা লম্বী তাক্লি। অদুগা অতোপ্পা মাইকৈরোমদনা অহোংবশিং অসিনা চৈনা কয়া পীবা ঙম্বা অসিগুম্বা লৈক্রকশিংসু চৎহল্লি। অহোংবা কয়ামরুম্না মীওইবা জাতিগী ইং-তপ্পা অমসুং চাওখৎপগী লম্বীদা অপনবতা নত্তনা অৱাবা কয়াসু ওইহল্লি। ফ্রেকচরশিং অসিনা, দিবাইদশিং অসিনা অমসুং বেরীজশিং অসিনা চাওখৎ-থৌরাং থিন্থহনবতা নত্তনা, লাইরবশিংগীতা নত্তনা, খুদোংচাবা কয়া মাংহল্লি অমসুং মহৌশিগী অসুং তেক্নিক্কী পাম্বৈশিংদসু খুদুম চনশিল্লক্লি।
ঐখোয়গী মালেমগী-থৌরাং অসিনা অসিগুম্বা লৈক্রকশিং অমসুং লাপথোক্নহল্লিবশিং অসিদা ইনোৎ হাপ্লিবরা? করম্বা পাঙ্গলনা নুংশি-চান্নবগী মায়োক্তা ইনশিল্লিবনো, তেংবাং পীনবগী মায়োক্তা লেপ্ননবা ইনশিল্লবনো? অদুগা ঐখোয়গী মফমদা করম্বা পাম্বৈনা, করম্বা লম্বীনা অসিগুম্বা লৈক্রকশিং অসিবু মেনশিন্দুনা ফজরবা অমসুং তুংলমচৎতা তেংবাং পীনবগী মংলান অসিবু মংফাওনহনবা ঙমগনি?
মরূপশা,
অতোপ্পা অচৌবা শিংনবা অমদি তেরোরিস্তনি। মসিগী মতাংদা ভারতকী অৱাবশিং অমসুং মালেম অপুম্বদা মীওইবা খুন্নাইগীদমক অচৌবা খুদোংথিবা অসিদগী হেনগৎলক্লিবা অমসুং হোংলক্লিবা মশক অসি অদোম্না নীংথিজনা খঙবীরিবনি। ঐনা মফম অসিদা শুপ্নগী মাইকৈ অনিখক্তা অদোমগী মিৎয়ং চিংশিঞ্জবা পাম্মি। অদুক্কি মতিক তেরোরিস্তনা খুদোংথিবা ওইরিবা অদুদগী গুদ তেরোরিস্ত অমসুং বেদ তেরোরিস্তকী মরক্তা শেম্লিবা আর্তিফিসিয়েল ওইবা খেন্নবা অসিনা হেন্না খুদোংথিবা ওইরি। অনিশুবা মতম অসিগী অরুবা ৱাফম, মসিগী মতাংদা ঐনা অদোমগী ৱাখল চিংশিঞ্জবা পামজরিবা অসি লাইরিক-লাইশু হৈরবা অমসুং মতিক চারবা নহারোলশিংনা রেদিকেলাইজ তৌদুনা তেরোরিস্তা তিনখিবা অসিনি। ঐনা থাজৈ মদুদি ফোরম অসিদা তেরোরিস্ত অমসুং হিংসাগী লৈক্রকশিংদগী, মখোয়না মরম ওইদুনা পোক্লক্লিবা ফ্রেকচরদগী ঐখোয়গী মাংদা তারিবা অরুবা শিংনবশিং অসিদা অমসুং মসিবু লোইশিন্নবগী মতাংদা ৱারি-ৱাতাই তৌগনি।
মরূপশা,
অহুমশুবা শিংনবদা ঐনা মসি উরি মদুদি খুন্নাই অমসুং লৈবাক কয়া ওইজবা থিবা হেনগৎলক্লি। অসুম্না খল্লি মদুদি গ্লোবেলাইজেসন অসি মিং অসিগী ওন্নবদা পীকশিলহল্লক্লি। অসিগুম্বা মখলগী ৱাখল্লোন অমসুং অরানবা মরুওইবশিংগী ফত্তবা ফল অসি ক্লাইমেৎ চেঞ্জ নত্রগা তেরোরিজমগী খুদোংথিবদগী হন্থনা লৌবা য়ারোই। অদুম ওইনমক পুম্নমক্না ইন্তর্কনেক্তেদ ৱার্ল্দগী মতাংদা ঙাংলি অদুবু গ্লোবেলাইজেসনগী মশেক-মঙালদি হন্থরক্লি। য়ুনাইতেদ নেসনগী ফিদম হৌজিকসু ইন্নরি। ৱার্ল্দ ত্রেদ ওর্গনাইজেসনসু পাক চাওরি। অদুবু অনিশুবা মালেমগী লাঞ্জাও মতুংদা শেমখিবা মালেমগী লুপশিংগী মশক, থৌরাং অমসুং মখোয়গী থবক-থৌরমশিংদা, ঙসিগী মীওইশিংগী অপাম্বা অমসুং মখোয়গী মংলানশিং, ঙসিগী অচুম্বশিং অসিবু ফোংদোক্লিবরা?
