পরিক্ষা পে চর্চাগী ৪শুবা ইদিসনদা ঙসি ভর্চ্যুএল মোদ ওইনা প্রধান মন্ত্রী শ্রী নরেন্দ্র মোদীনা মহৈরোইশিং, ওজাশিং অমসুং মমা-মপাশিংগা ৱারী শানখ্রে। মিনিৎ মরফুদ্রা হেন্না চত্থখিবা ৱারী ৱাতাই শানবা অদুদা মহৈরোইশিং, ওজাশিং অমসুং মমা-মপাশিংনা তোঙান তোঙানবা হীরমশিংদা প্রধান মন্ত্রীদগী কান্নরবা পাউতাকশিং লৌখি। চহি অসিদসু লৈবাক কয়াদগী মহৈরোইশিং অমসুং মপাল লৈবাক্তা লৈবা ভারতকী মহৈরোইশিংনা থৌরম অসিদা শরুক য়াখি।
চহি অসিগী ৱারী ৱাতাই শাবা অসি পরিক্ষা পে চর্চাগী অহানবা ভর্চ্যুএল ইদিসনন হায়না ফপঙদোক্লদুনা প্রধান মন্ত্রীনা কোরোনানা অনৌবা ইন্নোবেসন কয়া পুথোকহনখি অসুং মহৈরোইশিংগা হকথেংননা উন্নবা ফংদবগী নুংঙাইদবা লৈজরবসু চহি অসিগী পরিক্ষা পে চর্চাদা লেপ্পদি য়ারোই হায়না ফোঙদোকখি। মহাক্না হায় পরিক্ষা পে চর্চা অসি পরিক্ষাগী মতাংদা খন্ন-নৈনবতা নত্তনা মসি ইমুং-মনুংগী মীওইশিং অমসুং মরুপশিংগী মরক্তা নুংঙাইবা মওংদা অমসুং অনৌবা থাজবগা লোইননা ৱারী ৱাতাই শানবা থৌরম অমনি।
ये 'परीक्षा पे चर्चा' है, लेकिन सिर्फ़ परीक्षा की ही चर्चा नहीं है! #PPC2021 pic.twitter.com/n5BUsjjKVC
— PMO India (@PMOIndia) April 7, 2021
অন্ধ্রা প্রদেশতগী মহৈরোই এম. পল্লভি অমসুং কুৱালা লুমপুরদগী অর্পন পান্দেনা প্রধান মন্ত্রীদা পরিক্ষাগী অকীবা অসি করম্না হন্থহনগনি হায়বগী মতাংদা ৱাহং হংখি। শ্রী মোদীনা হায় অকীবা অসি মরু ওইনা পরিক্ষানা পুম্নমক্নি অমসুং মসিদা পুন্সি লোইরে হায়না লৌবগী ৱাখল্লোন মহৈরোইশিংদা পোকহনবনা ওইহনবনি। প্রধান মন্ত্রীনা হায় পুন্সি অসি য়াম্না শাংঙি অমসুং মসিদি শুপ্নগী পুন্সিগী তাঙ্কক অমনি হায়না ফোঙদোকখি। মহাক্না মমা-মপাশিং, ওজাশিং অমসুং মরুপ-মপাংশিংনা মহৈরোইশিংদা প্রেসর পীদনবা পাউতাক পীখি। মহাক্না হায় পরিক্ষাশিং অসি কনাগুম্ববু চাংয়েং তৌনবা শুপ্নগী অফবা তাঞ্জা অমা ওইনা লৌগদবনি অমসুং মসি হিংবা নত্ত্রগা শীবগী তানফম অমা ওইনা ওন্থোকপা তৌরোইদবনি। মহাক্না হায় মখোয়গী মচাশিংগা লোইনবা মমা-মপাশিংনদি মচাগী মপাঙ্গল অমসুং অশোনবা অদু মুন্না খঙঙি।
M Pallavi and Arpan Pandey ask PM @narendramodi how can we reduce fear?
