ভারতকী প্রধান মন্ত্রীনা বঙ্গলাদেশতা চৎলিবা খোঙচৎ অসিগা মরী লৈননা জোইন্ত স্তেতমেন্ত ফোংখ্রে

১. বঙ্গলাদেশ সরকারগী প্রধান মন্ত্রী ঐচ.ই. শৈখ হসিনানা হায়জরকপগী মতুং ইন্না বঙ্গলাদেশ লৈবাক অসিগী জাতিগী মপা বঙ্গাবন্ধু শৈখ মুজিবর রাহমন পোকপগী চহী ১০০ শুরকপা, বঙ্গলাদেশ লৈবাক অসিনা মনিং-মখা তমখিবা চহী ৫০ শুরকপগী পাংথোক্লিবা গোল্দন জুবিলি অমসুং ভারত অমসুং বঙ্গলাদেশ লৈবাক অনি অসিগী মরক্তা দিপ্লোমেতিক ওইবা মরী শেমগৎলক্লিবা চহী ৫০ শুরকপা অসিগা মরী লৈননা পাংথোক্লিবা থৌরমশিং অসিদা শরুক য়ানবা ভারতকী প্রধান মন্ত্রী শ্রী নরেন্দ্র মোদীনা ২০২১গী মার্চ ২৬তগী ২৭ ফাওবা বঙ্গলাদেশতা চৎখ্রে৷ খোঙচৎ অসিনা লৈবাক অনি ভারত অমসুং বঙ্গলাদেশকী মরক্তা চহী ৫০রোম পার্তনরশিপ শেমদুনা লাকখিবা অদু উৎলি৷
২. খোঙচৎ অসিদা ভারতকী প্রধান মন্ত্রীনা ২০২১গী মার্চ ২৭তা বঙ্গলাদেশকী ইকাই খুম্নরবা রাজ্যপাল ঐচ.ই. শ্রী মুহামদ অব্দুল হমিদকা উনদুনা ৱারি শানখ্রে৷ ভারতকী প্রধান মন্ত্রীনা ২০২১গী মার্চ ২৬তা নেস্নেল পেরদ গ্রাউন্দতা পাংথোক্লিবা নেস্নেল দে প্রোগ্রাম, গোল্দন জুবিলী সেলেব্রেসনশিং অমসুং নুজিব বোর্শো সেলেব্রেসন অসিদা ইকাই খুম্নরবা মীথুংলেন ওইনা শরুক য়াখি৷ ২০২১গী মার্চ ২৬তা বঙ্গলাদেশকী ফোরেন্দ মন্ত্রী দা. এ.কে. অব্দুল মোমেননা ভারতকী প্রধান মন্ত্রীগা উনখ্রে৷
৩. বঙ্গলাদেশকী থৌনা লৈরবা লান্মীশিং অসিনা লৌরম্লিবা থৌদাং অসিবু ইকাই খুম্নবা উৎপা ওইনা সভারগী নেস্নেল মার্তিয়র্স মিমোরিয়েলদা প্রধান মন্ত্রী শ্রী নরেন্দ্র মোদীনা লৈ পরেং অমা খুদোল তমখ্রে৷ মহাক্নসু গোপালগঞ্জকী তুঙ্গিপরাদা লৈরিবা বঙ্গাবন্ধু মাওসোলিয়মদা বঙ্গাবন্ধু শৈখ মুজিবর রাহমনবু নিংশিংদুনা ইকাই খুম্নবা উৎখ্রে৷

