প্রধান মন্ত্রী শ্রী নরেন্দ্র মোদীনা জুন ২৭, ২০২২দা জর্মনীগী শ্লোস এলমৌদা জি-৭ সম্মিৎ পাঙথোক্লিঙৈ মনুংদা য়ুরোপিয়ন কম্মিসনগী প্রসিদেন্ত ঐচ.ই. কুমারি উর্সুলা বোন দের লেয়েনগা উনখ্রে।
প্রধান মন্ত্রীনা এপ্রিল ২০২২দা রাইসিনা দাইলোগকীদমক লাকখিবা প্রিসেন্ত বোন দের লেয়েনগী কান্নরবা খোঙচৎ অদু নীংশিংখি। লুচিংবশিংনা ভারত অমসুং ই.য়ু.গী মরক্তা লৈরিবা ললোন-ইতিক, ইনভেস্তমেন্ত অমসুং জি.আই. এগ্রীমেন্তশিংগী নেগোসিএসনশিং অমুক তৌবা হৌখিবদা নুংঙাইবা ফোঙদোকখি। মখোয়না দিজিতেল কোওপরেসন, ক্লাইমেৎ এক্সন অমসুং তেক্নোলোজী অমসুং ইনোবেসন য়াওনা তোঙান-তোঙানবা সেক্তরশিংদা লৈরিবা ভারত-ই.য়ু.গী থবক-থৌরমশিং য়েংশিনখি।
লুচিংবশিংনা গ্লোবেল অমসুং রিজনেলগী হৌজিক্কী ওইরিবা ফীভমগী মতাংদা ৱাখল্লোনশিংসু ফোঙদোক্নখি।
President @EU_Commission @vonderleyen and I had an outstanding meeting earlier today. We discussed ways to deepen investment linkages, efforts to combat climate change, boosting digital cooperation and other important issues. pic.twitter.com/dDpbMBlWHw
— Narendra Modi (@narendramodi) June 27, 2022
