প্রধান মন্ত্রী, শ্রী নরেন্দ্র মোদীনা ঙসি হিত ৱেব মেনেজমেন্ত অমসুং মনসুন প্রিপেয়র্দনেসকা মরী লৈনবা ফিভম য়েংশিনখ্রে।
মীফম অদুদা আই.এম.দি. অমসুং এন.দি.এম.এ.না লৈবাক শিনবা থুংনা ২০২২গী মার্চ – মেদা মতম কুইনা মৈশা য়াম্না ৱাংনা লৈবগী মতাংদা খঙহনখি। রাজ্যশিং অমসংউ য়ু.তি.শিংদা হীত এক্সন প্লানশিং অসিবু রাজ্য, জিলা অমসুং সিতীগী থাক্তা স্তেন্দার্দ রেসপোন্স অঞা ওইনা শেম-শাদুনা লৈনবা তাক্লকখ্রে। সাউথ ৱেস্ত মনসুনগী মতাংদা শেম-শাদুনা লৈবগ মতাংদা, রাজ্য খুদিংমক্তা ‘ফ্লদ প্রিপেয়র্দনেস প্লানশিং’ শেম্নবা অমসুং মতিক চাবা শেম-শানবগী পাম্বৈশিং লৌখৎনবা খঙহল্লকখ্রে। এন.দি.আর.এফ.তা ঈশিং-ঈচাউনা শোকহল্লবা রাজ্যশিংদা দিপ্লোইমেন্ত প্লানশিং দেবেলপ তৌনবা খঙহল্লকখ্রে। কম্যুনিতীশিংদা সেন্সিতাইজ তৌনবগীদমক্তা সোসিয়েল মীদিয়া অসিবু নিংথিজনা শিজিন্নবগী থবক অসি পাক শন্না পাইখৎকদবনি।
প্রধান মন্ত্রীনা হীত ৱেব নত্রগা মৈ চাকপগী থৌদোক্না মরম ওইরগা শিবা য়াওদনবা পাম্বৈ খুদিংমক শিজিন্নবগী তঙাইফদবা লৈ অমসুং অসিগুম্বা থৌদোকশিং অসিদা ঐখোয়গী রেসপোন্স তাইম অদু খ্বাইদগী য়ামদবা ওইগদবনি হায়না মহাক্না মখাতানা হায়রকখি।
মহাক্না শাগৎলক্লিবা মৈশাগী ফিভম অসি য়েংলগা, হোসপিতালগী ফাবর সেফ্তী ওদিৎশিং তত্তনা তৌবগী মথৌ তাই হায়না হায়খি। পি.এম.না মৈগী খুদোংথিবগী মায়োক্তা লৈবাক অসিদা লৈরিবা তোঙান-তোঙানবা উমং-ৱামংশিংগী ইকোসীস্তেমশিংদা উমং-ৱামংগী খুদোংথিনিংঙাই ওইবা অদু য়ারিবমখৈ হন্থহন্নবা, মৈ চাকপগী ওইথোকপা য়াবা অদুবু মতম চানা খঙদোকপা অমসুং মৈশিং অদু মুথৎনবগীদমক্তা, অমসুং মৈ চাকপগী থৌদোক অদুগী মতুংদা রিকোভরী তৌবদা য়াংখৎহন্নবা ফোরেস্ত পার্সোনেল অমসুং ইন্সতিত্যুশনশিংগী কেপেবিলিতীশিং অদুবু ফগৎহনবদা থবক তৌবগী মথৌ তাই হায়না হায়খি।
পি.এম.না লাক্লিবা মনসুন অসিগী য়েংলগা কন্তামিনেশন অমসুং মসিনা মরম ওইরগা ঈশিংদগী থোরকপা লাইনাশিং শন্দোরকপদগী থিংনবা থক্নবা ঈশিংগী ক্বালিতী য়েংশিনবগিদমক্তা এরেঞ্জমেন্তশিং তৌনবা খঙহল্লকখ্রে।
হীত ৱেব অমসুং লাক্লিবা মনসুনশিং অসিগী য়েংলগা করিগুম্বা থৌদোক অমহেক্তগীদমক্তা সীস্তেমশিং পুম্নমক শেম-শাদুনা লৈনবা কেন্দ্র অমসুং রাজ্যগী এজেন্সীশিংগী মরক্তা কোওর্দিনেশন নিংথিনা পীনবগী তঙাইফদাব অসিগ মতাংদা মীফম অদুদা খন্নখ্রে।
মীফম অদুদা পি.এম.গী প্রিন্সিপাল সেক্রেতরী, পি.এম.গী এদভাইজর, কেবিনেত সেক্রেতরী, য়ুমলৈ-কৈরৈ, হকশেল, জল শক্তি মন্ত্রালয়গী সেক্রেতরীশিং, এন.দি.এম.এ.গী মেম্বর, নেস্নেল দিজেস্তর মেনেজমেন্ত ওথোরিতী (এন.দি.এম.এ.) অমসুং ইন্দিয়ন মেত্যোরোলোজিকেল দিপার্তমেন্ত (আি.এম.দি.) গী দি.জি.শিং অমসুং এন.দি.আর.এফ.কী দি.জি.না শরুক য়াখি।
