Quoteলৈবাকসিগী খুঙ্গঙগী য়ুমথোঙ করোর ১০ অরুবা পাইপকী ঈশিংগী খুদোংচাবা ফংহল্লে
Quoteগোৱানা অহানবা হর ঘর জল সর্তিফাইদ তৌরবা স্তেত ওইরে
Quoteদদ্রা নগর হবেলি অমসুং দামন অমদি দিউনা হায়রিবা ফীভম অসি ফংবা অহানবা য়ুনিয়ন তেরিতরী ওইরে
Quoteলৈবাকসিগী তোঙান তোঙানবা স্তেতশিংগী খুঙ্গঙ লাখ অমা ও.দি.এফ. প্লস ওল্লে
Quote“মসিদগী হেন্না ফবা অমৃৎকালগী অহৌবা অমা লৈররোই”
Quote“লৈবাকসিগীদমক করিসু খন্দবা মীওইশিংদি লৈবাকসিগী হৌজিক্কী অমদি তুংগী ফীভম মাঙহনবদা করিসু নাচুংদে।
Quoteঅসিগুম্বা মীওইশিংনা ৱাজাও কয়াদি শোয়দনা ঙাঙলমগনি, অদুবু কৈদৌঙৈদসু ঈশিংগীদমক অচৌবা মঙলানগা লোয়ননা থবক তৌবা ঙম্লোই”
Quote“হৌখিবা চহি ৭০ হেনবদা য়ুমথোঙ করোর ৩খক্তমক পাইপকী ঈশিং ফংহনখিবগা চাংদম্নবদা শুপ্নতগী চহি ৩দা খুঙ্গঙগী য়ুমথোঙ করোর ৭তা ফংহল্লে”
Quote“ফীভম অসি ঐনা মমাঙদা রেদ ফোর্ত্তগী হ্যুমেন সেন্তর্দ দেভেলপমেন্তকী মতাঙদা থমখিবা ৱাফমদুগী খুদম্নি”
Quote“মীয়ামগী পাঙ্গল, নুপীগী পাঙ্গল, অমসুং তেক্নোলোজীগী পাঙ্গলনা জল জীবন মিসনবু মথৌ হাপ্লিবনি”

প্রধান মন্ত্রী শ্রী নরেন্দ্র মোদীনা ঙসি জল জীবন মিসনগী মখাদা পাঙথোকপা হর ঘর জল উৎসব থৌরমদা ভিদিও পাউজেল অমগী খুত্থাঙদা ৱা ঙাঙখ্রে‍। থৌরম অদু পনাজি, গোৱাদা পাঙথোকখিবনি‍। থৌরমদুদা শরুক য়াখিবশিংগী মরক্তা গোৱাগী মুখ্য মন্ত্রী শ্রী প্রমোদ সাৱন্ত, কেন্দ্র মন্ত্রী শ্রী গজেন্দ্র সিংহ সেখাৱৎ য়াওরি‍। প্রধান মন্ত্রীনা জন্মস্থমিগী য়াইফরবা তাঞ্জাসিদা শ্রী কৃষ্ণ নীংজবা মীওইশিংগী মফমদা য়াইফ পাউজেল পীখি‍।

থৌরমদুদা, প্রধান মন্ত্রীনা ভারতনা অমৃৎকালগী মতমদা ফংনবা তাল্লিবা অচৌবা পান্দমশিংগী মরী লৈনবা মরুওইবা পন্দোল অহুম ঙসি ফংবা ঙমখিবদা ভারত মচা পুম্বনা চাউথোকচবা ফাওরিবা ৱাখল্লোন্দা শরুক য়াখি‍। “অহানবদা, ঙসি লৈবাকসিগী খুঙ্গঙগী য়ুমথোঙ করোর ১০ অরুবা পাইপকী ঈশিংগী খুদোংচাবা ফংলে‍। মসি য়ুমথোঙ খুদিংদা ঈশিং ফংহন্নবা চঙশিনখিবা লৈঙাক অসিগী কেম্পেনগী অচৌবা মায় পাকপা অমনি‍। মসি ‘সবকা প্রয়াস”কী অচৌবা খুদম অমনি,” হায়না মহাক্না হায়খি‍। অনিসুবদা, য়ুমথোঙ খুদিংদা পাইপকী ঈশিং শমদুনা গোৱানা হর ঘর জল সর্তিফাইদ তৌরবা অহানবা স্তেত ওইরকপদা মহাক্না নুংঙাইবা ফোঙদোকখি‍। দদরা নগর হবেলি অমসুং দামন অমদি দিউনা হায়রিবা ফীভম অসি ফংবা অহানবা য়ুনিয়ন তেরিতরী ওইরে হায়বা ৱাফমসু মহাক্না পাউদমখি‍। প্রধান মন্ত্রীগী মসিগীদমক মীয়াম, লৈঙাক অমসুং লোকেল সেল্ফ-গভর্নমেন্ত ইন্সতিত্যুসনশিংবু থাগৎখি‍। স্তেত কয়া অমসু লিস্ত অসিদা থুনা য়াওরক্লগনি হায়নসু মহাক্না পাউদমখি‍।