অসিগুম্বা লুপশিংগী অরিবা থৌরাং অমসুং ঙসিগী মালেমদা মরু ওইনা মশিং য়াম্না চাওখৎলক্লিবা লৈবাকশিংগী মথৌ তাবশিংগী মরক্তা অচৌবা লৈক্রক অমা লৈরি। গ্লোবেলাইজেসনগী ওন্নবদা প্রোতেক্সনিজমগী থৌনানা মকোক থিনগৎক্লি। মশাবু গ্লোবেলাইজেসন্দগী কঞ্জবা খক নত্তনা গ্লোবেলাইজেসনগী মহৌষাগী ওইবা মশক অদুসু হোংদোকপা মখোয়না পাম্মি। মসিগী ফল অমা ওইনা অনৌ অনৌবা মখলগী তারিফ অমসুং নন-তারিফ বেরীয়রশিং উবা ফংলি। নাকল অনিগী অমসুং নাকল ময়ামগী ওইবা লোন-ইতিক্কী ওইবা য়ানা ৱারোল অমসুং নেগোসিয়েসনশিং লেপখ্রবগুম্লে, ক্রোস-বোর্দর ফাইনান্স ইনভেস্তমেন্তা লৈবাক অয়াম্বনা হনথরে। অমসুং গ্লোবেল সপ্লাই চেনশিংগী শাহৌসু লেপখ্রে। গ্লোবেলাইজেসনগী মায়োক্তা ৱানীংঙাই ওইবা ফিভমগী পাম্বৈ তোঙান্না লৈত্রে। মসিগী পাম্বৈ অসি অহোংবশিংবু ৱাখল তাবা অমসুং মদুবু য়াবা অসিনা ওইরি, হোংলক্লিবা মতমগা লোইননা অচেৎপা অমসুং অনোপ-অতিং নাইবা থৌরাংশিং শেম্বনা ওইরি। ভারতকী জাতিগী মপা মহাত্মা গান্ধীনা হায়বীরম্মি, “ঐগী য়ুমগী থোং অমসুং ফক্লাংশিং মাইকৈ পুম্নমক্তগী থিংজিনবা ঐহাক পামদে। লৈবাক পুম্নমক্কী নাৎশিংগী নুংশিৎ ঐগী য়ুমদা মনীং তম্না য়ৌরকপদু ঐনা পাম্মি। অদুবু অদুগুম্বা নুংশিৎ অদুনা ঐগী খোং হুমদোকহনখিবদি ঐনা য়ারোই।” ঙসিগী ভারতনা মহাত্মা গান্ধীগী ৱাখল্লোন অমসুং ফিদম অসিবু ইঞ্জদুনা মপুং ফানা ইশাবু থাজজবা অমসুং ৱাখল তাজবগা লোইননা মালেম পুম্নমক্তগী পুন্সি শাংহল্লিবা ইথকশিং তরাম্না ওকচরি।
মরূপশা, ভারতকী লোক্তন্ত্র অসি দেশকী তংদু লৈতাবা, অরেপ্পা অমসুং তুং কোইবা চাওখৎ-থৌরাংদা য়ুম্ফম ওই। লাইনীং-লাইশোন, নাৎ, লোল, ফিজেৎ-চাকশেৎ অমসুং চাকচা-ইথক্কী মশিং লাংঙমদ্রবা মখল-মখাতনা পীক থল্লিবা ভারতকীদমক্তা লোক্তন্ত্র অসি শুপ্নগী রাজনীতিগী থৌরাং খক্ত নত্তনা পুন্সিগী ৱাঙুলোন অমসুনি, পুন্সিগী মওং অমসুনি। মখল মখাগী অপুনবা অদু অফবা ৱাখল্লোন, তেংবাংনবা অমসুং ৱাশক্কী অপুনবা অদুদা হোংদোক্নবগীদমক লোক্তন্ত্রগী ওইবা ফিভম অমসুং নীং খা তম্বগী মগুন করিনো হায়বা ঐখোয় ভারত মচাশিংনা তশেংনা খঙই অমসুং ৱাখল তাই। ভারতকী লোক্তন্ত্র অসিনা ঐখোয়গী মখল-মখাশিং অসিবু য়োকপ-থাকপা খক্তা নত্তনা কোতি চামা কুনমঙাদগী হেল্লবা ভারত মচাশিংগী নীংজবশিং, অপাম্বশিং অমসুং মখোয়গী মংলানশিংবু মপুং ফাহন্নবগীদমক, মখোয়গী অপুনবা চাওখৎ-থৌরাংগীদমক মথৌ তাবা ফিভমশিং, রোদ মেপ অমসুং তেম্প্লেৎসু পুথোক্লি।
