QuoteAccording to a recent survey, on an average, 70% of listen to #MannKiBaat regularly and say the programme have enhanced sentiment of positivity in the society: PM Modi
QuoteWhen I had begun #MannKiBaat, I had decided that there should be no politics in it; neither should it be about praising the government's steps nor about Modi: PM
Quote#MannKiBaat is not about government but about our society and an aspirational India: PM Modi
QuoteFor the bright future of India, the talent of the masses should be encouraged; it is a collective responsibility of us all and #MannKiBaat is a humble and small effort in this direction: PM Modi
QuoteWhenever I read a letter or suggestion for #MannKiBaat, I can easily gauge the sentiments and expectations of people: PM Modi
QuoteInitiatives like cleanliness, drugs free India, selfie with daughter have been very covered in an innovative manner and furthered by the media: PM Modi during #MannKiBaat
Quote‘Accept’ rather than ‘except’, ‘discuss’ rather than ‘dismiss’, then only communication will be effective: PM Modi during #MannKiBaat
QuoteMy endeavour is to constantly communicate with the youth through different programmes or social media. I always try to learn from them: PM Modi during #MannKiBaat
QuoteIf we give our youth an opportunity, give them an open atmosphere to express themselves then they can bring a positive change in the country: PM during #MannKiBaat
QuoteThe special thing about our Constitution is detailed explanation of our Rights and Duties. The combination of these two will take the country ahead: PM during #MannKiBaat
QuoteTo complete the historic task of drafting the Constitution, the Constituent Assembly took just 2 years, 11 months and 17 days: PM Modi during #MannKiBaat
QuoteLet us all move ahead with the values enshrined in our Constitution and ensure Peace, Progression and Prosperity in our country: PM Modi during #MannKiBaat
QuoteNo one can forget Dr. Baba Saheb Ambedkar’s invaluable contribution towards our Constitution: PM Modi during #MannKiBaat
QuoteDemocracy was an intangible part of Baba Saheb’s life: PM Modi during #MannKiBaat
QuoteIndia First was always the core principle of Dr. Ambedkar: PM Modi during #MannKiBaat
QuoteGuru Nanak Dev Ji always showed the path of truth, duty, service, compassion and harmony towards society: PM Modi during #MannKiBaat

ঐগী নুংশিরবা ইরৈচাশিং, খুরুমজরি, ২০১৪গী ওক্তোবর ৩, বিজয়দস্মিগী শেংলবা থৌরমদগী ঐখোয়না মন কী বাদকী মেদিয়মদগী খোঙচৎ অমা হৌখি। ঙসি খোঙচৎ অদুগী ৫০শুবা তাঙ্কক্‌ অদু য়ৌরে। অসুম্না মসিগী সনা ফুদোংবা তাঙ্কক্‌ অসি হিরম খুদিংদা মশক থোকপা ওইরি। ৫০শুবা তাঙ্কক্‌ অসিফাওবা নখোয়গী চিথিশিং অমসুং ফোন তৌরকপা লেপত্রি। মাইগোভদা দিল্লিদগী অনসু কুমার অমসুং অমর কুমার, পতানাদগী ভিকাস য়াদব, দিল্লিদগী মোনিকা জেন, ৱেস্ত বেঙ্গলগী বারধরমানদগী প্রোসেনজিৎ সরকার অমসুং নাগপুরদগী সঙ্গিতা সাস্ত্রিনা ৱাহংশিং হংলকখি। মখোয়গী মীৎয়েংদা ঐখোয়গী প্রধান মন্ত্রী অসিনা খ্বাইদগী নৌবা তেক্নোলোজি, সোসিয়েল মেদিয়া অমসুং মোবাইল এপ্পশিং শীজিন্নরি, অদুগা করিগীদমক মহাক্কী লৈবাক্কী মীয়ামগা শম্ননবা মহাক্না রেদিও অসি শীজিন্নদ্রিবনো? নখোয়না লাংতক্নরিবা অদু মহৌশানি, রেদিও শিথরক্লবা মতম অসিদা, করিগীদমক মোদীনা এয়রৱেব খনগদৌরিবনো? থৌদোক অমা  ঐ তমগে। মদু ১৯৯৮ নি। মতম অদুদা ঐ হিমাচল প্রদেসতা বি জে পিগী থৌমী অমা ওইরি। মতম অদু মে থানি, মফম কয়াদা ঐ কোইচৎ চৎলম্মি। হিমাচল প্রদেসকী মফম কয়া ইংলম্মি অমসুং লম্বীগী মতাই অমদা চা য়োনফম অমদা চা থক্নবা লেপখি। মফম অদু পীক্লম্মি অমসুং চা লোন্নবা অমসুং সেবা তৌনবা মী অমা খক লৈরম্মি।

