এক্সিলেন্সীশিং,
ঐহাক্কী মরুপশিং, রাস্ত্রপতি ইরফান অলী অমসুং প্রধান মন্ত্রী দিকোন মিৎচেলগা লোয়ননা অনিশুবা ভারত-CARICOM সম্মিৎ অসি পাংথোকপদা ঐহাক্না চাউথোকচরি। ঐহাক্না CARICOMগী ইমুং মনুং পুম্নমকপু থম্মোয় শেংনা তরাম্না ওকচরি অমসুং মীফম অসি ফজনা শীনবগীদমক রাস্ত্রপতি ইরফান অলিবু অখন্ননা থাগৎপা ফোংদোকচরি।
থা খরগী মমাংদা, "হুরিকেন বেরিল" না মরম ওইদুনা লৈবাক খরদা মীওই কয়াগী পুন্সি অমসুং পোৎলম মাংখি। ভারত মচা পুম্নমক্কী মহুৎ শিন্দুনা ঐহাক্না নখোয়দা নুংঙাইতবা ফোংদোকচরি।
এক্সিলেন্সীশিং,
ঙসি ঐখোয়গী মীফম অসি চহি মঙাগী মতুংদা পাংথোক্লি। চহি মঙা অসিদা, মালেম অসিনা অহোংবা কয়া অমা থেংনখি, অমসুং মীওইবা খুন্নাইনা অৱাবা কয়া থেংনখি।
মখোয়শিং অসিনা মালেমগী খা থংবা শরুক্তা লৈবা ঐখোয়গীগুম্বা লৈবাকশিংদা খ্বাইদগী চাউবা অমসুং খ্বাইদগী নেগেতিব ওইবা শাফু অমা পীরি। মরম অসিনা ভারতনা মতম পুম্নমক্তা CARICOMগা পুন্না থবক তৌমিন্নদুনা পুন্না থেংনরিবা শীংনবশিং কোকহন্নবা হোৎনরি।
কোভিদ ওইগেরা, মহৌশাগী অৱাবা ওইগেরা, কেপাসিতী বিল্দিং ওইগেরা, নৎত্রগা দিবেলপমেন্ত ইনিসিএতিব ওইগেরা, ভারতনা থাজবা য়াবা পার্তনর অমা ওইনা অদোম পুম্নমক্কীদমক লেপ্লি।
এক্সিলেন্সীশিং,
ঐখোয়গী অকোনবা মীফমদা ঐখোয়না অনৌবা অমসুং অফবা থৌরাং কয়া অমা মশক খঙদোকখি। মখোয় পুম্নমক্তা খুমাং চাউশিল্লক্লিবা অসিদা ঐহাক নুংঙাইবা ফাওই। তুংদা ঐখোয়গী কোওপরেসন অসি হেন্না মপাঙ্গল কনখৎহন্নবগীদমক, ঐহাক্না খোঙথাং খরা খংদোকচরি।
প্রোপোজেলশিং অসি মরুওইবা পিল্লর তরেৎতা য়ুম্ফম ওই, অমসুং পিল্লরশিং অসিদি: C, A, R, I, C, O, M, হায়বদি, CARICOMনি।
অহানবা, 'C' অসি কেপাসিতী বিল্দিংনি। ভারতনা স্কোলারশিপ, ত্রেনিং অমসুং তেক্নিকেল এসিস্তেন্সকী থোংদা CARICOM লৈবাকশিংগী কেপাসিতী বিল্দিংদা লেপ্পা লৈতনা মতেং পাংলি। ঙসি ঐহাক্না লাক্কদৌরিবা চহি মঙা অসিদা ভারতনা পীরিবা ITECদা স্লোৎ 1,000দা হেনগৎহন্নবা প্রপোজ তৌখি।
নহাশিংগী মরক্তা তেক্নিকেল ত্রেনিং অমসুং স্কিল দিবেলপমেন্ত প্রমোৎ তৌনবা ঐখোয়না বেলিজদা তেক্নিকেল দিবেলপমেন্ত সেন্তর অমা লিংখৎলে। CARICOMগী লৈবাক পুম্নমক্তা শীজিন্ননবা ঐখোয়না মসিগী স্কেল অমসুং সাইজ অসি পাকথোক চাউথোকহল্লগনি।
ঐখোয়না CARICOM লমদমগী ফোরেন্সিক সেন্তর অমা লিংখৎনবগী থবকসু পায়খৎকনি। সিবিল সর্ভেন্তশিংগী লেপ্তনা কেপাসিতী শেমগৎনবগীদমক, ঐখোয়না ভারত্তা " i-GOT কর্ময়োগী পোর্তেল" শেমগৎলে।
