জি-২০ মীফমগী নাকলদা ব্রিক্স লুচীংবশিংগী ইনফোর্মেল মীতিংদা প্রধান মন্ত্রীনা পীখিবা ৱারোল

Today, terrorism and radicalisation are the biggest challenges facing the whole world; it is not only a threat to peace and security, it is also a challenge for economic development: Prime Minister Modi

We need to work together against economic offenders and fugitives: PM Modi

BRICS countries have been contributing to global sustainability and development, we have played an important role in shaping the economic and political structure of the world: Prime Minister

• ইকায় খুম্নরবা প্রসিদেন্ত সাইরিল রামাফোসা

  ইকায় খুম্নরবা প্রসিদেন্ত মাইকেল তেমর

  ইকায় খুম্নরবা প্রসিদেন্ত ব্লাদিমির পুতিন

  ইকায় খুম্নরবা প্রসিদেন্ত সি জিনপিং ,

   

  জুলাইদা জোহাননেসবার্গ ব্রিক্স সমিৎ মাইপাক্না শীনখিবা অদুগীদমক ঐনা প্রসিদেন্ত রামাফোসা থাগৎচরি।

  ব্রিক্স লৈবাকশিংদা মালেমগী অপুনবগী মীশিং চাদা ৪২ লৈরি। হৌখিবা চহি খর অসিদা ব্রিক্সনা মালেমগী চাউখৎপগী ইঞ্জিন ওইরে। অদুবু মালেমগী জি দি পি (চাদা ২৩) অমসুং ললোন-ইতিক (চাদা ১৬) অসিদা ঐখোয়গী চাকথুং হেনগৎহন্নবা থবক কয়া লৈরি। মসি ময়াম অসি অপুনবা মীশিংগা চানদ্রে।

|

• ইকায়খুম্নরবশিং ,

  গ্লোবেলাইজেসন্না মীওই মিলিয়ন কয়া লায়রবা কোকহল্লে। অদুবু, গ্লোবেলাইজেসনগী কান্নবশিং অসি চাং মান্ননা য়েন্থোকপগী খুদোংচাদবা কয়া মায়োক্নরি। লৈবাকশিংগী মরক্তা মরুপ-মপাং ওইবগী মরি লৈনবদা মখা তানা খুদোংচাদবা কয়া থোরক্লি অমসুং কাংলোন্দা য়ুমফম ওইবা মালেমগী চৎনবগী অমসুং নাইতোম লৈনবা ঙাক্তুনা থম্বগী চৎনবী  হেনগৎলক্লি। হৌখিবা চহি খর অসিদা শেনগী ভেলু হন্থরকপা অমসুং থাউগী মমল হেনগৎলকপদগী শেন্দোং তানবদা শিংনবা কয়া থেংনরি।

  তুংকোইনা চৎনগদবা মালেমগী চাউখৎ-থৌরাংগী থবকশিংদা ব্রিক্স লৈবাকশিংনা মতেং পাংলি। মালেমগী শেন-থুমগী অমসুং রাজনিতীগী মওং-মরিল তানবা শেমগৎপদা ঐখোয়না অচৌবা থৌদাং লৌরি।

  মালেমগী শেন-থুমগী লৈঙাক অসি শেমগৎপদা মশিং য়াম্না শরুক য়ানবা অমসুং গনতন্ত্রিক ওইনবা ঐখোয়না শিংথাবা য়াবা মতেং পাংলি অমসুং মসিগী হিরম অসিদা মখা তানা থবক তৌখিগনি।

  য়ুনাইতেৎ নেসন্স অমসুং মসিগী সেকুরিতী কাউন্সিল য়াওনা মালেমগী লুপশিংগী মতাংদা চাউখৎলক্লিবা লৈবাকশিংগা ঐখোয়গা ৱারি শানগনি ।মসিনা মরম ওইদুনা ঐখোয়না ব্রিক্সতা পুনলিবনি।

  মতম অসিগী হোংলক্লিবা ফিবম অসিগা চুননা থবক তৌদুনা মালেমগী কাংলোনগী ঙাক্না চৎনবা ঐখোয়না মালেমগী লুপশিং হায়বদি য়ু এন, দব্লিউ তি ও, য়ু এন এফ সি সি অমসুং ৱার্ল্দ বেঙ্কনচিংবা লুপশিংগা নক্না থবক তৌগনি। মসিগী ৱাফম অসি থবক ওইনা পাংথোক্নবা ঐনা জোহাননেসবার্গ মীফমদা ‘রিফোর্ম মল্তিলেতেরেলিজম’ অসি পুথোকখ্রে।

  অনৌবা উদ্যোক্কী অওনবা অমসুং তুংগী থবকশিং অসি ঙাক্না চৎপা দরকার ওই। জি-২০গী মীফম অসিনা মালেমগী চাউখৎ-থৌরাংগী থবকশিং খন্নগনি। অনৌবা উদ্যোক্কী অওনবা অসিদা ব্রিক্স লৈবাকশিংদা মতেং পীননবা ঐখোয়না খৌরাং ঙাইরি।