মহাক ফিরোল ফজনা শেৎতে, মদু লম্বীগী নাকলদা নাইতোম লৈবা চা য়োনফম্নি। মহাক্না লাদু অমা লৌরগা ঐঙোন্দা পীরকখি অমসুং হায়খি, সার চা লোনবা লোইদ্রিঙৈদা মসি চাবীয়ু … ঐনা হংখি “মসি করিনো? লুহোংবগুম্বা থৌরম অমা থোকপরা ?” মহাক্না পাউখুম পীরকখি, “নত্তে, করিমত্তা থোক্তে। নহাক খঙদবরা? মসি নুংঙাইবা মিকুপ অমনি”। মহাক্না হরাওবা অদু উবদা ঐনা হংখি “তশেংনা করি থোক্লবগে?” অমসুং মহাক্না পাউখুম পীরকখি, “ঙসি ভারতনা বোম্ব পোকখায়হল্লে!” ঐনা হরাওনা হায়খি, “ভারতনা বোম্ব পোকখায়হল্লবা! ঐ পাউ তাদে!” মহাক্না হায়খি, রেদিও তাবীয়ু। তশেংনা হিরম অদু রেদিওদা খন্নখি।

মহাক্না নিউক্লিয়র তেস্ত তৌখিবা অদুগী মতাংদা শন্দোক্না হায়খি অমসুং মতম অদুদা প্রধান মন্ত্রী অতল বিহারি বাজপাইনা মেদিয়াদা লাওথোকখিবা অমসুং মসি রেদিওদগী তাবদা মতৌ করম্না মহাক্না জগোই শাখিবা হায়বদু পাউদমখি। উন্না কুপ্পা মনুং হুনজিনবা চীংগী মফম অমদা চায়োনবা অমনা নুমিৎ চুপ্পা রেদিও তাদুনা লৈবা অদু ঐঙোন্দা অঙকপা অমা ওইখি। রেদিওগী পাউ অদুনা পীরিবা ইথিল অদু খঙবদগী মেদিয়ম অসি মীয়ামগা শম্নবা অমনি হায়বা খঙখি।

পাকশন্না শন্দোকপদা রেদিওগী লাম্বা লৈতে। মতম অদুদগী হৌনা মসিগী মপাঙ্গল অমসুং তৌবা ঙমবা অসি ঐনা খঙলে। ঐনা প্রধান মন্ত্রী ওইরকপা মতমদা, অকনবা মেদিয়ম অসিদা  ঐহাক মশা মরোমদোম চিংশিনখি ।২০১৪দা ঐনা প্রধান সেবক, মীনাই মকোক ওইনা থৌ পুবা মতমদা, লৈবাক অসিগী অপুনবগী শক্তম, পুৱারি, কলচরগী খেন্নবশিং লৈরিবা মীয়াম য়ৌহন্নবা ঐগী অপামবা লৈখি। মনুং হুনজিনবা খুঙ্গংশিংদগী হৌরগা মেত্রো সহরশিং ফাওবা, লৌমীশিংদগী প্রোফসনেলশিং ফাওবা মন কী বাদকী খোঙচৎ অসিদা য়াওদুনা লাক্লি ।

থা খুদিংগী ঐখোয়না চিথি লাখ কয়া পাগনি, ফোন কোলশিং তাগনি, এপ্প অমসুং  মাইগোভতা কমেন্তশিং য়েংগনি। ঐখোয় পুন্না শাংলবা তাঙ্কক্‌ ৫০ অসি চৎমিন্নদুনা লাক্লি। হন্দক ওল ইন্দিয়া রেদিওনা মন কী বাদকী সর্ভে অমা পাংথোকখ্রে। মদুগী য়াম্না নুংঙাইবা পাউখুম খর ঐনা থেংনরে। সর্ভে অদুদা শরুক য়াখিবা চাদা ৭০না চাং নাইনা মন কী বাদ তাই হায়না পাউখুম পীখি। মীওই অয়াম্বনা মন কী বাদনা ঐখোয়গী খুন্নাই অসিদা অফবা ৱাখল্লোন পোকহল্লি হায়না থাজবা পীখি। মন কী বাদগী মেদিয়ম অসিনা খুন্নাইগী অওনবা অমা পুরকপদা মতেং পাংলে। ইন্দিয়া পোজিতিপ অসি পাকশন্না খন্নবা হীরম অমা ওইরে। মসি ঐখোয়গী মীয়ামদা ফাওহনবা অফবা ৱাখল্লোন অমনি। মন কী বাদগী মখা তারকপা ওইনা মীয়াম্না মখোয়না থেংনবশিং অমসুং ওইজবা থাদোক্তুনা মীয়ামগী থবক তৌবগী ৱারি কয়া তাবা ফংলে। মন কী বাদকী খুৎথাংদা রেদিও পাম্নবা অসি মমাংঙৈদগী হৌজিক্না হেনগৎলে হায়বা  খঙবদা ঐ হরাওই। মীয়াম্না থৌরম অসি রেদিও খক নত্তনা তি ভি, এফ এম রেদিও, মোবাইল, ইন্তরনেত, ফেসবুক লাইফ অমসুং নরেন্দ্রমোদীএপ্পতা শরুক য়ারি। মসিদা থাজবা থম্বা অমসুং মসিগী শরুক অমা ওইবগীদমক ঐনা মন কী বাদগী ইমুং-মনুংগী মীওই পুম্নমক থাগৎলি।