— PMO India (@PMOIndia) April 7, 2021
This is how the PM responded... pic.twitter.com/ZWWbPg7T3r
অরুপা চেপ্তরশিং অমসুং সবজেক্তশিংগী মতাংদা প্রধান মন্ত্রীনা সবজেক্ত খুদিংমক চপ মান্না মরু ওইনা লৌনবা অমসুং মহৈরোই অদুগী ইনর্জীবু সবজেক্তশিং অসুদা চপ মান্ননা য়েন্থোক্নবা পাউতাক পীখি। প্রধান মন্ত্রীনা পরিক্ষাশিংদা অরাইবা ৱাহংশিং হান্না পাউখুম পীবা হায়বা অসিগী মতাংদা ৱাখল্লোন খরা খজিক খেৎনৈ হায়না ফোঙদোকখি। খ্বাইদগী অরুবা শরুক অদু হান্না ‘ৱাখল থোক্লিঙৈদা’ পাউখুম পীন্নবা হোৎনগদবনি অমসিং মসিনা অরাইবশিং অদু হেন্না লাইথোকপা ওইনা ফাওহনগনি হায়না ফোঙদোকখি। মহাক্না প্রধান মন্ত্রী অমসুং মমাংদা মুখ্য মন্ত্রী ওইরিঙৈদা তৌখিবা মহাক্কী থবক্তা মহাক্না অয়ুক্তা ৱাখল থোক্লিঙৈদা অরুবা সমস্যাশিং হান্না থেংনৈ হায়না ফোঙদোকখি। মহাক্না সবজেক্ত খুদিংমক্তা মকোক থোংবা ওইদবা য়াদে হায়বা লৈতে, অখন্নবা সবজেক্ত অমদা কন্না হোৎনবা মীওই কয়া চাউনা মাই পাকখি হায়নসু ফোঙদোকখি। মহাক্না লতা মঙ্গেশকরনা মহাক্কী পুন্সি চুপ্পা ঈশৈদা খক্তা মাইপুননা হোৎনখিবা অদু খুদম অমা ওইনা পীখি। প্রধান মন্ত্রীনা মখা তারদুনা হায় সবজেক্ত অমা অরুবা ওইবনা অরোইবা নত্তে অমসুং কনাগুম্বা অমনা অরুবা সবজেক্তশিংদগী মাই লৈদুনা চেনবা তৌরোইদবনি।
Free time is the best opportunity to learn new skills. #PPC2021 pic.twitter.com/t9GPgjk7wm
— PMO India (@PMOIndia) April 7, 2021
প্রধান মন্ত্রীনা অহাংবা মতমগী কান্নবগী মতাংদা শাংনা ৱা ঙাংখি। মহাক্না হায় অহাংবা মতম অসি মরু ওইনা লৌগদবনি মরমদি মসি য়াওদ্রবদি পুন্সি অসি রোবোৎ অমগুম্না ওইরমগনি। কনাগুম্বনা অহাংবা মতম ফংবা মতমদা মদুবু হেন্না লুম্না লৌই। হেন্না মরু ওইনা, প্রধান মন্ত্রীনা ঐখোয়না অহাংবা মতমদা চাবা ফত্তবা পোৎশিং চাদনবা চেকশিন্নবা চেকশিনৱা থমখি। পোৎলমশিং অসিনা অদোমবু ৱাখল ইংনা লৈবগী মহুৎ ৱাহনগনি। অহাংবা মতম অসি অনৌবা স্কিলশিং তমশিন্নবা খ্বাইদগী অফবা তাঞ্জবা অমনি। অহাংবা মতম অসি মীওই অমগী তোপ-তোপ্পা গুনশিং অদু পুথোক্নবা থবক-থৌরমশিংদা শিজিন্নগদবনি হায়না মহাক্না ফোঙদোকখি।
बच्चे बड़े स्मार्ट होते हैं।
— PMO India (@PMOIndia) April 7, 2021
जो आप कहेंगे, उसे वो करेंगे या नहीं करेंगे, यह कहना मुश्किल है, लेकिन इस बात की पूरी संभावना होती है कि जो आप कर रहे हैं, वो उसे बहुत बारीक़ी से देखता है और दोहराने के लिए लालायीत हो जाता है। #PPC2021 pic.twitter.com/Mrk8zuooQE