পোর্তেল অসিনা তেক্নোলোজী, এদমিনিস্ত্রেসন, লো, অমসুং এজুকেসনগুম্বা লমশিংদা ওনলাইন কোর্সশিং পীরি। অসিগুম্বা পোর্তেল অসি CARICOM লৈবাকশিংগীদমক্তা শেম্বা য়াই। দেমোক্রেসীগী মমানা ওইরিবা ভারতনা CARICOMগী পার্তনরশিংগা লোয়ননা পার্লিয়ামেন্তরী ত্রেনিংদা থবক তৌমিন্নবা শেম-শারি।
অনিশুবা, 'A' অসি এগ্রিকলচর অমসুং ফুদ সেক্যুরিতীনি। লৌউ-শিংউগী সেক্তরদা, দ্রোন, দিজিতেল ফার্মিং, ফার্ম মেকানিজমেন্ত, অমসুং সোইল তেস্তিংগুম্বা তেক্নোলোজীশিংনা ভারতকী লৌউ-শিংউদা অহোংবা পুরকখ্রে। নেনো ফর্তিলাইজরশিংগা লোয়ননা ঐখোয়না নেচরেল ফার্মিংদসু মীৎয়েং থম্লি। ফুদ সেক্যুরিতী প্রমোৎ তৌনবগীদমক, ঐখোয়না মিল্লেৎশিং প্রমোৎ তৌরি। ভারতকী থৌরাংগী মতুং ইন্না, UNনা 2023বু ইন্তর্নেস্নেল ইয়ার ওফ মিল্লেৎ হায়না লাউথোকখি।
মিল্লেৎ অসি ক্লাইমেৎ অমহেক্তদা হৌবা ঙম্বা সুপরফুদ অমনি। CARICOM লৈবাকশিংগী ওইনদি, মখোয়না ক্লাইমেৎ চেঞ্জ থেংননবা অমসুং ফুদ সেক্যুরিতী হেনগৎহন্নবা ইফেক্তিব ওইবা পাম্বৈ অমা ওইনা মথৌ পাংথোকপা ঙম্মি। অদোমগী লমদম অসিদা, "সরগাসম সীৱিদ" অসি য়াম্না মরু ওইবা প্রোব্লেম অমনি। মসিনা হোতেল অমসুং তুরিজম ইন্দস্ত্রীদসু শাফু পীরি।
ভারত্তা, ঐখোয়না সমুদ্রগী ঈশিংদগী ফর্তিলাইজর পুথোক্নবা তেক্নোলোজী পুথোক্লে। তেক্নোলোজী অসিনা মহৈ-মরোং ফংবা হেনগৎহন্দুনা মসিগী সমস্যা অসিগী সোলুসন অমা পীবা ঙম্মি। ভারতনা অসিগুম্বা এক্সপরিয়েন্স পুম্নমক অসি CARICOM লৈবাকশিংগা শরুক য়ামিন্নবা শেম-শারি।
অহুমশুবা, 'R' অসি রিন্যুএবল ইনর্জী অমসুং ক্লাইমেৎ চেঞ্জনি। এনভাইরনমেন্তকী শীংনবশিং অসি ঐখোয় পুম্নমক্কী মরু ওইবা ৱাফম অমনি। হীরম অসিদা মালেমগী থাক্তা পুন্না থবক তৌমিন্নবা হেনগৎহন্নবা ঐখোয়না ইন্তর্নেস্নেল সোলর এল্লাইন্স, কোলিসন ফোর দিজাস্তর রেসিলিয়েন্ত ইনফ্রাস্ত্রকচর, মিসন লাইফে (লাইফস্তাইল ফোর এনভাইরনমেন্ত), অমসুং গ্লোবেল বাইওফ্যুল এলাইন্স হৌদোক্লে।
অদোম্না ইন্তর্নেস্নেল সোলর এলাইন্সকী শরুক অমা ওইবদা ঐহাক নুংঙাইবা ফাওই। ঐনা অদোমবু অতোপ্পা ইনিসিএতিবশিংদসু শরুক য়ানবা হায়জরি। রিন্যুএবল ইনর্জীগী লমদা ঐখোয়না পাক-শন্না ইনভেস্ত তৌরি। ঐখোয়গী প্রোপোজেল অসি CARICOM লৈবাক খুদিংদা য়ামদ্রবদা সরকারগী বিলদিং অমবু সোলর-পাৱরগী খুত্থাংদা চলাইবদা মতেং পাংবনি।
