#মনকীবাত্ অসি ঐখোয়গী লৈবাক্কী মীংশেলগুম্বনি ।মসিনা ঐখোয়গী লৈবাক্তা নুংগী থৌনা অমদি হৈথোই শিংথোইবগী অৱাৎপা লৈতে হায়বসি উৎলি : প্রধান মন্ত্রী
#মনকীবাতকীদমক্তা, ঐনা চিথী কয়া অমদি ফোন কোল কয়া ফংখি অদুবু মদুদা ৱাকৎতি অমত্তা য়াওরকখিদেঃ প্রধান মন্ত্রী মোদীইমর্জেন্সীগী মতমদা, গনতন্ত্রগী হক মুনবীখিঃ প্রধান মন্ত্রী #মনকীবাতকাংলোন্না নত্তনা লৈবাক অসিগী মীয়াম্বু করিনা নকশিন্নহনবগে হায়বা তারবদি, মদু ঐখোয়গী গনতন্ত্রগী চৎনবী অসিননিঃ #মনকীবাত্তা প্রধান মন্ত্রী২০১৯গী লোক সভা মীখলদা থাদখিবা ভোতর মশিং অদু অমেরিকাগী মী মশিংগী শরুক অনি য়ৌগদৌই অমসুং য়ুরোপকী অপুনবগী মী মশিংদগী হেনখিঃ প্রধান মন্ত্রী #মনকীবাত২০১৯গী লোক সভা মীখল অদু হৌজিক ফাওবদা মালেমদা খ্বাইদগী চাউবনিঃ প্রধান মন্ত্রী মোদী #মনকীবাতপুন্না হোৎনমিন্নরবতদা অচৌবা অমদি অফবা অহোংবা পুরকপা ঙমগনিঃ প্রধান মন্ত্রী মোদী #মনকীবাতঐখোয় পুন্সিল্লবতদা অমদি কন্না হোৎনরবতদা, অরুবা থবক কয়া মাই পাক্না পাংথোকপা ঙমগনিঃ জন জন জুরেগা, জল বচেগা (মীয়াম পুন্সিল্লবদি, ঈশিং কনবা ঙমগনি): প্রধান মন্ত্রী মোদী #মনকীবাতস্বচ্ছতাগুম্না, ঐখোয় ঈশিং য়োকশিনবা অসি মীয়ামগী খোংজং অমা ওইনা শেম্লসিঃ প্রধান মন্ত্রী মোদী #মনকীবাত#মনকীবাতঃ প্রধান মন্ত্রী মোদীনা ফিল্ম ইন্দস্ত্রী, শান্নরোইশিং, মীদিয়া, খুন্নাইগী অমদি নাৎকী ওইবা লুপশিংদা অনৌবা খোংথাং কয়া লৌখৎতুনা ঈশিং য়োকশিনবগী পাউজেল শন্দোক্নবা হায়খ্রেজুন ২১দা, য়োগ নুমিৎ অসি মীয়াম্না থৱাই য়াওনা পাংথোক্নখিঃ #মনকীবাত্তা প্রধান মন্ত্রী মোদীমশা-মউ ফবা মীওইশিংনা মশা-মউ ফবা খুন্নাই অমা লিংই অমসুং মদু য়োগনা ঙমহল্লিঃ #মনকীবাত্তা প্রধান মন্ত্রী মোদীঐগী নুংশিজরবা ইরৈপাকচাশিং খুরুমজরি। মতম খরা কায়নরুরবা মতুংদা অমুক হন্না মীয়ামগী মফমদা মন কী বাত, মীয়ামগী ৱা, মীয়ামগী পুক্নীংগী ৱাগী খোংচৎ অসি অমুক হৌরক্লে। মীখলগী চরাংনবা মরক্তুদা য়াম্নদি চিনখি অদুবু মন কী বাতকী নুংঙাইবা অদুমদি ৱাৎখি, করিগুম্বা অমা ইৱাৎ ৱাৎপগুম খনখি। ঐগী ইমুংগী মীওইশিং, ভারতকী মীওই কোতি ১৩০গী মরক্তা য়াম্না নুংঙাইবা মওংদা ৱাফম কয়া তাবা ফংখি, মরক মরক্তসু ঐনা হায়জবা ৱাফমশিং অদু ঐগী মীয়ামগী তমজনীংঙাই ওইবা ৱাফম ওইখি। শরক শিবা মতম অসি কমদৌনা হৌখি, কমদৌনা লেনখি হায়বসে ময়াম্না খঙবিব্রা? নোংমাইজিং, থাগী অরোইবা নোংমাংজিং অয়ুক্কী পুং ১১, ঐসু করিগুম্বা খরা ৱাৎপগুম, ইহাং হাংবগুম ফাওখি, ময়ামসু ফাওরমগনিদা, শোয়দনা ফাওরমগনি। তশেংনমক মসি থৱাই পান্দবা থৌরম অমদি নত্ত্রে। থৌরম অসি থৱাই পানবা অমত্তা ওইবগী ৱাখল্লোন অমা ওইনা খোইদাবা পুক্নীংনা পামজবা থৌরম্নি। পুম্নমক অসিনা মরম ওইদুনা মরক্কী হাংখিবা মতম অসি ঐঙোন্দা য়াম্না ৱানা থোকখি। ঐ মীকুপ খুদিং করিগুম্বা খরা ইৱাৎ ৱাৎপগুম ফাওখি। ঐনা মন কী বাত তৌবা মতমদা ঐনা ঙাংজবগী ৱাদনি, খোংজেল ঐগী ওইজবগী ৱাদনি, মনুংগী ৱাদি ময়ামগীনি। থৌদাংশু ময়ামগীনি, মদুগী লাকপা মহৈসু ময়ামগীনি। ঐদি শুপ্নতগী ঐগী ৱাহৈ, ঐগী খোঞ্জেল শিজিন্নবতনি, মরম অসিনা ঐনা ৱাৎলে খঞ্জরিবসে থৌরম অসি নত্তে মীয়াম্বুনি। ইহাং হাংবগুম ইৱাৎ ৱাৎপগুম খনখি। মীখল হেক লোইবগা মীয়ামগা অমুক উন্নরসিরা খনবসু য়াওখি। অদুবু খনখি, মদু তৌবা য়াদে। নোংমাইজিং ঙায়বা তায়, নোংমাইজিংগী হৈনবি থম্বা তাই। অদুবু হন্দক্কী নোংমাইজিং অসিবু খৌরাংনা ঙায়খি। তাঞ্জা অদুদি লাক্লে, য়াম্না ইমুং অমত্তা ওইবা ৱাখলোন্দা মন কী বাত অসিনা অপীক অপীকপা ৱাফম কয়া সমাজ অমসুং পুন্সিদা কান্নবা অহোংবা কয়া পুরকপা ঙমখি। মতৌ অসুম্না খোংচৎ অসিনা অনৌবা থৌনা অমা পুরক্তুনা অনৌবা ভারত অমা পুরকপা ঙম্বা ওইহনসি।