প্রধান মন্ত্রীনা ওজাশিং অমসুং মমা-মপাশিংদা অঙাংশিং অসি য়াম্না স্মার্ত ওই হায়না ফোঙদোকখি। মখোয়না মথক থোংবশিংনা হায়বা-ঙাংবদগীদি মথক থোংবশিংনা তৌবা লমচৎ-শাজৎ অদু য়েংদুনা মতৌ তম্মি। মরম অসিনা ঐখোয়না খুন্নাই অসিগী ৱাখল্লোন অসি ঐখোয়গী লমচৎ-শাজৎতগী হৌগদবনি। মথক থোংবশিংনা মখোয়না পামজরিবশিং অদুগুম্বা হিংদুনা ইথিল পীনবা হোৎনগদবনি।
Positive motivation augers well for growth and development of youngsters. #PPC2021 pic.twitter.com/ZsapitURgu
— PMO India (@PMOIndia) April 7, 2021
প্রধান মন্ত্রীনা অফবা ইথিল পীবগী মথৌ তাবা অমসুং ফত্তবা ইথিল পীদুনা অঙাংবু অকীপা পোকহন্দনবা চেকশিনবা তাই হায়না ফোঙদোকখি। মথক থোংবশিংনা থৱায় য়াওনা হোৎনরবদি অঙাংশিংনা মদুদা মঙাল অমা উই মরমদি মখোয়না মথক থোংবশিংগী ফীদমনিংঙাই ওইবা লমচৎ-শাজৎ অদুবু উরি। মহাক্না হায়, “অফবা ইথিলনা নহারোলশিংগী গ্রোথ অমসুং দিবেলপমেন্দা লৈহল্লি”। ইথিল পীবগী অহানবা শরুক অসি ত্রেনিংনা ওই অমসুং ত্রেন তৌরবা ৱাখল অমনা ইথিল পী হায়না মহাক্না ফোঙদোকখি।
We must resolve to achieve our dreams. #PPC2021 pic.twitter.com/6TtPcjq4qd
— PMO India (@PMOIndia) April 7, 2021
শ্রী মোদীনা মহৈরোইশিংদা মখোয়গী মঙলানশিং মঙফাওনবা ঙম্নবা অচেৎপা ফীরেপ লৌনবা পাউতাক পীখি। মখোয়না সেলেব্রিতী কলচর অসিগী অরং-অরাক্তা মীৎ থকলোইদবনি। মহাক্না হায় খোঙজেল য়াংনা হোংলক্লিবা মালেম অসিনা খুদোংচাবা কয়া পুরক্লি অমসুং খুদোংচাবশিং অসি লৌহৌনবা খঙনিংবা পোকপা হেনগৎনবা হোৎনবা তঙাই ফদে। ক্লাস ১০ অমসুং ১২ তম্লিবা মহৈরোইশিংনা থবকশিংগী মওং খঙনবা মখোয়গী পুন্সিগী অকৌবদা তৌরিবশিং অমসুং অনৌবা অহোংবশিং য়েংবা হৌগদবনি অমসুং মখোয় মশাবু ত্রেনিং পীবা অমসুং স্কিল লৈহনবা হৌগদবনি। মহৈরোই অমনা মখোয়গী পুন্সিদা মরু ওইবা ফীরেপ ওইহন্নিংলিবা ফীরেপ অদু জিরোয়িং তৌবা মথৌ তাই হায়না মহাক্না ফোঙদোকখি। মদু তৌরবা মতমদা লম্বী অদু ময়েক শেংলক্কনি হায়না শ্রী মোদীনা ফোঙদোকখি।
Involve, internalize, associate and visualize. #PPC2021 pic.twitter.com/PeP9OBvksb
— PMO India (@PMOIndia) April 7, 2021
প্রধান মন্ত্রীনা অফবা চিঞ্জাক্কী তঙাই ফদবা অমসুং নাৎকী ওইবা চিঞ্জাক্কী কান্নবশিং অমসুং মহাওশিং খঙনবসু হায়খি।
