রাইসিনা দাইলোগকী নাকলদা লৈবাক ১২দগী লাকপা মিনিস্ত্রিয়েল থাক্কী দেলেগেতশিংনা ঙসি প্রধান মন্ত্রী শ্রী নরেন্দ্র মোদীগা মহাক্কী রেসিদেন্সতা উনখ্রে।
প্রধান মন্ত্রীগা উনখিবা দেলেগেতশিং অদুদা লতভিয়াগী ফোরেন এফিয়ার্স মিনিস্তর শ্রী এদগর্স রিনকেভিক্স, উজবেকিস্তানগী ফোরেন এফিয়ার্স মিনিস্তর শ্রী অবদুলাজিজ কামিলোব, হঙ্গেরিগী ফোরেন এফিয়ার্স অমসুং ত্রেদকী মন্ত্রী শ্রী পিতর জিজার্তো, অফগানিস্তানগী নেস্নেল সেক্যুরিতী এদভাইজর দা. হমদুল্লাহ মোহিব, চেক রিপব্লিক্কী ফোরেন এফিয়ার্স মিনিস্তর শ্রী তোমাস পেত্রিচেক, মালদিবকী ফোরেন এফিয়ার্স মিনিস্তর শ্রী অবদুল্লা শাহিদ, বঙ্গলাদেশকী ইনফোর্মেশন মিনিস্তর দা. হাসন মহমদ, ইস্তোনিয়াগী ফোরেন এফিয়ার্স মিনিস্তর শ্রী উর্মাস রৈনসালু, সাউথ আফ্রিকাগী ইন্তরনেস্নেল রিলেসন্স অমসুং কোওপরেসন মন্ত্রী দা. নালেদি পান্দোর, দেনমার্ক্কী ফোরেন এফিয়ার্স মিনিস্তর শ্রী জেপ কোফোদ, কমনৱেল্থকী সেক্রেতরী জেনরেল শ্রীমতী পেত্রিসিয়া স্কোতলেন্দ, সংহাই কোওপরেসন ওর্গনাইজেসনগী সেক্রেতরী জেনরেল শ্রী ব্লাদিমির নোরোব য়াওখি।
প্রধান মন্ত্রীনা লুচিংবশিংবু ভারত্তা তরাম্না ওকখি অমসুং রাইসিনা দাইলোগ ২০২০দা মখোয়না শরুক য়ারিবা অদু থাগৎপা ফোংদোকখি। প্রধান মন্ত্রীনা রেপিদ অমসুং ইনক্লুসিব সোসিও-ইকোনোমিক দিবেলপমেন্তকীদমক সরকারনা পাক চাউনা হোৎরনিবা অদুগী মতাংদা ঙাংখি।