ঐখোয়না থাজৈ মদুদি ঐখোয় পুন্না চৎমিন্নবা ঙম্লবা অদুতদা প্রোগেস অসি প্রোগেস ওই, চাওখৎপা অসি অশেংবা ৱাহন্থোক্তা চাওখৎপা ওই। ঐখোয়না ঐখোয়গী শেনমিৎলোন অমদি খুন্নাইগী থৌরাংশিংদা শুপ্নগী শেমদোকপা মচা-মশু খক পাইখৎপা নৎত্রি, মপুং ফানা মশক হোংদোক্লি। ঐখোয়না খল্লিবা লম্বী অসি রিফোর্ম, পার্ফোর্ম অমসুং ত্রান্সফোর্মনি। ঙসি ঐখোয়না ভারতকী শেনমিৎলোন্দা মতৌ অসুম্না ইনভেস্তগীদমক্তা লাইথোকহল্লিবা অসিগী অমাংবা অমত্তা লৈতে। মসিগী মরম্না ঙসি ভারত্তা ইনভেস্ত তৌবা, ভারত্তা লাকপা, ভারত্তা থবক তৌবা, ভারত্তা মেন্যুফেচর তৌবা অমসুং ভারত্তগী ঐখোয়গী প্রদক্তশিং অমসুং সার্বিসশিং মালেম অপুম্বদা এক্সপোর্ত তৌবা, পুম্নমক হান্নগীগা য়েংনরুবদা য়াম্না লাইরে। ঐখোয়না লাইসেন্স-পর্মিৎ রাজবু মরু ফংনা মুথৎনবা লেপনখ্রে। রেদ তেপ লৌথোক্তুনা রেদ কার্পেৎ থারি। চাওরাক্না শেনমিৎলোনগী লম পুম্নমক্তা ফোরেন দাইরেক্ত ইনভেসমেন্তকীদমক্তা হাংদোক্লে। চাদা ৯০দগী হেন্না ওতোমেতিক রুত্তা ইনভেস্ত তৌবা য়াহল্লে। কেন্দ্র অমসুং রাজ্য সরকারশিংনা পুন্সিন্দুনা রিফোর্ম কয়ামরুম পাংথোক্লে। অরিবা কাংলোন ১৪০০ রোমদগী হেনবা, ব্যুজিনেস তৌবদা, লৈঙাকপদা অমসুং মীচম-মীয়ামগী পুন্সিদা চয়েৎনবা পীরিবা অসিগুম্বা অরিবা কাংলোন কয়ামরুম ঐখোয়না লোইশিনখ্রে।
নীং খা তম্বগী চহি ৭০ ভারতকী পুৱারীদা অহানবা ওইনা লৈবাক অসিদা অমত্তা ওইবা তেক্স সিস্তেম অমা গুদ্স অমসুং সার্বিস তেক্স – জিএসতি ওইনা চৎনহনখ্রে। অরোন-অথুপ লৈতনবা অমসুং একাউন্তেবিলিতী হেনগৎহন্ননবা ঐখোয়না তেক্নোলোজী শিজিন্নবা হৌরক্লি। ভারতপু ত্রান্সফোর্ম তৌননবগী ঐখোয়গী ৱাশক অমসুং ঐখোয়গী হোৎনবা অসি মালেম পুম্নমক্কী ব্যুজিনেস কম্যুনিতীনা তরাম্না ওক্লি। ভারত্তা দেমোক্রেসী, দেমোগ্রাফী অমসুং দাইনামিজম পুন্সিন্দুনা দিব্লপমেন্ত অসি পাংথোক্লি, দেস্তিনীগী মশক শেম্লরি। অদুবু হৌজিক্তি ঐখোয়গী সরকারগী থৌশিলনা, মতিং লৈবা খোংথাংশিংনা ফিভমশিং হোংদোরক্লি। চাওরাক্না চহি অহুম মখাইগী মনুংদা তুং কোইবা অমসুং অচৌবা অহোংবা ভারত্তা পাংথোকখ্রবা অমসুং পাংথোক্লিবা অসি ভারত মচা কোতি লাখ চাম্মা কুন মঙাগী অনীংবা, মখোয়গী থৌনা অমসুং মখোয়গী অহোংববু তরাম্না ওকপগী থৌনা অদুগী মগুন্ননি। হৌজিক ভারতকী মীয়াম, ভারতকী নহারোলনা ২০২৫দা দোলর ত্রিলিয়ন ৫গী শেনমিৎলোন শেমগৎপদা শরুক য়ানবা শেম শারে।