ইন্দিয়া-বঙ্গলাদেশ পার্তনরশিপ

৪. প্রধান মন্ত্রী অনিমক্না ২০২১গী মার্চ ২৭তা নিংথীনা ৱারি শানখ্রে অমসুং মতুং তারকপদা লৈবাক অনি অসিগী মীহুৎশিংনা ৱারি শানখি৷ হৌখিবা চহী কয়াগী মমাংদগী লৈবাক অনি অসিগী মরক্তা লৈরিবা থাজনবা, ইক্বেলিতী অমসুং গ্যান তামিন্নবা অসিনা মরম ওইদুনা লৈবাক অনি অসি মরুপ-মপাং ওইনা লাকমিন্নরিবা অসিদা লিদর অনি অসিনা অপেনবা ফোংদোক্নরম্মী৷
৫. কোবিদ লাইনা-লাইচৎ অসিগী মনুং অসিদা ইহান হানবা ওইনা সেলেব্রেসনশিং অসিদা শরুক য়ানবা হায়দনা বঙ্গলাদেশ লৈবাক অসিদা ভারতকী প্রধান মন্ত্রীনা শরুক য়াবা লাকপিবা অসিদা প্রধান মন্ত্রী শৈখ হসিনান প্রধান মন্ত্রী নরেন্দ্র মোদীবু থাগৎখ্রে৷ বঙ্গলাদেশকী লিবরেসন ৱারগী লুরুবা মতমশিং অদুদা ভারতকী মীয়াম অমসুং সরকার অসিনা থৱাই হকচাং য়াওনা পাংলকখিবা মতেং অদুগীদমক প্রদান মন্ত্রী শৈখ হসিনানা অপেনবা ফোংদোকখ্রে৷ গ্রেত লিবরেসন ৱারগী মিমোরী অমসুং লিগেসী অসি মাংহন্দনা থম্বা তঙাই ফদবা লৈ হায়না প্রধান মন্ত্রী অনিমক্না ফোংদোনরকখ্রে৷ ১৯৭১গী বঙ্গলাদেশকী মমিং-মখা তম্নবা শোক্নখিবা লান্দা ইন্দিয়ন আর্ম ফোর্সেসকী তৌনা ফরবা লান্মীশিং অসিনা লৌরম্বা থৌদাংশিং অমসুং কৎথোকলম্বা অসিবু নিংশিংবা ওইনা অশুগঞ্জতা মিমোরিয়েল অমা শেমগৎনবা ৱারেপখিবা অসিগীদমক প্রধান মন্ত্রী নরেন্দ্র মোদীনা বঙ্গলাদেশ সরকার অসিবু থাগৎখি৷

৬. বঙ্গলাদেশ লৈবাক অসিনা মনিং-মখা তম্লকপা অমসুং লৈবাক অনি অসিগী মরক্তা দিপ্লোমেতিক রিলেসনশিং থম্লকপা চহী ৫০ শুরকপগা লোইনা-লোইননা পাংথোক্লিবা মুজিব বোর্শো থৌরম অসিদা প্রধান মন্ত্রী নরেন্দ্র মোদীনা বঙ্গলাদেশকী লৈবাক মীয়াম অসিদা থমোই শেংনা থাগৎপা ফোংদোকখি অমসুং দাইনামিক ওইরবা লিদর প্রধান মন্ত্রী শৈখ হাসিনাগী লুচিং মখাদা লৈবাক অসিনা শেল-থুমগী ফিভম কা হেন্না চাওখৎলকখিবা, তেরোরিজম লান্থেংনখিবা, লাইরবা লৈহন্দনবা হোৎনরক্লিবা অমসুং হ্যুমেন দিবলপমেন্তদা বঙ্গলাদেশনা ফংলিবা আউতস্তেন্দিং এচিবমেন্তশিং অদু ভারতকী প্রধান মন্ত্রীনা থাগৎখি৷ তোঙান তোঙানবা সেক্তরশিংদা মখাতানা ভারতকা পুন্না থবক তৌমিন্নবা পাম্বগী অপাম্বা অদু প্রধান মন্ত্রী শৈখ হসিনানা ফোংদোকখি৷
৭. ২০১৯গী ওক্তোবর থাদা দিল্লীদা প্রধান মন্ত্রী শৈখ হসিনানা লাকখিবা খোংচৎ অসিদা অমসুং ২০২০গী দিসেম্বর ১৭তা পাংথোকখিবা ভর্চুয়েল সম্মিত অসিদা লৈবাক অনি অসিগী মরক্তা লৌখিবা তোঙান তোঙানবা ৱারেপশিং অসিদা লাক্লিবা চাওখৎ-খোংথাংশিং অসিগী মতাংদা লিদর অনি অসিনা অপেনবা নুংঙাইবা ফোংদোকখ্রে৷ ২০২০গী সেপ্তেম্বর থাদা পাংথোকখিবা জোইন্ত কন্সল্তেতিব কম্মিসনগী তরুকশুবা মীফম মাই পাক্না পাংথোকখিবা অমসুং ২০২১গী মার্চ ৪দা ধকাদা এক্সতর্নেল এফিয়র্সকী মন্ত্রী দা. এস. জয়শঙ্কর লাকখিবা অদু নাকল অনিনা অমুক নৌহৌননা নিংশিংখ্রে৷