হৌখিবা থা খরা অসিদা পাওজেল কয়া লাকখি, মদুদা মীয়াম্না মন কী বাতকী অহাংবা অৱাৎপা কয়া তাকপীরকখি। মদু পারুরগা, তারুরগা ঐহাক য়াম্না নুংঙাইজৈ। অমত্তা ওইবগী ৱাখল্লোন অদুদা নুংঙাইজৈ, মরক মরক্তা মসি ঐনা ঐখোয়দা পুন্সিনবগী খোংচৎনি হায়না খঞ্জখি। ঐগীদমক্তদি ময়ামগা ৱারী শান্নদনা তুমিন্না লৈবা মতম অসি অধ্যাতমিক ওইবা মতমনি। মীখলগী চরাংনবা মরক্তা ঐহাক্না কেদর্নাথতা করি তৌবা চৎলিবনো হায়না মীয়াম্না হংনখি। ৱাহং কয়ানি হংফম থোকই, ময়াম্না খঙনীংফম থোকই। ঐনসু ঐঙোন্দা ফাওরিবা ৱাখল অদু ময়ামদা খঙহনশিরা খল্লুই, অদুবু অদুম্না তৌরম্লবদি ঙসিগী মন কী ৱাতকী শক্লোন অসি তোঙানবা অমা ওইরমগনি। মরম অসিনা মীখলগী চরাংনবা, মায় পাকপা মায়থিবগী অঙ্ক, ভোৎ থাদগদৌবসু ৱাৎলিবা মরক অসিদা ঐনা চৎখি। মীওই কয়ানা খোংচৎ অদুগী রাজনিতীগী ওইবা ৱাহন্থোক পীখি, ঐগীদমক্তদি ঐ ইশাগা উন্নজনবা তাঞ্জা অমনি। অমরোমদা হায়রগা ঐসি ঐগা উন্নজবা চৎপনি। ঐ ঙসি য়াম্নদি হায়জররোই অদুবু মসিমদি শোয়দনা হায়জরগে, মন কী বাত মতম খরগী লেপ্পা অদুদা ঐঙোন্দা ফাওরিবা অহাংবা অদু কেদরগী তম্পাক্তা ইথন্তা শুরুং মনুংদা লৈরুবা অদুনা খরদি মেন্সিনবা ঙমখি। অতৈদি ময়াম্না খঙবীনীংলিবা অদুনি মতাং চাবদা ময়ামদা খঙহনজগে। করম্বা মতমদা হায়গদগে হায়বদুদি হায়বা ঙমদে। অদুবু শোয়দনদি হায়জগনি। মরমদি, ঐগী মরমদা খঙনীংবা হায়বসে ময়ামগী তৌফদ্রবা থৌদাংনি। কেদরগী মরমদা মীয়াম্না খঙনীংখি, ওইথোকপা য়াবা মওংদা পুক্নীং থৌগৎপদা মীয়ামগী থৌদাং অসি ঐঙোন্দা তত্তনা ফাওই।
মন কী বাতকী লাকপা চিথীশিং অদুগী ৱাখল্লোন অদু সরকারগী শোয়ফদবা লাকপা চিথীশিংদগী য়াম্না তোঙাল্লি। ৱাহৈ অমরোমদা হায়রগা ময়ামদগী ফংবা চিথীশিং অদুনা ঐবু থৌনা হাপ্লিবনি। করি করিগুম্বদা ঐগী ৱাখল ফোংদোকপদা মখোয়না হায়রকপা ৱাহৈশিং অসি শিজিন্নরিবনি। লৈবাক, মীয়াম অমসুং সমাজকী মাংদা তারিবা শিংনবশিং অমদি মসিবু কোকহন্নবা উপাইসু তাকপীরি। চিথীশিং অদুদা মীয়াম্না সমস্যা কয়া তাকপীরকই, অদুবু মদুবু কোকহন্নবা উপায় কয়াসু লোন্না তুমিন্না ফোংনা তাকপীরকই। লু-নানবগী মরমদা হায়বীরকপা ওইরবসু, মোৎশিনবদা শাওবা নুংঙাইতবা ফোংদোকপীরকই। অদুগা লোয়ননা লু নান্নবা হোৎনবীরিবশিং অসিবু থাগৎপীরকই। কনাগুম্বনা অকোয়বগী ফিভমগী মরমদা নৈনবীরকই, ময়ামদা ফাওরিবা চৈনাখোল অদু ইবীরকই, লোয়ননা মদু কোকহন্নবা হোৎনবদা মখোয়না শিজিন্নরিবা থৌওংশিং, মখোয়না খল্লিবা ৱাখলশিংসু তাকপীরকই। হায়বদি মায়োক্নরিবা অৱাবশিং অদু অমদি মখোয়বু কোকহনন্নবা পাম্বৈশিং অদু অদোমগী ৱাফমশিংদা উবা ফংই। মন কী বাত অসি লৈবাক অসিগী সমাজকী মিংশেলগুম্বনি। মসিনা ইরৈবাকচাশিংগী অকনবা ফীরেপ, থৌনা অমসুং হৈশিংবা ৱাত্তে হায়বসি লায়না উবা ফংই। তঙাই ফদ্রিবদি অদুগুম্বা অকনবা থৌনা অমসুং হৈশিংবা অদু থবক ওইনা উৎথোকহনবা অদুনি, মদুগী খোদোংচাবা ফংহনবা অদুনি। লৈবাক মীয়াম্না লৈবাক মরা চেৎপা অমদি চিকশিনবা হৈশিংবদা মখোয়সু শরুক য়ারি, য়ানীংই হায়বসি হৌখিবা চহী মঙা অসিদা মন কী বাততা লাকখিবা চিথী, তেলিফোন কোল ময়াম অদুনা খঙবা ঙমখি। কনা অমত্তনা মশাগীদমক করিসু নীরকখিদে, ৱাকৎখিদে। খন্দুনা য়েংবীয়ুনে, অদোম্না লৈবাক্কী প্রধান মন্ত্রীদা চিথী ইরে, অদুবু মদুদা মশাগী ওইবা তোঙানবা করিসু নীখিদে। মীওই কোতি কয়া অসিগী ৱাখল্লোন অসি কয়াদা ৱাংখ্রবনো। ঐনা মখোয়না হায়বীরকপা ৱাহৈশিং অদু নৈনবা মতমদা ঐগী থমোইদা কয়াদা নুংঙাইবা ফাওরমগদগে হায়বদো খন্দুনা য়েংবীয়ু। ঐনা অনৌবা থৌনা, ইনোৎ ফংলমগদবা অদু খন্দুনা য়েংবীয়ু। ময়াম্না ঐবু চৎহনবনি, চেলহনবনি, ঐবু মীকুপ খুদিং হিংহনবনি। মসিনি ঐনা মতমদুদা ফাওখিবা অৱাৎপা অদু। ঙসিদি থমোই অসি নুংঙাইবনা থল্লে। ঐনা মমাংগী অরোইবদা হায়খিদনা, ঐখোয় থা অহুম মরিগী মতুংদা উন্নগনি, মতমদুদা মীশিংনা রাজনিতীগী ৱাহন্থোক পীদুনা হায়খি, য়েংঙুনে মোদীজীসে কনফিদেন্স কয়াদা লৈরিবনো।