মসিদা নত্তনা, ইনোবেসন অমসুং ইন্ত্রপ্রিনরশিপকী থোংদা মখোয় জোব-সীকর নত্তবা, জোব গিবর ওইরক্লগদি, মখোয়গী লৈবাক্কীদমক্তা অমসুং অদোমগী ললোন-ইতিক তৌনবগীদমক্তা লম্বী কয়া-মরুম হাংদোক্লক্কনি হায়বদু খন্দুনা য়েংবীবা য়াগনি। অদোম পুম্নমক মালেমগী অথোইবা লুচীংবা ঙাক্তনি, অমসুং মালেমদা ওইরক্লিবা অহোংবশিংদা, ভারতকী রেঙ্কিং অমসুং রেতিংদা হেনগৎলক্লিবা অসি অমসুং তুংগীদমক্তা ঐখোয়না খল্লিবা লম্বী অসি – পুম্নমক অসি অদোম্না ময়েক শেংনা খঙবীরিবনি। অদুবু মসি পুম্নমক অসিদগী হেন্না মরু ওইরিবদি ভারতকী মীয়াম্না ঐখোয়গী থৌরাংশিংগী, ঐখোয়গী তুংলমচৎতা অহোংবা পুরক্নবগীদমক পাইখৎলিবা অনৌবা খোংথাংশিং অমসুং অফবা তুংলমচৎকী নীংথিজরবা খুদমশিং তরাম্না ওক্লিবা অসিনি।
মরূপশা,
মালেমদা লৈরিবা মখল খুদিংমক্কী ফ্রেকচর অমসুং মখল খুদিংমক্কী লৈক্রকশিং য়েংলুরগা, শ্যার্দ ফ্যুচরগীদমক্তা ঐখোয় মাইকৈ কয়ামরুমদা পুক্নীং চংবা তঙাই ফদ্রে। খ্বাইদগী অহানবদা মথৌ তারিবদি মালেমগী অচৌবা পাঙ্গলশিংগী মরক্তা তেংবাং পীনবগী মরি থম্নবনি। মালেমগী মকোক থোংবা লৈবাকশিংগী মরক্তা অথোই-অহেন তান্নবনা মরম ওইদুনা মখোয়গী মরক্তা পল অমা লৈহন্দবা তঙাইফদে। শরুক য়ামিন্নরিবা শিংনবশিং মায়োক্ননবা ঐখোয়না খেন্নবা ৱাখল্লোন থাদোক্তুনা লার্জর ভিজন অমগী মখাদা অমত্তা ওইনা পুন্সিন্দুনা থবক তৌমিন্নগদবনি। অনিশুবা মথৌ তারিবনা কাংলোনশিংদা য়ুম্ফম ওইবা মালেমগী ওইবা থৌরাংশিং ঙাক্না চৎপা অসি হান্নদগী হেন্না মরু ওইরে। মরু ওইনা ঐখোয়না ঐখোয়গী মাইকৈ মরিদা ওইরক্লিবা অহোংবা অদুনা অরেপ্পা লৈতবা অমা পোকহনবা য়াবা অদুগুম্বা মতম অদুদগী হৌরকপদা মালেমগী কাংলোনশিং অমসুং নীয়মশিংগী অশেংবা স্প্রিৎ ঙাকপা মথৌ তাই। অহুমশুবা মরু ওইরিবা ৱাফমদি মালেমগী অথোইবা রাজনীতিগী ওইবা, শেনমিৎলোন অমসুং ঙাক-শেলগা মরি লৈনবা লুপশিংদা হোংদোকপা অদুক্কী মতিক মথৌ তাই। মখোয়দা শরুক য়ামিন্নবা অমসুং মীয়াম লৈঙাক্কী ওইবা খোঞ্জেলগী মনুং চন্না ইনোৎ হাপকদবনি। মরিশুবা মরু ওইবা ৱাফম্না ঐখোয়না মালেমগী শেনমিৎলোনগী শাহৌদা অমুক্কা হেন্না খোংজেল হাপ্পা তাই। মসিগী মতাংদা মালেমগী হন্দক্কী ইকোনোমিক গ্রোথকী খুদম অদু পুক্নীং থৌগৎনীংঙাইনি। তেক্নোলোজী অমসুং দিজিতেল রিবোলুশন্না অসিগুম্বা অনৌবা পাম্বৈশিংগী ওইথোকপা হেনগৎহল্লি মসিনা মরম ওইদুনা লাইরবা অমসুং থবক ফংদবগুম্বা অরিবা সমস্যাশিং অমসুং শিংনবশিংবু মকোক্তগী হৌনা মায়োক্নবা ঙমহল্লি।
মরূপশা,
অসিগুম্বা মখলগী হোৎনবশিংদা ভারতনা মতম পুম্নমক্তা তেংবাং পীনবগী খুৎ তিংথোক্তুনতা লাক্লি। ঙসি খক্তদগী নত্তনা, ঐখোয়গী নীং তম্বা ফংলবা মতমদগীতা নত্তনা থাইনগী মতমদগী ভারতনা শিংনবশিংগা মায়োক্নবদা পুম্নমক্কী মতেং পাংদুনতা লাক্লি। হৌখিবা চহি চাদা মালেম্না অনিশুবা মালেমগী লাঞ্জাওগী অৱাবা খাংবা মতম অদুদা ঐখোয়গী লনাইগী কান্নবা অমত্তা য়াওদ্রবসু, শেনমিৎলোনগী