ঐগী নুংশিজরবা ইরৈবাকচাশিং, খুরুমজরি। ঙসিদি মন কী বাত হৌরকপা অসিদা থৱাইসি য়াম্না নুংঙাইতে। নুমীৎ ১০নিগী মমাংদা ভারত ইমানা মহাক্কী থৌনা ফরবা মচা খরা কায়নখ্রে। অদুগুম্বা থৌনা ফবশিং অদুনা ভারতকী মীয়াম কোতি ১২৫গী থৱায় কন্ননবগীদমক মখোয়গী থৱায় পোন্থা ওইখ্রবনি। ইরৈবাকচাশিংনা নুংঙাইনা তুমখুন তান্নবগীদমক মখোয়না অহিং নুংথিল নায়দনা ঐখোয়বু ঙাক শেল্লিবনি। পুলৱামাগী নুংশি হৈতবা থৌদোক অদুদা থৌনা ফবা লান্মীশিংনা থৱায় কৎখ্রবা মতুংদা লৈবাক পুম্বদা লৈখিদ্রবা অথৌবশিং অমদি মখোয়গী ইমুং মনুংগী মফমদা নুংঙাইতবা ফোংদোকপগী ৱাহৈশিংনা পিক থল্লরে। অসিগুম্বা মীনুংশিং লৈত্রবা মীহাৎ অসিগী মায়োক্তা মীয়াম্না ফাওনরিবা অশাওবা নুংঙাইতবা ৱাখল অদুমক ঐঙোন্দসু ফাওজৈ। ভারত ইমাবু ঙাক শেনবদা থৱাই কৎখ্রবা অথৌবা মচাশিং অদিগী মফমদা ঐহাক্না ইকোক নোনজরি। অসিগুম্বা অকি-অখং অমসুং মীনুংশি লৈত্রবা মীহাৎশিং অসিবু মরু ফংনা মাংহন্নবগীদমক ঐখোয় পুন্না হোৎনমিন্নরসি। অদুম তৌরবদি ঐখোয়না খল্লিবা ৱাখল্লোন অসি হেন্না মরা চেৎশিনহনগনি। লৈবাক্কী মায়োক্তা লাক্লিবা শিংনবশিং অসিবু জাতি কাংলুপ লম অমদি অতৈ খেৎনবশিং পুম্নমকপু কাওথোক্লগা শিংননবা হোৎনসি। হায়বদি মীনুংশিং লৈত্রবা অকি-অখং থোহনবা ময়ামশিং অসিগী মায়োক্তা লেপ্লিবা ঐখোয়গী খোংফম অসি হেন্না মরা চেৎশিনহনবা অমদি লেংদবা ওইহনসি। ঐখোয়গী লান্মীশিংনা মখোয়গী থোইদোকপা মতিক মথৌনা অমসুং তৌবা ঙম্বা থবকশিং অদু উত্তুনদা লাক্লি। ইংনা তপ্না পান্ননবগীদমক্তা মখোয়না অঙকপা থৌনাশিং অদু উত্তুনা লাক্লি। মতৌ অসুম্না লান্দারকপশিং অদুসু মতিক চাবা পাওখুম পীখি।
লান্দারকপা অদুগী পুং চামগী মনুংদা করম্বা খোংথাং লৌখৎখি হায়বা অদু ময়াম্না উবিখ্রে। লান্মীনা অকি-অখং থোকহনবশিং অমদি মখোয় অদুগী মতেং পাংবশিংবু মরু ফংনা মাংহন্নবা ৱারেপ লৌখ্রে। থৌনাফবা লান্মীশিং অদুগী নুংঙাইতবা থৌদোক অদুগী মতুংদা মীদিয়াগী খুত্থাংদা মখোয়গী ইমুং মনুংগী মীওইশিংগী ৱাহৈ তাবা ফংবদা লৈবাক পুম্বদা অনৌবা থৌনা হাপকৎলক্লি। ভগলপুর বিহারদগী সহীদ ওইখ্রবা রতন থাকুরগী মপা রাম নিরঞ্জন্না অৱাবা তারবা মতমদা উৎখিবা থৌনা অদুনা মীয়াম পুম্ববু থৌনা হাপখি। মহাক্না মহাক্কী অনিশুবা মচানুপা অদুবুসু য়েক্নবগা লান্থেংননবগীদমক থাগনি, তঙায় ফদ্রবদি মা মশাসু চৎকনি হায়খি, মসিনা ঐখোয় পুম্নমকপু অনৌবা থৌনা অমা হাপ্লি। জগৎপুরসিংহ ওরিশাগী লৈখিদ্রবা অথৌবা প্রসানা সাহুগী লোয়নবী মীনানা মাগী অমত্তা পোকচবা মচাবু সি.আর.পি.এফ.তা জোইন তৌহনগনি হায়না থৌনা ফনা ৱাশক লৌখি। মসিদা লৈবাক পুম্বনা মহাক্কী মফমদা ইকায় খুম্নবা উৎখি। গুম্লা ঝারখন্দগী লৈখিদ্রবা বিজয় সোরেনগী থৱাই য়াওদ্রবা হকচাং অদু জাতিগী মচু অহুমগী ফিরালনা কুপ্লদুনা ময়ুম য়ৌরকপা মতমদা মাগী পীক্লিবা মচানুপানা হায়খি ঐসু লান্মীদা চংগনি। অসিগুম্বা ৱাখল্লোন অসি ঐখোয়গী থৌনা ফবা লৈখিদ্রবা অথৌবশিংগী ইমুংশিংদা উবা ফংলি। ৱাখল্লোন অসিদা ঐখোয়গী লৈখিদ্রবা অথৌবা অমত্তগী ইমুং চিত্থবা নত্তে।