কনফিদেন্স অসি মোদীগী নত্তে। থাজবা অসি ময়ামগী থাজবগী য়ুমফম অদুনি। ময়ামগী থাজবা অসিমক্ননি ঐহাক্না ঐহাক্কী অরোইবা মন কী বাত্তা থা খরা লৈরগা ঐনা ময়ামগা উন্নগনি হায়খিবদু। তশেংবমক্তি ঐ ইশানা লাকপা নত্তে, ময়াম্না ঐবু পুরকপনি, ফমহনবনি, ময়াম্না ঐবু অমুক হন্না ঙাংবগী খুদোংচাবা পীবীবনি। ৱাখল্লোন অসিগা লোয়ননা মন কী বাতকী খোংচৎ অসি মখা চত্থরসি।
লৈবাক অসিদা ইমার্জেন্সী থমখিবা মতমদুদা শুপ্নতগী রাজনিতীগী ওইবা অশাওবা ওইখিদে। রাজনিতীগী লুংচিংবা, য়োৎকী অৱাংবা ফক্লাং, আন্দোলন খক্তদা নত্তে। মীয়ামগী থমোইদসু অশাওবনা পীক থনখি। মাংখ্রবা মীয়ামগী লৈঙাক ফংনবা লাংতক্নখি। অয়ুক নুমিদাং মতম চানা চাবা ফংলিঙৈদা অরাম্বা করিনো খঙলমদে। মতৌ অসুম্না মীয়ামগী পুন্সিদা মীরম লৈঙাক্না লৈরিঙৈদা মদুগী অৱাৎপা অদু খঙলমদে। ইমার্জেন্সীগী মতমদা লৈবাক অসিগী মীপুম খুদিংনা করিগুম্বা খরা মুনবীখ্রে হায়বসি থমোইদা ফাওনখি। মহাক্না পুন্সিদা শুকশিন শিজিন্নখিদবা অদু করিগুম্বা মুনবীখ্রবদি থমোইদা চৈনা ফাওবা হায়বসি মসানা তাবনি। অদুগা ভারতকী কন্সতিত্যুসন্দা করিগুম্বা খরা য়াওরি, মসিমক্ননি ভারত্তা মীয়ামগী লৈঙাক্না মরা চেৎলিবা অসি। সমাজবু, চৎনরোলবু নীংথিনা চৎনহন্নবরোমদা কন্সতিত্যুসন তঙায় ফদে। চৎনলোনচৎ, আইন, নিয়ম্নচিংবা দরকার ওই। ফংফম থোকপা অমসুং তৌফম থোকপা হায়বা অমসু লৈ। ঐখোয়গীদি চৎনলোনচৎ আইন নিয়ম্নচিংবশিং অসিগী মথক্তা মীয়ামগী লৈঙাক অসিনা ভারতকী চৎনলোনচৎনি হায়না নাপল তৌনা হায়রি। মীয়ামগী লৈঙাক্না ঐখোয়বু শক তাক্লিবনি। মীয়ামগী লৈঙাক অসি ঐখোয়গী ইপা ইপুগী লেংদ্রবা পুক্কৈনি। মসিদা ঐখোয়না চাউরক্লি, হিংলক্লি, মরম অসিমক্না ইমার্জেন্সীগী মতমদা অৱাৎপা অদু মায়োক্নদুনা লাক্লি। মরমদি লৈবাক অসি ইশাগী নত্তে, অচৌবা মীখল অসি ইশাগী কান্ননবা নত্তে, মীয়ামগী লৈঙাকপু কন্ননবগীদমক্তা কত্থোকখ্রবনি। তশেংনমক মলেমগী করিগুম্বা লৈবাক অমনা, মফম অদুগী মীয়াম অদুনা মশাগী ফংফম থোকপা হক, তঙাইফদবা ময়াম্বু তুংওইনরম্লগা মীয়ামগী লৈঙাক্কীদমক ভোৎ পীখিবা অদুগুম্বা মীখল অসি লৈবাক অসিনা ৭৭তা উখি। মতম খরগী মমাংদা মীয়ামগী লৈঙাক্কী খ্বাইদগী চাউবা কুমহৈ, য়াম্না চাউবা মীখলগী খোংজং অমা ঐখোয়গী লৈবাক্তা পাংথোকখি। ইনাক খুনবা, লায়রবা পুম্বা কুমহৈ অসিদা থৱাই য়াওনা লৈবাক্কী তুংগী মরাইবক্কীদমক খন্দুনা শরুক য়াখি।
করিগুম্বা পোৎ অমা ঐখোয়গী নাক্তা লৈরবদি, ঐখোয়না মদুগী মগুন অদু হন্থনা খল্লি। মাগী অশেংবা অঙকপা শক্তম অদু খঙনবা হোৎনদে। ঐখোয়না মমল য়াম্লবা মীয়ামগী লৈঙাক ফংজরে। অদুবু ঐখোয়না য়াম্না লায়না ফংবা পোৎ অমনি হায়না খল্লি। ঐখোয় ইশানা মসিমদি নীংশিংদুনা লৈগদবনি মদুদি ঐখোয়গী মীয়ামগী লৈঙাক অসি অসুক্কী মতিক মগুন চাউখ্রে। মসি ঐখোয়গী চহী কয়াগী তাঞ্জরকপা নীংজরকপগী মহয়নি। চারোল শুরোল কয়াগী চৎনলোনচৎ অমদি ময়াম পুন্না য়েংমিন্নবগী ৱাখল্লোন অদুনি। ভারত্তা ২০১৯দা তৌখিবা লোক সভা মীখলদা মীওই কোতি ৬১ হেনবনা ভোৎ থাদখি… হোয় কোতি ৬১। ঐখোয়নদি মসি ইচম চম্না লৌবা য়াই অদুবু মালেমদা চাইনা নত্তবা অতোপ্পা লৈবাক অমগী মীশিংদগী হেনবা মশিংনা ভোৎ থাদখি। ২০১৯দা ভারত্তা ভোৎ থাদখিবা মীশিং অসি অমেরিকাগী মীশিংদগীসু হেল্লি, চাউরাক্না শরুক অনিমুক হেল্লি। ভারত্তা লৈরিবা ভোৎ থাদবা য়ারবা মীওই অসি য়ুরোপ অপুনবগী মীশিংদগীসু