৮. লৈবক অনি অসিগী মরক্তা অৱাংবা থাক অমদা ফম্নাইবশিংনা চত্থোক-চশিন তৌদুনা তোঙান তোঙানবা হিরমশিংদা মতেং পাংনদুনা লৈরিবা অসিদা প্রধান মন্ত্রী অনিনা অপেনবা ফোংদোকখি৷ কোবিদ লাইনা-লাইচৎ অসিগী মতম অসিদসু লৈবাক অনি অসিগী মরক্তা লৈরিবা বাইলেতরেল রিলেসন অসি কাইহন্দনা থম্নবগীদমক সেক্তোরেল ইন্সতিত্যুস্নেল মেকিনিজমশিংগী মীফম চাং নাইনা পাংথোক্লিবা অসিদা মখোয় অনিনা অপেনবা ফোংদোকখি৷

হিস্তোরিকেল লিঙ্কশিং জোইন্ত সেলেব্রেসন তৌবা
৯. মোদর্ন তাইমসকী খ্বাইদগী মথৌনা লৈরবা লিদরশিংগী মনুংদা অমা ওইরিবা বঙ্গাবন্ধু শৈখ মুজিবর রাহমনবু বঙ্গলাদেশনা মনিং-মখা তম্বা মীগী মখাদা লৈতবা লৈবাক অমা ওইহন্নবা হোৎনবদা মহাক্না লৌখিবা থৌদাং অমসুং কৎথোকখিবশিং অদুগীদমক বঙ্গলাদেশকী মীয়ামনা মহাকপু অদুমক নিংশিংদুনা লৈহৌরগনি হায়না প্রধান মন্ত্রী নরেন্দ্র মোদীনা ফোংদোকখি৷ ২০২০ চহী অসিগী গান্দী পিছ প্রাইজ অদু বঙ্গাবন্ধু শৈখ মুজিবর রাহমন্দা, মহাক্না হিংশা য়াওদনা অমসুং গান্ধীয়ন মেথর্দশিংদা বঙ্গলাদেশকী সোসিয়েল, ইকোনোমিক অমসুং পোলিতিকেলগী ফিভম অসিদা মহাক্না য়াম্না কন্না হোৎনদুনা অওনদা পুরকখিবা অসিবু মশক খঙবিবা ওইনা মঙোন্দা মনা অসি পিখিবা অসিগীদমক ভারতপু প্রধান মন্ত্রী শৈখ হসিনানা থাগৎখি৷

