Quote“করিগুম্বা নহাক্না চপ-য়ুংনা হোৎনরবদি থাজবশিংগী অকনবা ইথিলশিং ঙাকথোকপা ঙমগনি”
Quote“কনাগুম্বা অমনা, ৱাখল নুংঙাইরিঙৈদা খ্বাইদগী হৈনদবা নত্ত্রগা খ্বাইদগী লুবা সবজেকশিং পাগদবনি”
Quote“নমথাক তৌবনা কৈদৌঙৈদা নহাক পুন্সিদা মাইপাক্লোই”
Quote“মরুওইবা শরুকশিংদা কনাগুম্বা অমনা কন্না হোৎনগদবনি”
Quote“মীওই অয়াম্বা চাংচত্তা অমসুং ইচম চম্না লৈ অদুবু হায়রিবা মীওইশিং অসিনা ময়ামগা মান্নদবা থবকশিং তৌরকপা মতমদা, মখোয় অনৌবা মাইপাকপা ফংই”
Quote“অশোইবা পুথোকপা অসি শেংদোকপনি অমসুং অফবা গনতন্ত্র অমগী হৌরকফম অমনি”
Quote“মরাল শিবা অমসুং অশোইবা পুথোকপা অনিগী মরক্তা য়াম্না চাউনা খেন্নবা লৈ”
Quote“ঈশ্বরনা ঐখোয়দা মনিংতম্না ৱাখল খন্নবা অমসুং মনিংতম্বা মীওই অমা ওইনবা খুদোংচাবা পীরি অমসুং ঐখোয়না মতম পুম্নমক্তা ঐখোয়গী গেজেতশিংগী মীনাই ওইরি”
Quote“স্কৃন তাইম হেনগৎলকপা অসি খুদোংথিনিঙাই ওইবা চৎনবী অমনি”
Quote“পরিক্ষা অমনা পুন্সিগী অরোইবা নত্তে অমসুং ফলশিংগী মতাংদা কা হেন্না খঞ্জিনবা অসি নুংতিগী পুন্সিগী শরুক অমা ওইহল্লোইদবনি”
Quote“থকসি-খাসি লৈনবা ঐখোয়না অঙাংশিং চৈরাক পীরোইদবনি হায়বা ঐনা থাজৈ, ঐখোয়না ৱারি শাগদবনি অমসুং মতেং পাংগদবনি”
Quote“মমা-মপাশিংনা অঙাংশিং খুন্নাইগী মখল কয়াগী থবকশিং খঙহনগদবনি”
Quote“ঐখোয়না পরিক্ষাগী পাখৎপশিং হন্থহনগদবনি অমসুং পরিক্ষাশিং কুহ্মৈ ওইহনগদবনি”
Quoteচহি অসিগী পরিক্ষা পে চার্চাদা লৈবাক ১৫৫দগী রেজিস্তার লাখ ৩৮.৮০ তৌখি।

ঙসি নিউ দিল্লিগী তালকোতারা স্তদিয়মদা ৬শুবা পরিক্ষা পে চার্চাদা প্রধান মন্ত্রী শ্রী নরেন্দ্র মোদীনা মহৈরোয়শিং, ওজাশিং অমসুং মমা-মপাশিংগা ৱারি শানখ্রে। ৱারি শান্দ্রিঙৈ মমাংদা মহাক্না মহৈরোয়শিংগী একজিবিসন অমসু য়েংখি। পুন্সি অমসুং পরিক্ষাগা মরী লৈনবা ৱাফমশিংদা মহৈরোয়শিং, ওজাশিং অমসুং মমা-মপাশিংগা মহাক্কা ৱারি শান্নবা পরিক্ষা পে চার্চা অসি প্রধান মন্ত্রী শ্রী নরেন্দ্র মোদীনা হৌদোকখিবনি। চহি অসিগী পরিক্ষা পে চার্চাদা লৈবাক ১৫৫দগী রেজিস্তার লাখ ৩৮.৮০ তৌখি।

