প্রধান মন্ত্রী, শ্রী নরেন্দ্র মোদীনা ঙসি নেদরলেন্দসকী প্রধান মন্ত্রী, হিস এক্সেলেন্সী, শ্রী মার্ক রুতেগা ফোনদা ৱারী শানখ্রে।
লুচিংবা অনি অসিনা হৌজিক-হৌজিক য়ুক্রেনদা লৈরিবা ফিভম অসিগী মতাংদা খন্নখি অমসুং য়ুক্রেনদা লেপ্তনা চত্থরিবা মীওইবা খুনাইগী ফিভম অদুগী মতাংদা মখোয়গী অৱাবশিং অদুবু শিয়র তৌখি। প্রধান মন্ত্রী মোদীনা খৎন-চৈনবা অসি য়াম্না থুনা লেপ্নবা অমসুং দাইলোগ অমসুং দিপ্লোমেসীগী লম্বিদা অমুক হল্লক্নবা ভারতকী য়াম্না তোইনা তৌখিবা আপীল অদুবু অমুক হন্না হায়খি। প্রধান মন্ত্রীনা রসিয়া অমসুং য়ুক্রেনগী মরক্তা চত্থরিবা ৱারী-ৱাতাই শানবগী থবক অদুবু তরাম্না ওকখি, অমসুং য়াম্না য়াংনা ৱারোইশিন অমা পুরক্নবা হায়দুনা আশা তৌরি।
প্রধান মন্ত্রী মোদীনা প্রধান মন্ত্রী রুতেদা কনফ্লিক্ত এরিয়াশিংদগী ভারত মচাশিং লৌথোকপগী প্রোগ্রেস অমসুং শোকহল্লবা মীশিংগীদমক্তা হিদাক-লাংথকশিং য়াওনা য়াম্না অর্জেন্ত রিলীফ সপ্লাইশিংগী মওংদা ভারতকী মতেং অদুগী মতাংদা খঙহনখি।
প্রধান মন্ত্রীনা ২০২১গী এপ্রিলদা প্রধান মন্ত্রী রুতেকা লোইননা মহাক্কী ভর্চুৱল সম্মিত অদুগী তাংদা নিংশিংখি অমসুং প্রধান মন্ত্রী রুতেবু ভারত্তা য়াম্না থুনা ইন্দিয়া লাকহন্নিংবগী মহাক্কী অপাম্বা অদু ফোংদোকখি।