অহানবা ফোন তৌরকপা

 

নহাক্কী ফোন তৌরকপা অদুগীদমক থাগৎচরি। নহাক্না চিংনরিবা অদু লান্দে। লুচিংবা অমনা মাইক্রোফোন পায়রগা অতাবা মীওই মিলিয়ন কয়াদা মহাক্না করি হায়বা মথৌ তাই? নহা ওইরিবা মরূপ কয়ানা মন কী বাদকী তাঙ্কক্‌ কয়া থিজিন্নবা হোৎনখি। তাঙ্কক্‌শিংদা য়াম্না তোইনা শীজিন্নবা অকক্নবা ৱাহৈশিং মখোয়না মশিং থিখি, ৱাহৈ খর কয়া য়াম্না হনজিনবগে হায়বা য়েংখি। মখোয়না থিজিনবদগী ফংলকপা অদুদগী থৌরম অসি রাজনিতিগী থৌরম অমা নত্তে হায়বা খঙখি। মন কী বাদ হৌরকপা মতমদা, ঐনা চেৎনা থাজখি মদুদি মসি রাজনিতি নৎত্রগা সরকার থাগৎপা  নৎত্রগা মোদীগা মরি অমত্তা লৈনদে।

ঐঙোন্দা খ্বাইদগী য়াম্না ইথিল পীরিবা অসি নখোয় ময়ামনি। মন কী বাদকী তাঙ্কক্‌ অমমমদা তারিবশিংগী অনিংবা অমসু অপাম্বশিং অদু মখোয়গী চিথিশিং, ওনলাইন কমেন্তশিং অমসুং ফোন তৌরকপদা ময়েক শেংনা খঙবা ঙম্মি। মোদী লাক্কনি অমসুং চৎখিগনি অদুবু লৈবাক অসিগী অপুনবগী শক্তম অমসুং ঐখোয়গী কলচরদি লোইম্বা নাইদনা লৈহৌগনি। হায়রিবা অকুপ্পা ৱারিশিং অসিনা লৈবাক অসিগী মীওই ক্রোর ১৩০ মতম চুপ্পদা হিংদুনা লৈগনি। মসিগী থৌনা অমসুং হৈনিংবা অসিনা লৈবাক অসি অৱাংবা থাক্তা পুখৎকনি।

করিগুম্বা মতমদা লৈবাক্কী মফম কয়াদগী ইরকপা মীওইশিংনা হায়খি, ঐখোয়না অপীকপা দুকান ফম্বশিং, ওতো থৌবশিং, মনা-মশিং য়োনবশিংগা পনখৈ অসিগী হেন্না মরৈ য়েৎনবা ঙম্লোই। ঐনা চিথি অমা পাখি অমসুং মসিগী মান্নবা চিথি কয়া লাকখি। লু-নানবগী মতাংদা নখোয়না থারক্লিবা চিথিশিং অদুনা নখোয় অসি য়ুম খুদিংগী লু-নানবগী এম্বেসেত্তর ঙাক্তনি, করিগুম্বদা ফোন অমা তৌরক্তুনা প্রধান মন্ত্রী ফাওবা ওর্দর পীরকপা য়াই। লৈবাক অসিগী খক নত্তনা মালেমগী লৈবাক কয়াদা শন্দোকখ্রবা হরিয়ানাগী অপীকপা খুঙ্গং অমদগী হৌরকপা “ইচানুপীগা সেলফি নম্বা” হায়বা অপীকপা কেম্পেন অদু কননা খঙবা ঙমগনি। খুন্নাইগী কাংলুপ খুদিংগী মীওইশিং য়াওনা শক্নাইরবশিং য়াওনা অনৌবা মতম অসিগী লোন অসি হৌজিক্কী মীরোলশিংনা খঙবা ঙমখি অমসুং শরুক য়াখি। মন কী বাদ অসি তারিবা ভারতমচা ক্রোর ১৩০গী  অখন্নবা মফম অমমম ঐগী থম্মোয়দা কন্দুনা থম্লি।

মখোয়গী থম্মোয়গা ঐগী থম্মোয়গা চপ মান্নবা মীহুল হুল্লি। মন কী বাদ অসি সরকারগী নত্তে মসি মীয়ামগীনি। মন কী বাদনা ফগৎলক্লিবা অমসুং অশা লৈরিবা ভারতকী ৱা ঙাংলি। রাজনিতি নৎত্রগা রাজনিতিগী শক্তি অসি ভারতকী চৎনবীদা য়াওদে। অদুবু, রাজনিতি অসি খুন্নাইগী পুন্সিরোলগী মাইওনশিংগী মনুংদা অমনি। রাজনিতি অসি নমথনবা অমসুং শক্তি পায়নবা মরম অমা ওইরবদি মদু অফবা খুন্নাই অমগী অচুম্বা লম্বী নত্তে। ভারতকুম্বা লৈবাক অমগী তুংগী ফিবম ফগৎনবা মীচম মীয়ামগী থবক অমসুং হৈশিংবা ইকায়খুম্নবা অসি ঐখোয় পুম্নমক্কী থৌদাংনি অমসুং মসিগী হিরম অসিদা মন কী বাদ অসি চম্না অমসুং নোলুক্না মতেং পাংলি।