|

প্রধান মন্ত্রীনা হায়খি গনতন্ত্র দিবস মনুংদা পরিক্ষা পে চার্চা পাংথোকপা অসি হন্দক্কী অসিনা অহানবনি। অতোপ্পা রাজ্যশিংদগী দিল্লিদা লাকপশিং গনতন্ত্র দিবস য়েংবগী খুদোংচাবা ফংলে। থৌরম অসিগী শরুক অমা ওইনা ৱাহং মিল্লিয়ন কয়া লাকখি অমসুং মসিনা ভারতকী নহারোলশিংগী ৱাখল্লোনশিং খঙবা ঙমহল্লে। সোসিএল সাইন্তিস্তশিংনা ৱাহংশিং অদু নৈন্নবা হায়রিবা ৱাহংশিং অদু খোমজিনবা মহাক্না পাম্মী।

|

নিংবা কাইবা থেংন্নবগী মতাংদা

তামিল নাদুগী মহৈরোয় অশ্বিনি, দিল্লিগী নবতেচ অমসুং পাতনাগী প্রিয়ানকা কুমারিনা মার্ক য়াম্না ফংদবদগী ইমুং-মনুংনা নিংবা কাইবগী মতাংদা হংলকপা ৱাহং অমগী পাউখুমদা প্রধান মন্ত্রীনা হায়খি ইমুং-মনুংনা খল্লিবা অদুদা অরানবা অমতা লৈতে। অদুবু খল্লিবা অদু করিগুম্বা খুন্নাইগী থাকশিংগা মরী লৈনবা ওইরবদি মদু খন্থনিঙাই ওই।

মহাক্না হায়খি কনাগুম্বা অমনা খল্লিবা অদু কনাগুম্বা অমগী তৌবা ঙম্বা, দরকার ওইবা, অনিংবশিং অমসুং মরুওইবশিংগা শম্নগদবনি। ক্রিকেত শান্নবা মতমদা মীয়াম্না সিক্স নত্ত্রগা ফোর খক্তা য়ৈবা পাম্লবশু য়ৈনবা থোরকপা বেতসমেন অদু তৌফম খঙদনা লৈবা য়াওই। ক্রিকেতকী ফিল্দা লৈরিবা বেতসমেন অমা অমসুং মহৈরোয়শিংগী ৱাখলগা ফোকস তৌবদা মরী লৈনৈ অমসুং করিগুম্বা নহাক্না চপ-য়ুংনা হোৎনরবদি থাজবশিংগী অকনবা ইথিলশিং ঙাকথোকপা ঙমগনি। অনিংবশিংনা মরম ওইদুনা মমা-মপাশিংনা অঙাংশিংদা তকশিল্লোইদবনি। মখোয়না ঙমজবা থাক অদুদা মতম পুম্নমক্তা অঙাংশিংগী মগুন লেপকদবনি। মহৈরোয়শিংনা তকশিল্লকপা অদু নৈনগদবনি অমসুং করিগুম্বা মখোয়না হৈজবা থাক অদুদা থবক তৌরিবরা হায়বা য়েংগদবনি।

|

পরিক্ষাগী থৌরাংশিং অমসুং মতম কোন্ননবগী মতাংদা

পরিক্ষাগী থৌরাং তৌবগী মতম মতাংদা দালহৌসিগী ক্লাস ১১গী মহৈরোয় অরুসি থাকুর অমসুং পরিক্ষা মনুংদা মতম কোন্ননবগী মতাংদা রাইপুরগী অদিতি দিৱান্না হংলকপা ৱাহংশিংগী মতাংদা প্রধান মন্ত্রীনা হায়খি মহৌশাগী পুন্সি নত্ত্রগা পরিক্ষা লৈত্রবসু মতম কোন্ননবা হোৎনবা হায়বসি য়াম্না মরুওই। থবক্না চোকথবা লৈহন্দে, থবক তৌদবনা মীওই অমা চোকথহল্লি। 

