ভিদিও কনফরেন্সকী খুৎথাংদা মার্চ ১৮,২০২৩গী নুংথিলগী পুং ৫ (ভারতকী মতম) তাবদা প্রধান মন্ত্রী শ্রী নরেন্দ্র মোদী অমসুং বাংলাদেসকী প্রধান মন্ত্রী সৈখ হসিনানা ইন্দিয়া-বাংলাদেস ফ্রেন্দসিপ পাইপলাইন শঙ্গাগনি।
মসি ভারত অমসুং বাংলাদেস অনিগী মরক্তা ঙমখৈ ফাওনা পুবা অহানবা ইনর্জি পাইপলাইন্নি। মসি চাউরাক্না লুপা করোর ৩৭৭ রোম চঙনা শেমগৎপনি, মসিগী মনুংদা বাংলাদেসতা লৈরিবা পাইপলাইনগী শরুক অসি চাউরাক্না লুপা করোর ২৮৫ রোম চঙনা ভারত সরকারগী শেন্থং মখাদা শেমগৎপনি।
পাইপলাইন অসিনা হয়-স্পিৎ দিজল(ঐচ এস দি) ১মিল্লিয়ন মেত্রিক তন পর এন্নম(এম এম তি পি এ) পুবা ঙম্মী। মসিনা অহানবদা অৱাংথংবা বাংলাদেসকী জিলা ৭তা হয়-স্পিৎ দিজল পীগনি।
ইন্দিয়া-বাংলাদেস ফ্রেন্দসিপ পাইপলাইন অসিনা ভারত্তগী বাংলাদেসতা মমল হোঙনা, তুংকোইনা অমসুং অকোয়বগী ফিবম শোকহন্দনা ঐচ.এস.দি পুবা য়ারগনি অমসুং লৈবাক অনিগী মরক্তা ইনর্জি ৱাৎতনা ফংনবা মখা তানা মতেং পীনবা হেনগৎহনগনি।