১০. লৈবাক অনি অসিগী প্রধান মন্ত্রী অনিমক্না খুৎশম্নদুনা ধকাদা বঙ্গাবন্ধু-বাপু দিজিতেল এগজিবিসন হৌদোকখ্রে৷ লুচিংবা অনি অসিগী লিগেসী অমসুং আইদিলশিং অসিনা মালেম অসিদা লৈরিবা হৌগৎলক্লিবা নহাশিং অসিগী পুক্নিং চিংশিল্লগনি হায়না প্রধান মন্ত্রী অনি অসিনা ফোংদোকখি৷
১১. ভারত-বঙ্গলাদেশ লৈবাক অনি অসিগী মরক্তা লৈরিবা মরুপ-মপাং ওইবগী মরী অদু চহী ৫০ মপুং ফারকপা অসিগা মরী লৈননা, নাকল অনিমক্না মরী লৈনবা কম্মিমোরেতিব পোস্তেজ স্তাম্পশিং পুথোকখি৷ বঙ্গলাদেশ লৈবাক অসিনা মনিং-মখা তম্লকপা চহী ৫০ শুরকপা অসিগা মরী লৈননা অমসুং লৈবাক অনি অসিগী মরক্তা লৈরিবা বাইলেতরেল দিপ্লোমেতিক্কী ওইবা মরীশিং শেমগৎলক্লিবা অসিগী য়েংলগা, নাকল অনি অসিনা হায়রিবা থৌরমশিং অসি খন্দোক্লবা লৈবাক ১৯দা পুন্না খুৎশম্নদুনা পাংথোক্নবা য়ানখ্রে৷
১২. ইন্দিয়ন ফিল্ম দাইরেক্তর শ্যাম বেনেগলগী দাইরেক্সন মখাদা বঙ্গাবন্ধু শৈখ মুজিবর রাহমনগী পুন্সি ৱারিগী মতাংদা ফিল্ম নম্বা হৌখ্রে অমসুং ফিল্ম অদু লেপ্নখিবা মতমগী মতুং ইন্না মতম চানা লোইশিনগনি হায়না থাজনরিবা অসিদা নাকল অনিমক্না নুংঙাইবা ফোংদোকখ্রে৷

১৩. ভারতকী ২০২০গী রিপব্লিক দে সেলেব্রেসন্দা বঙ্গলাদেশ আর্ম ফোর্সেস্কী মেম্বর ১২২না শাবা ত্রাই সর্ভিস কন্তিঞ্জেন্ত শরুক য়াখিবা অসিদা নাকল অনিমক্না হরাউ নুংঙাইবা ফোংদোকখ্রে৷
১৪. ২০২২দা দিপ্লোমেতিক রিলেসনশিং শেমগৎলকপগী চহী ৫০ ফারকপা অসিগা মরী লৈননা পাংথোক্কদৌরিবা গোল্দন জুবিলী থৌরম অসিদা প্রধ্রান মন্ত্রী শৈখ হসিনাবু ভারততা লাক্তুনা শরুক য়াবিনবা প্রধান মন্ত্রী শ্রী নরেন্দ্র মোদীনা হায়জখ্রে৷

১৫. ইপোচেল থৌরমশিং অসি পাংথোকপগী শরুক অমা ওইনা, বঙ্গলাদেশনা হায়জরকপগী মতুং ইন্না মোঙ্গলাদা মার্চ ০৮-১০দা ইন্দিয়ন নেভীগী জহাজ সুমেধ অমসুং কুলিস থুংখিবা হিথাংফম অসি নাকল অনিমক্না তরাম্না ওখখ্রে৷

১৬. ভারততা মহৈ-মশিং তমদুনা লৈরিবা বঙ্গলাদেশ মহৈরোইশিং অসিদা পীননবা ভারত সরকার অসিনা ১০০০ শুবোর্নো জয়ন্তী স্কোলরশিপশিং লাওথোকখিবা ৱারেপ অসি বঙ্গলাদেশকী মাইকৈদগী তরাম্না ওকখ্রে৷
১৭. বঙ্গলাদেশ-ইন্দিয়া বোর্দরদা লৈরিবা ইতিহাসিক ওইরবা লম্বী মুজিব নগরদগী নাদিয়া ফাওবা চৎলিবা লম্বী অসি বঙ্গলাদেশ লিবরেসন ৱার্দা য়াম্না মরু ওইনা শিজিন্নখিবা অসিবু নিংশিংবা ওইনা “শাধিনোতা শোরোক” হায়না মমিং ওন্নবা বঙ্গলাদেশনা পুখৎলকখিবা প্রপোজেল অদু ভারতকী মাইকৈনা খনবিবগীদমক বঙ্গলাদেশকী প্রদান মন্ত্রীনা ভারতকী মাইকৈবু থাগৎপা ফোংদোকখ্রে৷ জোইন্ত সেলেব্রেসনগী শরুক অমা ওইনা লম্বী অসি অথুবা মতমদা হাংদোক্নবা মাইকৈ অনিনা কন্না হোৎনরি৷

