জুলাই ৮-৯, ২০২৪ দা মোস্কোদা পাঙথোকখিবা ২২শুবা চহিগী রসিয়া অমসুং ভারতকী লৈবাক অনিগী চহিগী সম্মিৎ মতুংদা হিস এক্সিলেন্সী শ্রী ভ্লাদিমির পুতিন, রসিয়ান ফেদরেসনগী রাস্ত্রপতি অমসুং শ্রী নরেন্দ্র মোদী, রিপব্লিক ওব ইন্দিয়াগী প্রধান মন্ত্রীনা কুপ্না হৌজিক লৈরিবা লৈবাক অনিগী প্রেক্তিকেল কোওপরেসন অমসুং রসিয়া-ইন্দিয়া স্পেসল অমসুং প্রেভিলেজ স্ত্রেতেজিক পার্তনর্শিপকী ইস্যুশিংদা মোৎ ফোংদোক্নরবা মতুংদা, লৈবাক অনিগী অমনা অমদা পীনরিবা ইকাইখুম্নবা অমসুং মান্নবা থাক্কী নিয়মশিংদা লেপ্লদুনা, লৈবাক অনিগী সোভরিন দিবেলপমেন্তনা নাকল অনিমক্তা কান্নবা পীবা অমসুং মতম শাংনা থমদুনা লৈবাক অনিগী মরী অসিবু গুদ্স এন্দ সর্ভিসতা লল্লোন ইতীক্কী ওইবা দাইনামিক গ্রোথ খল চানা থম্নবগীদমক অমসুং ২০৩০ ফাওবদা মসিগী ভোল্যুম হেনগৎহন্দুনা রসিয়া-ইন্দিয়া ত্রেদ অমসুং একনোমিক কোওপরেসন হেন্না চেৎশিলহন্নবগীদমক মখাগী ৱারোলশিং অসি লাউথোকখিঃ
রসিয়ান ফেদরেসন অমসুং রিপব্লিক ওব ইন্দিয়াগী মরক্তা লৈনরিবা লৈবাক অনিগী শেন্মিৎলোনগী মরী অসি "পার্তিস" হায়না খঙনদুনা মখাগী মরুওইবা হীরম মাপন অসি শেমগৎনবা থৌরাং তৌরেঃ
১. ইন্দিয়া অমসুং রসিয়াগী মরক্তা লৈরিবা লৈবাক অনিগী লল্লোন ইতীক্কা মরী লৈননা নোন-তারিফ ত্রেদ বেরিয়রশিং অসি মুৎথৎনবা হোৎনবা। লৈবাক অনিগী লল্লোন ইতীক, EAEU-ইন্দিয়া ফ্রী ত্রেদ এরিয়া লিংখৎপা য়াওনা লিবরেলাইজেসন তৌবগী ৱারী মখা চত্থবা। ২০৩০ ফাওবদা বাইলেতরেল ত্রেদ বেলেন্স তৌনবা ভারত্তগী পোৎ চৈ থারিবসি হেনগৎপা য়াওনা য়ু.এস.দি. বিলিয়ন ১০০ হেন্না মুচুএল ত্রেদ ভোলুম ফংবা (নাকল অনিনা য়ানখিবগী মতুং ইন্না)। পার্তিস সিগী ইনভেস্তমেন্ত এক্তিবিতীশিং হেনগৎপা, হায়বদি স্পেসল ইনভেস্তমেন্ত রেজিমগী ফ্রেমৱার্ক্কী মনুংদা।
২. লৈবাক অনিগী সেতল্মেন্ত সিস্তেম অমা নেসনেল করেন্সী শীজিন্নদুনা শেমগৎপা। দিজিতেল ফাইনান্সিএল ইন্সত্রুমেন্তবু মুচুএল সেতলমেন্ত ওইনা হৌদোকপা।
৩. ভারতকা লোইননা নোর্থ সাউথ ইন্তর্নেসনেল ত্রান্সপোর্ত কোরিদোর, নোর্দর্ন সী রুত অমসুং চেন্নৈ-ভ্লাদিভোস্তোক সী লাইনগী অনৌবা লম্বীশিংগী খুত্থাংদা কার্গো তর্ন ওভর হেনগৎহনবা। পোৎচৈশিং অথিংবা য়াদনা চত্থোক চৎশিন য়ানবগীদমক ইন্তেলিজেন্ত দিজিতেল সিস্তেমগী এপ্লিকেসনগী খুত্থাংদা কস্তমসকী থৌওংশিং ওপতিমাইজ তৌবা।