অহুমসুবা মায় পাকপা অসিনা, লৈবাকসিগী তোঙান তোঙানবা স্তেতশিংগী খুঙ্গঙ লাখ অমা ও.দি.এফ. প্লস ওল্লে‍। চহি খরগী মমাঙদা লৈবাক অসিবু ওপন দিফেকেসন ফ্রী (ও.দি.এফ.) ওইরে হায়না লাউথোকখ্রবা মতুংদা, মখা তাবা ৱারেপ্তি খুঙ্গঙশিংবু ও.দি.এফ. প্লসকী থাক য়ৌহনবনি, হায়বদি মখোয়দা লৈকায়গী ওইবা তোইলেৎ, প্লাস্তিক ৱেস্ত মেনেজমেন্ত, গ্রে ৱাতর মেনেজমেন্ত অমসুং গোবর্ধন প্রোজেক্তশিং লৈহনবনি, হায়না প্রধান মন্ত্রীনা পাউদমখি‍।

মালেমসিনা থেংনরিবা ঈশিংগী শিংনবগী মতাঙদা পল্লদুনা, ঈশিং নীংথিনা ফংদবনা চাওখৎলবা ভারত – ভিক্সিৎ ভারতকী পান্দম ফংবদা অচৌবা খুরৌ অমা ওইরকপা য়াই‍ হায়না প্রধান মন্ত্রীনা ফোঙদোকখি‍। “ঐখোয়গী লৈঙাক অসিনা হৌখিবা চহি ৮সিদা ঈশিং মরাং কায়না ফংহন্নবা চোকথবা নাইদনা হোৎনদুনা লাক্লি”, হায়না মহাক্না হায়খি‍। ঙাইহাক্কী ওইবা অতেনবা মতমগী থৌওংগী মথক্তা মীৎয়েঙ শানবা পরিং অমদা চঙশিনবগী মথৌ তাবা ৱাফম থম্লদুনা প্রধান মন্ত্রীনা ফোঙদোকখিবদা, “লৈবাক অমা শেমগৎপদা হোৎনরিবা অদুগুম্না লৈঙাক অমা শেমবদা হোৎনবগী মথৌ তাদে হায়বসি চুম্মি‍। ঐখোয় পুম্নমক লৈবাক শেমগৎপগী থবক তৌমিন্ননবা লেপ্লিবনি‍। মরম অসিননি ঐখোয়না হৌজিক্কী অমদি তুংগী শিংনবশিং থেংননবা থবক পায়খৎলিবসি‍। লৈবাকসিগীদমক করিসু খন্দবা মীওইশিংদি, লৈবাকসিগী হৌজিক্কী অমদি তুংগী ফীভম মাঙহনবদা করিসু নাচুংদে‍। অসিগুম্বা মীওইশিং অসি ৱাজাউদি ঙাঙলমবা য়াই, অদুবু কৈদৌঙৈদসু ঈশিংগীদমক অচৌবা মঙলানগা লোয়ননা থবক অমত্তা তৌররোইদবনি‍।”

ঈশিং মরাং কায়না ফংহন্নবগীদমক লৈঙাক অসিনা চঙশিল্লিবা মায়কৈ কয়া লোঙবা পরিং অসিগী মরমদা ৱা ঙাঙলদুনা, প্রধান মন্ত্রীনা ‘কেত্চ দি রেন’, অতল ভুজল স্কিম, দিস্ত্রিক্ত খুদিংদা অমৃৎ সরোবর ৭৫, রিভর-লিঙ্কিং অমসুং জল জীবন মিসন্নচিংবা থৌরাংশিংগী মরমদা পনখি‍। ভারতকী রামসর ৱেতলেন্দ মফম ৭৫দা হেনগৎলে, মসিগী মনুংদা ৫০দি হৌখিবা চহি ৮সিদা হাপচিনখিবনি হায়না মহাক্না হায়খি‍।