অমসুং লমগী কান্নবা অমত্তা থিরুদ্রবসু ভারতনা শান্তি অমসুং মীওইবা জাতিগী অৱাংবা ফিদম অদুগী ঙাক-শেলগীদমক লেপখি। ভারতকী লান্মী লাখ অমা মখাই হেন্না থৱাই থাখি। মসি অদুগুম্বা ফিদম অদুনি মদুগীদমক্তা য়ুনাইতেদ নেসন লিংখৎলবা মতুংদগী ভারতনা য়ুএন পিচ কিপিং ওপরেসনদা লান্মীগী খ্বাইদগী য়াম্লবা মশিং অমা কৎখি। মসি অদুগুম্বা ফিদম অদুনি মদুগী ইথিল অমসুং থৌনানা ঐখোয়বু অৱাবা তারবা অমসুং মহৌশানা থোকহনবা খুদোংথিবগী মতমদা ঐখোয়গী য়ুমলোন্নবা মরূপ ওইরিবা লৈবাকশিং অমসুং মীওইবা জাতিগী মতেং পাংনবগীদমক পুক্নীং থৌগৎলি। নেপালগী য়ুহা হাববু ওইরো, নত্রগা ঐখোয়গী অতোপ্পা য়ুমলোন্নবা লৈবাক নত্রগা মরূপ ওইরিবা লৈবাকশিংদা ইচাও, নোংলৈ-নুংশিৎ নত্রগা অতোপ্পা মহৌশানা থোকহনবা অমাং অতাবু ওইরো। ভারতনা ফার্স্ত রেস্পোন্দর অমা ওইনা তংবাং য়ৌহনবা অসি ঐখোয়গী মরু ওইবা থৌদাং ওইনা লৌই। য়েমেনদা হিংসাগী খুবামনুংদা ভারত্তা নত্তনা মালেমগী লৈবাক কয়ামরুমগী মীয়াম্না তাবা হৌরক্লবদা ঐখোয়না রিসোর্সশিংগী পাম্বৈনা ভারত মচা খক্তা নত্তনা অতোপ্পা লৈবাকশিংগী মীওই লিশিং ২ রোমসু মফম অদুদগী তেক্তা কাইদনা লৌথোকখি। মশামক চাওখৎলক্লিবা লৈবাক অমা ওইজরবসু ভারতনা দিব্লপমেন্ত কোওপরেসন্দা, কেপাসিতী বিল্দিংদা মাংদা চখৎতুনা তেংবাং পীদুনতা লাক্লি। অফ্রিকাগী লৈবাক ওইরো, নত্রগা ভারতকী য়ুমলোন্নবা, নত্রগা সাউথ ইস্ত এশিয়াগী লৈবাকশিং, নত্রগা পেসিফিক আইলেন্দবু ওইরো, পুম্নমক্কা লোইননা ঐখোয়গী তেংবাংগী মশক মওং অমসুং ঐখোয়গী প্রোজেক্তশিং লৈবাকশিং অদুগী অহানবা মরু ওইবশিং অমসুং মথৌ তাবশিং অদুগী মখা পোল্লি।
মরূপশা,
ভারতনা করিগুম্বা রাজনীতিগী ওইবা নত্রগা লমগী ওইবা অপাম্বা অমত্তা লৈতে। ঐখোয়না লৈবাক অমত্তগী মহৌশাগী রিসোর্শিংদা অমাং-অতা অমত্তা থোকহনবগী মহুত্তা লৈবাক অদুগীদমক্তা মখোয়গা লোইননা মখোয়গী চাওখৎ-থৌরাং পাইখৎলি। ভারতনা মসি পাংথোক্তুনা উৎখ্রে মদুদি লোক্তন্ত্রনা, মখল-মখাগী ইকাই খুম্নবা, নুংশি-চান্ননা হিংমিন্নবা অমসুং মতেং পীনবা লোইননা ৱারি ৱাতাই শানদুনা চয়েৎনবা অমসুং ময়ি চৎপা খুদিংমক শন্তাইনবা য়াই। ইং-তপ্পা, তংদু লৈতাবা অমসুং চাওখৎ-থৌরাংগীদমক ভারত অসি খুদম অমনি। মসিদা নত্তনা, তৌবা ঙম্বা, তুং কোইবা, অরোন-অথুপ লৈতবা অমসুং খোংজেল য়াংবা অমা ওইনা ভারতনা মখা চৎথখিগনি নত্রবদি পলেপফম খঙদবা অমা ওইগনি। মখল-মখা য়াম্বা নুংশি চান্ননা লৈবা ভারত অমনা মতম পুম্নমক্তা অপুনবা অমসুং নুংশি চান্ননা লৈবা পাঙ্গল অমা ওইদুনা লৈগনি। ঐখোয় ইশাগীতা নত্তনা ঐখোয়গী লৈবাক্কীদা নত্তনা