 পামজবা থবকশিংদা মতম লৌবা হায়বস মহৌশানি। সবজেক্কী মতম য়েন্থোক্নবা মতমদা, কনাগুম্বা অমনা, ৱাখল নুংঙাইরিঙৈদা খ্বাইদগী হৈনদবা নত্ত্রগা খ্বাইদগী লুবা সবজেকশিং পাগদবনি।মহৈরোয়শিংনা অরুবশিং ৱাখল লৈতানা থেংনগদবনি। মমাশিংনা য়ুমদা মতম চানা থবকশিং তৌবা অদু মহৈরোয়শিংনা য়েংগদবনি। মখোয়না থবক তৌবা মতমদা চোকথবা লৈতে অমসুং অরেম্বা মতমদা অফবা থবক খরশু পাংথোকই। মখোয়গী মমাশিংগী থবকশিং য়েংলগা, মহৈরোয়শিংনা মতম কুপ্না য়েন্থোক্কদবনি অমসুং সবজেক অমমমগী অকক্নবা মতম খাক্তুনা থমগদবনি। হেন্না কান্নবা ফংনবা নহাক্কী মতমশিং য়েন্থোক্কদবনি।

|

পরিক্ষাদা নত্তবা পাম্বৈ শীজিন্নবা অমসুং অশম্বা থিবগী মতাংদা

পরিক্ষাদা নত্তবা পাম্বৈশিং শীজিন্নবা তোক্নবগী মতাংদা বাস্তারগী মহৈরোয় রুপেসনা হংলকপা ৱাহং অমগী পাউখুমদা প্রধান মন্ত্রীনা হায়খি পরিক্ষাদা নত্তবা পাম্বৈশিং শীজিন্নবা থিংনবা লম্বীশিং পুথোক্নবা ৱাহং হংলকপা অসি হরাওই। পরিক্ষা অমদা মহৈরোয় অমনা নমথাক তৌবগী চাউথোকচবা পোকপা মতমদা ৱাখল্লোন্দা ফত্তবা অহোংবা অমা লাকই। মসি খুদোংথিনিঙাই ওইবা চৎনবীনি। খুন্নাই পুম্নমক্না মসি চেকশিনগদবনি।

মহাক্না হায়খি স্কুল খর নত্ত্রগা তুইসন তৌবা ওজা খরনা পরিক্ষাশিংদা মখোয়গী মহৈরোয়শিং মার্ক য়াম্না ফংনবা নত্তবা পাম্বৈশিং শীজিন্নবা য়াওই। নত্তবা পাম্বৈশিংগী মচাকশিং থিনবা নত্ত্রগা শেম্নবা মহৈরোয়শিংনা মতম মাঙহল্লোইদবনি। মতমগী অহোংবা মতুংইন্না, ঐখোয়গী পুন্সিদশু অহোংবা লাকই, খোঙথাং খুদিং নহাক পরিক্ষা মায়োক্নগনি। অসিগুম্বা মীওইশিং পরিক্ষা খরদা মাইপাক্কনি অদুবু তুংগী পুন্সিদা মাইথিগনি। নমথাক তৌবনা পুন্সিদা মাইপাকপা ঙম্লোই। নহাক পরিক্ষা খর ঙমখিবদি য়াই অদুবু পুন্সিদা ৱাহং হংনিংঙাই ওইরি। নমথাক তৌবা মহৈরোয়শিংগী মাইপাকপদা কন্না হোৎনবা মহৈরোয়শিংনা নিংবা কাইরোইদবনি অমসুং মখোয়গী পুন্সিদা কন্না হোৎনবগী কান্নবা ফংগনি। পরিক্ষাশিং লাক্কনি অমসুং লোইখিগনি অদুবু পুন্সিদি মপুংফানা হিংগদবনি। অশম্বা থিবনা নহাক্কী পুন্সি তেনগনি।

|

কন্না হোৎনবা ভর্সেস থবক ফজনা তৌবা

কন্না হোৎনবা ভর্সেস থবক ফজনা তৌবগী কেরলাগী মহৈরোয় অমগী ৱাহংগী পাউখুমদা প্রধান মন্ত্রীনা মহাক্কী খৌরাংবা কোক্নবা ক্বাক অমনা চফুদা নুঙ থাদবগী ৱারি লিখি। মহাক্না হায়খি দরকার ওইবশিং কুপ্না নৈনগদবনি অমসুং ৱারি অসিনা থবক কন্না অমসুং ফজনা তৌবগী পাউতাক পীরি। মহাক্না হায়খি থবক খুদিংমক অহানবদা চেকশিন্না য়েংগদবনি। লুপা ২০০ ফংনবা মেকানিক অমনা জিপ অমা মিনিত ২দা শেমখি অমসুং মসিদা উরিবা অসি থবক তৌবদা চংবা মতম অদু নত্তে, থবক হৈবা অদুনি। থবক কন্না শুবা খক্তনা খুদিংমক ফংবা ঙম্লোই। কনাগুম্বা অমনা দরকার ওইরিবা থবকশিং অদু খক্তদা মীৎয়েং চংগদবনি। মরুওই হায়না খনবা হিরমশিং অদুদা কনাগুম্বা অমনা কন্না হোৎনগদবনি।