দেবরিয়াগী অথৌবা লৈখিদ্রবা বিজয় মৌর্য়াগী ইমুং, কাঙ্গরাগী লৈখিদ্রবা অথৌবা তিলকরাজকী মমা-মপা অমদি কোতাগী লৈখিদ্রবা হেমরাজকী চহী তরুক্তা ঙায়রিবা মচানুপা, লৈখিদ্রবা অথৌবশিংগী ইমুংগী ৱারীশিং অসি ফিদম্নীংঙাই ঙাক্তনি। ঐনা হৌরক্লিবা নহারোলশিংদা হায়জনীংবদি অসিগুম্বা ইমুংশিং অসিনা উৎখিবা থৌনা ৱাখল্লোনশিং অদুবু খঙনবা হোৎনবীয়ু। লৈবাক নীংবা করিনো, থাদোকপা কত্থোকপা করিনো, মসিগীদমক ঐখোয়না পুৱারীগী চেনা ফাক্লুবগী দরকার লৈত্রে। ঐখোয়গী মীৎমাংদা অহিংবা খুদম কয়া উরে। মসিনা ভারতকী তুংলমচৎতা অনৌবা ৱাখল্লোন অমা পীরগনি।
ঐগী নুংশিরবা ইরৈবাকচাশিং, নীংখা তম্বদগী হৌরগা ঐখোয়না লানগী নীংশিং খুভমগীদমক ঙায়রকপা অদো লোইশিনলক্কদৌরে। মসিগীদমক্তা ইরৈবাকচাশিংনা খংনীংবা লাংতক্নবা পোকপা হায়বসি হৌনশানি। উদুপ্পি, কর্নাতকাদগী শ্রা ওমকার শেত্তীনা নেস্নেল ৱার মেমোরিয়েল শাবা লোইশিল্লকপদা নুংঙাইবা ফোংদোরকই। ভারত্তা নেস্নেল ৱার মেমোরিয়েল লৈত্রবা অসিদা ঐহাক নুংঙাইতবসু পোকই ঙকপসু পোকই। জাতিগীদমক লৈবাক্কীদমক থৌনা ফনা থৱায় কৎখিবশিং অদুগী নীংশিং খুভম, মদুদা মখোয়না তৌখিবা অথৌবা থবকশিং অদুগীদমক ৱারীশিং অদু নীংশিংদুনা থম্বা।
ঐনা মসিমদি লৈবাক অসিদা থমগে হায়না খনখি। নেস্নেল ৱার মেমোরিয়েল অসি অতেনবা মতমগী মনুংদা শাবা লোইরে। হয়েং হায়বদি ফেব্রুৱরী ২৫, ইরৈবাকচা কোতি কয়ানা জাতিগী লান্মীগী নীংশিং খুভম অসিবু ঐখোয়গী লান্মীশিংগী মফমদা কৎচরগনি। লৈবাক অসিনা মখোয়গী লমন মচা অমখক শিংনবা হোৎনজবনি।
দিল্লীগী ময়োলদা হায়বদি ইন্দিয়া গেৎ অমদি অমর জৱান জ্যোতিগী মনাক্তা অনৌবা নীংশিং খুভম অমা শারে। ইরৈবাকচাশিংগীদি নেস্নেল ৱার মেমোরিয়েলদা চৎপা হায়বসি লাইফমলেন্দা চৎপগা পাংখক ওইরগনি। জাতিগী লান্মীগী নীংশিং খুভম অসি নীংখা তম্লবা মতুংদা থোইদোকপা লানফমদা থৱাইনা পোন্থা ওইখিবা থোইদোকপা লান্মীশিংগী মফমদা জাতি অসিনা ইকায় খুম্নবা উৎপগী খুদম্নি। নীংশিং খুভম অসিগী দিজাইন অসিনা ঐখোয়গী লান্মীশিংগী মপাল নাইদ্রবা থৌনাশিং অদু উৎলি। জাতিগী লান্মীগী নীংশিং খুভম অসিগী ৱাখল্লোন অসি কন্সেন্ত্রীক সর্কল মরি হায়বদি চক্র মরিদা মপুং ওইবনি। মসিদা লান্মী অমগী পোকপদগী হৌরগা লানফমদা থৱাই থাখিবা, মদু ফাওবগী খোংচৎ অদু উৎলি। অমর চক্রগী মৈরি অদু লানফমদা থৱাই থাখ্রবা লান্মীগী অমর ওইবগী খুদম্নি। অনিশুবা চক্র অদুনা থৌনা ফবগী চক্রনি, মসিদা লান্মীশিংগী থৌনা অমদি থৌনা ফনা মথৌ পাংথোকপা অদু উৎলি। মসিগী ফক্লাংশিংদা লান্মীশিংগী থৌনা ফনা মথৌ পাংথোকপগী লাইশিং অদু য়েকপা গেলরীনি। অসিগী মতুং কত্থোকপগী চক্রনি, মসিগী সর্কল অসিদা লান্মীশিংগী থৌনা ফনা কত্থোকপা অদু উৎলি। মসিদা লৈবাক্কীদমক চাউনা কত্থোকখ্রবা লান্মীশিংগী মমিং সনাগী ময়েক্না ইরি। মসিগী মতুংদা রক্ষক চক্র, মসিনা ঐখোয়গী ঙাকশেলবু উৎলি। মসিগী সর্কল অসিদা অশুকপা উপালশিংগী পরেং লৈরি। উপালশিং অসি লান্মীগী খুদম্নি লোয়ননা লৈবাক অসিগী