অনিরকশুবা ফোন তৌরকপা (প্রোমিতা )

নহাক্না ফোন তৌরকপগী কয়ারক থাগৎচরি। মন কী বাদকী তাঙ্কক্‌ ৫০ সুরকপদগী খ্বাইদগী মাইপাকপা অসি মীওই অমনা কনাগুম্বা অমগা য়াম্না কোইনদনা ৱারি শানবগী ৱাখল পোকহনবা ঙম্বা অসিনি অমসুং মদু প্রধান মন্ত্রীগা নত্তে, মসি অশেংবা গনতন্ত্রগনি। নখোয়না হংলকপা ৱাহংশিংগী পাউখুম ঐনা চুমদ্রিংনা পীরবদি ঐনা হায়গনি মদুদি ঐনা করিমতা থৌরাং তৌদে। তশেংনা মন কী বাদ অসি ঐগী ওইনা য়াম্না লাইবা থবক অমনি। মন কী বাদগী মমাংশিংদা  মীয়াম্না চিথি কয়া থারকখি, মাইগোব অমসুং নামো এপ্পকী খুৎথাংদা মীয়াম্না মখোয়গী অনিংবা কয়া ফোঙদোরকখি। মন কী বাদ মমাংদা মীয়ামগী চিথি পাবা অসি ঐগী থবক অমনি। ঐনা ফোন তৌরকপা কয়াসু তাখি। মন কী বাদ নকশিল্লকপা মতমদা চৎন-চৎনা ঐনা নখোয়না পীরকপা ৱাখল্লোনশিং অদু পাখি।

ঐগী থম্মোয়দা ঐগী ইরৈচাশিং অসি মিকুপ খুদিং লেংদনা লৈ। চিথিশিং অদু ঐগী মফমদা চুম্নগী চে মচেৎ অমা নত্তে। ঐনা চহি ৪০দগী ৪৫ ফাওবা কোইনা চৎখি অমসুং লৈবাক অসিগী মনুং হুনজিনবা জিলাশিংদা মতম কয়া লেনখি। মরম অদুনা ঐনা চিথি অদুদা ঐ ইশাগা মরি লৈনবা ঙম্মি। খুঙ্গং অদুগী মমিং অমসুং মীওই অমগী মমিং ঐনা ইশিনখি। থম্মোয় শেংনা হায়রবদা, মন কী বাদ অসি ঐগী খোন্জেলনি অমসুং মসিগী থৱায় অমসুং ৱাখল্লোন অদুদি লৈবাক অসিগী মীয়াম্নি। মন কী বাদতা মতেং পাংলিবা পুম্নমক ঐনা থাগৎচরি।

মন কী বাদতা মখোয়গী মমিং পনবা ঙমদবা মীওই লাখ কয়া লৈরে অদুবু নিংবা কাইদনা মখোয়না মখা তানা চিথিশিং থারকখি। নখোয়গী ৱাখল্লোনশিং অমসুং অপাম্বশিং মখা তানা থারক্কনি হায়না ঐনা থাজবা থম্লি অমসুং মসিনা মন কী বাদ অসি হেন্না কান্নবা অমসুং নুংঙাইবা হেনগৎহনগনি। মন কী বাদতা য়াওবা ঙমদবা চিথিশিং অমসুং পাউতাকশিং অসি মরি লৈনবা বিভাগশিংনা পুক্নিং চংগনি হায়না খল্লি। ওল ইন্দিয়া রেদিও, এফ এম রেদিও,দুরদর্সন, অতোপ্পা তি ভি চেন্নেলশিং অমসুং সোসিয়েল মেদিয়াগী ঐগী মরূপশিং থাগৎলি। মখোয়না থবক কন্না তৌবদগী মন কী বাদ অসি মীওই কয়াদা য়ৌহনবা ঙম্লিবনি। ওল ইন্দিয়া রেদিওগী কাংবু অমনা তাঙ্কক্‌শিং লমদম লমদমগী লোনশিংদা শন্দোক্লি। মখোয়গী মরক্তগী খরনা মোদগী খোন্জেলগী মওংদা চপ মান্ননা পাউদম্লি। মসিগী মওং অসিদা মখোয় মিনিত ৩০ নরেন্দ্র মোদী ওইখি। মখোয়গী হৈশিংবা অদুগীদমক  ঐনা মীওইশিং অদু থাগৎলি। মসিগী থৌরম অসি নখোয়গী লমদমগী লোনশিং তানবা ঐনা হায়জরি। মখোয়গী চেন্নেলশিংদা মন কী বাদ অসি চাংনাইনা শন্দোকপগীদমক ঐনা মরূপশিং থম্মোয় শেংনা থাগৎলি। রাজনিতিগী মীওই অমত্তা মেদিয়াগা নুংশিংননা লৈমিন্নদে,মহাক্কী মরমদা পাউ য়াম্না ফোংদে নৎত্রগা পাউ ফজনা ফোঙদে হায়বগী মতাংদা মহাক্ন খল্লি। অদুবু মন কী বাদতা য়াউরিবা ৱাফমশিং হায়বদি লু-নানবা, লম্বী চৎপগী চেকশিনবা, দ্রগ য়াওদবা ভারত অমা, মচানুপীগা সেলফি নম্বা অসিনচিংবা ময়াম আসি মেদিয়ানা লৌখৎলকখি অমসুং মসিনা ইহৌ অমা ওইখি। তি ভি চে্ন্নেলশিংনা মসি খ্বাইগী য়াম্না য়েংনবা রেদিওগী থৌরম ওইহনখি। মসিগীদমক ঐনা থম্মোয় শেংনা মেদিয়া থাগৎলি। নখোয়গী মতেং য়াওদনা মন কী বাদগী খোঙচৎ অসি মপুং ফারোই।

