এ.আই এক্সন সম্মিৎ হৌদোকপদা প্রধান মন্ত্রীনা ফোঙদোকখিবা হৌদোকপগী ৱারোল

AI is writing the code for humanity in this century: PM

There is a need for collective global efforts to establish governance and standards that uphold our shared values, address risks and build trust: PM

AI can help transform millions of lives by improving health, education, agriculture and so much more: PM

We need to invest in skilling and re-skilling our people for an AI-driven future: PM

We are developing AI applications for public good: PM

India is ready to share its experience and expertise to ensure that the AI future is for Good, and for All: PM

শক্নাইরবশিং,

মরুপশিং,

ঐ অচম্বা চাংয়েং অমগা লোয়ননা হৌদোকচগে।
করিগুম্বা অদোম্না এ.আই এপ্প অমদা অদোমগী মেদিকেল রিপোর্ত থাগৎলবদি, মসি অচম্বা লোলদা, খঙবা ৱাবা ৱাহৈ য়াওদনা শন্দোক্না তাক্কনি, মসি অদোমগী হকশেলগীদমক্নি। অদুবু, করিগুম্বা অদোম্না হায়রিবা এপ্প অদুদা মখোয়গী খুৎ ওইনা লাই অমা য়েক্নবা হায়রবদি, এপ্প অদুনা শোইদনা মখোয়গী খুৎ য়েৎনা য়েক্কনি। মরমদি মসি ত্রেনিং দেতানা মপুং ওইবা থবক পাংথোকপদগীনি।

এ.আইগী অফবা কান্নবা অসি অঙকপনি, মসি চেকশিন্না শীজিন্নবগী মতাংদা ঐখোয়না ৱাখল খনবা দরকার ওইরি। মরম অদুনা মীফম অসি য়ুম্বু ওইবগীদমক ঐনা ঐগী মরুপ রাস্ত্রপতি মেক্রোন থাগৎপা ফোঙদোকচরি। মীফম অসিগী কো-চিয়ার ওইনবগীদমক চেবাউ পীরকপগীদমক থাগৎপা ফোঙদোকচরি।

মরুপশিং,

এ.আইনা মাঙজৌননা ঐখোয়গী লৈবাক ঙাকপা, ঐখোয়গী শেন্মিৎলোন, ঐখোয়গী ঙাক-শেন অমসুং ঐখোয়গী খুন্নাই ফাওবা অমুক হন্না শেমদোক্লে। চহিচা অসিদা এ.আইনা মীওইবা খুন্নাইগী কোদ ইরে। অদুবু মসি মীওইবগী পুৱারিদা অতোপ্পা তেক্নোলোজিগী মাইপাকপশিংদগী য়াম্না তোঙাল্লি।

 

|

অমুক্ত ওইখিদ্রিবা পাক-চাউবা অমসুং খোঙজেল অমদা এ.আই চাউখৎলক্লি। মসি য়াম্না য়াংনা শীজিন্নরে। লৈবাকশিং লান্না য়াম্না চেৎনা অমনা অমগী মখা পোন্না থবক তৌরে। মরম অদুনা, ঐখোয়গী গুনশিং ঙাক্নবা, খুদোংথিবশিং থেংননবা অমসুং থাজনবা লৈহন্নবা চৎন-কাংলোন থম্নবা মালেমগী অপুনবা থবকশিং দরকার ওইরে।

অদুবু, লৈবাক ঙাকপা হায়বসি খুদোংথিবশিং অমসুং শিংনরকপশিং ঙাকথোকপা খক নত্তে। মসিনা মালেমগী য়াইফনবা অনৌবা থবক অমসুং মসি শীজিন্নবা পুক্নিং থৌগৎকনি। মরম অদুনা, ঐখোয়না ইন্নোবেসন অমসুং চৎন-কাংলোনগী মতাংদা কুপ্না খন্নগদবনি।

এ.আইগী কান্নবশিং অসি মরুওইনা গ্লোবেল সাউথ শীনবা থুংনা ফংহনগদবনি। লমদম অসিদা কম্পুত পৱার, লৌশিং, দেতা নত্ত্রগা শেন-থুমগী অৱাৎপা কয়া লৈরি।

মরুপশিং,
হকশেল, লাইরিক-লাইশু, লৌউ-শিংউ ফগৎহন্দুনা এ.আইনা মীওই মিল্লিয়ন কয়া অওনবা পুরকপদা মতেং পাংগনি। স্তেনেবল দিবলপমেন্ত গোলশিং লাইনা অমসুং য়াংনা ফংনবা খোঙচৎতা মসিনা মালেমগী মতেং পাংগনি।

মসি থবক ওইনা পাংথোক্নবা, ঐখোয়গী লৌশিং অমসুং লন-থুম পুনশিনগদবনি। থাজবা অমসুং অরোন-অথুপ লৈতবা হেনগৎহনবা ঐখোয়না ওপন-সোর্স সিস্তেম শেমগৎগদবনি। ঐখোয়না অফবা দেতা শেমগৎকদবনি, মীচং-মীখাই নাইরোইদবনি। ঐখোয়না তেক্নোলোজি অসি মীওই খুদিংমক্ত ফংহনগদবনি অমসুং মীয়ামগী য়াইফনবা এপ্লিকেসনশিং শেমগৎকদবনি। সাইবর সেকুরিতি, অরানবা পাউ শন্দোকপা অমসুং দিপ ফেকশিংগা মরী লৈনবা খুদোংচাদবশিং কোকহনগদবনি। ঐখোয়না তেক্নোলোজি অসি লমদম অমগা চুন্নবা শেমগৎকদবনি অমসুং মসি কান্নবা ওইহনগদবনি।

