চাউখৎ-থৌরাংগী প্রোজেক্ত কয়ামরুম হৌদোক্নবা মহাক্কী বরানসীগী লোক সভা কন্সতিত্যুএন্সীদা লৈরিবা প্রধান মন্ত্রী মোদীনা, ফেব্রুৱারী ১৬তা প্রধান মন্ত্রী মোদীদা মহাক্কী মচা নুপী লুহোংবগী চে-বাউ পীখিবা রিক্সা থৌবা মঙ্গল কেবৎকা উনখ্রে।
কেবৎনা পি.এম.ও.দা হকথেংননা চে-বাউ পীখি অমসুং ৱাফম অদুগী মতাংদা খঙজিল্লদুনা প্রধান মন্ত্রীনা প্রধান মন্ত্রী মোদী মশামক্না কেবৎতা পাউখুম পীখি। মহাক্না কেবৎকী মচা নুপীগী লুহোংবা অদুগীদমক য়াইফ-পাউজেল পীরদুনা চিথী ইখি, মদুনা মরম ওইদুনা কেবৎ অমসুং মহাক্কী ইমুং-মনুং হায়নীংঙাই লৈতনা হরাওখি।
প্রধান মন্ত্রীগা উনবা পামখিবা কেবৎনা, মহাক্কী বরানসী খোংচৎ মনুংদা প্রধান মন্ত্রী মশামক্না মহাক্কা উনখিবদা অদুক্কী মতিক খোইরাংবা পোকখি।
প্রধান মন্ত্রীগী মোদীগী স্বচ্ছ ভারত অভিয়ান্না ইথিল পীদুনা, মঙ্গল কেবৎসু মহাক্কী খুঙ্গং ধোমরীদা গঙ্গা মপাল শেংদোকপদা শরুক য়াখি। কেবৎ অসি ইমা গঙ্গাবু নীংজবা অমসুনি অমসুং মহাক্কী চাগাগী তঙ্খাই অমদি তুরেল শেমগৎপদা চাদিং তৌই।