হেল্লি। ২০১৯গী লোক সভা মীখল অসি হৌজিক ফাওবদা মালেমগী খ্বাইদগী চাউবা মীখলনি। অসিগুম্বা মখলগী মীখল অসি পাংথোক্ননবা হোৎনবদা রিসোর্স কয়া, মেনপাৱর কয়া শিজিন্নরমগদগে হায়বদু খন্দুনা য়েংবীয়ু। ওজা, ফম্নাইবা অমদি ওফিসকী থবক তৌবা লাখ কয়ানা অহিং নুংথিল খায়দনা হোৎনবদগী মীখল অসি মায় পাক্না পাংথোকপা ঙমখিবনি। মীয়াম লৈঙাক্কী চাউখ্রবা কুমহৈ অসিবু মায় পাক্না পাংথোক্নবা হোৎনবদা পেরামিলিতরী ফোর্স লাখ অহুমলোম্না মখোয়গী মথৌ পাংথোকখি। তোঙান তোঙানবা রাজ্যশিংগী পুলিসকী মীওই লাখ কুনলোম্নসু মখোয়গী মথৌ নীংথিনা পাংথোকখি। মখোয়না কন্না হোৎনবগী মহৈ ওইনা মমাংগী মীখলদগী হেন্না ভোৎ থাদনখি। লাখ ১০ হেনবা পোলিং স্তেসন, চাউরাক্না ই.ভি.এম. লাখ ৪০, ভি.ভি. পেৎ মেচিন লাখ ১৭ … খন্দুনা য়েংবীয়ু কয়াদা চাউখ্রবা থৌরাংনো। মসিগী মরমদি ভোৎ থাদগদৌরিবা মীওই খুদিংমক মখোয়গী থাদফম থোকপা মথৌদগী নান্থোকহৌদনবনি। অরুনাচল প্রদেশকী মনুং হুঞ্জিনবা মফমদা শুপ্নতংগী নুপী ভোতর অমখক্তগীদমক পোল্লিং স্তেসন শেমখি। ময়াম্না মসি তাবদা ঙকপীরমগনি মদুদি ইলেক্সন কমিসনগী ওফিসিয়েলশিংনা মফম অদু য়ৌনবা হোৎনবদা নুমিৎ নিনি পুরা চংনা চৎখি। মসি মীয়াম লৈঙাক্কী খ্বাইদগী শেংবা ইকায় খুম্নবনি। মালেমগী খ্বাইদগী ৱাংবা পোলিং স্তেসনসু ভারত্তা লৈ। মসিগী পোলিং স্তেসন অসি হিমাচল প্রদেশকী লহৌল স্পিতি লমদমদা ফীৎ ১৫,০০০গী অৱাংবদা লৈ। মসিদা নত্তনা হন্দক্কী মীখল অসিদা য়াম্না চাউথোকচনীংঙাই ওইবা ৱাফম অমসু লৈরি। ভারতকী পুৱারীদা নুপীশিংনা নুপাগা লেং মান্ননা ভোৎ থাদমিন্নবসি হন্দক্কী মীখল অসিনা অহানবনি। মসিগা মরী লৈননা য়াম্না পুক্নীং থৌগৎনীংঙাই ওইবা ৱাফম অমনা হৌজিক পর্লিয়ামেন্তা নুপী এম.পি. ৭৮ য়াওরি। ঐহাক্না ইলেক্সন কমিসন অমসুং মীখলগী থবক থৌরমগা মরী লৈনবা মীওইশিংবু হন্না হন্না থাগৎচরি লোয়ননা ভারতকী মিৎ-না শিংলবা ভোত্তরশিংবুসু খুরুমজরি।
নুংশিরবা ঐহাক্কী ইরৈপাকচাশিং, ময়াম্না বুকেৎকী মহুত্তা লাইরিক হায়বা ৱাফম অসি কয়ারক হন্না ঐগী চিন্দগী তাবীরম্লগনি। ঐহাক্না হায়জখিবসি থৌরম অমা পাংথোকপগী তরাম্না ওকপগী মতাং অসিদা লৈ পীবগী মহুৎতা লাইরিক ওইনা পীবীবা য়াব্রা। মদুগী তুংদা মফম কয়াদা লাইরিক ওইনা পীবা হৌনরকখি। ঐঙোন্দসু হন্দক্তা কনাগুম্বা অমনা প্রেমচন্দকী লোকপ্রিয় কহানিয়া হায়বা লাইরিক অমা পীরকখি। মসিদা ঐহাক থোইদোক্না নুংঙাইবা ফাওই। মতম য়াম্না হেন্না ফংজদ্রবসু, লংফৈ চৎলিঙৈ মতংদা মহাক্কী ৱারী মচা খরা অমুক্কা হন্না পাবগী খুদোংচাবা অদু ফংজখি। প্রেমচন্দনা মহাক্কী ৱারীমচাশিংদা খুন্নাইগী অশেংবা শক্তম অমা উৎলিবদু ৱারীমচাশিং অদু পারুবা মতমদা পুম্নমক মিৎমাংদা চোংথোরকই। অচম্বা ৱাহৈদা মীওইবগী ৱাখল্লোনবু ফোংদোক্লিবা মহাক্কী ৱারীমচাশিংনা ঐহাক্কী পুক্নীং হুখ্রে। মহাক্কী ৱারীমচাশিংদা ভারত পুম্বগী অপুনবগী শক্তম উৎলি। মহাক্কী নশা হায়বা ৱারী অসি পারুবা মতমদা খুন্নাই অসিদা লৈরিবা শেল-থুমগী অৱাৎপা উবা ফংই। ঐহাক্কী নহা ওইরিঙৈগী মতম নীংশিংলকই। ঐখোয়না মতম অদুদা হিরম অসিগী মতাংদা অহিং চুপ্পা অমা য়েৎনরম্মি। জমিন্দারগী মচানুপা ইশ্বরী অমসুং লাইরবা ইমুংগী বীর অনিগী ৱারী অসিদগী ঐখোয়না লৌশিনবা য়াবা পারা অমদি করিগুম্বা চেকশিলহৌদ্রবদি ফত্তবা শঙ্গদগী অমাংবা লাকখিবা খঙহৌরোই। ঐগী পুক্নীং হুখিবা অনিশুবা ৱারীমচাদি ইদীগাহনি। পিক্লিবা নুপামচা অমনা মহাক্কী মবোকপু কয়াগী মতিক নুংশিজবা, চহী মরি মঙাগী হমিদনা মেলাদগী মবোক্কীদমক চেগপ লৈদুনা পুরকপা, মীকুপ অদুদা মীওইবগী মীনুংশিগী ৱখল্লোন অদু মতোল লোম্না উবা ফংই। ৱারীমচা অসিগী অরোইবা পরেং অদু অদুক্কী মতিক নুংশিখ্রে, মসিদা পুন্সিগী অশেংবা মশক অমা উৎলি। অঙাং নুপামচা হমিদনা হনুবা হমিদকী শক্লোন লৌরি, হনুবী অমিনানা অঙাং নুপীমচা ওনখ্রে।