অহুমশুবা ফোন কোল(নিধি বাহুগুনা )

নিধিজি নহাক্কী ফোন কোল অদুগীদমক থাগৎচরি। নঙোন্দা অশেংবা হায়রি মদুদি, ঐগী অরোনবা অমত্তা লৈতে। ঐনা তৌবশিং অসি ইমুং অতৈশিংদসু থোক্লমগনি। চম্না হায়রবদা, ঐ নহা অমগী ফিবমদা শেম্নবা হোৎনৈ, মহাক্কী ফিবমশিং অদুদা ঐ ইশামক লৈনবা হোৎনৈ অমসুং মখোয়গী ৱেবলেঙ্গ অদুগা চাননবা হোৎনৈ। করিগুম্বা মতমদা ঐখোয়না হান্না খন্দুলা লৈরম্বা ৱাখলশিং অদুনা পাউ-ফাউনবদা খুদোংচাদবা কয়া থোকহল্লি। মী অমা য়াবা নৎত্রগা য়াদবা হায়বা ৱাফম অসি লৈতনা মী অমগী মীৎয়েং অদু ঐনা খঙনবা হোৎনৈ। ঐগী থবক অয়াম্বা মসিগী এক্সপেরিয়েন্স অসিদা য়ুমফম ওইরগা থবক তৌবা ঙাক্তনি।

ঙসিগী নহারোলশিংদা অখন্নবা মগুন অমা লৈরি, মখোয় মশা থাজদ্রবদি মখোয় থবক অমত্তা তৌদে অমসুং মখোয়না থাজবা থবকশিং অদুগী মতুংইন্নদুনা থবক তৌই। মীয়াম্না মহৌশানা ইমুং অমদা লৈরিবা অহলশিং অমসুং নহারোলশিংগী মরক্তা পাউ-ফাউনবা ৱাৎপগী মতাংদা ৱারি শানরি। তশেংনা ইমুং অমদা ৱারি শানরিবা অসিদা নহারোলশিংগী মতাংদা খন্নবদি ইয়াও য়াওদে। মতম অয়াম্বাদা ৱারি শানবা মতমদা লাইরিক তম্বগী অমসুং মসি তৌবা য়াই নৎত্রগা মসি তৌবা য়াদে হায়বা ৱাফমশিংদা ৱারি শানৈ। অপনবা লৈতনা ৱা খন্নবা অসি লৈরকত্রে অমসুং মসি য়াম্না নুংনাংবা থবক অমনি। ঐখোয়না ‘থাজরম্বগী’ মহুৎতা ‘য়ারবা’ অমসুং ‘য়াদবগী’ মহুৎতা ‘খন্নরবদি’ পাউ ফাউনবা অসি হেন্না মহৈ চাগনি। থৌরম কয়া নৎত্রগা সোসিয়েল মেদিয়াগী খুৎথাংদা নহারোলশিংগা লেপ্তনা পাউ ফাউন্নবা ঐনা হোৎনরি। মখোয়না তৌরিবা থবকশিং নৎত্রগা মখোয়গী থবকশিংদগী ঐনা তম্নবা হোৎনরি। মখোয় ৱাখল কয়াগী তুংফম্নি। মখোয় ফজনা থৌনা লৈবা, অনৌবা অমসুং চপ য়ুংনা লৈবা ঙাক্তনি। মন কী বাদগী খুৎথাংদা নহারোলশিংগী মাইপাকপা অমসুং থবকশিং শরুক য়ারি। নহারোলশিংনা ৱাহং কয়া হংবা অসি মহৌশানি। নহাশিংনা ৱাহং হংলকপা অসি অফবা অমনি হায়না ঐনা ফোংদোক্লি।