“মসিদগী হেন্না ফবা অমৃৎকালগী অহৌবা অমা লৈররোই” হায়না ফোঙদোক্লদুনা, নীংতম্লবা মতুং চহি ৭০ হেনবসিদা শুপ্নতগী য়ুমথোঙ করোর ৩ খক্তমক পাইপকী ঈশিং ফংলমবদুগা য়েংনবদা শুপ্নতগী চহি ৩দা খুঙ্গঙগী য়ুমথোঙ করোর ৭তা পাইপকী ঈশিং শমখিববু প্রধান মন্ত্রীনা থাগৎখি‍। “মপানগী ঈশিং ফংফমশিংদা তাংদুনা লৈবা লৈবাকসিগী খুঙ্গঙগী য়ুমথোং করোর ১৬লোম লৈ‍। লৈবাকসগী অসুক চাউরবা মীয়াম শরুক অমবু মখোয়গী তঙায় ফদনা চঙদ্রবা য়াদ্রবা মচাকশিগীদমক মরোমদোম লান্থেংনহন্দুনা থম্লমবা য়ারোই‍। মরম অসিননি ঐনা চহি ৩গী মমাঙদা রেদ ফোর্ত্তগী য়ুমথোঙ খুদিংদা পাইপকী ঈশিং ফংহনগনি হায়না লাউথোকখ্রিবা‍। কেম্পেন অসিদা লুপা করোর লাখ ৩ লিশিং ৬০ চাদিং তৌখ্রে‍। চহিচাসিগী খ্বাইদগী চাউবা লাইচৎনা অপনবা পীজরবসু, কেম্পেন অসিগী খোঙজেলদি হন্থখিদে‍। অসুম্না লেপ্তনা চত্থরকপা থৌওং অসিগী মহৈদি, শুপ্তনগী চহি ৩দা হৌখিবা চহি ৭০ হেনবদা তৌখিবা থবক্তুগী শরুক অনি হেন্না তৌবা ঙম্লে‍। মসি ঐনা মমাঙদা রেদ ফোর্ত্তগী হ্যুমেন সেন্তর্দ দেভেলপমেন্তকী মতাঙদা থমখিবা ৱাফমদুগী খুদম অমনি,” হায়না মহাক্না ফোঙদোকখি‍।

প্রধান মন্ত্রীনা তুংগী মীরোল অমসুং নুপীশিংগীদমক হর ঘর জলনা পীগদবা কান্নবশিংগী মতাঙদা চাউরাক্না পনখি‍। ঈশিংগা মরী লৈনবা ৱাফমদা খ্বাইদগী হেন্না অৱাবা মায়োক্নবা অমা ওইনা লৈঙাক্কী থৌরাং অসিগী ময়ায়দা নুপীশিংদা মীৎয়েঙ থম্লি‍। মসিনা নুপীশিংগী পুন্সি হিংবদা কোমহন্দুনা ঈশিংগী গভর্নেন্সতা মখোয়দা অচৌবা শক্লোন অমা লৌহল্লি‍। “জল জীবন অভিয়ান অসি শুপ্নতগী লৈঙাক্কী থৌরাং অমখক নত্তে, মসি খুন্নাইসিনা খুন্নাইগীদমক চলাইবা থৌরাং অমনি”, হায়না মহাক্না হায়খি‍।