পুস কী রাত হায়রিবা ৱারী অসিসু অসিগুম্না য়াম্না পুক্নীং নুংশিবা ৱারীনি। ৱারীমচা অসিদা লাইরবা লৌমী অমগী পুন্সিগী অশেংবা শক্লোন অমা উবা ফংই। মহাক্কী মহৈ-মরোংশিং অদু লোইনা মাং তাকখ্রবসু হল্কু হায়বা লৌমী অদু অইংবা অহিংদা লৌবুক্তা তুম্লরোই হায়না হরাওরি। তশেংবদি ৱারীশিং অসি চহী কয়াগী মমাংগী ৱারীনি, অদুবু মসিদা নৈনরিবা ৱাফমশিং অসিদি ঙসিমকসু অদুমক তানরি। মখোয়শিং অসি পারুবদগী ঐঙোন্দা তোঙানবা মখলগী ৱাখল অমা পুক্নীংদা ফাওরকই।
পাবগী ৱাফম লাকপসিদা ঐহাক্না নীংশিংলকপদা কেরলাগী অকশারা লাইব্রেরীগী মতাংদা মীদিয়া অমদা থেংনখি। লাইব্রেরি অসি ইদুকীগী শুক্লবা উমং অমদা লৈবা খুঙ্গং অমদা লৈ হায়বা খঙবদা ময়াম য়াম্না ঙকপা ফাওগনি। মফম অসিগী প্রাইমরী স্কুলগী ওজা পি.কে. মুলরিধরন অমসুং চাগী অপীকপা দুকান ফমজবা পি.ভি. চিন্নাথম্পিনা লাইব্রেরী অসিগীদমক হনবা লৈতনা হোৎনরি। মতম অমদা মফম অসিদা লাইরিকশিং অদু মপুন মপুন পুল্লগা, নম পোরগা পুরক্লম্মি। ঙসিদি লাইব্রেরী অসিনা চীংগী অঙাংশিং য়াওনা মীপুম খুদিংমক্তা অনৌবা লম্বী অমা উৎলি।
গুজরাত্তা ৱানচে গুজরাত খোংচৎ অসি মায় পাকপা থৌরাং অমা ওইরে। চহী কাংলুপ কয়াগী মীওই লাখ কয়ানা লাইরিক পাবগী খোংচৎ অসিদা শরুক য়াখি। ঙসিগী দিজিতেলগী তাইবং অসিদা গুগল গুরুগী মতম অসিদা ঐহাক্না ময়ামদা হায়জনীংবদি মতম খজিক্তং খায়দোকপীরগা লাইরিক ঙাইহাক্তং পাবীয়ু। নোংমগী তৌদবা য়াদ্রবা ইথৌগী মথক্তা মসিমসু শোয়দনা হাপ্পীয়ু। মসিদা অদোম শুকশোই শোইদনা নুংঙাইবা ফাওগনি। অদুগা অদোম্না পারিবা লাইরিক অদুগী মরমদা নরেন্দ্র মোদী এপতা শোয়দনা ইবীরকউ। মসিনা মন কী বাত তারিবশিংসু মদুগী মরমদা খঙবা ঙমগনি।
ঐহাক্কী নুংশিরবা ইরৈপাকচাশিং, ঐখোয়গী লৈবাক অসিগী মীয়াম্না ঙসিগী মীরোলদা নত্তনা তুংগী মীরোলগীসু শিংনবা ওইরক্কদৌরিবা ৱাফমশিংদা পুক্নীং চংলি খঙবদা ঐহাক য়াম্না নুংঙাইবা ফাওই। ঐহাক নরেন্দ্র মোদী এপ অমসুং মাই গোবতা ময়ামগী কমেন্ত পারম্বনি। মদুদা মীওই ময়াম অমনা ঈশিংগী সমস্যগী মরমদা ইবীরকই। বেলগাবীগী পৱন গৌরাই, ভুবনেশ্বরদগী সিতানশু মোহন পরিদা, মখোয়দা নত্তনা য়াস শর্ম, শাহাব অল্তাফ অমসুং মীওই কয়া অমনা ঈশিংগা মরী লৈননা মায়োক্নরিবা সমস্যাশিংগী মরমদা ইবীরকই। ঐখোয়গী চৎন-লোনচৎতা ঈশিংগী মগুন অসি য়াম্না চাউই হায়বদি ঈশিং অসি অদুক্কী মতিক মরু ওইখ্রে। রিগবেদগী অপাহ সুক্তমদা ঈশিংগী মরমদা অসুম্না হায়বীরম্মি:
আপো হিষ্ঠা ময়ো ভুব:, স্থা ন উর্জে দঘাতন, মহে রনায় চক্ষসে,
য়ো ৱ: শিবতমো রস:, তস্য ভাজয়তেহ ন:, উষতীরিব মাতর:।
মসিনা হায়রিবদি, ঈশিং অসি পুন্সিগী থৌনানি, পাঙ্গলগী হৌরকফম্নি। নহাক্না ইমাগী শক্তম লৌরগা থৌজাল পীনবীয়ু। নহাক্কী থৌজাল অদু মতম লৈবা খিবিক্তা ঐখোয়দা খিকথবীরকউ।
ঈশিং ৱাৎপনা লৈবাক অসিগী মফম কয়া অৱাবা নংই। ময়াম্না থোইনা হেন্না ঙক্কদবা ৱাফম অমদি চহী খুদিংগী নোংজুদগী ফংবা ঈশিংগী চাদা ৮ খক্তমক ঐখোয়গী লৈপাক অসিনা য়োকশিলহৌই। হৌজিক খুদোংচাদবা অসি কোকহন্নবগী উপায় তৌবা মতম অদো ওইরক্লে। ঐহাক্না থাজৈ, অতৈ খুদোংচাদবা থেংনখিবগুম ইরৈবাকচা কোতি ১৩০গী অপুনবা হোৎনজমন্না মসিমসু লায়না মায়োক্নবা ঙমগনি।
ঈশিংগী মরুওইবা য়েংলগা অনৌবা ৱাতর রিসোর্স মিনিস্ত্রী হাংদোক্লে। মসিনা ঈশিংগা মরী লৈনবা হিরমশিংদা থুনা ৱারেপ লৌবা ঙম্লগনি। নুমিৎ খরনিগী মমাংদা ঐহাক্না করিগুম্বা তোঙানবা থবক খরা পাংথোক্কে হায়না হোৎনখি। ঐহাক্না লৈপাক অসিগী খুনগী প্রধান খুদিংমক্তা চিথী ইখি। চিথী অদুদা ঈশিং য়োকশিলহন্নবা, নোংগী ইরিক অমা ফাওবা মাংহন্দনবা খুলগী মীওইশিংদা ৱা তান্ননবা ইখি।