মরিশুবা, ' I ' অসি ইনোবেসন, তেক্নোলোজী অমসুং ত্রেদনি।
ঙসিদি, ভারত অসি তেক্নোলোজী অমসুং স্তার্ত-অপকী হব অমা ওইনা শকখঙনরি। ভারতকী অখন্নবা অসি মফম অসিদা শেমগৎলিবা তেক্নোলোজী সোলুসনশিং অসি ঐখোয়গী খুন্নাইগী মখল-মখা অমসুং মতমগী চাংয়েংদগী থোরকপনি। মরম অদুনা, মালেমগী লৈবাক খুদিংমক্তা মখোয়গী মাইপাকপা অসি গেরেন্তি পীরি। ভারতকী দিজিতেল পব্লিক ইনফ্রাস্ত্রকচর, ইন্দিয়া স্তেক হায়নসু খঙনবা অসিগী খুত্থাংদা ঐখোয়না শেন্মিৎলোনগী সেক্তর খুদিংমক্তা অহোংবা পুরক্লি।
ঙসিদি, ভারতকী মীওই মিলিয়ন কয়ানা দাইরেক্ত বেনেফিৎ ত্রান্সফরশিং ক্লিক অমখক্তনা ফংলি। UAE, সিঙ্গাপুর, ফ্রান্স, শ্রী লঙ্কা, নেপাল অমসুং মোরিসিয়সকুম্বা লৈবাকশিং অসি হান্ননা ভারতকী য়ুনিফাইদ পেমেন্ত ইন্তরফেস (UPI) গা শম্নখ্রে।
ঐহাক্না হায়জনীংবদি ঐখোয়না CARICOM লৈবাকশিংদসু UPIবু চৎনহন্নবা পুন্না থবক তৌমিন্নসি। ঐখোয়না নাগরিকশিংগীদমক্তা মখোয়গী দোক্যুমেন্তশিং সেক্যুর ওইনা স্তোর তৌনবগীদমক ক্লাউদ-বেজ দিজি লোকর প্লেৎফোর্ম অমা শেমগৎলে।
ঐখোয়না মসিগী প্লেতফোর্ম অসি CARICOM লৈবাকশিংদা পাইলোৎ প্রোজেক্ত অমা ওইনা হৌদোকপা য়াই। ভারত্তা পব্লিক প্রোক্যুরমেন্ত অসি হেন্না লায়বা অমসুং ত্রান্সপরেন্ত ওইহন্নবা ঐখোয়না গবর্নমেন্ত ই-মার্কেৎ প্লেস (GeM) পোর্তেল শেমগৎলে।
মেদিকেল ইক্বিপমেন্ত অমসুং কম্প্যুতরদগী হৌদুনা ফর্নিচর অমসুং অঙাংশিংগী শান্নপোৎ ফাওবদা পোর্তেল অসিদা পুম্নমক ফংই। ঐখোয়না পোর্তেল অসি CARICOM লৈবাকশিংগা শরুক য়ামিন্নবদা নুংঙাইবা ফাওগনি। ত্রেদ, তেক্নোলোজী, তুরিজম, তেলেন্ত অমসুং ত্রেদিসনগী 5Tশিং প্রমোৎ তৌনবা ঐখোয়না লৈবাক পুম্নমক্কী প্রাইবেৎ সেক্তরশিং অমসুং স্তেকহোল্দরশিং শম্নহন্নবা ওনলাইন পোর্তেল অমা শেম্বা য়াই।
ভারতনা SME সেক্তরদা খোঙজেল য়াংনা খুমাং চাউশিল্লি। হৌখিবা চহিদা ইন্দিয়া-CARICOM মীফম মনুংদা, ঐখোয়না এস.এম.ই. প্রোজেক্তশিংগীদমক দোল্লর মিলিয়ন 1গী গ্রান্ত অমা লাউথোকখি। ঐখোয়না গ্রান্ত অসিগী ইমপ্লিমেন্ত তৌবা য়াহনগদবনি। স্পেস তেক্নোলোজীদা ভারত অসি মালেমগী মকোক থোংবা লৈবাকশিংগী মনুংদা অমনি। স্পেস তেক্নোলোজী শীজিন্নদুনা, ঐখোয়না রিসোর্স মেপ্পিং, ক্লাইমেৎ স্তদীজ, অমসুং CARICOM লৈবাকশিংদা লৌউ-শিংউবগী লমশিংদা পুন্না থবক তৌমিন্নবা য়াই।