মীয়াম্বু থাজহল্ললদুনা পাওজেল পীরি মদুদি মীকুপ খুদিং লান্মীশিংনা ঙমখৈবু ঙাক্লি অমদি লৈবাক মীয়াম পুম্বা শোয়দা ঙাম্দনা লৈরি। শম্না হায়রবদা জাতিগী লান্মীগী নীংশিং খুভম অসি লৈবাক মীয়াম্না লৈবাক্কীদমক্তা থৱায় কৎখ্রবা লান্মীশিংগী মরমদা খঙননবা, মখোয়গী মফমদা তৌবীমল খংবা উৎপা অমদি মখোয়গী মরমদা থিজিনবগী পান্দমদা য়েংবা লাক্কনি। মফমসিদা মখোয়গী কত্থোকপগী ৱারী, মখোয়না মতৌ করম্না লৈবাক্কীদমক থৱায় কৎখিবা, মদুনা মরম ওইরগা ঐখোয়না অকি-অখং য়াওদনা লৈবা ঙম্লিবা অমদি চাউখৎপা ঙম্লিবা হায়বগী ৱারী অদু উৎলি। লৈবাক্কী চাউখৎপদা ঐখোয়গী খুৎলায় পায়বা লান্মীশিং, পুলিস অমদি পেরা মিলিতরী ফোর্সকী অচৌবা থৌদাং অসি থাদুনা লোইবা লৈররোই।
হৌখিবা ওক্তোবর থাদা, ঐহাক্না নেস্নেল পুলিস মেমোরিয়েলবু লৈবাক মীয়ামদা কত্থোকচনবগী খুদোংচাবা অদু ফংজখি। মদুসু ঐহাক্কী ৱাখল্ললোন অদুগী মমিনি। হায়বদি লৈবাক অসিনা পুলিস ফোর্সকী নুপা অমদি নুপী পুলিসশিংগী মফমদা তৌবীমল খংবা উৎচবনি। মখোয়না লেপ্পা লৈতনা অহিং নুংথিল খায়দনা ঐখোয়বু ঙাক শেল্লি। ময়াম্না নেস্নেল পুলিস মেমোরিয়েলবু য়েংবা শোয়দনা চৎকনি হায়না থাজজৈ। ময়াম্না মফম অদুদা চৎপা মতমদা ফোতো নম্বীয়ু অদুগা ফোতোশিং অদু সোসিয়েল মীদিয়াদা সেয়র তৌবীয়ু। অসুম্না তৌরবদি অতোপ্পা মীওইশিংনসু মফম অদু য়েংনীংবা শোয়দনা পোক্লক্কনি।
ঐগা নীংশিরবা ইরৈবাকচাশিং, মন কী বাতকীদমক্তা চিথী লিশিং কয়া অমদি কমেন্ত কয়া তোঙান তোঙানবা মেদিয়মদা পাবা ফংই। হন্দক ঐহাক্না মীয়ামগী কমেন্ত পারিঙৈদা আতিস মুখোপধ্যাইগী নুংঙাইরবা কমেন্ত অমা নীংশিংলকই। মহাক্না অসুম্না ইরকই, ১৯০০গী মার্চ ৩দা অংগ্রেজশিংনা বির্সা মুন্দা ফাখি। মতমদুদা মহাক শুপ্নতংগী চহী ২৫ খক্তমক ঙায়রি। তঞ্জা চানরুবা হায়বদুনি মার্চকী তারিক অহুমদা জমসেদজী তাতাগী মপোক নুমীৎনি। মহাক্না মখা তানা ইরকই, মখোয় অনি অসি তোঙান তোঙানবা মখলগী মীওইনি। মখোয় তোঙানবা ইমুংদগী হৌরকপা ঙাক্তনি অদুবু মখোয়না ঝর্খন্দগী চৎন লোনচৎ অমসুং পুৱারীবু চাউখৎহনখি। মন কী বাত্তা বির্সা মুন্দা অমসুং জমসেদজী তাতাবু ইকায় খুম্নবা উৎপা অসি ঝার্খন্দগী মঙাল নায়রবা পুৱারীদা ইকোক নোনবগা পাংখক্নি। আতিসজী ঐহাক অদোমগী ৱাফম অসি য়ানীংই। মঙাল নাইরবা মীওই অনি অসিনা ঝার্খন্দ খক্তা নত্তনা লৈবাক পুম্বগী মীংচৎ হেঙ্গৎহনখি। মখোয়না লৌরম্বা থৌদাংগীদমক্তা মখোয়দা তৌবীমল খঙবা উৎচরি। ঙসি ঐখোয়গী নহারোলশিংবু লমজিং লমতাকপা মীওইপোক অমা দরকার ওইরকপদা ভগবান বির্সা মুন্দাবু নীংশিংসি। মহাক্না তুম্লিঙৈদা অংগ্রেজশিংনা নমথাক তৌদুনা ফাখিবনি। মখোয়না অসিগুম্বা পাংদবা থবক তৌরিবা অসি করিগীনো? মরমদি অচৌবা লৈবাক অমা ঙাক্লিবা অংগ্রেজশিংসু মহাকপু কিজৈ। ভগবান বির্সা মুন্দানা শুপ্নতংগী মহাক্কী লিরুং তেন্না নোংমৈ অমদি তোপ পায়রিবা অংগ্রেজশিংবু কিহনখিবনি। তশেংনমক মীয়াম্না তমজনীংঙাই ওইবা লুচিংবা অমা ফংলবদি খুৎলায় অমদি থৌনাবু মীয়ামগী অপুনবনা শিংনবা