ৱাতর রিসোর্সেস কোওপরেসন
১৮. মমাংগী মতমদা খন্ন-নৈনখিবশিং অদু নিংশিংদুনা, তীস্তা তুরেলগী ইশিং অসি সেয়র তৌমিন্নবগী মতাংদা লৈরিবা ইন্তিরিম এগ্রীমেন্ত অদু ৱারোইশিন পুরক্নবগীদমক বঙ্গলাদেশকী মাইকৈদগী মতম কুইনগী মমাংদগী হায়জদুনা লাক্লিবা ৱাফম অদুগী মতাংদা প্রধান মন্ত্রী শৈখ হসিনানা পনখ্রে৷ তীস্তা রিবর বেসিন অসিদা তাংদুনা হিংলিবা মীওই মিলিয়ন কয়াগী পুন্সি অসি কন্নবা অমসুং মখোয়গী অৱাবা অসি কোকহন্নবা তীস্তা তুরেল অসিগী ইশিং অসি বঙ্গলাদেশকী মীয়ামশিং অসিদা মতিক চানা ফংহনবা অসি য়াম্না মরু ওই অমসুং হিরম অসিগী মতাংদা সরকার অনি অসিগী মরক্তা ২০১১গী জানুৱারি থাদা দ্রাফত এগ্রীমেন্ত অমা মাংজৌননা য়ানখ্রে হায়না মহাক্না ফোংদোকখি৷ ভারতকী মাইকৈদগীসু হায়রিবা এগ্রীমেন্ত অসিগী ৱারোইশিন পুরক্নবা মরী লৈনবা স্তেকহোল্দরশিংগা তান্নদুনা ভারতনা পুকচেল শেংনা হোৎনরি হায়না প্রধান মন্ত্রী নরেন্দ্র মোদীনা ফোংদোকখি৷
১৯. কম্মন ওইবা তুরেল তরুক মমিং ওইনা হায়রবদা মানু, মুহুরি, খোৱাই, গুম্তি, ধর্লা অমসুং দুধকুমারগী ইশিং অসি লৈবাক অনি অসিগী মরক্তা সেয়র তৌমিন্ননবা ইন্তিরিম এগ্রীমেন্তগী ফ্রেমৱার্ক্কী মমাংদা য়ান্নখিবা ৱারোল অদুগী মতুং ইন্না থবক তৌনবা লিদর অনি অসিনা মখোয় মখোয়গী মরী লৈনবা ৱাতর রিসোর্সেস্কী মন্ত্রালয়শিং অদুদা খঙহনখ্রে৷

২০. বঙ্গলাদেশকী ফুদ সেক্যুরিতীগা হকথেংননা মরী লৈনবা অসিনা মরম ওইদুনা অপ্পর সুর্ম কুশিয়ার প্রোজেক্তকীদমক কুশিয়ার তুরেল অসি শিজিন্নবা য়ানবগীদমক রহিমপুর খালগী লেমহৌরিবা মফমশিং অদু অথুবা মতমদা এক্সকাবেসন তৌননবা ভারতনা তকশিল্লক্লিবা অদু বহ্গলাদেশকী মাইকৈদগী অমুক্কা নৌহৌননা পনখ্রে৷
২১. ২০১৯গী ওক্তোবর থাদা প্রধান মন্ত্রী শৈখ হসিনানা লাকখিবা মতমদা ফেনি তুরেলগী ইশিং কুসেক ১.৮২ ৱিথদ্রো তৌনবা সহি পীনখিবা য়ানা-ৱারোল অদু নিংশিংদুনা, য়ানা-ৱারোল অসি অথুবা মতমদা চৎননবা ভারতকী মাইকৈদগী বঙ্গলাদেশকী মাইকৈদা তকশিনখ্রে৷