নীংশিবা ৱাবগী সমস্যাগী মতাংদা প্রধান মন্ত্রীনা ‘শরুক য়াশিল্লু, মনুং ফাওনা খঙনবা হোৎনৌ, মরী লৈনহল্লু অমসুং উবা ঙম্নবা হোৎনৌ’ হায়বা ফোর্ম্যুলা অসি পীখি। মহাক্না হায় মনুং ফাওনা খঙলবা অমসুং ৱাখলগী শরুক ওইখ্রবা হীরমশিং অদুদি কাউবা লৈররোই। কনাগুম্বনা চিনফা পুবগী মহুৎ মনুং ফাওনা খঙনবা হোৎনগদবনি।
All your tension must be left outside the examination hall. #PPC2021 pic.twitter.com/XjhtAuLzrh
— PMO India (@PMOIndia) April 7, 2021
প্রধান মন্ত্রীনা মহৈরোইশিংদা ৱাখল নুংঙাইনা পরিক্ষা থানবা হায়খি। শ্রী মোদীনা হায়, “নখোয়গী অৱাবা ৱাখল পম্নমক পরিক্ষাগী হোলগী মপান্দা থনমগদবনি”। মহাক্না মহৈরোইশিংদা শেম-শাবা অমসুং অতোপ্পা অৱাবা ৱাখলশিংগী মরমদা নুংনাংবা পোক্তবা খ্বাইদগী অফবা মওংদা পাউখুমশিং পীবদা মীৎয়েং থম্নবা পাউতাক পীখি।
Coronavirus forced social distancing, but it has also strengthened emotional bonding in families. #PPC2021 pic.twitter.com/R1yit0x2mA
— PMO India (@PMOIndia) April 7, 2021
লাইচৎ অসিগী মতাংদা প্রধা মন্ত্রীনা হায় “কোরোনাভাইরসনা নমদুনা সোসিএল দিস্তেন্সিং তৌহনখি অদুবু মসিনা ইমুং-মনুংশিংদা নুংশিনবগী মরীদি চেৎশিনহনখি”। মহাক্না হায় করিগুম্বা ঐখোয়না লাইচৎকী মনুংদা অমাংবা কয়া লৈরবসু ঐখোয়না পোৎশকশিংগী মওংদা অমসুং পুন্সিগী মরীশিংদা কান্নবা কয়া ফংখি। ঐখোয়না পোৎশক অমবু নত্ত্রগা কনাগুম্বা অমবু কৈশু লৈতনা কনদবগী কান্নবা অদুসু খঙখি। কোরোনাগী মতম অসিনা ঐখোয়দা ইমুং মনুংগী ভেল্যু অমসুং মসিনা অঙাংশিংগী পুন্সিশিং শেম্বদা মখোয়গী থৌদাং অদু খঙহনখি।
अपने बच्चे के साथ उसकी generation की बातों में, उतनी ही दिलचस्पी दिखाइएगा, आप उसके आनंद में शामिल होंगे, तो आप देखिएगा generation gap कैसे खतम हो जाती है। #PPC2021 pic.twitter.com/zM4LLLdEZ9
— PMO India (@PMOIndia) April 7, 2021
প্রধান মন্ত্রীনা হায় করিগুম্বা মথক থোংবশিংনা অঙাং অদুগী অমসুং মহাক্কী জেনরেসনগী সমস্যাশিংদা পুক্নিং চংবা উৎলবদি জেনরেসন গেপ অদু মাংখিগনি। অমনা অমগা পাও ফাওননবা অমসুং খঙনবা অহলশিং অমসুং অঙাংশিংগী মরক্তা অরোৎপা লৈহনদবা তাই। অঙাংশিংবু অরোৎপা লৈতনা এপ্রোচ তৌগদবনি অমসুং মখোয়গা লোইনরবা মতুংদা ঐখোয়না হোংদোকপা ঙম্বসু মথৌ তাই।
What you study cannot be the only measure of success and failure in your life.