ঙম্মি। ভগবান বির্সা মুন্দানা অংগ্রেজশিংগী মায়োক্তা শুপ্নতংগী লৈঙাকলোনগী নীং তম্বগী ইহৌ হৌখিবা নত্তে। ত্রাইবেলশিংগীসু সমাজগী অমদি শেনমিৎলোনগী হক ফংনবা লান্থেংনখি। মহাক্কী তেল্লবা পুন্সিদা নমথবীরবা অমদি কান্নবা ফংজদ্রবা পুন্সিশিংদা মঙাল পীবীখি। মহাক শুপ্নতংগী চহী ২৫ শুবদা লৈবাক্কীদমক থৱায় কত্থোকখি। ভারত ইমাগী অচংবা মচা ভগবান বির্সা মুন্দাগুম্বা কয়া লৈবাক্কী মফম কয়াদা লৈরি। ভগবান বির্সা মুন্দাগুম্বানা ইশাগী শক তাকচবা ঙমহনখিবগুম জমসেদজী তাতাগুম্বনা লৈবাক অসিদা অচৌ অচৌবা ইন্সতিত্যুৎ কয়া খুদোল তম্বীরম্মি। জমসেদজী তাতা অসি তশেংনা হায়রবদা মীৎয়েং শান্না উবা ঙম্বা মীওইনি। মহাক্না ভারতকী তুংলমচৎপু উবা ঙম্বতা নত্তনা মসিগী য়ুমফমসু চেৎনা থম্বীরম্মি। ভারতপু সাইন্স, তেক্নোলোজী অমসুং ইন্দস্ত্রীগী কৈথেল ওইহনবা অসি তুংগীদমক্তা দরকার ওই হায়বসি মহাক্না খঙখি। মীৎয়েং অসিমক্ননি মহাক্না তাতা ইন্সতিত্যুৎ ওফ সাইন্স লিংখৎখি, মসিবু হৌজিক্তি ইন্দিয়ন ইন্সতিত্যুৎ ওফ সাইন্স হায়না খঙনরে। অসিদসু নত্তনা মহাক্না তাতা স্তিলনচিংবা মালেমগী থাক য়ৌরবা ওর্গনাইজেসন অমদি ইন্দস্ত্রী লিংখৎখি। অমেরিকাগী খোংচৎতা জমসেদজী তাতা অমসুং স্বমি বিবেকানন্দা জহাজদা থেংনখি। মতমদুদা মখোয় অনিনা ভারত্তা সাইন্স অমসুং তেক্নোলোজী চাউখৎহনবা শন্দোকপগী মরমদা খন্নখি। মদুদা খন্নখিবা অদুগী মহৈ ওইনা ইন্দিয়ন ইন্সতিত্যুৎ ওফ সাইন্সকী য়ুমফম শেমখিবনি হায়নৈ।
নুংশিরবা ঐহাক্কী ইরৈবাকচাশিং, ঐখোয়গী হান্নগী প্রধান মন্ত্রী মোরাজী দেসাই ফেব্রুৱরীগী ২৯দা পোকখি। ঐখায় ময়াম্না খঙলিবা অদুনি নুমীৎ অসি চহী অমগী মনুংদা অমুক্তমক লাকই। চিং লেম্লবা মোরাজী ভাই অসি লৈবাক অসিগী অফবা লুচিংবশিংগী মনুংদা অমনি। নীং তম্লবা ভারতকী পর্লিয়ামেন্তা খ্বাইদগী য়াম্না বজেৎ পুথোকপগীদমক্তা রেকোর্দ থম্বা ঙম্বা মোরাজী ভাইনি। ঐখোয়গী দেমোক্রেসীদা শিংনরকপগী য়াম্না লুরবা তঞ্জা অদুদা মহাক্না য়াম্না হৈ শিংনা লৈবাক অসিবু লুচিংখি। মোরাজী দেসাইনা দেমোক্রেসীগীদমক্তা ইমর্জেন্সীগী মায়োক্তা খোংজং চংবা য়াওখি। মসিগীদমক্তা মহাক অহল ওইরক্লবা মতমদা জেলদা লৈবা তাখি। অদুবু ১৯৭৭তা জনতা পার্তীদা মীখলদা মায় পাক্লকপা মতমদা লৈবাক অসিগী প্রধান মন্ত্রী ওইখি। মহাক্কী মতমদা ৪৪শুবা কন্সতিত্যুসন এমেন্দমেন্ত চৎনহনখি। মসি থোইদোক্না মরম ওইবগী মরমদি ইমার্জেন্সীগী মতমদা ৪২শুবা এমেন্দমেন্তা সুপ্রিম কোর্তকী শক্তি হন্থহনখিবা অমসুং দেমোক্রেসীবু শিংনবা য়াওবা ৱাফম অদু শেমদোক্লগা অমুক হন্না হান্নগীদা হঞ্জিলহনখি। এমেন্দমেন্ত অসিদা কন্সতিত্যুসনগী আর্তিকল ২০ অমসুং ২১দা পীরিবা অধীকার অদু ইমরজেন্সীগী মতমদা লৌথোকপা য়াদবগী অয়াবসু পীখি।
