Narendra Modi meets Dr. Manmohan Singh

ভারতনা পেহলগাম তেরর এতেক্তা লাঞ্জদ্রবা মীচমশিংনা লৈখিদবদা অৱাবা ফোংদোকখ্রে। বিহারগী মধুবনীদা পাংথোকপা জাতিগী পঞ্চায়তী রাজ নুমিৎকী থৌরমদা পি.এম. মোদীনা থমোই শোক্না নুংঙাইতবা অমদি শাওনীংবা ফোংদোক্লদুনা জাতিগী অৱাবা ফোংদোকপদা লুচিংখি। চৈথেং ফংলবশিংদা ইকাই খুম্নবা উৎলদুনা মিনিৎ অনি তুমিন্না লৈখি অমসুং লৈবাক অপুনবনা চৈথোং ফংলবা ইমুং-মনুংগা লোইননা অমত্তা ওইনা লেপমিন্নখি।

বিহারগী মধুবনীদা মহাক্কী অকনবা ৱারোল পীরদুনা পি.এম. মোদীনা জস্তিস, য়ুনিতী, অমসুং অনোপ-অতিং নাইবা অমসুং তেরোরিজমগী মায়োক্তা ভারতকী অচেৎপা ৱাখল্লোন অদু ফোংদোকখি। মহাক্না জম্মু & কশ্মীরগী পেহলগামদা হন্দক্তা থোকখিবা তেরর এতেক অদু য়ানীংদবা ফোংদোকখি অমসুং ভারতকী মনীং-মখা তম্বা অমসুং স্পিরিৎতা খুদোংথিবা নঙহল্লিবশিংদা অকনবা পাওখুম পীনবা থৌরাং য়াৎখি।

পেহলগামদা এপ্রিল 22দা থোকখিবা অৱাবগী মশক ওইরবা এতেক অদুগী মতাংদা পি.এম. মোদীনা থমোই শোক্না অৱাবা ফোংদো্ক্লদুনা হায়, “লানজদ্রবা মীচম হাৎপা অসিনা লৈবাক অপুনবা অসিদা অৱাবা অমসুং চৈনা পীরে। কারগিলদগী কন্যাকুমারী ফাওবা ঐখোয়গী অৱাবা অমদি অশাওবা অসি অমত্তনি।” মহাক্না চৈথেং ফংলবা ইমুং-মনুংগী মফমদা অমত্তা ওইবগী ৱাখল্লোন ফোংদোকখি অমসুং সরকারনা অশোকপশিং অমসুং লায়েং চৎথরিবশিংগী মতেংগীদমক হেক ঙম্লিমখৈ হোৎনগনি হায়না থাজবা পীখি। পি.এম.না তেরোরিজমগী মায়োক্তা ভারত মচা করোর 140গী অমত্তা ওইবা ৱারেপ অদু পনখি। মহাক্না লাওথোকখি, “মসি শুপ্নগী খুৎলাই পায়জদ্রবা লমকোইবশিংদা লান্দাবা খক্তা নত্তে, মসি ভারতকী থৱাইদা পাংদ্রবা লান্দানি।”

অচেৎপা ৱারেপকা লোইননা পি.এম. মোদীনা মরাল লৈরবশিংবু ৱায়েল থোঙদা পুরক্কনি হায়না ৱাশকখি অমসুং হায়খি, “লান্দা অসি চৎথখিবা অমসুং মসিগীদমক শারৌ শিনখিবশিং মখোয় মসিদগী হেনবা চৈরাক ফংগনি, মদু মখোয়না খনবা ফাওবা ঙম্লোই। তেরোরিজমগী লেমহৌখাকশিং অদু মাংহনবগী মতম লাক্লে। ভারতকী ৱিলপাৱরনা তেরোরিজমগী মাস্তরশিংগী য়াংলেন থুদেক্কনি।” মহাক্না ভারতকী মালেমগী মায়ওল অদু হেন্না মপাঙ্গল কনশিলহল্লদুনা বিহারগী লমদমদগী হায়, “ভারতনা তেরোরিস্ত খুদিংমক, মখোয়গী মাস্তরশিং অমসুং মখোয়বু শৌগৎপশিংগী মশক খঙদোক্কনি, মখোয় থিদোক্কনি অমসুং মখোয় চৈরাক পীগনি লোইননা মালেম অসিগী অরোইবা ফাওবা মখোয়বু তান্নগনি। তেরোরিজমবু চৈরাক পীদনা তোক্লোই, অমসুং লৈবাক অপুনবা অসিনা ৱারেপ অসিদা খোঙফম চেৎনা লেপ্লি।”

PM Modi also expressed gratitude to the various countries, their leaders and the people who have stood by India in this hour of grief, emphasizing that “everyone who believes in humanity is with us.”