হৌখিবা চহিগী সেপ্তেম্বরদা, G-20 সম্মিৎ মনুংদা, ঐখোয়না G-20 সেতেলাইত ফোর এনভাইরনমেন্ত অমসুং ক্লাইমেৎ ওবজর্বেসনগীদমক লাউথোকখি। মসি 2027 ফাওবদা হৌদোক্কনি। ঐখোয়না মিসন অসিগী দেতা অসি মালেমগী লৈবাক পুম্নমক্তা, মরুওইনা গ্লোবেল সাউথকী লৈবাকশিংগা শরুক য়ামিন্নগনি।
মঙাশুবা, ‘C,' অসি ক্রিকেৎ অমসুং কলচরগীদমক লৈ। ঐখোয়গী লৈবাক অনিগী মরক্তা ক্রিকেৎ অসি মরু ওইবা কনেক্তিবিং লিঙ্ক অমনি। 1983গী ক্রিকেৎ ৱর্ল্দ কপ ফাইনেল ওইগেরা নত্রগা ILP ওইগেরা, ভারত মচাশিংদা ৱেস্ত ইন্দিস ক্রিকেৎতরশিংগীদমক অখন্নবা মফম অমা লৈ।
চহি অসিদা অদোমগী লমদমদা য়ুম্বু ওইদুনা পাংথোকখিবা T-20 ৱর্ল্দ কপ্না কেরিবিয়ন লমদমদা ভারতকী ক্রিকেৎ ফেনশিংগী পুক্নিং চিংশিনবা হেনগৎহনখ্রে। ভারতনা ৱর্ল্দ কপ অদু ফংখিবদগী ঐহাক্না মসি হায়নীংঙাই লৈতে। ঐহাক্না ক্রিকেৎকী মরীশিং মপাঙ্গল কনখৎহনবগা লোয়ননা, ভারত্তা CARICOM লৈবাক খুদিংমক্কী নহা ওইরিবা নুপী ক্রিকেৎকী শান্নরোই 11 ত্রেনিং পীদুনা নুপীশিংগী শক্তি লৈহন্নবা থৌরাং তৌজরি।
ঐখোয়গী শেয়র কলচরেল হেরিতেজ অসি মালেমগী থাক্তা উৎনবগীদমক, ঐখোয়না মথং চহিদা CARICOM লৈবাকশিংদা দেস ওফ ইন্দিয়ন কলচর পাংথোকপা ঙমগনি। বোলীৱুদকী মীয়াম্না পাম্নবগী মতুং ইন্না, ঐখোয়না CARICOM লৈবাকশিংগা লোয়ননা ফিল্ম ফেস্তিবেলশিং পাংথোক্নবা পুন্না থবক তৌমিন্নবা য়াই।
তরুকশুবা, 'O,' অসি ওসেন ইকোনোমী অমসুং মেরিতাইম সেক্যুরিতীগীদমক লৈ। ভারতকী ওইনা, অদোম অসি অপীকপা ইথৎ লৈবাকশিং নত্তে অদুবু অচৌবা সমুদ্রগী লৈবাকশিংনি।
লমদম অসিদা কনেক্তিবিতী হেনগৎহন্নবগীদমক, ঐখোয়না পেসেঞ্জর অমসুং কার্গো ফেরীশিং পীনবা ঐহাক্না থৌরাং তৌরি। ঐখোয়না মেরিতাইম দোমেন মেপ্পিং অমসুং হাইদ্রোগ্রাফীদা পুন্না থবক তৌমিন্নবা য়াই। হৌখিবা চহিদা, CARICOMনা মেরিতাইম সেক্যুরিতী স্ত্রেতেজী ফোংখি।
স্ত্রেতেজি অসিনা দ্রগ ত্রাফিকিং, পাইরেসী, আইন্না য়াদবা ঙা ফাবা, মীওইবগী ত্রাফিকিং, অমসুং ইকোনোমিক কোওপরেসনগী শীজিন্নদ্রিবা পোতেন্সিএলগুম্বা হিরমশিংবু ময়েক শেংনা তাক্লি। ইসুশিং অসিগা মরী লৈননা অদোমগা লোয়ননা মতেং পীনবা হেনগৎহনবদা ভারতনা নুংঙাইবা পোক্কনি।
তরেৎশুবা, 'M' অসি মেদিসিন অমসুং হেল্থকেয়রনি। CARICOM লৈবাকশিংগী হকশেলগী সেক্যুরিতী অসি ভারতকীদমক অৱাংবা প্রাইওরিতি লৈবা হীরম অমনি।