 

|

মরুপশিং,

থবক মাঙগনি হায়বসি এ.আইগী খ্বাইদগী অকিবনি। অদুবু, তেক্নোলোজিনা মরম ওইদুনা থবক মাঙদে হায়বা পুৱারিনা উৎলে। তেক্নোলোজিনা থবক্কী মওংশিং হোংহল্লি অমসুং মসিনা অনৌবা থবক কয়া ফংহল্লি। এ.আইনা লমজিংবা তুংলমচৎকীদমক ঐখোয়গী মীয়াম স্কিল অমসুং রি-স্কিল্লিং পীনবা ঐখোয়না শেন থাদবা দরকার ওই।

মরুপশিং,

এ.আইগী ইনর্জি য়াম্না দরকার ওইবা অসি য়েংশিনগদবনি। মসিদা তুংগীদমক গ্রিন পৱার দরকার ওইগনি।

নুমিত্তগী মৈ পুথোক্নবা ইন্তরনেসনেল সোলার এল্লাইন্সগুম্বা থবকশিংগী খুৎথাংদা ভারত অমসুং ফ্রান্স চহি কয়া থবক তৌদুনা লাক্লি। এ.আইগী লমদা ঐখোয় থবক তৌমিন্নবগা লোয়ননা, হেন্না ফবা অমসুং তুংগী দাইত্ব লৌনবা ফিবম অমা শেম্নবা থবক পায়খৎপা হায়বসি মহৌশানি।

তুংকোইনা চৎনবা য়াবা এ.আই হায়বসি ক্লিন ইনর্জি শীজিন্নবা খক নত্তে। এ.আই মোদেলশিং সাইজ, দেতা অমসুং দরকার ওইবা রিছোর্সশিংদা মতিক চাবা অমসুং তুংকোইনা চৎনবা য়াবা ওইগদবনি। মসিগী মতুংদা, মঙাল পীনবা থাল্লিবা ব্লবশিংদগী হেন্না য়ামদবা পৱার শীজিন্নদুনা মীওইবগী কোক্না শৈরেং ইরি অমসুং স্পেস সিপশিং দিজাইন তৌরি।

মরুপশিং,

ভারতনা শেন য়াম্না চঙদনা মীওই বিল্লিয়ন ১.৪ হেনবগীদমক দিজিতেল পব্লিক ইনফ্রাস্ত্রকচর অমা শেমগৎলে। মসি ওপন অমসুং লাইনা ফংবা নেতৱার্ক অমদা শেমগৎপনি। মসিদা চৎন-কাংলোনশিং লৈরি অমসুং ঐখোয়গী শেন্মিৎলোন মতমগা চুনবা মওংদা শেমগৎনবা, লৈঙাক্কী অওনবশিং পুরক্নবা অমসুং ঐখোয়গী মীওই কয়াগী পুন্সিদা অওনবশিং পুরক্নবা এপ্লিকেসন কয়া শীজিন্নরে।

 

|

ঐখোয়গী দেতা ইম্পৱারমেন্ত অমসুং প্রোতেক্সন আর্কিতেকচরগী খুৎথাংদা ঐখোয়না দেতাগী শক্তি শীজিন্নরে। ঐখোয়না দিজিতেল কম্মর্স মীওই খুদিংমক্ত ফংহল্লে। মসিগী পান্দম অসি ভারতকী নেসনেল এ.আই মিসনগী য়ুম্ফমনি।

মরম অদুনা, ঐখোয়না জি২০ গী প্রসিদেন্ত ওইরিঙৈ মনুংদা, অফবা হিরমগীদমক অমসুং মীওই খুদিংমক্কী এ.আই দাইত্ব লৈনবা শীজিন্ননবা ঐখোয়না য়ানবা অমা পুরকখি। ঙসি এ.আই শীজিন্নবা অমসুং অমসুং দেতা ঙাক-শেন্নবা তেক্নো-লিগেল সোলুসনশিংদা ভারতনা মাঙজিল থারি।

মীয়ামগী য়াইফনবা ঐখোয়না এ.আই এপ্পশিং শেমগৎলে। ঐখোয়গী মালেমদা খ্বাইদগী য়াম্বা এ.আই হৈবা মীওইশিং লৈরি। ভারতনা লৈবাক অসিগী মশাগী ওইবা লোল কয়াগী মোদেল শেমগৎলে। রিছোর্সশিং পুনশিন্নবা ঐখোয়গী পব্লিক-প্রাইভেদ পার্তনরশিপ মোদেল লৈরে। মসি অহোংবা মমলদা ঐখোয়গী স্তার্দ-অপশিং অমসুং থিজিল্লোয়শিংদা ফংহল্লে। মীয়ামগী য়াইফনবা অমসুং মীওই খুদিংমক্ত এ.আই ফংহন্নবা লৈবাক অসিগী হৈজবশিং অমসুং থবকশিং শরুক য়ানবা ভারতনা থৌরাং তৌদুনা লৈরি।

 

|

মরুপশিং,
ঐখোয় এ.আইগী যুগ হৌরক্লে অমসুং মসিনা মীওইবা খুন্নাইগী লম্বী শেমগনি। মীওইবশিংগী লৌশিংদগী মেছিন্না হেনখিগদনি হায়না মীওই খরনা ৱারি। অদুবু, অপুনবা অপুনবা তুংলমচৎ অমসুং শরুক য়ামিন্নরিবা লাইবক অসি কনাগুম্বা অমতনা পায়খিবা ঙম্লোই।

দাইত্ব খঙনা থবক তৌমিন্নবগী ৱাখল অসিনা ঐখোয় লমজিংগনি।
 

অদোম থাগৎপা ফোঙদোকচরি।