ঙসিগী মন কী বাতকী থৌরম অসিদা ঐহাক ময়ামদা প্রধান অমগী ৱাফম তমজগে। ঝারখন্দগী হজারিবাঘ জিলাগী কাতকমাসন্দি ব্লোক্কী লুপুং পঞ্চয়ৎকী প্রধান্না ঐখোয় ময়ামদা করি পাওজেল পীবগে হায়বদো অমুক্তা তামিন্নসি:
দিলিপ কুমার রবিদাস
মহৌশাগা ইরোইননা হিংবনা চৎলোনচৎকী শরুক অমা ওইরিবা বির্সা মুন্দাগী লমদম অসিনা ঙসি অমুক ঈশিং তুংশিনবগী অচৌবা থৌদাং লৌগনি হায়না লেপ্লি। ঐহাক্কী মায়কৈদগী প্রধান খুদিংমক্তা মখোয়গী থবকশিং অসি মায় পাক্নবা য়াইফ-পাওজেল পীজরি। লৈবাক শিনবা থুংনা প্রধান কয়ানা ঈশিং তুংশিনবগী থবক হৌখ্রে। খুঞ্জাশিংসু চাউনা থৌদাং য়ারি। খুনগী মীওইশিং অসি মখোয়গী খুঙ্গংশিংদা ঈশিংগী লাইশং শাবগী চাংদম্নবা ওইনা উরে। লৈবাক পুম্বদা চপ মান্নবা মওংদা ফোর্মুলা অমখক্তদা ঈশিং তুংশিনবগী থবক পায়খৎপদি ওইথোক্লোই। মরম অদুনা তোঙান তোঙানবা মফমদা তোঙান তোঙানবা মওংদা হোৎনরি। অদুম ওইনমক পান্দমদি অমখক্তনি, ঈশিং য়োকশিনবা।
পঞ্জাবতা দ্রেনেজ লাইনশিং শেমজিনবগী থবক চত্থরি। মসিনা লম্বী সোরোক্তা ঈশিং তুংশিনবগী খুদোংচাদবা কোক্লগনি। তেলঙ্গনাগী থিম্মাইপলীদা ঈশিং-তেঙ্ক অমা শাবদগী মীয়ামগী পুন্সিদা অহোংবা অমা লাক্লে। রাজস্থানগী কবিরধামদা লৌবুক্তা তৌবা পুখ্রীমচাশিংনা অহোংবা কয়া পুরক্লে। তামিলনাদুগী ভেলরদা ময়াম পুল্লগা নাগ তুরেল অমুক হন্না চেলহন্নবা হোৎনবগী মতাংদা ঐহাক্না পাখি। থবক অদুগীদমক নুপী লিশিং ২০না পুল্লপ থোকলকখি। নোংগী ঈশিং য়োক্তুনা থম্নবগীদমক্তা য়াম্না ফবা থবক অমা গরৱালগী নুপীশিংনা কন্না হোৎনরি হায়নসু ঐহাক্না থেংনখি। ঐহাক্না থাজৈ, মতৌ অসুম তৌনা ঐখোয় ময়াম পু্ন্না হোৎনরবদি ওইথোক্তবা হায়বা অমা অমুক লৈররোই। মীয়াম পুল্লনি, ঈশিং তুংলনি। ঙসি মন কী বাতকী খুত্থাংদা মীয়ামদা ৱাফম অহুম খক্তমক হায়জগে।
অহানবা ৱাফমদা ইরৈপাকচাশিংনা লু-হেনববু মীয়ামগী ইহৌগী শক্লোন পীখিবগুম ঈশিং তুংশিনবা অসিসু মীয়ামগী ইহৌ অমা ওইনা হৌরসি। ঐখোয় ময়াম পুল্লগা ঈশিংগী ইরিক খুদিংমক য়োকশিন্নবা ৱারেপ লৌরসি। অদুগা ঐহাক্না থাজবদি, ঈশিং অসি তাইবং মপুনা ঐখোয়দা পীবা খুদোলনি। ঈশিংগী মরিক অমফাওবা মাংহন্দনা য়োকশিন্ননবা মীয়ামগী খোংচৎ অমা হৌরসি। মসিদা ঈশিংগা মরী লৈনবা খুদোংচাদবশিং খঙহন্দুনা ঈশিং য়োকশিনবগী মওংশিং মীয়ামদা খঙহন্সি। ঐহাক্না মরুওইনা তোঙান তোঙানবা লমগী মরুওইবা মীওইশিংদা হায়জনীংবদি ঈশিং য়োকশিনবগী ইনোবেতিব কেম্পেনশিংবু লুচিংবীয়ু। মসিগী হোৎনজমনগী কান্নবা অদু ঐখোয়গী মিৎমাংদা শুংশোই শোইদনা উবা ফংগনি।
ঐহাক্না অনিশুবা ওইনা হায়জনীংবদি, ঐখোয়গী লৈবাক অসিদা মৈহৌরোলদগী ঈশিং য়োকশিনবগী চৎন-পথাপ কয়া অমা লৈ। ঈশিং য়োকশিনবগী অদুগুম্লবা মওং মতৌ অদু সেয়র তৌবীরক্নবা ময়ামদা হায়জরি। ময়াম মরক্তগী বাপুজীগী পোক্নফম লমদম পোরবন্দর চৎপীরুবা য়াওরগদি বাপুজীগী য়ুমগী মনিংদা য়ুম অমা অমুক লৈ। মদুদা চহী ২০০ লীরবা অচৌবা পুখ্রী অমা লৈ। ঙসিসু মদুদা ঈশিং য়াওরি। অদুগা নোংগী ঈশিং লৌনবা খুদোংচাবসু য়াওই। অদুনা ঐহাক্না ময়ামদা মতম লৈবা খিবিক্তা হায়জরিবা অদুনি, কির্তী মন্দির চৎলগদি পুখ্রী অদু শোইদনা য়েংবীরকউ। মসিগা মান্নবা কয়া মফম খুদিংমক্তা উবা ফংগনি।
ময়ামদা অহুমশুবা ওইনা ঐহাক্না হায়জনীংবদি, ঈশিং য়োকশিনবগী থবক্তা অচৌবা থৌদাং য়ারিবা মীওই কাংলুপ খুদিংমক ওর্গনাইজেসন্না চিংবগী মরমদা সেয়র তৌবীরকউ। অদু ওইরগদি ঈশিংগীদমক্তা থবক তৌরিবশিংগী দাতাবেজ অমা শেম্বা য়ারগনি। ময়াম্না # JanShakti4JalShakti hashtag শিজিন্নরগা হিরম অসিবু সেয়র তৌবীরকপা য়াগনি।