৪. লৌউশিংউগী পোত্থোকশিং, চীঞ্জাক অমসুং ফর্তিলাইজরদা লৈবাক অনিগী লল্লোন ইতীক্কী ভোল্যুম হেনগৎহনবা। ভেতরিনরী, সেনিতরী অমসুং ফিতোসেনিতরীগী অথিংবা লৌথোক্নবা ৱারী মখা চত্থবা।
৫. ন্যুক্লিয়র এনর্জী, ওইল রিফাইনিং, অমসুং পেত্রোকেমিকেল য়াওনা মরুওইবা এনর্জীগী সেক্তরশিংদা মতেং পীনবা অমসুং এনর্জী ইনফ্রাস্ত্রকচর, তেক্নোলোজী অমসুং খুৎলাইগী মতেং অমসুং মপাংদা পাকথোক চাউথোকপা। মুচুএল মসুং ইন্তর্নেসনেল এনর্জী সেক্যুরিতী হায়বদি গ্লোবেল এনর্জী ত্রাঞ্জিসনগী প্রোস্পেক্ত য়াওনা ফংহনবা।
৬. ইনফ্রাস্ত্রকচর চাউখৎহনবা, ত্রান্সপোর্ত ইঞ্জিনীয়রিং, ওতোমোবাইল পুথোকপা অমসুং শিপবিল্দিং, স্পেস অমসুং অতৈ ইন্দস্ত্রিএল সেক্তরশিংদা ৱারী শানবা হেনগৎপা। ইন্দিয়ন অমসুং রসিয়ান কম্পেনীশিং সবসিদিয়রী অমসুং ইন্দস্ত্রিএল ক্লস্তর শেমদুনা নাকল অনিমক্কী মার্কেত্তা চঙবা য়াহনবা। স্তেন্দর্দাইজেসন, মেত্রোলোজী অমসুং কনফোর্মিতী এসেস্মেন্তকী লমদা পার্তিসকী খোঙথাং পুনশিনবা।
৭. ইনভেস্তমেন্ত অমসুং জোইন্ত প্রোজেক্তশিং দিজিতেল একনোমী, সাইন্স অমসুং রিসর্চ, এজুকেসনেল এক্সচেন অমসুং হাই তেক কম্পেনীশিংগী ইমপ্লোইয়ীশিংগী ইন্তর্নশিপকুম্বা তোঙান-তোঙানবা সেক্তরশিং ফগৎহনবা। মতীক চাবা ফিস্কাল রেজিমশিং শেমদুনা অনৌবা জোইন্ত (সবসিদিয়রী) কম্পেনীশিং শেমবা।
৮. হিদাক লাংথক অমসুং খুমাং চাউশিনলবা মেদিকেলগী খুৎলাইশিং শেমগৎপা অমসুং সপ্লাই তৌবদা সিস্তেমেতিক কোওপরেসন পীনবা। মেদিকেল অমসুং বাইওলোজিএল সেফতীগী হীরমদা পুনবা হেনগৎনবগীদমক সরিয়াদা ইন্দিয়ন মেদিকেল ইন্সতিত্যুসনগী মশা লোইশঙ লিংখৎতুনা মতীক চাবা মেদিকেল পার্সনেল খনবগী ওইথোকপা য়াবা নৈনবা।
৯. হ্যুমেনিতরিয়ান কোওপরেসন শেমগৎপা, এজুকেসন, সাইন্স অমসুং তেক্নোলোজী, কলচর, তুরিজম, শান্নখোৎনবা, হেল্থকেয়র অমসুং অতৈ হীরমশিংদা পাকথোক চাউথোক্নবা হোৎনবনি।
রসিয়ান ফেদরেসনগী রাস্ত্রপতি অমসুং রিপব্লিক ওব ইন্দিয়াগী প্রধান মন্ত্রীনা ত্রেদ, একনোমিক, তেক্নিকেল অমসুং কলচরেল কোওপরেসনগী রসিয়ান-ইন্দিয়ান ইন্তরগবর্নমেন্তেল কম্মিসনবু মরুওইবা মফমশিং থিদোক্নবা অমসুং মসিগী খুমাং চাউশিনবগী চাং মথংগী মীফমদা নৈননবা পাউতাক পীখি।
