প্রধান মন্ত্রী শ্রী নরেন্দ্র মোদীনা ঙসি য়ুরোপিয়ন কম্মিসনগী প্রসিদেন্ত হর এক্সেলেন্সী উর্সুলা বোন দর লিয়েনগা তেলিফোন্দা ৱারী শান্নখ্রে।
লুচিংবা অনিনা ভারত্তা হৌজিক কোবিদ-১৯গী অনিশুবা ৱেব অসিবু লাকশিন্নবা কন্না হোৎনরিবা অসি য়াওনা ইন্দিয়া অমসুং ই.য়ু.দা হৌজিক ওইরিবা কোবিদ-১৯গী ফিভমশিংগী মরমদা খন্নখ্রে। প্রধান মন্ত্রী মোদীনা ই.য়ু. অমসুং মখোয়গী মেম্বর স্তেতশিংবু ভারতনা কোবিদ-১৯গী অনিশুবা ৱেব লান্থেংনরিবা অসিদা য়াম্না থুনা মতেং পীরকপগীদমক থাগৎপা ফোংদোকখি।
ইন্দিয়া-ই.য়ু. স্ত্রাতেজিক পার্তনরশীপ অসি হৌখিবা জুলাইদা ফমখিবা অৱাংবা থাক্কী মীফম অদুদগী অচেৎপা মরী অমা লৈরক্লি হায়না পনখি। লুচিংবশিংনা লাক্লিবা ২০২১ মেগী ৮দা ভর্চুএলি ওইনা পাংথোক্কদৌরিবা ইন্দিয়া-ই.য়ু.গী লুচিংবশিংগী মীফম অসিদা থৌরম কয়া অমা পায়খৎলিবা ইন্দিয়া-ই.য়ু.গী মরী অসিদা হেন্না ফগৎনবা খুদোংচাবা অমা লৌবা হায়না য়ান্নখি।
ইন্দিয়া-ই.য়ু.গী লুচিংবশিংগী মীফম অসিনা ই.য়ু.+২৭ ফোর্মেত্তা অহানবা মীফম ওইগদৌরি অমসুং ইন্দিয়া-ই.য়ু. স্ত্রাতেজিক পার্তনরশীপ অসি মখা তানা মপাঙ্গল কনখৎনবগীদমক নাকন অনিগী লৈরিবা পান্দম অসিগী মমি তারি।