অহানবা ওইনা মন্ত্রীমন্দলনা ইরক্লবা মতমদা রাস্ত্রপতিনা ইমার্জেন্সী লাওথোক্কদবনি হায়না য়ানখি অমদি অমুক্তা ইমার্জেন্সীগী মতম অসি থা তরুক্তগী হেল্লোয়দবনি হায়না য়ানখি। মতৌ অসুম্না মোরোজী ভাইনা ১৯৭৫দা ইমার্জেন্সী থম্লগা দেমোক্রেসী মাংহনখিবা অদু অমুক হন্না হল্লক্লরোই হায়না লেপখি। ভারতকী দেমোক্রেসীবু ঙাক্নবা হোৎনরম্বা মহাক্কী মমল য়াম্লবা খুদোল অদু লাক্কদৌরিবা মীরোলনা নীংশিংদুনা লৈহৌরগনি। অমুক হন্না অথোইবা লুচিংবা অসিবু ঐহাক্না ইকায় খুম্নজরি।
ঐহাক্কী নুংশিজরবা ইরৈবাকচাশিং, হৌখিবা চহীগুম কুমশিসু পদ্ম এৱার্দকীদমক্তা ময়াম্না লাংতক্নৈ। ঐখোয় ঙসিদি অনৌবা ভারত অমগী মায়কৈদা চংশিল্লি। মসিদা অখন্ননা গ্রাসরুৎ লেভেলদা থবক তৌরিবশিংবু ইকায় খুম্নবা উৎচনীংই। তশেংনমক মখোয় অসি অশেংবা থৌমীনি। মখোয়না মীওইবা জাতিগী সেবা তৌরিবা অসি অমরোমদা জাতিগী সেবানি। ময়াম্না থেংনবীরমগনি পদ্ম এৱার্দ লাওথোরকপা মতমদা মখোয় অসি কনানো হায়না হংনৈ। মখোয় অসি অরং অরাক্তগী লাপ্না লৈজবা মীংচৎকীদমক্তা কয়া খন্দবা মীওইশিংনি। অসিগুম্বা মীওই খরগী মরমদা ঐহাক্না ময়ামদা পাওদমজনীংই। ওরিশাগী দাইতারী নায়ক্কী মরমদা ময়াম্না শোয়দনা তাবীরম্লগনি। মহাকপু কেনেল মেন ওফ দি ওরিশা হায়রিবা অসি হেক্তা হায়জিনবা নত্তে। দাইতারী নায়ক্না মখুৎনা চিং কক্লগা কিলোমীতর অহুম শাংবা কেনেল অমা মহাক্কী খুঙ্গংদা তৌখি। মহাক্কী হোৎনজমন্না লৌবুক্কী ঈশিংগী অৱাবা মতম পুম্নমক্কী ওইনা কোক্লে। গুজরাতকী অব্দুল গাফর খত্রীনা কচ্ছকী পারী পুরীগী রোগান পেন্তিংবু অমুক হন্না হিংগৎহনখি। অব্দুল গাফরনা য়েকপা ত্রী ওফ লাইফ, লাই অদু ঐহাক্না অমেরিকাগী হান্নগী রাস্ত্রপতি বরাক ওবামাদা খুদোল তৌখি।
পদ্ম মনা ফংখিবশিংগী মনুংদা মারাথাৱারাগী শবীর সয়েদ অসি পুন্সি চুপ্পা শনগী শেবা তৌবা মীওইনি। মদুরাই চিন্না পিল্লাই হায়রিবা মীওই অসিনা ইহান হান্না তামিল নাদুদা কালঞ্জিয়ম ইহৌদা নৈহৎপীরবশিংবু থৌনা হাপ্পীনবা হোৎনখি। অমেরিকাগী তাও পোর্চোন-লৈনেগী মিং তাবদা য়াম্না ঙক্কনি। লৈনে অসি যোগগী মীৎনা উবা খুদম অমা ওইরে। চহী ১০০ শুরবা ফাওবদা মহাক্না মালেমদা যোগ তম্বীরি। অদুগা হৌজিক ফাওবদা মীওই ১৫০০বু যোগগী ওজা ওইহনখ্রে। ঝার্খন্দা লেদী তার্জান হায়রগা খঙনবী জমুনা তাদুনা তীম্বর মাফিয়া অমসুং নাক্সলশিংগা থৌনা ফনা থেংনখি। মহাক্না উমং হেক্তর ৫০ কনবতা নত্তনা নুপী লিশিং অমা পুনশিল্লগী উ পাম্বী অমসুং উমংগী শা উচেকপু ঙাক শেন্নবা পুক্নীং থৌগৎলম্মি। জমুনাজীগী হোৎনজমন্না ঙসি অঙাং অমা পোকপদা উ পাম্বী ১৮ থাই। অদুগা নুপী অমা লুহোংবদা উ পাম্বী ১০ থাই।
গুজরাতকী মুক্তাবেন পঙ্কজকুমার দাগলীগী ৱারী অসি পুক্নীং থৌগৎনীংঙাইনি। মহাক্না মশামক হকচাংগী ফিভমদা মীমান্নদবী ওইরবসু মহাক্কুম্বী নুপীশিংগী য়াইফনবা থবক কয়া তৌরম্মি। অসিগুম্বা খুদম অমদি চকশু মহিলা সেবাকুঞ্জ কৌবা সস্থান অমা মীৎ উদবা অঙাংশিংগীদমক লিংখৎখি। বিহারগী মুজফরপুরগী লৌমী চাচী হায়বদি রাজকুমারী দেবীগী ৱারী য়াম্না পুক্নীং থৌগৎনীংঙাইনি। নুপীশিংবু থৌনা হাপ্পা অমদি লৌবুকশিংবু হেন্না চাথোক লৈহন্নবা মহাক্না কন্না হোৎনরম্মি। লৌমী চাচীনা মখোয়গী লমদমগী নুপী ৩০০বু সেলফ হেল্প গ্রুপ শেমহনখি। মহাক্না খুঙ্গংগী নুপীশিংবু লৌ উবগা লোয়ননা অতৈ শেন্দাল লম্বী কয়া তাকপীখি। হেন্না মরুওইবা ৱাফম অমনা মহাক্না তেক্নোলোজীবু লৌ উবদা কান্ননবা শিজিন্নখি। নুংশিরবা ইরৈবাকচাশিং কুমসিগী পদ্ম এৱার্দ ফংবদা লৌমী ১২ য়াওরি।