|

কনাগুম্বা অমগী তৌবা ঙম্বা খঙবগী মতাংদা

য়াইমরপ ওইনা লৈবা মহৈরোয় অমনা পরিক্ষাশিংদা ফজনা তৌরকপগী মতাংদা গুরুগ্রামগী মহৈরোয় অমগী ৱাহংগী পাউখুমদা প্রধান মন্ত্রীনা হায়খি কনাগুম্বা অমনা মশানা মশাবু চুম্বা য়েংবা অমা দরকার ওই। মসি খঙলবা মতুংদা, চুনবা পান্দমশিং অমসুং লৌশিং মহৈরোয় অদু শেমজগদবনি। কনাগুম্বা অমগী তৌবা ঙম্বা মগুনশিং অদুনা মীওই অমা থবক ঙম্বা মীওই ওইহল্লি। মমা-মপাশিংনা মখোয়গী মচাশিং চুম্না য়েংবা ঙমগদবনি। মহাক্না হায়খি মীওই অয়াম্বা চাংচত্তা অমসুং ইচম চম্না লৈ অদুবু হায়রিবা মীওইশিং অসিনা ময়ামগা মান্নদবা থবকশিং তৌরকপা মতমদা, মখোয় অনৌবা মাইপাকপা ফংই। মালেমগী ইকোনোমিদা ভারত অনৌবা থাজবা অমনি। ঙসিদি ভারত মালেমগী চাংদম্নরিবা ইকোনোমিশিংগী মরক্তা মঙাল নাইরে। ঐখোয় কৈদৌঙৈদা প্রেসরগী মখাদা লৈরোইদবনি অমসুং ঐখোয় য়াইমরপ ওইনা লৈরবশু ঐখোয়না হেনবা খরশু লৈরি অমসুং নহাক্না মদু খঙগদবনি।

|

অশোইবা হায়রকপা থেংনবগী মতাংদা

মখোয়দা অরানবা মীৎয়েং য়েংলকপা অমসুং কমদৌনা মায়োক্নগনি হায়বগী মতাংদা মহৈরোয়শিংগী ৱাহংগী পাউখুমদা প্রধান মন্ত্রীনা হায়খি অশোইবা পুথোকপা অসি শেংদোকপনি অমসুং অফবা গনতন্ত্র অমগী হৌরকফম অমনি।  হেন্না ফগৎনবা প্রোগ্রাম্মর অমনা মহাক্কী কোদ অদু ওপন সোর্সতা থম্বগী ৱারি অমা প্রধান মন্ত্রীনা খুদম ওইনা লিখি। নহাক্কী থবকশিংদা নৈনরিবা অদু কনানো হায়বা খঙবা দরকার ওই। প্রধান মন্ত্রীনা হায়খি ফজনা নৈনবগী মহুত্তা মমা-মপাশিংনা অঙাংশিংদা অপনবা পীবগী হৈনবী অমা লৈরে,মসিনা অঙাংশিংগী পুন্সি শেম্বা ঙম্লোই। লেবর অমসুং রিছার্স অসি ক্রিতিক অমা ওইহনবা মরুওই অদুবু ঙসিদি মীওই অয়াম্বা নৈনবগী মহুত্তা মরাল শিবনা হেন্না পাম্লে। মরাল শিবা অমসুং অশোইবা পুথোকপা অনিগী মরক্তা য়াম্না চাউনা খেন্নবা লৈ।কনাগুম্বা অমনা মরাল শিনবগীদমক লান্না নৈনরোইদবনি।