২২. ১৯৯৬কী গঙ্গা ৱাতর সেয়রিং ত্রীতীগী মতুং ইন্না বঙ্গলাদেশনা ফংলিবা গঙ্গাগী ইশিং অসি নিংথীজনা শিজিন্ননবগীদমক বঙ্গলাদেশতা লৈরিবা গঙ্গেস-পদ্ম বেরেজ অমসুং অতোপ্পা ওপ্সনশিং নৈনবা হৌনবা হিরম অসিগীদমক শেমখিবা জোইন্ত তেক্নিকেল কম্মিতীদা প্রধান মন্ত্রী অনিনা খঙহনখ্রে৷
২৩. লিদর অনি অসিনা জোইন্ত রিবর কম্মিসনগী পোজিতিব কন্ত্রিব্যুসন অদু নৌহৌননা নিংশিংখ্রে অমসুং হন্দক্তা ইকুই কুইদ্রিঙৈদা লৈবাক অনি অসিগী ৱাতর রিসোর্সেস মন্ত্রালয়শিংগী সেক্রেতরী লেবেলগী মীফম পাংথোকখিবা অদুদা অপেনবা ফোংদোকখ্রে৷

চাওখৎপা পুরক্নবগীদমক ললোন-ইতিক তৌবা
২৪. লৈবাক অনি অসিগী মরক্তা ললোন-ইতিক অসি হেন্না মাই পাক্না পাংথোক্নবা, নন-ত্রাফিক বেরিয়রশিং অসি লৌথোকপগী তঙাই ফদবা লৈ হায়না প্রধান মন্ত্রীশিং অসিনা ফোংদোকখি৷

২৫. লৈবাক অনি অসিগী মরক্তা ললোন-ইতিক অসি য়াম্না লাইনা খুদোংচানা তৌবা য়ানবা লেন্দ কস্তমস স্তেসনশিং(এল.সি.এস.)/লেন্দ পোর্তশিংগী ফেসিলিতীশিং অমসুং ইনফ্রাস্ত্রকচর অথুবা মতমদা অপগ্রেদ তৌবগী তঙাই ফদবা লৈ হায়না প্রধান মন্ত্রী অনিমক্না ফোংদোকখ্রে৷

২৬. মার্কেৎতা য়াম্না লাইনা য়ৌবা য়ানবগীদমক ভারতকী অৱাং-নোংপোক থমবা ঙমখৈদা পোর্ত রেস্ত্রিক্সনশিং অমতা য়াওদনা য়ামদ্রবদা অচৌবা লেন্দ পোর্ত অমা থম্নবা হায়জরকখিবা অদু ভারতকী মাইকৈদগী হঞ্জিন হঞ্জিন হায়খ্রে৷
২৭. লৈবাক অনি অসিগী মরক্তা ললোন-ইতিক অসি নিংথীনা পাংথোকপা য়ানবগীদমক য়ানখিবা ৱারোলশিং অমসুং সর্তিফিকেৎশিং অমসুং স্তেন্দর্দশিং ঙাক্তুনা থম্বগী তঙাই ফদে হায়না প্রধান মন্ত্রী অনিমক্না অমুক হন্না হায়খ্রে৷ লৈবাক অনি অসিগী মরক্তা ললোন-ইতিক তৌবা অসি মনিং-মখা তম্না তৌবা য়ানবা, বঙ্গলাদেশ স্তেন্দর্দ অমসুং তেস্তিং ইন্সতিত্যুত(বি.এস.তি.আই.) অমসুং ব্যুরো ওফ ইন্দিয়ন স্তেন্দর্দ(বি.আই.এস.)না তেস্তিং অমসুং লেব ফেসিলিতীশিং শেমগৎ-শাগৎনবগীদমক কোলাবোরেত তৌরগনি৷