মখোয়না মখোঙদগী হৌনা নৈ্ন্নিংবগী অপাম্বা উৎপা অসি অফবা অমনি। কনাগুম্বা খরনা হায়রি মদুদি নহারোলশিং অসি খাংবা কনদে অদুবু ঐনা থাজবদা নহারোল খরনা মতম মাংহনবা পামদে, মসিনা মরম ওইদুনা মখোয়না থবকশিং য়াম্না থুনা পাংথোকপা পাম্বদগী মখোয় হেন্না অনৌব পুথোকপা মীওই ওইরকই। হৌজিক নহারোলশিং অশা য়াম্না চাওই অমসুং অচৌবা থবক্কী থৌরাং তৌরি হায়বা ঐনা খল্লি। অচৌবা মঙ মঙবা অমসুং য়াম্না চাওনা মাইপাকপা অসি অফবা অমনি হায়না ঐনা খল্লি, পুম্নমক্কী মথক্তা মসি অনৌবা ভারত অমনি। মীওই খরনা হায়রি মদুদি নহারোলশিংনা মতম অমদা হেক্তা পোৎ কয়া খোমজিনবা তানশীনবা পাম্মি। মসি অরানবনি হায়না ঐনা হায়রি। মখোয়না মতম অমত্তদা থবক ময়াম অমা তৌবা ঙম্মি। করিগুম্বা ঐখোয়না কোইনা য়েংলবদি, নহারোলশিংনা খুন্নাইগী ওইনা অওনবা কয়া পুরকপা উবা ফংগনি। মদু সোসিয়েল ওন্ত্রেপ্রেনিউয়রশিপ ওইবা য়াই, স্তার্দ-অপশিং ওইবা য়াই নৎত্রগা হিরম অমদা হেক্তা ওইবা য়াই। করিগুম্বা ঐখোয়না হায়রিবা ৱাখলশিং অসি ঐখোয়গী নহারোলশিংদা পীরবদি, মখোয়না শোইদনা অফবা থবকশিং তৌরক্কনি অমসুং লৈবাক অসিদা অহোংবা পুরকপা ঙমগনি।

ঐগী নুংশিরবা ইরৈচাশিং, গুরুগ্রামদগী বিনিতা জিনা মাইগোভতা ইরকখি মদুদি মন কী বাদতা নবেম্বর ২৬দা থোক্লিবা কন্সতিতুসন দেগী মরমদা ৱা ঙাংনবা হায়রকখি। ঐখোয়গী কন্সতিতুসন চৎনরকপা চহি ৭০সুরক্লবা মরম্না মসি অখন্নবা নুমিৎ অমনি হায়না মহাক্না হায়রখি। নহাক্কী পাউতাক অদুগীদমক বিনিতা জি থাগৎচরি।

হোই, হয়েং অসি কন্সতিতুসন দেনি। ঐখোয়গী কন্সতিতুসন দ্রাফ তৌখিবা অচৌবা মীওইশিং নিংশিংবা নুমিৎ অমনি। ১৯৪৯গী ২৬ নবেম্বরদা ঐখোয়গী কন্সতিতুসন চৎনবা হৌখি। কন্সতিতুসন দ্রাফ তৌবদা চহি ২ থা ১১ অমসুং নুমিৎ ১৭নি চংখি। অচৌবা মীওইশিং অসিনা অসিগুম্বা মপুংফারবা অমসুং অকুপ্পা কন্সতিতুসন অমা চহি ৩ গী মতম চংদনা ঐখোয়দা পীরম্বা অসি খন্দুনা য়েংউ। অখন্নবা খোঙজেল অমদা মখোয়না কন্সতিতুসন দ্রাফ তৌরম্বা অসি মতম ফজনা শীজিন্নবা অমসুং থবক ফজনা তৌবগী খুদম অমনি। মসিনা অপীবা মতমগী মনুংদা ঐখোয়গী থৌদাংশিং মতম চানা পাংথোক্নবগী ইথিল ঐখোয়দা পীরি। কন্সিতিতুয়েন্ত এশেমব্লি অসি লৈবাক অসিগী শক্নাইরবশিং অপুনবা অমনি অমসুং মখোয় অমমমনা ভারতকী মীয়াম শক্তি পীনবা কন্সতিতুসন অমা পীরমখি অমসুং খ্বাইদগী লায়রবশিং ফাওবা শক্তি পীখি।

ঐখোয়গী সংবিধানগী তোখাইবা মশক অমদি হকশিং অমসুং থৌদাংশিংগী মরমদা য়াম্না কুপ্না ইরম্বা অসিনি। হায়রিবা অনি অসি থোং মান্ননা ঐখোয়গী নাগরিকশিংগী পুন্সিদা লৈরবদি ঐখোয়গী লৈবাক অসি মাংলোমদা চৎখৎকনি। করিগুম্বা ঐখোয়না অতোপ্পশিংগী হকশিং ইকায়খুম্নরবদি ঐখোয়গী হকশিং মশা মরোমদোম ঙাকচগনি। ২০১০দা সংবিধান চৎনবা হৌখিবগী চহি ৬০শুবা থৌরম পাংথোকপদা ঐখোয়গী সংবিধান অদু শামু অমগী মথক্তা থমখিবা অদু ঐ হৌজিক ফাওবা নিংশিংলি। মসি ঐখোয়গী সংবিধান অসি নহারোলশিংদা খঙবা হেনগৎহন্নবা নিংশিংঙাই ওইবা থৌরম অমনি অমসুং মসিনা মখোয়গা সংবিধানগী হীরম কয়াগা শম্নবা ঙমহনগনি। ২০২০দা ঐখোয় মনিং তম্বা লৈবাক অমা ওইরকপা চহি ৭০ মপুং ফারগনি অমসুং ২০২২দা ঐখোয় নিংতম্বা চহি ৭৫ শুরগনি।