ঐহাক্কী নুংশিরবা ইরৈবাকচাশিং, ঐহাক্না নুমীৎ খরনিগী মমাংদা থেংনখিবা য়াম্না নুংশিবা পাও অমা তমজগে। হৌজিক অসি ঐহাক্না লৈবাক্কী মফম অমা হেক্তদা চৎপা মতমদা আয়ুশ্মান ভারতকী থৌরাং পি.এম.জে.এ.ৱাই.গী কান্নবা ফংলবা মীওইশিংগা উননবা হোৎনৈ। অদুগুম্লবা মীওই খরগী উনবগী তঞ্জা ফংজখি। মমা অমনা মচা অদু শেল লৈতবনা মরম ওইরগা লায়েংবা ঙম্দদুনা লৈরম্মি। থৌরাং অসিগী মতেংনা মহাক লায়েংলগা ফরে। য়ুমগী অহল অমখক থবক শুরগা ইমুং পুরম্মি, অদুদু এক্সিদেন্ত থোকপদগী থবক শুবা ঙমদ্রে। থৌরাং অসিগী কান্নবা মহাক ফংলে, অমুক হন্না মশা ফরে, অনৌবা পুন্সি অমা ফংজরে।
ইচিল-ইনাও অমসুং ইচল-ইচেশিং, হৌখিবা থা মঙা অসিদা চাউরাক্না মীওই লাখ ১২, লায়রবা ইমুংনা থৌরাং অসিগী কান্নবা ফংখ্রে। লাইরবা অমগী পুন্সিদা মসিনা অহোংবা কয়া পুরকপা ঙম্লে। কনাগুম্বা লায়রবা মীওই অমা লায়েংবা ঙম্দদুনা লৈরবদি থৌরাং অসিগী মরমদা শোয়দনা তাকপীয়ু, থৌরাং অসি লায়রবা খুদিংমক্কিনি।
ঐহাক্কী নুংশিরবা ইরৈবাকচাশিং, স্কুলশিংদা পরিখা হৌরে। তোঙান তোঙানবা বোর্দকী ক্লাস তেন অমসুং তুয়েল্বকী পরিখা চয়োল খরগী মতুংদা হৌরগনি। পরিখা থাগদবা মহৈরোইশিং মখোয়গা লোয়নগদবশিং, ওজাশিংদা য়াইফ পাওজেল পীজরি।
নুমীৎ খরনিগী মমাংদা দিল্লীদা পরিখাপে চর্চা হায়বা থৌরম অমা তাউন হোল প্রোগ্রামগী ফোর্মেত্তা পাংথোকখি। তাউন হোলগী থৌরম অসিদা তেক্নোলোজীগী মতেংনা লৈবাক অসিগী অমসুং মীরৈবাক্কী মহৈরোই কোতি কয়া মখোয়গী অহল লমন অমসুং ওজাশিংগা ৱারী শান্নবগী তঞ্জা ফংখি। পরিখাপে চর্চাগী মরুওইবা অমদি পরিখাগা মরী লৈনবা হিরম খুদিংমক শন্দোক্না ৱারী শান্নখি। মহৈরোইশিংদা কানরবা ৱাফম কয়া পুথোক্নরকই। মহৈরোই খুদিংমক মখোয়গী ওজা অমসুং মমা মপানা য়ু ত্যুবতা মসিগী রেকোর্দিং য়েংখি। পরিখা থাগদৌরিবা খুদিংমক্তা ঐহাক্না য়াইফ পাওজেল পীজরি।
ঐহাক্কী নুংশিরবা ইরৈবাকচাশিং, ভারতকী মরমদা ৱারী শান্নবা মতমদা কুমহৈশিং য়াওদবা হায়বসি ওইথোক্লোই। নুমীৎ খরনিগী তুংদা মহা শিবরাত্রিগী কুমহৈ লাক্লনি। অদুদা হন্দক্কী শিবরাত্রি অসি নীংথৌকাবা নুমীৎতনি। শিবরাত্রি অসি নীংথৌকাবা নুমীত্তা তাবা অসিগী থোইদোকপা মগুন অমা লৈ। শিবরাত্রিগী শেংলবা নুমীৎ অসিগীদমক য়াইফ পাওজেল পীজরি।
ঐহাক্কী নুংশিরবা ইরৈবাকচাশিং, নুমীৎ খরগী মমাংদা ঐহাক কাশীদা চৎলুই। মফম অদুদা ঐহাক্না হকচাংগী ফিঙমদা মীমান্নদ্রবা ইচিল ইনাওশিংগা ৱারী শাবগী তঞ্জা অমা ফংখি। মদুদা মীৎ উদ্রবা নহা অমনা ঐঙোন্দা হায়রকপদা মহাক স্তেজ আর্তিস্তনি। মহাক্না মহাক মিমিক্রী তৌই হায়রকপদা, ঐহাক্না কনাগী মিমিক্রী তৌবগে হায়না হংলুবদা মহাক্না প্রধান মন্ত্রীগী তৌই হায়না হায়রকই। ঐহাক্না য়েংগে তৌরকউ হায়বদা মহাক্না মন কী বাত্তা ঐহাক্না ঙাংবগী মিমিক্রী তৌরকই। মীয়াম্না মন কী বাত তাবা খক্তা নত্তনা মসিবু নীংশিংলি খঙবদা ঐহাক য়াম্না নুংঙাইবা ফাওই।