ভারতকী মীয়াম্না, ভারতকীদমক খনবা মীওইশিংনা ঋষি মুনিশিংনা মমাংঙৈদগী হৌদুনা সর্বে ভবন্তু সুখিনঃ সর্বে সন্তু নিরাময়া, সর্বে ভদ্রাণী পশ্যন্তু, মাকশ্চিদ্ দুখ ভাগ ভবতে – হায়বদি পুম্নমক নুংঙাইরসনু, পুম্নমক য়াইফরসনু অমসুং কনাসু অৱাবা তাদবা ওইরসনু – মংলান অসি মংদুনা লাকই। অমসুং পান্দম অসি ফংনবগীদমক, মংলান অসিবু মংফাওনহন্নবগীদমক লম্বীসু তাকপীঃ
সহনাsবতু, সহ নৌ ভুনক্তু সহ বীর্য করবাবহে।
তেজস্বিনাধীতমস্তু মা বিদ্বিষাবহে।
মসিগী চহি লিশিং কয়া লিরবা ভারতকী লাইশোল অসিগী ৱাহন্থোক অদুদি ঐখোয় পুম্নমক অমত্তা ওইনা পুন্দুনা থবক তৌমিন্নসি, পুন্না চৎমিন্নসি, ঐখোয়গী খঙব-হৈবশিং পুন্না শাৎকাইহনমিন্নসি অমসুং ঐখোয়গী ইরক্তা কৈদৌনুংদসু থরুম লৈহনগুমসি। মমাংগী চহি চাগী অফাওবা ভারতকী কবি অমসুং নোবেল মনা ফংখ্রবা গুরুদেব রবীন্দ্রনাথ তেগোরনা অসিগুম্বা হেবন ওফ ফ্রিদমগী মংলান অমা মংজরম্মি “ৱেয়র দ ৱার্ল্দ হেজ নোৎ বীন ব্রোকন অপ ইন্তু ফ্রেগমেন্তস বাই নেরো দোমেস্তিক ৱাল্স”। লাকপীরো ঐখোয় পুন্না অসিগুম্বা তেংবাং পীনবা অমসুং অপুনবগী ওইবা, দিবাইদ অমসুং ফ্রেকচর য়াওদবা হেবন ফোর ফ্রিদম অমা শেম্লসি। লাকপীরো ঐখোয় পুন্না মালেম্বু মসিগী লৈক্রকশিং অমসুং মথৌ তাদবা চেকপলশিং অসিদগী নান্থোকহল্লসি।
মরূপশা,
ভারত অমসুং ভারত মচাশিংনা মালেম অপুনবা অসি ইমুং অমগুম্না খল্লি। তোঙান তোঙানবা লৈবাকশিংদা ভারত্তগী হৌখিবা মীওই মিলিয়ন ৩০ রোম লৈরি। ঐখোয়না মালেম অপুনববু ইমুং অমগুম্না খনবা অসিদা মালেমগীদমক্তসু ঐখোয়গী ভারত মচাশিং অসি মখোয়গী ইমুংনি। ঐনা অদোম পুম্নমক্তা খঙহঞ্জরি মদুদি করিগুম্বা অদোম্না ৱেল্থকা লোইননা বেলেন্স পাম্বীরবদি ভারত্তা থবক তৌবীয়ু। করিগুম্বা অদোম্না হেল্থকা লোইননা পুন্সিগী হোলনেস হায়বদি অপুনবা অদু পাম্বীরবদি ভারত্তা লাকপীয়ু। করিগুম্বা অদোম্না প্রোস্পরিতীগা লোইননা পীচ পাম্বীরবদি ভারত্তা লৈবীয়ু। অদোম ভারত্তা লাকপীয়ু, ভারত্তা অদোম্বু মতম পুম্বদা তরাম্না ওকচগনি। ঐনা অদোম পুম্নমক্তা ৱা ঙাংজনবগী মমল য়াম্লবা তাঞ্জা পীবীবগীদমক্তা ৱার্ল্দ ইকোনোমিক ফোরমগী শ্রী ক্লোস স্বাবপু অমসুং অদোম পুম্নমকপু থমোই শেংনা হন্না হন্না থাগৎচরি।
I am happy to be in Davos to address the @wef. This Summit seems to find solutions to the various problems the world faces. I thank the people and Government of Switzerland for the warm welcome here: PM @narendramodi #IndiaMeansBusiness https://t.co/plnF2ehgs8 pic.twitter.com/pO40NbSkza