জল জীবন মিসন মায় পাকপগী মরুমদা য়ুম্বী মরী হায়বদি মীয়াম্না শরুক য়াবা, স্তেকহোল্দরশিংনা শরুক য়াবা, রাজনিতিগী ফিরেপ অমসুং মচাক মথুমশিং মওং চুম্না শীজিন্নবা হায়রিবশিং অসি লৈরি হায়না প্রধান মন্ত্রীনা ফোঙদোকখি‍। লমদমদুগী মীওইশিং, গ্রাম সভা অমসুং অতৈ লোকেল গভর্নেন্সকী ইন্সতিত্যুসনশিংগী মফমদা কেম্পেন অসিদা হান্নগা মান্নদবা থৌদাং য়াহল্লি‍। নুপীশিং ঈশিং চাংয়েং তৌবগী মতাঙদা তাকপী তম্বিদুনা ‘পানি সমিতি’গী লুপ্লোয় ওইহল্লি‍। পঞ্চায়ৎ, এন.জি.ও., মহৈ মশিংগী ইন্সতিত্যুসনশিং অমসুং মন্ত্রালয় পুম্নমক্না থৱায় য়াওশিনবা মতৌ উৎলক্লিবসিনা স্তেকহোল্দরশিংনা শরুক য়াবগী মতৌ নীংথিনা উৎলি‍। মতৌ অসুম্না হৌখিবা চহি ৭০ হেনবদা ফংখিবা ফীভমদুদগী হেন্না হৌখিবা চহি ৭সিদা ফংবা ঙমখিবসিনা রাজনিতিগী ফিরেপ উৎলি‍। এম.জি.এন.আর.ই.জি.এ.নচিংবা স্কিমশিংগী খুৎশম্ননা চৎপসিনা মচাক মথুমশিং মরম চুম্না শীজিন্নবগী মমি তারি‍। পাইপকী ঈশিং মপুং ফানা ফংহনবসিনা হন্থনা য়েংবগী ফীভমসু মুৎখ্রগনি, হায়না মহাক্না মখা তাখি‍।

ঈশিংগী লন জিও তেগ্গিং তৌবা অমসুং ঈশিং পীবা অমদি ক্বালিতী কন্ত্রালদা ইন্তরনেত ওফ থিংসকী পাম্বৈ অসিনচিংবা তেক্নোলোজী শীজিন্নবগী মতাঙদা পল্লদুনা, মীয়ামগী পাঙ্গলো নুপীশিংগী পাঙ্গল, অমসুং তেক্নোলোজীগী পাঙ্গলনা জল জীবন মিসন অসিবু মথৌ হাপ্লিবনি হায়না প্রধান মন্ত্রীনা ফোঙদোকখি‍।

 

 

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • Rathore Puran February 21, 2024

    sir ji hamare rajsthan district rajamand me Pani ki bahut jarurat hai kripya aap is district rajamand pe dhyan dijiyega har village me Pani ki problem solution kare ❣️❣️🙏🙏
  • Ravi Rai February 07, 2024

    हमारे घर का कनेक्शन काटा जा रहा है हमने बिल जमा नहीं कर पाया इसलिए
  • Sharath Shetty December 31, 2023

    Modi Ji pls ask the water board to look into Kanpoli Valap Panvel 410208 area for Tab water ...here no water facility still being close to city like Panvel and Taloja MIDC
  • Vishwas Kulkarni January 01, 2023

    Rarest Leadership of the NAV BHARAT, always maintained New Spirituality and Idealistic Enthusiasm for each Indian National Citizen's larger intrest. Twam Vande Tuj NaMo 🙏🙏🌄💐💐
  • Manda krishna BJP Telangana Mahabubabad District mahabubabad September 12, 2022

    ✍️✍️✍️✍️✍️✍️
  • Chowkidar Margang Tapo September 02, 2022

    namo namo namo namo namo namo...
  • Chowkidar Margang Tapo September 02, 2022

    namo namo namo namo namo...
  • Sujit KumarNath September 02, 2022

    sujit
  • Sukanta Namasudra August 29, 2022

    s
  • Shankar Dutta August 29, 2022

    नमस्कार माननीय भारत श्रेष्ठ । आत्म निर्भर भारत में देश की हर घर ओ हर घर के महिलाओं को जल के आत्म निर्भरता की महान् उत्सव मनाया जाएगा । घर की महिलाओं की सम्मान मे घर घर जल उत्सव , जल जीवन मिशन ।
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Make in India delivers export-quality fruit for Apple vendors

Media Coverage

Make in India delivers export-quality fruit for Apple vendors
NM on the go

Nm on the go

Always be the first to hear from the PM. Get the App Now!
...
PM Modi greets everyone on occasion of National Science Day
February 28, 2025

The Prime Minister Shri Narendra Modi greeted everyone today on the occasion of National Science Day. He wrote in a post on X:

“Greetings on National Science Day to those passionate about science, particularly our young innovators. Let’s keep popularising science and innovation and leveraging science to build a Viksit Bharat.

During this month’s #MannKiBaat, had talked about ‘One Day as a Scientist’…where the youth take part in some or the other scientific activity.”