ঐহাক্কী নুংশিরবা ইরৈপাকচাশিং, ঐহাক্না ময়াম্বু অমসুং মালেমগী মীয়ামদা তৌবীমল খঙবা উৎচরি। জুন ২১ নুমিৎ অসিদা অমুক্কা হন্না ময়াম পুম্নমক্না মায় পাক্না য়োগ নুমিৎ পাংথোকপীরে। ইমুং অমমমগী মীরোল অহুম মরিনা পুন্না য়োগ নুমিৎ পাংথোকখি। হোলিস্তিক হেল্থ কেয়রগী মতাংদা এৱ্যারনেস অমা লাক্লিবা অসিদা য়োগগী মগুন অসি থোইদোক্না হেঙ্গৎলক্লি। মালেম অসিদা লৈরিবা মীওই কাংলুপ খুদিংমক্না নুমিৎ থোরকপগা য়োগবু নুংশিজবা অমনা নুমিৎপু তরাম্না ওক্লবদি নুমিৎ তাবা ফাওবদা খোংচৎ অদু মপুং ফাগনি।
মালেমগী লৈবাক কয়াগী রাস্ত্রপতিশিং, প্রধান মন্ত্রীশিং, মশক নাইরবশিং, মীওই কাংলুপ কয়া কয়ানা মখোয়না মতৌ করম্না য়োগ পাংথোকখিবগে হায়বদু ত্বিতরদা থাগৎলকই। নুমিৎ অদু মালেম অসি য়াম্না হরাও তয়াম্না লৈবা অচৌবা ইমুংগুম উখি।
ঐখোয় পুম্নমক্না খঙই, মশা মউ ফবা খুন্নাই অমা শেমগে হায়রবদি মশা মউ ফবা মী চংই, অদুগা মসি য়োগনা ওইথোকহল্লি। মরম অদুনা য়োগবু শন্দোকপা অসি সমাজ সেবাগী অচৌবা থবক অমনি। অদুগুম্বা থবক তৌবা মীওই অদুবু শক খঙবীদুনা ইকাই খুম্নবা উৎপিফম থোক্তব্রা? চহা ২০১৯দা, য়োগ চাউখৎনবা অমসুং শন্দোক্নবা হোৎনবগীদমক প্রইম মিনিস্তর এৱার্দ লাউথোকপা অসি ঐহাক য়াম্না অপেনবা পোকচৈ। মনা অসি মালেমগী করম্বা ওর্গনাইজেসন্দা পীখিবগে হায়বদু মীয়াম্না থাজবীরম্লোই। মখোয় অসি য়োগ শন্দোকপদা অচৌবা থৌদাং লৌরমগনি হায়না মীয়াম্না খল্লুদবা ঙাক্তনি। খুদম ওইনা জাপান য়োগ নিকেতন লৌরসি। মখোয়না য়োগ অসি জাপান পুম্বদা পাম্নহল্লি। জাপান য়োগ নিকেতন্না ইন্সতিত্যুৎ কয়া অমা চলাইরি অমসুং তোঙান তোঙানবা ত্রেনিং কোর্সশিং কন্দক্ত তৌরি। ইতলীগী শ্রীমতী এন্তোনিতা রোজীনা সর্ব য়োগ ইন্তর্নেস্নেল হৌদোকখি অমদি য়ুরোপ পুম্বদা য়োগবু পাম্নহনখি।
ঐহাক্কী নুংশিরবা ইরৈপাকচাশিং, ঐখোয়গী খোংচৎ অসি ঙসি অনৌবা ৱাখল্লোন অনৌবা ৱাশক অমসুং অনৌবা আশাগা লোয়ননা হৌরে। ময়ামগী ৱাখল্লোন অমসুং পাওতাকপু ঐহাক্না তরাম্না ঙাইজরি। ময়ামগী ৱাখল্লোনগা লোয়ননা চৎপা অসিনা খোংচৎ অসি য়াম্না মরু ওই। মন কী বাত অসি ঐখোয় পুন্না ৱারী শানবগী তাঞ্জা অমনি। ময়ামগী ৱাখল্লোন তাজরগা মদু খঙনবা হোৎনজরি। করিগুম্বদা ৱাখল্লোন অদুগী মতুং ইন্না হিংনবসু হোৎনজরি। ময়ামগী থৌজাল লেপ্তনা পীবীয়ু, ময়াম্না ঐহাক্কী থৌনানি, পাঙ্গলনি। লাক্লো ঐখোয় পুন্না ফমলগা মন কী বাতকী নুংঙাইবা লৌবগা লোয়ননা পুন্সিগী থৌদাং য়ারসি। মথংগী থাদা অমুক হন্না মন কী বাতকী থৌরমদা উন্নরসি। ময়াম্বু অমুক্কা হন্না থাগৎচরি।
খুরুমজরি।
I have been missing #MannKiBaat.
— PMO India (@PMOIndia) June 30, 2019
This Sunday has made me wait so much.
This programme personifies the New India Spirit.
In this programme is the spirit of the strengths of 130 crore Indians: PM @narendramodi
A lot of citizens also wrote to me that they miss #MannKiBaat. pic.twitter.com/OpEztmmVTT
— PMO India (@PMOIndia) June 30, 2019
#MannKiBaat is enriched by many letters and mails that come.
— PMO India (@PMOIndia) June 30, 2019
But, these are not ordinary letters.
If people share their problems, they also share ways to overcome those problems be it lack of cleanliness or aspects like environmental degradation: PM @narendramodi #MannKiBaat
#MannKiBaat- showing the strengths of 130 crore Indians. pic.twitter.com/10uAjlwBOp
— PMO India (@PMOIndia) June 30, 2019
I have never received a letter related to #MannKiBaat where people are asking me for something that is for themselves.