— PMO India (@PMOIndia) January 23, 2018
दावोस में आख़िरी बार भारत के प्रधानमंत्री की यात्रा सन् 1997 में हुई थी, जब श्री देवे गौड़ा जी यहाँ आए थे। 1997 में भारत का GDP सिर्फ़ 400 billion dollar से कुछ अधिक था। अब दो दशकों बाद यह लगभग 6 गुना हो चुका है: PM @narendramodi @wef #IndiaMeansBusiness https://t.co/plnF2ehgs8
— PMO India (@PMOIndia) January 23, 2018
1997 में भी दावोस अपने समय से आगे था, और यह World Economic Forum भविष्य का परिचायक था। आज भी दावोस अपने समय से आगे है: PM @narendramodi at the @wef #IndiaMeansBusiness https://t.co/plnF2ehgs8
— PMO India (@PMOIndia) January 23, 2018
A vital theme chosen by the @wef. #IndiaMeansBusiness pic.twitter.com/JC1h5PPUd6
— PMO India (@PMOIndia) January 23, 2018
Technology is assuming immense importance in this era. @wef #IndiaMeansBusiness https://t.co/plnF2ehgs8 pic.twitter.com/ua1z8tX2oL
— PMO India (@PMOIndia) January 23, 2018
PM @narendramodi at the @wef in Davos. https://t.co/plnF2ehgs8 pic.twitter.com/6nK4P7FIY7
— PMO India (@PMOIndia) January 23, 2018
India has always believed in values of integration and unity. @wef #IndiaMeansBusiness pic.twitter.com/YJCOylAXVN
— PMO India (@PMOIndia) January 23, 2018
Let us think about what we can do to mitigate climate change. @wef #IndiaMeansBusiness https://t.co/plnF2ehgs8 pic.twitter.com/ZrEKuHGVRY
— PMO India (@PMOIndia) January 23, 2018
Care towards the environment is a part of India's culture. @wef #IndiaMeansBusiness pic.twitter.com/imrr47ufJJ
— PMO India (@PMOIndia) January 23, 2018
भारतीय परम्परा में प्रकृति के साथ गहरे तालमेल के बारे में। हजारो साल पहले हमारे शास्त्रों में मनुष्यमात्र को बताया गया- "भूमि माता, पुत्रो अहम् पृथ्व्याः'' यानि, we the human are children of Mother Earth: PM @narendramodi at the @wef
— PMO India (@PMOIndia) January 23, 2018
India is giving great importance to renewable energy. @wef #IndiaMeansBusiness pic.twitter.com/gYkHm1adXp
— PMO India (@PMOIndia) January 23, 2018
Terrorism is dangerous. Worse is when people say there is a difference between 'good' and 'bad' terror. It is painful to see some youngsters getting radicalised: PM @narendramodi at @wef