|

গেম অমসুং ওনলাইন্দা এদিক ওইবগী মতাংদা

ওনলাইন গেমশিং অমসুং সোসিএল মেদিয়াদা এদিক ওইবগী মতাংদা মহৈরোয়শিংগী ৱাহংগী পাউখুদমদা প্রধান মন্ত্রীনা হায়খি নহাক স্মার্দ ওইবরা নত্ত্রগা গেজেতশিংনা স্মার্দ ওইবরা হায়বদু অহানবা লেপকদবনি। গেজতেশিংনা নহাক্তগী হেন্না স্মার্দ ওইরে খল্লবদি ৱাথোক ওইবা হৌরে। কনাগুম্বা অমনা গেজেতশি কান্নবা থবকশিংদা স্মার্দ ওইনা শীজিন্নগদবনি।ভারতমচা অমগী চাংচত্তা স্কৃন তাইম অসি পুং ৬নি। ফিবম অসিদা ঐখোয় গেজেতকী মীনাই ওইরে। “ঈশ্বরনা ঐখোয়দা মনিংতম্না ৱাখল খন্নবা অমসুং মনিংতম্বা মীওই অমা ওইনবা খুদোংচাবা পীরি অমসুং ঐখোয়না গেজেতশিংগী মীনাই ওইরিবা অসি ঐখোয়না খন্নগদবনি। মহাক মশামক খুদুম অমা ওইনা পীরদুনা প্রধান মন্ত্রীনা হায়খি মহাক য়াম্না তোইনা মোবাইল ফোন শীজিন্নদে। অসিগুম্বা থবকশিংগী মহাক অকক্নবা মতম থম্মি।কনাগুম্বা অমনা তেক্নোলোজি থাদোকলোইদবনি অদুবু পোৎলমশিং দরকারগী মতুংইন্না শীজিন্নগদবনি। প্রধান মন্ত্রীনা হায়খি আর্তিফিসিএল ইন্তিলিজেন্সকী মতম অসিদা মীওই অমগী হৈশিংবা য়োক্তুনা থম্নবা কনাগুমবা অমনা চাংয়েং তৌগদবনি অমসুং তমগদবনি। মরক মরক্তা তেক্নোলোজি থাদোক্কদবনি। য়ুম খুদিংমক্তা তেক্নোলোজি লৈতবা মফম লৈহনগদবনি। মসিনা নহাক্কী পুন্সি নুংঙাইহনগনি অমসুং গেজেতশিংগী মীনাই  ওইবদগী কনবা ঙমগনি।

পরিক্ষাশিং মতুংদা লাংতক্নবগী মতাংদা

ফল লাউথোকলবা মতুংদা ফংনিংবা মার্ক ফংলক্তবগী মতাংদা জম্মুগী মহৈরোয় অমনা হংলকপা ৱাহংগী পাউখুমদা প্রধান মন্ত্রীনা হায়খি পরিক্ষাশিংগী মতুংদা লাংতক্নবগী অচৌবা মরমদি করিগুম্বা পরিক্ষাশিংদা ফজনা খুম্লবশু ফংলকপা মার্ক অদু পেন্দবা অসিনি। মহৈরোয়শিংগী মরক্তা চাংদম্নবা অসি লাংতক্নবা পোক্নবগী মরম অমনি।পরিক্ষা অমনা পুন্সিগী অরোইবা নত্তে অমসুং ফলশিংগী মতাংদা কা হেন্না খঞ্জিনবা অসি নুংতিগী পুন্সিগী শরুক অমা ওইহল্লোইদবনি।

 

অনৌবা লোনশিং তম্বগী কান্নবশিংগী মতাংদা

কনাগুম্বা অমনা কমদৌনা অনৌবা লোনশিং তমগনি অমসুং মদুগী কান্নবশিংগী মতাংদা মহৈরোয়শিংনা হংলকপা ৱাহংশিংগী পাউখুমদা প্রধান মন্ত্রীনা হায়খি ভারত অসি লোন চা কয়া অমসুং লোন্দ্রৈ লিশিং কয়াগী মফম অমা ওইবা অসি চাউথোকচনবগী মচাক অমনি।