২৮. এল.দি.সি. স্তেতসতগী গ্রেজুয়েসনদা ওন্থোরকপা অসিদা বঙ্গলাদেশকী মাইকৈবু ভারতকী মাইকৈদগী থাগৎপা ফোংদোকখ্রে৷
২৯. বঙ্গলাদেশকী শেন্মীৎলোনগী ফিভমদা জ্যুত সেক্তর অসিনা লৌরিবা থৌদাং অদু পল্লদুনা, মমল লৈবা অমসুং তোঙান তোঙানবা জ্যুত প্রদক্তশিং শেমদুনা জ্যুত সেক্তর অসি মোদর্নাইজ তৌহন্নবা সরকার অসিনা ৱারেপখিবা অদুগী শরুক অমা ওইনা পব্লিক-প্রাইভেৎ পার্তনরশিপকী খুৎথাংদা বঙ্গলাদেশকী জ্যুত মিলশিং অসিদা ইন্দিয়নগী মাইকৈদগী শেল থাদনবা বঙ্গলাদেশকী মাইকৈদগী হায়জখ্রে৷ হায়রিবা হিরম অসিদা, লৈবাক অনি অসিগী মরক্তা সেক্তর অসিদা হেন্না মতেং পাংননবা বঙ্গলাদেশকী মাইকৈদগী হায়জখ্রে অমসুং ২০১৭তগী হৌদুনা বঙ্গলাদেশতগী জ্যুত প্রদক্তশিং অসি এক্সপোর্ত তৌবা মতমদা থম্লিবা দ্যুতীশিং অসি হন্দোকপিনবা ভারতকী মাইকৈদা হায়জখ্রে৷ ভারতকী মাইকৈদগীসু জ্যুত সেক্তর অসিদা কোওপরেসন পীনবা য়ানখ্রে৷ জ্যুততা থম্লিবা এন্তি দম্পিং দ্যুতী অসিগী ওইনা, হিরম অসিদা কুপথনা য়েংশিনখিগে হায়না ভারতকী মাইকৈদগী ফোংদোকখ্রে৷
৩০. বঙ্গলাদেশ সরকারগী তোঙান তোঙানবা এজেন্সী অমসুং মন্ত্রালয়শিংনা লাওরিবা তেন্দরশিংদা ভারতকী কম্পেনীশিংনা শরুক য়াবদা থম্লিবা অথিংবা অসি লৌথোক্নবা ভারতকী মাইকৈদগী বঙ্গলাদেশকী মাইকৈদা হায়জখ্রে৷
৩১. লৈবাক অনি অসিগী মরক্তা য়ানখিবা ঙমখৈগী মফমশিং অসিদা অনৌবা হাতশিং হাংদোকপদা প্রধান মন্ত্রী অনি অসিনা তরাম্না ওকখ্রে অমসুং হায়রিবা হাতশিং অসিনা লৈবাক অনি অসিগী মনুং হঞ্জিনবা ঙমখৈশিংদা লৈরিবা মীয়ামশিং অসিগী শেল-থুমগী ফিভম ফগৎহনবদা চাওনা মতেং ওইরগনি হায়না থাজনরি৷
পৱার অমসুং ইনর্জীদা দিবলপমেন্ত পার্তনরশিপ তৌবা অমসুং কোওপরেসন পীনবা

৩২. নাকল অনিমক্না হাই-লেবেল মোনিতরিং কম্মিতীগী অহানবা মীফম অদুদা শরুক য়াখ্রে অমসুং প্রোজেক্তশিং অদু লাইন্স ওফ ক্রেদিৎকী মখাদা পাংথোক্নবগীদমক রিকম্মেন্দেসনশিং ফংহন্নবা কম্মিতী অসিদা খঙহনখ্রে৷
৩৩.প্রাইভেৎ সেক্তরগী মরক্তা কোওপরেসন পীনিরবা অসি য়াওনা পৱার অমসুং ইনর্জী সেক্তর অসিদা মতেং পাংনরিবা অসিগীদমক নাকল অনিমক্না অপেনবা ফোংদোকখ্রে৷ নেপাল অমসুং ভুতান য়াওনা সব-রিজনেল কোওপরেসন হেন্না পীননবা য়ানখ্রে অমসুং হায়রিবা হিরম অসিদা ইনর্জীদা কোওপরেসন পীনবা অসি য়াম্না মরু ওই৷ ইলেক্ত্রিসিতী ক্রোস বোর্দর ত্রেদ তৌননবগীদমক লৈরিবা গাইদলাইনশিং অমসুং রিগুলেসনশিং ফাইনেলাইজ তৌবা অসিনা সব-রিজনেল কোওপরেসন হেনগৎহল্লগনি হায়না ভারতকী মাইকৈদগী ফোংদোকখি৷ কতিহর-পার্বোতিপুর-বোরনগর ক্রোস বোর্দর ইলেক্ত্রিসিতী ইন্তরকন্নেক্সন অসি চৎননবগীদমক লৈরিবা মোদেলিতীশিং অসি অথুবা মতমদা ফাইনেলাইজ তৌনবা ভারতনা হায়জখ্রে৷ হায়রিবা হিরম অসিগী মতাংদা স্তদী তীম অমা শেমগৎনবা নাকল অনিমক্না য়ানখ্রে৷
৩৪. ২০২১গী দিসেম্বর থাদা হাইদ্রোকার্বন সেক্তরদা কোওপরেসন পীননবা আন্দরস্তেন্দিং ফ্রেমৱার্ক অদু নিংশিংদুনা, ইন্সতিত্যুস্নেল এরে়ঞ্জমেন্ত অসি অথুবা মতমদা চৎননবা মরী লৈনবা ওথোরিতীশিং লিদর অনিমক্না তকশিনখ্রে অমসুং অসিগুম্বা য়াম্না মরু ওইবা সেক্তর অসিদা হেন্না নিংথীজনা বাইলেতরেল কোওপরেসন পীনরগনি৷