ঐখোয়গী সংবিধান্না পীরিবা মগুনশিং অদু  ঐখোয় খুদিংমক্না মাংলোমদা পুখৎলসি অমশুং ঐখোয়গী লৈবাক্তা শান্তি, চাউখৎপা অমসুং নুংঙাইবা পুরক্লসি ।

মরূপশিং, কন্সিতিতুয়েন্ত এশেমব্লিগী ৱারি শানবা মতমদা, কন্সিতিতুয়েন্ত এশেমব্লি শেম্নবা হোৎনবদা মরুওইবা থৌদাং লৌখিবা অচৌবা মীওই অদু  কাউথোকপা য়ারোই। অচৌবা মীওই অদু কনাসু নত্তে, ঐখোয়গী দোক্তর বাবা সাহেব এম্বেকারনি। মহাক লৈখিদবা নুমিৎ অসি দিসেম্বর ৬দা থোক্লে। ঐনা লৈবাক অসিগী মীয়ামগী মহুৎ শীন্দুনা ভারতমচা ক্রোর কয়াদা হিংবগী হক পীরম্বা বাবা সাহেবদা ঐগী ইকায়খুম্নবা অদু উৎলি। বাবা সাহেবগী ৱাখলদা গনতন্ত্র অসি মরা তাদুনা লৈখি অমসুং ভারতকী গনতন্ত্রগী মগুন অসি মপান লৈবাক্তগী পুশিল্লক্লোইদবনি হায়না মহাক্না ফোঙদোকখি। মীয়ামগী মীহুৎনা লৈবাক ঙাকচবা অমসুং পর্লিয়ামেন্তরিগী সিস্তেম অসি ভারত্তা অনৌবা অমা নত্তে। মহাক্না কন্সিতিতুয়েন্ত এশেমব্লি অকনবা ৱাফম অমা থমখি মদুদি ঐখোয়গী ইশাদা ঈ মরিক অমা লৈরি ফাওবা ঐখোয়গী ৱানা ফংলকপা গনতন্ত্র অসি ঐখোয়না ঙাক্কদবনি। মহাক্না হায়রম্বা অমা লৈ, ঐখোয় ভারতমচাশিং অসিগী হৌরকফম মান্নদবা য়াই অদুবু ঐখোয়না লৈবাক্কী থবক অসি অতৈ ময়ামদগী মাংজিল থাগদবনি। ‘ভারত হান্না’ হায়বসি দোক্তর বাবা সাহেব এম্বেকারগী অচেৎপা ৱাখল্লোন্নি। অমুক হন্না বাবা সাহেবতা ঐগী ইকায়খুম্নবা উৎচরি।

ঐগী নুংশিরবা ইরৈচাশিং, নবেম্বর ২৩দা ঐখোয়না শ্রী গুরু নানক দেব জয়েন্তি পাংথোকখ্রে  অমসুং মথং চহি ২০১৯দা ঐখোয়না মহাক্কী চহি ৫৫০শুবা মপোক কুমওন পাংথোক্কনি। গুরু নানক দেব জিনা মতম পুম্নমক্তা মীওইবগী য়াইফনবা থবক তৌরমখি। মহাক্না মতম চুপ্পদা খুন্নাইদা অচুম্বা লম্বী, থবক, কৎথোকপা, থৌজাল হৈবা অমসুং নুংশিবগী লম্বী তাকখি। লৈবাক অসিনা গুরু নানক দেব জিগী চহি ৫৫০শুবা মপোক কুমওন থৌরম য়াম্না চাউনা পাংথোক্কনি। থৌরম অসি য়াম্না চাউনা পাংথোক্নবা রাজ্যশিং অমসু য়ু তিশিংদা হায়জখ্রে। গুরু নানক দেব জিগী ৫৫০শুবা প্রকাস পর্ব অসি মালেমগী লৈবাকশিংদসু পাংথোক্কনি। মসিগী মথক্তা গুরু নানক দেব জিগা মরি লৈনবা মফমশিং ফাওদুনা ত্রেন অমা চেনগনি। হন্দক মসিগা মরি লৈননা মীফম অমা পাংথোকপা মতমদা ঐনা লাখপাত সাহেব গুরুদ্বারা অসি নিংশিংলকখি। ২০০১দা গুজরাত্তা থোকখিবা য়ুহা হাবদা মসিগী গুরুদ্বারা অসি শাথিনা অমাং-অতা থোকখি। অদুবু মফম অদুগী মীয়াম্না রাজ্য সরকারগা লোয়ননা নৌনা শেমজিনবগী থবক পায়খৎখিবা অদু ঙসি ফাওনবা খুদম অমা ওইরি।