ঐহাক্কী নুংশিরবা ইরৈবাকচাশিং, মন কী বাতকী মতেংনা ময়ামগা নক্নবা ফংজবা অসিদা ঐহাক য়াম্না নুংঙাইবা ফাওজৈ। রেদীওগী মতেংনা থা খুদিংগী ইমুং কোতি কয়াগা ৱারী ৱাতাই শান্নবা ফংজৈ। ময়ামগী চিথী অমসুং ফোন কোলগী মতেংনা ময়ামগী ৱাখল্লোন খঙবা মতমদা ময়াম্না ঐবু ময়ামগী ইমুংগী মী অমা ওইনা লৌবীরে খঞ্জবদা য়াম্না হেন্না নুংঙাইবা ফাওজৈ।
মরূপশিং, মীখল হায়বা অসিনা দেমোক্রেসীগী থোইদোকপা মগুন অমনি। মথংগী থা অনি অসি ঐখোয় মীখলগীদমক য়াম্না চিল্লগনি। ঐহাক ইশামকসু মীখল অসিগী মীরেপ ওইগদৌরি। অচুম্বা দেমোক্রেসীগী চৎন পথাপ্পু ইকায় খুম্নবা উৎপগা লোয়ননা মথংগী মন কী বাত মে থাগী অরোইবা নোংমাইজিংদা লৈগনি। হায়বদি মার্চ, এপ্রিল অমসুং মে থা অহুমগী ৱাফম খুদিংমক অনৌবা থাজবা অমগা লোয়ননা ময়ামগী থৌজালগী মতেংনা অমুক্কা হন্না মন কী বাতকী খোংচৎ হৌগনি। অদুগা লোয়ননা চহী কয়া মন কী বাত পুক্নীংগী ৱা থমজগনি। ময়াম্বু অমুক্কা হন্না থাগৎচরি।
पुलवामा के आतंकी हमले में, वीर जवानों की शहादत के बाद देश-भर में लोगों को, और लोगों के मन में, आघात और आक्रोश है: PM#MannKiBaat pic.twitter.com/72l5s74OuO
— PMO India (@PMOIndia) February 24, 2019
वीर सैनिकों की शहादत के बाद, उनके परिजनों की जो प्रेरणादायी बातें सामने आयी हैं उसने पूरे देश के हौंसले को और बल दिया है | बिहार के भागलपुर के शहीद रतन ठाकुर के पिता रामनिरंजन जी ने, दुःख की इस घड़ी में भी जिस ज़ज्बे का परिचय दिया है, वह हम सबको प्रेरित करता है : PM
— PMO India (@PMOIndia) February 24, 2019
जब तिरंगे में लिपटे शहीद विजय शोरेन का शव झारखण्ड के गुमला पहुँचा तो मासूम बेटे ने यही कहा कि मैं भी फौज़ में जाऊँगा | इस मासूम का जज़्बा आज भारतवर्ष के बच्चे-बच्चे की भावना को व्यक्त करता है | ऐसी ही भावनाएँ, हमारे वीर, पराक्रमी शहीदों के घर-घर में देखने को मिल रही हैं : PM
— PMO India (@PMOIndia) February 24, 2019
हमारा एक भी वीर शहीद इसमें अपवाद नहीं है, उनका परिवार अपवाद नहीं है | चाहे वो देवरिया के शहीद विजय मौर्य का परिवार हो, कांगड़ा के शहीद तिलकराज के माता-पिता हों या फिर कोटा के शहीद हेमराज का छः साल का बेटा हो – शहीदों के हर परिवार की कहानी, प्रेरणा से भरी हुई हैं: PM
— PMO India (@PMOIndia) February 24, 2019
मैं युवा-पीढ़ी से अनुरोध करूँगा कि वो, इन परिवारों ने जो जज़्बा दिखाया है, जो भावना दिखायी है उसको जानें, समझने का प्रयास करें | देशभक्ति क्या होती है, त्याग-तपस्या क्या होती है – उसके लिए हमें इतिहास की पुरानी घटनाओं की ओर जाने की जरुरत नहीं पड़ेगी : PM
— PMO India (@PMOIndia) February 24, 2019