মহাক্না হায়খি লম অমগী লোন তম্বা মতমদা, নহাক্না ঙাংবা ঙম্নবা খক লোন অদু তম্বা নত্তনা, লমদম অদুগী পুৱারি অমসুং হেরিতেচশু তমগদবনি।নোংমগী থবক থৌরমশিংদা অকাইবা পীদনা অনৌবা লোনশিং তমগদবনি। মালেমদা খ্বাইদগী লিরবা লোন অমা ওইরিবা তামিল লোনগীদমক লৈবাক অসিনা চাউথোকচগদবনি। লৈবাক অসিদা মালেমদা খ্বাইদগী লিরবা লোন লৈরি হায়বা মালেমদা খঙহন্নবা তামিলগী মতাংদা মহাক্না য়ু.এন.ওদা ফোঙদোকখি। অৱাং ভারতকী মীয়াম্না খা ভারতকী ফজবশিং খঙগদবনি অমসুং খা ভারতনা অৱাংগী খঙগদবনি। কনাগুম্বা অমনা মমালোনগী মথক্তা য়ামদ্রবদা লম অমগী লোন খঙবা দরকার ওই। মসিনা লোন অসি খঙবা মীওইশিংগা ৱারি শানবদা মখোয়গী মাইথোঙ মকা লামগনি। গুজরাত্তা শিন্মী অমগী চহি ৮শুরবী মচানুপী অমনা লোন কয়া হায়বদি বেঙ্গালি, মলয়লম, মরাথি অমসুং গুজরাতি খঙবগী খুদম অমা প্রধান মন্ত্রীনা পীখি।

মহৈরোয়শিং পুক্নিং থৌগৎপদা ওজাশিংগী থৌদাংগী মতাংদা ওরিসাগী ওজা অমগী ৱাহং অমগী পাউখুমদা প্রধান মন্ত্রীনা হায়খি হিরম অমদা ওজাশিং হোংদোক হোংজিন তৌগদবনি অমসুং রিজিত ওইরোইদবনি। ওজাশিংনা মহৈরোয়শিং মতেং পাংগদবনি। মতম পুম্নমক্তা মহৈরোয়শিংগী মরক্তা খৌরাংবা লৈহনবা হায়বসি ওজাশিংগী অচৌবা গুন অমনি। ঙসি ফাওবা মহৈরোয়শিংনা মখোয়গী ওজাশিং মগুন লৈনা লৌরি।মরম অসিনা প্রধান মন্ত্রীনা ওজাশিংদা করিগুম্বা খর হায়নবা মতম লৌরিবনি। অশোনবা মহৈরোয়শিং চৈবগী মহুত্তা, ৱাহংশিং হংদুনা ওজাশিংনা অফবা মহৈরোয়শিং মনা পীগদবনি। লম হেনবা মহৈরোয়শিং ৱারি শানদুনা লমচৎ চুমথোক্নবা হোৎনগদবনি। থকসি-খাসি লৈনবা ঐখোয়না অঙাংশিং চৈরাক পীরোইদবনি হায়বা ঐনা থাজৈ, ঐখোয়না ৱারি শাগদবনি অমসুং মতেং পাংগদবনি।

|

মহৈরোয়শিংগী লমচৎ-শাজৎশিংগী মতাংদা

খুন্নাইদা মহৈরোয়শিংগী লমচৎ-শাজৎকী মতাংদা নিউ দিল্লিগী মমা অমগী ৱাহং অমগী পাউখুমদা প্রধান মন্ত্রীনা হায়খি খুন্নাইদা অঙাং অমা ফগৎনবা অফবা মওংদা থবক তৌগদবনি। মহৈরোয়শিংদা কনবা অথিংবা কয়া থম্লোইদবনি অমসুং মহৈরোয়শিংগী থবক থৌরমশিং পাকথোক-চাউথোকহনগদবনি। মখোয়গী পরিক্ষাশিংগী মতুংদা মহৈরোয়শিং মপান্দা কোইবা চৎনবা পুক্নিং থৌগৎকদবনি অমসুং মখোয়না থেংনরকশিং ইশিনগদবনি। ফিবম অসিদা মখোয় মনিংতমহনবনা মখোয় য়াম্না তম্বা ঙমগনি। ক্লাস ১২গী পরিক্ষাশিংগী মতুংদা মখোয়গী রাজ্যশিংগী ৱাংমদা চৎহনগদবনি।  

|

প্রধান মন্ত্রীনা হায়খি মখোয়গী অঙাংশিং অনৌবা কয়া থেংনহনগদবনি। মখোয়গী অঙাংশিংগী পুক্নিং-ৱাখলগী ফিবম চেকশিন্না শেন্নগদবনি। মমা-মপাশিংনা ঈশ্বরগী খুদোল ওইরিবা অঙাংশিংগী মপু মখোয়নি হায়না মমা-মপাশিংনা খনবা মতম লাকই।

