প্রধান মন্ত্রীনা লুপা করোর ৯৬০০ হেনবগী তোঙান-তোঙানবা সেনিতেসন অমসুং লু-নানবগী প্রোজেকশিং হৌদোক্কনি অমসুং উরেপ-উয়ুং তমগনি
প্রোজেকশিংগী মনুংদা অমরুত অমসুং অমরুত ২.০, নেসনেল মিসন ফোর ক্লিন গঙ্গা অমসুং গোভর্ধন স্কিম য়াওরিশ্বাছতা হি সেবা ২০২৪গী থিম: ‘শ্বাভাব শ্বাছতা, সংস্কার শ্বাছতা’লু-নানবগী খ্বাইদগী শিংথানিঙাই ওইরবা মীয়ামগী ইহৌশিংগী মনুংদা অমা ওইরিবা- শ্বাছ ভারত মিসন চহি ১০ মপুংফারকপগী থৌরম পাংথোকপা ওইনা, ওক্তোবর ২গী অয়ুক পুং ১০ রোম তাবদা নিউ দিল্লিগী বিগ্যান ভাবন্দা ১৫৫শুবা গান্ধী জয়েন্তি থৌরমদা শ্বাছ ভারত দিবস ২০২৪ থৌরমদা প্রধান মন্ত্রী শ্রী নরেন্দ্র মোদী শরুক য়াগনি।
থৌরম অদুদা, প্রধান মন্ত্রীনা লুপা করোর ৯৬০০ হেনবগী তোঙান-তোঙানবা সেনিতেসন অমসুং লু-নানবগী প্রোজেকশিং হৌদোক্কনি অমসুং উরেপ-উয়ুং তমগনি। প্রোজেকশিং অদুগী মনুংদা, অমরুত অমসুং অমরুত ২.০গী মখাদা সহরগী ঈশিং অমসুং অমোৎপা শেংদোকপগী থবক ফগৎহন্নবগী পান্দম থম্লিবা লুপা করোর ৬,৮০০ হেনবগী প্রোজেকশিং, নেসনেল গঙ্গা মিসনগী মখাদা গঙ্গা তুরেলগী ঈশিং ফগৎহন্নবা অমসুং অমোৎপা লোইশিনবগী থবক ফগৎহন্নবা পান্দম থমদুনা লুপা করোর ১৫৫০ হেনবগী প্রোজেক ১০ অমসুং গোবর্ধন স্কিমগী মখাদা লুপা করোর ১৩৩২ হেনবগী কমপ্রেস বাইওগ্যাস (সি বি জি) প্লান্ত প্রোজেক ১৫ য়াওরি।
শ্বাছ ভারত দিবস থৌরমদা চহি ১০ অসিদা ভারতকী সেনিতেসনগী মাইপাকপশিং অমসুং হন্দক লোইশিনখিবা শ্বাছতা হি সেবা কেম্পেনগী মাইপাকপশিং উৎকনি। মসিনা লৈবাক্কী থবক অসিগী মথংগী তাঙ্কক্কীদমক থৌরাং তৌগনি। লোকেল গভর্নমেন্ত বোদিশিং, নুপীশিংগী কাংবুশিং, নহারোলশিংগী লুপশি অমসুং মীয়ামগী লুচিংবশিং শমপুরনা শ্বাছাতাগী ৱাখল্লোন ভারতকী মফম কয়াদা য়ৌহন্দুনা থৌরম অসিদা শরুক য়াগনি।
শ্বাছতা হি সেবা ২০২৪গী থিম: ‘শ্বাভাব শ্বাছতা, সংস্কার শ্বাছতা’ অসিনা লু-নান্নবা, মীয়ামগী হকশেল অমসুং তুংকোইনা চৎনবা য়াগদবা মহৌশাগী অকোয়বগী ফিবমগী মতাংদা থবক পায়খৎনবা অমুক হন্না লৈবাক অসি পুনশিনহল্লে। শ্বাছতা হি সেবা ২০২৪গী মখাদা, মীওই করোর ১৬ হেন্না শরুক য়াদুনা থৌরম লাখ ১৯.৭০ হেন্না পাংথোকখ্রে। লু-নান্না থম্নবা য়ুনিত লাখ ৬.৫ গী পান্দম ফংদুনা অওনবা পুরকখ্রে। চাউরাক্না সাফাইমিত্রা সুরক্ষা সিবির লাখ ১ রোম পাংথোক্তুনা সাফাই মিত্রা লাখ ৩০ হেন্না কান্নবা ফংহনখ্রে। মখা তানা, এক পের মা কে নাম কেম্পেনগী মখাদা উ চারা লাখ ৪৫ হেন্না থাখ্রে।
