প্রধান মন্ত্রী শ্রী নরেন্দ্র মোদীনা ঙসি মহাক্কী কোন্সতিত্যুএন্সী বরানসীদা চাউরাক্না মিনিৎ মরিফুতরামুক স্কুলগী অঙাংশিংগা ৱারী শানখ্রে।
নারুর খুঙ্গঙগী প্রাইমরী স্কুল অমদা মহাক্না থুংখিবদ স্কুলগী অঙাংশিংনা হরাও-তরাম্না ওকখি। মহাক্নসু অঙাংশিং অদুদা বিশ্বকর্ম জয়েন্তীগী য়াইফ-পাউজেল পীখি অমসুং হায়খি মদুদি মখল কয়াগী লৌশিং তান্সিনবা অসি য়াম্না মরু ওই।
প্রধান মন্ত্রীনা হায়খি মদুদি মহৈরোই অমনা ৱাহং হংবা অসি য়াম্না মরু ওই। মহাক্না নহা ওইরিবা মহৈরোইশিংদা ৱাহং হংবদা খক কিরোইদবনি হায়না পুক্নীং থৌগৎখি। মহাক্না হায়খি মদু মসি তম্বগী মরু ওইবা মশক অমনি।
নন-প্রোফিৎ ওর্গনাইজেসন “রুম তু রীদ”না মতেং পীরিবা নহা ওইরিবা অঙাংশিং অদুগা লোইননা প্রধান মন্ত্রীনা মতম লেনখি।
মতুংদা, দি.এল.দবল্যু. বনারসীদা প্রধান মন্ত্রীনা লাইরবা অমসুং শোৎথহৌরবা কাংলুপকী অঙাংশিংগা ৱারী শানখি, মখোয়শিং অদু কাশী বিদ্যপীথকী মহৈরোইশিংনা মতেং পীরি। প্রধান মন্ত্রীনা মখোয়দা লাইরিক কন্না তম্বগা লোইননা শান্ন-খোৎনবদসু হৈনবী থম্নবা খঙহনখি।
অথেংবা নুমিদাংৱাইরমদা শহরগী চাউখৎ-থৌরাং য়েংশিন্নবগীদমক প্রধান মন্ত্রীনা বরানসীগী লম্বীদা চৎখি। মহাক্না লাই খুরুম্নবগীদমক কাশী বিশ্বনাথ লাইশঙদা মতম খরা লেপখি। মহাক্না মন্দুদিহ রেলৱে স্তেসন্দা তাকথোক্তবা খোংচৎ অমসু চৎখি।
