লৌরোক চহি ২০২৫-২৬ গী ওইনা লিমোনগী মিনিমম সপোর্ত প্রাইজ (এম এস পি) মন্ত্রীমন্দলনা অয়াবা পীরে

প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্স (সি সি ই এ) না লৌরোক চহি ২০২৫-২৬ গী ওইনা লিমোনগী মিনিমম সপোর্ত প্রাইজ (এম এস পি) অয়াবা পীরে।

কুমজা ২০২৫-২৬ গী ইনা লিমোন (তি.দি-৩ গ্রেদ) কুইন্তল অমদা লুপা ৫,৬৫০ দা লেপ্লে। মসিনা ভারত পুম্নমক্কী ওইনা পোৎথোক পুথোকপদা চঙবা শেনফমদগী চাদা ৬৬.৮ হেন্না শেন্দোং ফংহল্লগনি। বজেত ২০৮-১৯ দা সরকারনা লাউথোকখিবগী মতুংইন্না ভারত পুম্নমক্কী ওইনা পোৎথোক পুথোকপদা চঙবা শেনফমদগী য়ামদ্রবদা শরুক ১.৫ গী থাক অমদা মমল লেপ্নবা য়ানখিবগী মতুংইন্না ২০২৫-২৬ গী পোৎথোক য়োন্নবা মতম অসিগী ওইনা লিমোনগী এম.এস.পি অয়াবা পীখিবনি।

হৌখিবা ২০২৪-২৫ গা চাংদম্নবদা ২০২৫-২৬ দা লিমোনগী এম.এস.পি কুইন্তল অমদা লুপা ৩১৫ হেনগৎলে। কুইন্তল অমদা লুপা ৩২৫০ (শরুক ২.৩৫) হেনগৎতুনা, ভারত সরকারনা লিমোনগী এম.এস.পি ২০১৪-১৪ দা কুইন্তল অমদা লুপা ২৪০০ ওইরম্বদগী  ২০২৫-২৬ দা কুইন্তল অমদা লুপা ৫,৬৫০ দা হেনগৎলে।

২০১৪-১৪ দগী ২০২৪-২৫ ফাওবগী মনুংদা লিমোন থাবা লৌমীশিংদা লুপা করোর ১৩০০গী এম.এস.পি পীখি অমসুং ২০০৪-০৪ দগী ২০১৩-১৪ ফাওবগী মনুংদা লুপা করোর ৪৪১ পীখি।

লিমোনগী উদ্যোগনা ইমুং লাখ ৪০ দা হকথেংননা নত্ত্রগা নাকোইননা হিংনবগী থবক পীরি। লিমোনগী মিলশিং অমসুং লিমোন ললোন-ইতিক্কী থবক্না শিন্মী লাখ ৪ রোম হকথেংননা থবক পীরি। হৌখিবা চহিদা লৌমী লাখ ১.৭০ দগী লিমোন লৈখি। লিমোন থাবা লৌমীশিংগী চাদা ৮২  নোংচুপ বেঙ্গলদগীনি অমসুং অতৈনা অসামদগীনি অমসুং বিহারনা লিমোনগী পোৎথোক্কী চাদা ৯ পুথোক্লি।

মমল লেপ্পগী থবকশিং অমসুং শেনফমশিং মাঙবদা কুপখৎবগী থবকশিং সেন্ত্রেল গভর্নমেন্ত নোদেল এজেন্সি ওইনা জুত কোর্পোরেসন ওফ ইন্দিয়া (জে সি আই)না মখা তানা পাংথোক্কনি অমসুং কেন্দ্র সরকারনা শেনফমশিং হঞ্জিনগনি।