অরোইবদা থৌরম অসিদা শরুক য়াখিবশিং প্রধান মন্ত্রীনা থাগৎখি অমসুং পরিক্ষা মতমদা লাংতক্নবা পোকপা হন্থহন্নবা মমা-মপাশিং অমসুং ওজাশিং তকশিনখি। থবক অসিনা পরিক্ষাশিং অসি মহৈরোয়শিংগী পুন্সিদা কুহ্মৈ অমা ওইনা লৌগনি অমসুং মসিনা শোইদনা অফবা মহৈরোয় কয়া পুথোকপা ঙমগনি।

 

 

 

 

 

 

 

 

 

 

 

 

 

 

ৱা ঙাংখিবগী মপুংফাবা ৱারোল পানবা মসিদা নম্বীয়ু

  • ganesh joshi April 30, 2023

    🌹🕉️ श्री स्वामी समर्थ 🕉️🌹 🌼 भारत सुप्रसिद्ध ज्योतिषाचार्य पं. आचार्य श्री गाणेशजी जोशी (कुंडली तज्ञ वास्तुतज्ञ ज्योतिष विशारद आणी रत्न पारखी )🌼 🙏मिळवा आपल्या प्रत्येक समस्येचे समाधान घरच्या घरी आपल्या एका फोन कॉल द्वारा.☎️7350050583 समस्या ती कोणतीही असो जसे की, 💋प्रेम विवाह, 🏌️नोकरी प्रमोशन, 💯शिक्षण, आर्थिक अडचण, 💎 व्यापारहानी,🙏 राजकारण,👪पती-पत्नीत वाद विवाद, 🤰संतान सुख, 🧔गुप्त शत्रु, 👩‍❤️‍👨गृह क्लेश, 🪐विदेश भ्रमण, करिअर सल्ला व मार्गदर्शन, 🧭कुंडलीतील ग्रह दोष, 🏡वास्तुदोष, 👽बाहेरील बाधा, 🌹वशीकरण अशा प्रत्येक समस्यांचे खात्रीशीर मार्गदर्शन व 💯%योग्य उपाय शास्त्रोक्त पद्धतीने करून मिळेल. 🧭 आपल्या जन्म कुंडली विश्लेषण याकरिता आपली जन्मतारीख, जन्मवेळ व जन्मस्थळ 🕉️ गुरुजींना️~☎️7350050583व्हाट्सअप करून आपल्याला मार्गदर्शनाची वेळ निश्चित करून घ्यावी. 🙏संपर्क करण्याची वेळ सकाळी 7 ते सायंकाळी 7पर्यंत. 🙏🙏 ज्यांची श्रद्धा व भक्ति असेल त्यांनी अवश्य कॉल करावा. 🙏 माता-भगिनी सुद्धा निशंक कॉल करून आपली समस्या कळवू शकतात. 🙏 अधिक माहितीसाठी आजच संपर्क करा 🙏 🌼
  • maan singh sauna February 20, 2023

    Jai Hind MyLord Hon'ble Prime Minister Sir.
  • February 09, 2023

    Hamare ko kuchh madad nahin milta hai kya Karo
  • ADITYA P SONTAKKE February 07, 2023

    Congratulations for 6th edition of PPC and such events should happen in future also. It motivates the students. It also creates a bonding between PM and students. Every year students wait for such events. The date and time of event was very good.
  • Prashant Pareek February 07, 2023

