প্রধান মন্ত্রী শ্রী নরেন্দ্র মোদীনা ঙসি প্রধান মন্ত্রী রাস্ত্রীয় বাল পুরস্কার ২০১৯গী মনা ফংলবশিংগা উনখ্রে অমদি ৱারী শান্নখ্রে।
অঙাংশিং অদুনা মখোয়গী অখন্নবা এচিবমেন্তশিং পাওদমখি অমসুং মখোয়গী ইন্সপেরেসনগী ওইবা ৱারীশিং সেয়ার তৌখি।
প্রধান মন্ত্রীনা মনা ফংলবশিংবু মখোয়গী এচিবমেন্তশিং অদুগীদমক পুক্নীং থৌগৎখি অমদি নুংঙাইবা ফোংদোকখি।
মনাশিং অসিনা হৈথোই শিংথোইবা অঙাংশিংবু শকখংনবগীদমক খুদোংচাবা তঞ্জা অমা পীরি অমদি মখোয়গুম্বা অতোপ্পা অঙাংশিংগীদমক ইন্সপিরেসন অমা ওইরি হায়না মহাক্না ফোংদোকখি।
প্রধান মন্ত্রীনা থোইদোক হেন্দোক্লবা অঙাংশিংবু নেচরগা লোয়ননা শম্নদুনা লৈনবা তকশিনখি।
মহাক্না অঙাংশিংগা লোয়ননা নুঙায়রবা মীকুপ খরা লেনখি অমদি মখোয়নসু মঙোন্দা ওতোগ্রাফকীদমক হায়জখি।
য়ুমফম
রাস্ত্রীয় বাল পুরস্কার মনা অসি কেতেগোরী অনিদা পীরি। বাল শক্তি পুরস্কার অসি ইন্দিভিজুয়েলদা পীরি অমসুং বাল কলয়ান পুরস্কার অসি অঙাংশিংগীদমক থবক তৌরিবা ইন্সতিত্যুসনশিং/ইন্দিভিজুয়েলদা পীরি।
চহী অসিগী ওইনা বাল সক্তি পুরস্কারগীদমক অপুনবা এপ্লিকেসন ৭৮৩ ফংখি।
মিনিস্ত্রী ফোর ৱুমেন এন্দ চাইল্দ দিবেলপমেন্তনা ইনোবেসন, শিক্ষাগা মরী লৈনবা, শান্ন-খোৎনবা, আর্ত অমসুং কলচর, সোসিয়েল সর্বিস অমসুং থৌনাফবগী কেতেগোরীগী মখাদা মনা ফংগদবা ২৬ খনগৎখি।
নেস্নেল সেলেক্সন কম্মিতীনসু বাল কল্যান পুরস্কারগীদমক ইন্দিভিজুয়েল ২ অমসুং ইন্সতিত্যুসন ৩গী মমিং অরোইবা ওইনা লেপথোক্লে।