— PMO India (@PMOIndia) April 7, 2021
Whatever you do in life, they will determine your success and failure. #PPC2021 pic.twitter.com/WgTcG9GTIn
প্রধান মন্ত্রীনা “অদোমনা তম্লিবা অদু খক্তনা অদোমগী পুন্সিগী মাই পাকপা অমসুং মাইথীবা ওনবা য়ারোই। অদোমনা পুন্সিদা তৌরিবা খুদিংমক্না অদোমগী মাই পাকপা অমসুং মাই থীবা অদু লেপকনি।“ হায়না ফোঙদোকখি। মরম অসিনা অঙাংশিংনা মীয়ামগী, মমা-মপাশিংগী অমসুং খুন্নাইগী প্রেসর অসিদগী নান্থোক্কদবনি।
Let us make 'Vocal for Local' our mantra for life. #PPC2021 pic.twitter.com/NHJwwLtm7N
— PMO India (@PMOIndia) April 7, 2021
প্রধান মন্ত্রীনা মহৈরোইশিংদা ‘ভোকেল ফোর লোকেল’গী কেম্পেন্দা শরুক য়ান্নবা ফোঙদোকখি। মহাক্না হায় মহৈরোইশিংনা চাংয়েং অসিদা চাদা চামা ফংদুনা মাই পাক্নবা অমসুং ভারতবু আত্মনির্ভর ওইহন্নবা অপাম্বা ফোঙদোকখি। প্রধান মন্ত্রীনা অঙাংশিংদা নীংতম ইহৌগী থৌদোকশিংগী মতাংদা ই-পাউ খোমজিন্দুনা অমসুং মখোয়গী মরমদা ইরক্তুনা অজাদি কা অমৃত মহোৎসবতা শরুক য়ানবসু হায়খি।
প্রধান মন্ত্রীনা মখাদা পীরিবা মহৈরোইশিং, ওজাশিং অমসুং মমা-মপাশিংদগী হংলকপা ৱাহংশিংগী পাউখুম পীখি। এম. পল্লভি, গভর্নমেন্ত হায় স্কুল, পোদিলি, প্রকাসম, অন্ধ্র প্রদেশকী; অর্পন পান্দে - গ্লোবেল ইন্দিয়া ইন্তরনেস্নেল স্কুল, মলেসিয়া; পন্যোসন্যা – বিবেকানন্দা কেন্দ্র বিদ্যালয়, পাপুমপরে, অরুনাচল প্রদেশ; কুমারী বিনীতা গর্গ (ওজা), এস.আর.দি.এ.ভি. পব্লিক স্কুল, দয়ানন্দ ভিহার, দিল্লী; নীল অনন্থ, কে.এম. – শ্রী অব্রাহম লিংদোম, বিবেকানন্দা কেন্দ্র বিদ্যালয় মেত্রিক, কন্যাকুমারী, তামিল নাদু; আক্ষে কেকৎপুরে (মপা) – বেঙ্গলুর, কর্নাতকা; প্রভীন কুমার, পত্না, বিহার; প্রতিভা গুপ্তা (মমা), লুধিয়ানা, পঞ্জাব; তানে, মপাল লৈবাক্কী মহৈরোই, সমিয়া ইন্দিয়ন মোদেল স্কুল কুৱেৎ; অশ্রাফ খান – মুসোরী, উত্তরাখন্দ; অমরিতা জেন, মোরাদবাদ, উত্তর প্রদেশ; সুনিতা পোল (মমা), রাইপুর, ছত্তিসগর; দিব্যাঙ্কা পুশকর, রাজস্থান; সুহান সেহগল, অলকোন ইন্তরনেস্নেল, মায়ুর ভিহার, দিল্লী; ধর্ভি বোপৎ - গ্লোবেল মিসন ইন্তরনেস্নেল স্কুল, অহমদবাদ; ক্রিশ্তী সাইকিয়া – কেন্দ্রিয়া বিদ্যালয় আই.আই.তি. গুৱাহাতি অমসুং শ্রীয়ান রোই, সেন্ত্রেল মোদেল স্কুল, বরাকপুর, কোলকতা।
Click here to read full text speech