    प्रधानमंत्री जी परीक्षा पर चर्चा करने और पढाने के लिए हम शिक्षक मौजूद हैं। हम ईमानदारी से अपना कर्तव्य निभा रहे हैं इसलिए परीक्षा पर चर्चा न करके जम्मू-कश्मीर में जो टारगेट किलिंग हिन्दूओ और सिक्खों की जा रही है उसके लिए कृपया आक्रामक ठोस योजना बनाये। आपकी सरकारी मशीनरी के योग्य आई ए एस एवं सैनिक अधिकारियों से चर्चा करके उन कश्मीरी हिन्दुओं और सिक्खों को ए के 47 उपलब्ध करायी जाये एवं पूर्ण प्रशिक्षण दिया जाये।। सीआरपीएफ के जवानों को भी उन हिन्दू बहुसंख्यक गांवों शहरों में 24 घंटे नियुक्त किया जाये।। बेहद आक्रामकता के साथ टार्गेट किलिंग से निपटा जाये।। कृपया शीघ्रता से संज्ञान ले।। 🙏
  • Talib talib TalibTalibt04268829@gmail.com February 03, 2023

    6299714864 main message likh raha hun thoda pahuncha dijiyega aap sabhi ke liye aur PM modi sahab ki India ka sarkar hai khas uske liye aap Jo kiye Hain uska palan Ham kar rahe hain Ham apni Man ki baat Bata rahe hain message padh lijiyega message likh rahe hain hamare sath bahut galat hua ham log bahut garib aadami hai kam se kam pahunchkar aur rupaye to hamen Milana hi chahie 5000 karo hamara chuke hain purana nahin hai aur love Don lagata hai to hamari vajah se laga tha aur kya bolate Hain ki jab Ham aankh band karte hain Allah se baat karte hain nabi se baat karte hain unhone Sach batata hai humko ki tum ichcha insan ho sakti hai tumhare liye Koi nahin rahata hai Tum Meri hamesha karo tumhara garibi sthiti ke bare mein batao aur tum hamle insan nahin ho Tum बहुत-बहुत shukriya sadma Roop ke bad hamen group mein aaye Hain pahle naak the mera naam pahle nag uske pass shambhu uske bad FIR ho uske bad Musa salla Salam uske bad main bhi bahut naam tha vah Talib nabi sallallahu Salam aur meresab log hamen pagal sabit karna chahte hain aur ham chahte Hain humne Khushi rupaye paise dekar achcha insan banaa dijiye Ham apna Ghar mein bhi Koi karwar karenge business kar lenge bus paise ka bahut jaruri hai gala sukh raha hai bahut bimar hai 1100 ka current aise bache Ham Mar Mar ke achcha hua Suraj ne Gola banakar bhej diya aur जाते-जाते Suraj bhai ne kaha original surat sath mein manjil ka bola tha bola Allah Ka Gola modi ka yojana sab log tumhen madad karenge lekin madad hamen koi nahin kar raha sab log dhokha de rahe hain Meri wale din tak pahuncha dijiyega aur use boliye call kijiega bahut paise ka jaruri hai bhej dega दो-तीन din ke andar mein modi wale bhej dena please Jay Hind Jay Bharat bhej dijiye nahin to hamen Paisa dekar hamen yahan se le jaaiye Gujarat Dena chahta hun main Gujarat mein mera lag sakta hai
  • Virat Sonkar February 03, 2023

    Jai shri Ram
  • YOGESH BHUSKUTE February 01, 2023

    जय भाजपा विजय भाजपा
  • maan singh sauna January 30, 2023

    Jai Jai Modi Ji Jai Bjp-Party India regards Maan Singh Sauna Ceo Member Bjp-Party India Rai-Sikh Mahatam Caste India Being Secular 91+94-782-65916.
  • Sahil Kumar January 28, 2023

    नटराज 🖊🖍पेंसिल कंपनी दे रही है मौका घर बैठे काम करें 1 मंथ सैलरी होगा आपका ✔30000 एडवांस 10000✔मिलेगा पेंसिल पैकिंग करना होगा खुला मटेरियल आएगा घर पर माल डिलीवरी 9593734140 ☎️
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
In Mann Ki Baat, PM Stresses On Obesity, Urges People To Cut Oil Consumption

Media Coverage

In Mann Ki Baat, PM Stresses On Obesity, Urges People To Cut Oil Consumption
NM on the go

Nm on the go

Always be the first to hear from the PM. Get the App Now!
...
সোসিয়েল মিদিয়াগী মফম 24 ফেব্রুৱারি, 2025
February 24, 2025

6 Years of PM Kisan Empowering Annadatas for Success

Citizens Appreciate PM Modi’s Effort to Ensure Viksit Bharat Driven by Technology, Innovation and Research