প্রধান মন্ত্রানা ঙসি লৈবাক মীয়ামদা ৱা ঙাংবা হেক লোইরবা মতুং মিসন শক্তিবু মাই পাক্না পাংথোকপদা শরুক য়ারিবা বিজ্ঞানিকশিংগা ভিদিও কনফরেন্সকী থোংদা ৱারী শান্নখ্রে।
ঙসি মিসন শক্তিবু মায় পাক্না পাংথোকপা অসিনা ভারত এন্তি-সেতেলাইত মিসাইল অমগী খুত্থাংদা সেতেলাইতশিংবু মাই পাক্না তার্গেৎ তৌবা ঙম্বা মেলেমদা মরিশুবা লৈবাক ওইরে।
মাইপাকপা অসিদা বিজ্ঞানিকশিংবু নুংঙাইবা ফোংদোক্লদুনা প্রধান মন্ত্রীনা হায়খি মদুদি থমখিবা পান্দম অদু ফংবা ঙমখিবা অসিদা লৈবাক মীয়াম্না ঐখোয়গী বিজ্ঞানিকশিংগীদমক চাউথোকচরি।
মহাক্না হায়খি মদুদি “মেক ইন ইন্দিয়া” ইনিসিয়েতিবকী পরীংদা চংশিন্দুনা ঐখোয় কনাদগীসু তাদে হায়বা পাওজেল অদু বিজ্ঞানিকশিংনা মালেম পুম্বদা পীরি।
প্রধান মন্ত্রীনা হায়খি মদুদি ভারতনা বসুধৈবা কুতুম্বকম – মালেম অসি ইমুং-মনুং অমনি হায়বা ৱাখল্লোন অদু তুংইন্দুনা চৎলি। শান্তি অমসুং য়াইফনবগীদমক্তা থবক তৌরিবা ফোর্সশিং অদু শান্তি পুরক্নবগীদমক্তা হেন্না মপাঙ্গল কনখৎহনগদবনি হায়নসু মহাক্না অকনবা ৱাফম থমখি।
বিজ্ঞানিকশিংনা মখোয়গী হৈজ-শিংজবা অদু উত্থোক্নবা তঞ্জা পীনবিবগীদমক প্রধান মন্ত্রীবু থাগৎপা ফোংদোকখি।
