প্রধান মন্ত্রীনা এপ্রিল ৮, ২০২১দা অয়ুক্কী পুং ১১দা ভিদিও কনফরেন্সিংগী খুত্থাংদা শ্রী গুরু তেগ বহাদুরজীগী ৪০০শুবা মপোক কুমওন (প্রকাশ পুরব) পাংথোকপগী অৱাংবা থাক্কী কম্মিতী (ঐচ.এল.সি.)গী মীফম্বু লুচিংগনি। কেন্দ্রগী গৃহ মন্ত্রী, শ্রী অমিৎ শাহসু মীফম অসিদা শরুক য়াগনি। অখন্নবা থৌরম অসিবু মশক থোকহন্নবগীদমক্তা চহি অমা চুপ্না পাংথোক্কদবা থৌরমশিংগী থৌরাং য়াৎপগী হীরম কয়া মীফম অসিদা খন্নগনি।
অৱাংবা থাক্কী কম্মিতীগী মতাংদা ৱাফম খরাঃ
ঐচ.এল.সি. অসি শ্রী গুরু তেঘ বহাদুরজীগী ৪০০শুবা মপোক কুমওন পাংথোকপগা মরী লৈনবা পোলিসী, প্লান অমসুং থৌরম কয়াগী অয়াবা পীবা অমসুং থৌরমশিং অসিবু য়েংশিনবগী পান্দম ওইনা কেন্দ্র সরকারনা ওক্তোবর ২৪, ২০২০দা শেমখিবনি। কম্মিতী অসিদা প্রধান মন্ত্রীনা চেয়রমেন ওইবগা লোয়ননা মেম্বর ৭০ য়াওরি।