मुझे आश्चर्य भी होता था और पीड़ा भी कि भारत में कोई National War Memorial नहीं था | एक ऐसा मेमोरियल, जहाँ राष्ट्र की रक्षा के लिए अपने प्राण न्योछावर करने वाले वीर जवानों की शौर्य-गाथाओं को संजो कर रखा जा सके | मैंने निश्चय किया कि देश में, एक ऐसा स्मारक अवश्य होना चाहिये: PM pic.twitter.com/03B3gs8iO8
— PMO India (@PMOIndia) February 24, 2019
आज, अगर हमारे नौजवानों को मार्गदर्शन के लिए किसी प्रेरणादायी व्यक्तित्व की जरुरत है तो वह है भगवान ‘बिरसा मुंडा’: PM#MannKiBaat pic.twitter.com/mDQPW1RUaq
— PMO India (@PMOIndia) February 24, 2019
जमशेदजी टाटा सही मायने में एक दूरदृष्टा थे, जिन्होंने ना केवल भारत के भविष्य को देखा बल्कि उसकी मजबूत नींव भी रखी: PM#MannKiBaat pic.twitter.com/Cmd0eAv8fY
— PMO India (@PMOIndia) February 24, 2019
हमारे देश के पूर्व प्रधानमंत्री मोरारजी भाई देसाई का जन्म 29 फरवरी को हुआ था | सहज, शांतिपूर्ण व्यक्तित्व के धनी, मोरारजी भाई देश के सबसे अनुशासित नेताओं में से थे: PM pic.twitter.com/9h7hMZOgbB
— PMO India (@PMOIndia) February 24, 2019
मोरारजी भाई देसाई के कार्यकाल के दौरान ही 44वाँ संविधान संशोधन लाया गया |
— PMO India (@PMOIndia) February 24, 2019
यह महत्वपूर्ण इसलिए है क्योंकि emergency के दौरान जो 42वाँ संशोधन लाया गया था, जिसमें सुप्रीमकोर्ट की शक्तियों को कम करने और दूसरे ऐसे प्रावधान थे, उनको वापिस किया गया: PM#MannKiBaat pic.twitter.com/UvbjjIRtBz
हर साल की तरह इस बार भी पद्म अवार्ड को लेकर लोगों में बड़ी उत्सुकता थी | आज हम एक न्यू इंडिया की ओर अग्रसर हैं | इसमें हम उन लोगों का सम्मान करना चाहते हैं जो grass-root level पर अपना काम निष्काम भाव से कर रहे हैं: PM#MannKiBaat pic.twitter.com/7rpJW0vngB
— PMO India (@PMOIndia) February 24, 2019
मैं आज आप सब के साथ एक ऐसे दिल को छूने वाले अनुभव के बारे में बात करना चाहता हूँ जो पिछले कुछ दिनों से मैं महसूस कर रहा हूँ: PM#MannKiBaat pic.twitter.com/IuxZzz7MUl
— PMO India (@PMOIndia) February 24, 2019
मुझे ये सुनकर बहुत अच्छा लगा कि लोग न सिर्फ ‘मन की बात’ सुनते हैं बल्कि उसे कई अवसरों पर याद भी करते हैं: PM#MannKiBaat pic.twitter.com/DOgBUtCM13
— PMO India (@PMOIndia) February 24, 2019
अगले दो महीने, हम सभी चुनाव की गहमा-गहमी में व्यस्त होगें | मैं स्वयं भी इस चुनाव में एक प्रत्याशी रहूँगा |
— PMO India (@PMOIndia) February 24, 2019
स्वस्थ लोकतांत्रिक परंपरा का सम्मान करते हुए अगली ‘मन की बात’ मई महीने के आखरी रविवार को होगी: PM#MannKiBaat
मार्च, अप्रैल और पूरा मई; ये तीन महीने की सारी हमारी जो भावनाएँ हैं उन सबको मैं चुनाव के बाद एक नए विश्वास के साथ आपके आशीर्वाद की ताकत के साथ फिर एक बार ‘मन की बात’ के माध्यम से हमारी बातचीत के सिलसिले का आरम्भ करूँगा और सालों तक आपसे ‘मन की बात’ करता रहूँगा: PM#MannKiBaat
— PMO India (@PMOIndia) February 24, 2019