ভারতনা মীপুম খুদিংমক্তা ক্বালিতী লৈবা অমসুং শেল চংদবা হেল্থকেয়র ফংহন্নবা জন ঔশধী কেন্দ্রশিং হাংদোক্লে। ঐনা হায়জনীংবদি ঐখোয়না CARICOMগী লৈবাক পুম্নমক্তা অসিগুম্বা সেন্তরশিং লিংখৎকদবনি। ভারত অমসুং CARICOMগী লৈবাক পুম্নমক্কী মরক্তা ফার্মাকোপোইয়াশিং শকখঙনবগীদমক য়ানা ৱারোল অমা শেমদুনা ঐখোয়না থবক অসি খোংজেল য়াংশিনবা ঙমগনি।
ঐখোয়না CARICOM লৈবাকশিংদা দ্রগ তেস্তিং লেবোরেতরীশিং লিংখৎনবা খন্নবসু পাম্মি। কেন্সর অমসুং অতোপ্পা নন-কম্ম্যুনিকেবল দিজিজশিং অসি CARICOM লৈবাকশিংদা অচৌবা শীংনবনি। মসিগী মায়োক্তা লান্থেংননবা, ঐখোয়না ভারত্তা পুথোকপা সিদ্দার্থ তু কেন্সর থেরাপী মেছিন পীগনি।
অরাপ্পা মফমশিংদা খুদোংচাবা অমসুং মফম অদুদা লায়েংবগীদমক, ঐখোয়না ভারত্তা "ভিস্মা" মোবাইল হোস্পিতালশিং শেমগৎলে। মখোয়শিং অসি মিনিত খরগী মনুংদা শেম্বা ঙম্মি অমসুং মখল খুদিংমক্কী ত্রোমাগীদমক খুদক্তা লায়েং পী। ঐখোয়না অসিগুম্বা মোবাইল হোস্পিতালশিং অসি CARICOMগী মরুপশিংদা ফংহনবদা নুংঙাইবা পোক্কনি।
দিসএবল ওইরবা মীওইশিংদা আর্তিফিসিএল লিম্বশিংগী খুত্থাংদা হ্যুমেনিতরিয়ান এসিস্তেন্স পীনবগীদমক, ঐখোয়না চহি খুদিংগী CARICOMগী লৈবাক অমদা জয়পুর ফুত কেম্পশিং পাংথোক্নবা প্রপোজ তৌরি। দাইএলাইসিস য়ুনিৎশিং অমসুং সমুদ্র এম্বুলেন্সশিংসু পীনবা ঐখোয়না থৌরাং তৌরি।
দাইবেতিস অমসুং হাইপরতেন্সনগুম্বা পুন্সি মহিংগী লায়নাশিং লান্থেংনবদা, য়োগ অসি য়াম্না ইফেক্তিব ওই। ৱাখল অমসুং হকচাং অমত্তা ওইনা পুনশিন্নবদা মীৎয়েং চঙবা, মসিগী থৌওং অসি মীওইবা খুন্নাইদা ভারতকী সিভিলাইজেসন্না পীবা খুদোল অমনি।
2015দা, UNনা মসি ইন্তর্নেস্নেল য়োগ নুমিৎ ওইনা শকখঙখি। নহা ওইরিঙৈদগী হৌনা য়োগ শিজিন্নবা পুক্নিং থৌগৎনবগীদমক্তা ঐখোয়না স্কুলগী করিক্যুলমদা য়োগ য়াওহনবা য়াই। ঐখোয়না ভারতকী য়োগ ওজাশিং অমসুং ত্রেনরশিং CARICOM লৈবাক পুম্নমক্তা থাগৎপা ফোংদোক্লি। মসিগী মথক্তা, ঐখোয়না CARICOM লৈবাকশিংদা য়োগ থেরাপী অমসুং ভারতকী ত্রেদিস্নেল হিদাক-লাংথকশিং শীজিন্নবগী থবক পায়খৎপা য়াই।
এক্সিলেন্সীশিং,
"CARICOM"গী য়ুম্বী তরেৎ অসিদা মান্নবা ৱাফম অমা লৈ। মখোয় পুম্নমক অসি অদোমগী মরুওইবশিং অমসুং মথৌ তাবশিংদা য়ুম্ফম ওই। মসি ঐখোয়গী কোওপরেসনগী ফন্দামেন্তেল প্রিন্সিপলনি। মসিগী হীরমশিং অসিগী মতাংদা অদোমগী ৱাখল্লোনশিং ঐনা ঙাইরি।
হন্না-হন্না থাগৎচরি।