মফম অদুদা গুরু নানক দেব জিগী মফমদা ইকায়খুম্নবা উৎনবা পকিস্থানগী কারতারপুদা লাইনা চৎপা য়ানবা কারতারপুর কোরিদোর শেমগৎনবা ভারত সরকারনা মরুওইবা ৱারেপ অমা লৌরে।

ঐগী নুংশিরবা ইরৈচাশিং, মসিগী মন কী বাদকী ৫০শুবা তাঙ্কক্‌ অসিগী মতুংদা ঐখোয় অমুক মথংগী তাঙ্কক্তা উনগনি। নখোয়গী ৱাহংশিং অদুনা মরম  ওইদুনা মসিগী মন কী বাদকী তাঙ্কক্‌ অসিদা ঐনা অহানবা ওইনা মসিগী থৌরম অসিগী নুংগী ওইবা ৱাখল্লোনগী মরমদা হায়নবগী খুদোংচাবা অমা ফংলে। অদুবু ঐখোয়গী খোঙচৎতি মখা চৎথখিগনি। নহাক্না ঐখোয়গা শম্নবা হেনগৎলিবমখৈ, ঐখোয়গী খোঙচৎ  অসি খুদিংমক্কী অপেনবা ওইগনি। মীয়াম্না ৱাহং হংনিংবগী ৱাখল অমা ফাওরকপা অদু মন কিই বাদকী খুৎথাংদা ঐগী মাইপাকপনি। মসিগী থৌরম অসিগী মতাংদা মীয়াম্না মত পীরকপা মতমদা ঐগী থম্মোয়দা তিং লাউনা পানবা অমদি-মন কী বাদ তানবা করম্বা মতমদা ঐখোয়গী ইমুংগী মীওইশিং ফম্মিন্নগনি হায়না মীয়াম্না হায়রকপা অদুনি। ঐখোয়গী ইমুংগী মকোক অদু ঐখোয়গা ফমিন্নরি অমসুং মহাক্কী ৱাখল অদু ঐখোয়দা শরুক য়ারি হায়না ঐখোয়না  খল্লি। নখোয়গী নুংঙাইবা অমসুং অৱাবা অদু ঐগী অৱাবা অমসুং নুংঙাইবনি। নখোয়গী থাজবা অদু ঐগীসু থাজবনি; নখোয়গী অনিংবা অদুসু ঐগী অনিংবনি।

লাক্লো, ঐখোয় পুন্না খোঙচৎ অসি মখা চৎমিন্নরসি।

হন্না হন্না থাগৎচরি।

  • Priya Satheesh January 15, 2025

    🐯
  • Jitender Kumar BJP Haryana State President December 12, 2024

    How can I open my mobile phone microphone 🎤
  • ram Sagar pandey November 05, 2024

    🌹🌹🙏🙏🌹🌹जय माँ विन्ध्यवासिनी👏🌹💐जय श्रीकृष्णा राधे राधे 🌹🙏🏻🌹🌹🌹🙏🙏🌹🌹
  • Pradhuman Singh Tomar July 26, 2024

    bjp
  • Arjun Poudel June 22, 2024

    lole give me
  • Pawan Jain April 16, 2024

    नमो नमो
  • rida rashid February 19, 2024

    Jay shree ram
  • ज्योती चंद्रकांत मारकडे February 07, 2024

    जय हो
  • Diwakar Sharma December 19, 2023

    jay ho
  • S Babu October 09, 2023

    🙏
Explore More
প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল

Popular Speeches

প্রধান মন্ত্রী, শ্রী নরেন্দ্র মোদীনা 78শুবা নীংতম নুমিত্তা লাল কিলাগী ফম্বাক্তগী লৈবাক মীয়ামদা থমখিবা ৱারোল
Global aerospace firms turn to India amid Western supply chain crisis

Media Coverage

Global aerospace firms turn to India amid Western supply chain crisis
NM on the go

Nm on the go

Always be the first to hear from the PM. Get the App Now!
...
Former UK PM, Mr. Rishi Sunak and his family meets Prime Minister, Shri Narendra Modi
February 18, 2025

Former UK PM, Mr. Rishi Sunak and his family meets Prime Minister, Shri Narendra Modi today in New Delhi.

Both dignitaries had a wonderful conversation on many subjects.

Shri Modi said that Mr. Sunak is a great friend of India and is passionate about even stronger India-UK ties.

The Prime Minister posted on X;

“It was a delight to meet former UK PM, Mr. Rishi Sunak and his family! We had a wonderful conversation on many subjects.

Mr. Sunak is a great friend of India and is passionate about even stronger India-UK ties.

@RishiSunak @SmtSudhaMurty”