— PMO India (@PMOIndia) June 30, 2019
People talk about the larger interest of our nation and society. #MannKiBaat pic.twitter.com/5uoOjPFoyu
When I had said in February that I will meet you again in a few months, people said I am over confident. However, I always had faith in the people of India: PM @narendramodi #MannKiBaat
— PMO India (@PMOIndia) June 30, 2019
Talking about our democratic spirit, PM @narendramodi remembers the greats who fought the Emergency. #MannKiBaat pic.twitter.com/x6ezhkRolT
— PMO India (@PMOIndia) June 30, 2019
Democracy is a part of our culture and ethos. #MannKiBaat pic.twitter.com/UZJMAby0rq
— PMO India (@PMOIndia) June 30, 2019
India just completed the largest ever election.
— PMO India (@PMOIndia) June 30, 2019
The scale of the election was immense.
It tells us about the faith people have in our democracy. #MannKiBaat pic.twitter.com/5Ht4a0PCPN
The scale of our electoral process makes every Indian proud. #MannKiBaat pic.twitter.com/wwctrCcV8j
— PMO India (@PMOIndia) June 30, 2019
Sometime back, someone presented me a collection of short stories of the great Premchand.
— PMO India (@PMOIndia) June 30, 2019
I once again got an opportunity to revisit those stories.
The human element and compassion stands out in his words: PM @narendramodi #MannKiBaat
It is my request to you all- please devote some time to reading.
— PMO India (@PMOIndia) June 30, 2019
I urge you all to talk about the books you read, on the 'Narendra Modi Mobile App.'
Let us have discussions on the good books we read and why we liked the books: PM @narendramodi #MannKiBaat
Over the last few months, so many people have written about water related issues. I am happy to see greater awareness on water conservation: PM @narendramodi #MannKiBaat
— PMO India (@PMOIndia) June 30, 2019
I wrote a letter to Gram Pradhans on the importance of water conservation and how to take steps to create awareness on the subject across rural India: PM @narendramodi #MannKiBaat
— PMO India (@PMOIndia) June 30, 2019
There is no fixed way to conserve water.
— PMO India (@PMOIndia) June 30, 2019
In different parts, different methods may be adopted but the aim is same- to conserve every drop of water. #MannKiBaat pic.twitter.com/39SYEL4Wcp
Let us conserve every drop of water. #MannKiBaat pic.twitter.com/ffUs8G5Enp
— PMO India (@PMOIndia) June 30, 2019
My 3 requests:
— PMO India (@PMOIndia) June 30, 2019
Appeal to all Indians, including eminent people from all walks of life to create awareness on water conservation.
Share knowledge of traditional methods of water conservation.
If you know about any individuals or NGOs working on water, do share about them: PM
Use #JanShakti4JalShakti to upload your content relating to water conservation. #MannKiBaat pic.twitter.com/4q5RSSY3WI
— PMO India (@PMOIndia) June 30, 2019
The 5th Yoga Day was marked with immense enthusiasm across the world. #MannKiBaat pic.twitter.com/ot0x8CVWGH
— PMO India (@PMOIndia) June 30, 2019