— PMO India (@PMOIndia) January 23, 2018
PM @narendramodi speaks about globalisation at the @wef. #IndiaMeansBusiness pic.twitter.com/45b5tRcbIs
— PMO India (@PMOIndia) January 23, 2018
PM @narendramodi talks about globalisation and protectionism. @wef. #IndiaMeansBusiness pic.twitter.com/nw4ftbaUtx
— PMO India (@PMOIndia) January 23, 2018
Globalisation के विरुद्ध इस चिंताजनक स्थिति का हल अलगाव में नहीं है। इसका समाधान परिवर्तन को समझने और उसे स्वीकारने में है, बदलते हुए समय के साथ चुस्त और लचीली नीतियां बनाने में है: PM @narendramodi
— PMO India (@PMOIndia) January 23, 2018
We in India are proud of our democracy and diversity. pic.twitter.com/AM9nm91a6G
— PMO India (@PMOIndia) January 23, 2018
The motto of my Government is 'Sabka Saath, Sabka Vikas' says PM @narendramodi. pic.twitter.com/xp912ogJLh
— PMO India (@PMOIndia) January 23, 2018
हम मानते हैं कि प्रगति तभी प्रगति है, विकास तभी सच्चे अर्थों में विकास है जब सब साथ चल सकें।#IndiaMeansBusiness pic.twitter.com/LkSvGPYvVp
— PMO India (@PMOIndia) January 23, 2018
70 साल के स्वतंत्र भारत के इतिहास में पहली बार देश में एक एकीकृत कर व्यवस्था goods and service tax – GST - के रूप में लागू कर ली गई है। पारदर्शिता और जवाबदेही बढ़ाने के लिए हम technology का इस्तेमाल कर रहे हैं: PM @narendramodi
— PMO India (@PMOIndia) January 23, 2018
भारत में democracy, demography और dynamism मिल कर development को साकार कर रहे हैं, destiny को आकार दे रहे हैं: PM @narendramodi
— PMO India (@PMOIndia) January 23, 2018
विश्व में तमाम तरह के फ्रैक्चर और तमाम तरह की दरारों को देखते हुए, यह आवश्यक है कि हमारे साझा भविष्य के लिए हम कई दिशाओं पर ध्यान दें। pic.twitter.com/GLcQnpUCcy
— PMO India (@PMOIndia) January 23, 2018
India has always contributed toward global peace: PM @narendramodi at @wef pic.twitter.com/m1rDxqVyv5
— PMO India (@PMOIndia) January 23, 2018
India in the 21st century. @wef #IndiaMeansBusiness pic.twitter.com/IwsQXJxV5x
— PMO India (@PMOIndia) January 23, 2018
Let us create a 'heaven of freedom', where there is cooperation and not division, fractures. @wef #IndiaMeansBusiness pic.twitter.com/XCaxMOp7Wf
— PMO India (@PMOIndia) January 23, 2018