  মসিগী মতাংদা, লৈবাকশিংগী মরক্তা হেন্না মতেং পীনদুনা গ্লোবেলাইজেসন অমসুং মাইগ্রেসনগী হিরম অসি খন্নবা মথৌ তাই। গ্লোবেল সপ্লাই চেনদা লেবরগী ৱাথোক খন্নবা দরকার ওই অমসুং মসিনা ভেলু চেনশিংদা ফজনা থবক পাংথোকপা ঙমহনগনি। শিন্মীশিংগী সোসিয়েল প্রোতেক্সন স্কিমশিংগী কান্নবশিং অমসুং মালেম শীনবা থুংনা শিন্মীশিং লাইনা চৎথোক-চৎশিন তৌনবগী মতাংদা খন্নবা অসি য়াম্না মরুওই।

  খুন্নাইগী শেন-থুমগী ৱাফমশিং হায়বদি নুপীশিংদা শক্তি পীবা অমসুং তুংকোইনা চিন্জাক ফংহন্নবা হোৎননবা ৱাফম জি-২০ মীফমদা পুখৎকনি। তুংকোইনা চৎনগদবা চাউখৎ-থৌরাংগী থবকশিং অমসুং ইনফ্রাস্ত্রকচর শেমগৎপদা অমাং-অতা থোকপা ঙম্লোইদবা ইনফ্রাস্ত্রকচর শেমগৎনবা ঐনা তকশিল্লি। মসিগী মাইকৈ অসিদা ঐখোয় পুন্না থবক তৌমিন্নগদবনি।

|

ইকায় খু্ম্নরবশিং,

ব্রিক্সশিংগী মরক্তা রাজনিতীগী মতেং পীনবা হেনগৎলকপদা ভারতনা লুম্না লৌই অমসুং থাগৎলি। মসিগী মতাংদা, ঐখোয়গী মপান থৌরমগী মন্ত্রীশিং, এন এস এশিং অমসুং মিদ্দল ইস্তকী অখন্নবা পাউখোল্লোইশিংনা মরুওইবা মতেং পাংলি।

ঙসি মালেম পুম্বনা মায়োক্নরিবা অসি তেরোরিজম অমসুং রেদিকেলাইজেসন্নি হায়বা ঐখোয় খুদিংমক্না য়ানরে ।মসিনা শান্তি অমসুং ঙাক-শেনগী থবক্ত শিংনবা খক নত্তনা ,মসিনা শেন-থুম চাউখৎহনদা শিংনবা অমা ওইরে ।

লৈবাক পুম্নমক এফ এ তি এফ চৎননবা ঐখোয়না তকশিল্লি। তেরোরিস্তশিংগী মশা-মরেং শন্দোকপা, মখোয়দা শেন থাদবা অমসুং মখোয়গী চৎথোক-চৎশিন থিংনবা য়ু এন কাউন্তর তেরোরিজম ফ্রেমৱার্ক মপাঙ্গল কনগৎহন্নবা ব্রিক্স অমসুং জি-২০ লৈবাকশিংনা পুন্না থবক তৌমিন্নগদবনি।

শেন-থুমগী অরানবা তৌবশিং অমসুং মীচেনশিংগী মথক্তা পুন্না থবক পায়খৎমিন্নবা দরকার ওই। মসি মালেমগী শেন-থুমগী ফিবম ফনা লৈহনবদা অচৌবা শিংনবা অমনি।

ইকায়খুম্নরবশিং ,

জি-২০দা ঐখোয়না মতেং পীনবা অসি হেনগৎলক্লে। ঐখোয়গী ব্রিক্স সেরপাশিং জি-২০গী থবকশিংদা ৱা খন্নবা অমসুং মতেং পীনবগী থবক চৎথরি।

জি-২০ সমিৎ অসি চাউখৎলবা লৈবাকশিংনা লুচীংলি। জি-২০গী ৱারেপ অমসুং মসিগী থবকশিংনা চাউখৎলক্লিবা লৈবাকশিংদা মীৎয়েং থম্বা অসি খুদোংচাবা অমনি।

ঐনা, অরোইবদা, জোহাননেসবার্গ সমিৎ অমসুং মসিগী মীতিং অসি মাইপাক্না পাংথোকপগীদমক অমুক হন্না প্রসিদেন্ত ওবামা থাগৎচরি।

ব্রাজিল অমসুং মসিন লুচীংবা ব্রিক্স চেয়রসিপতা ভারতনা শৌগৎনবা অমসুং মতেং পীনবা ঐনা থাজবা পীরি। ব্রাজিলগী চেয়রশিপতা ব্রিক্সনা মতেং পাংনবা অসি অনৌবা থাক অমদা পুখৎলক্কনি হায়না ঐনা থাজবা থম্লি।

ইকায়খুম্নরবশিং,

মসিগীদমক প্রসিদেন্ত ব্রসিল থাগৎচরি, নহাক্কা থবক তৌমিন্নবগী খুদোংচাবা অমা ফংলে অমসুং মসি ঐখোয় উনবগী অরোইবনি।

লাইবক ফবা ওইবীয়ু

থাগৎচরি

ফিদবেক থাবীরকউ