চাওখৎপা মাইকৈ অমদা পুরক্নবা লম্বী-থোং শেমগৎপা

৩৫. শরুক য়ারিবা পার্তী পুম্নমক অসিদা কান্নবা ফংহন্নবগীদমক রিজনেল ইকোনোমিক্কী ফিভম ফহন্নবা হোৎনবদা লম্বী থোংগী ফিভম অসি নিংথীনা ফহনবা মরু ওই হায়না প্রধান মন্ত্রী অনিমক্না ফোংদোরকখ্রে৷ লম্বী-থোংগী ফিভম অসি হেন্না ফহন্নবা অমসুং লৈবাক অনি অসিগী মরক্তা মীয়ামশিং অমসুং পোৎ-চৈশিং য়াম্না লাইনা পুথোক-পুশিন তৌবা য়ানবা লৈবাক মরি বঙ্গলাদেশ, ভুতান, ইন্দায়া অমসুং নেপালগী মরক্তা য়ানা ৱারোল অমা শহি পীনদুনা বি.বি.আই.এন. মোতোর ভেহিকল এগ্রীমেন্ত অথুবা মতমদা ওপরেসন তৌনবা লিদর অনিমক্না য়ানখ্রে৷

৩৬. গুৱাহতি অমসুং চত্তোগ্রামগী মরক্তা শেমগদবা লম্বী অমসুং মেঘলয়গী মহেন্দ্রগঞ্জতগী ৱেস্ত বেঙ্গলগী হিল্লি ফাওবা শেমগদবা লম্বী অসিদা মতেং পাংননবগীদমক বঙ্গলাদেশকী মাইকৈদা ভারতকী মাইকৈদগী হায়জখ্রে৷ হায়রিবা হিরম অসিগী মতাংদা থবক অদুগী অকুপ্পা মরোলশিং পীরক্নবা বঙ্গলাদেশকী মাইকৈদগী ভারতকী মাইকৈদা হায়রকখ্রে৷

৩৭. লম্বী-থোং শম্নহনবগী কান্নবশিং অমসুং চত্তোগ্রাম ফাওদুনা কোলকতাদগী অগর্তলা ফাওবা ইন্দিয়ন গুদসশিং ত্রান্স-শিপমেন্তগী ত্রাইয়েল রন অদু পল্লদুনা, কোস্ত ইফেক্তিব প্রাইসিং অমসুং রিগুলেতরী ওর্দরশিং ফাইনেলাইজ তৌবা য়াওনা ভারততা অমসুং ভারততগী পোৎ-চৈ পুথোক-পুশিন তৌননবগীদমক চত্তোগ্রাম অমসুং মোঙ্গলা পোর্তশিং শিজিন্ননবা য়ানখিবা এগ্রীমেন্ত অদু অথুবা মতমদা পাংথোক্নবা ভারতকী মাইকৈদগী তকশিনখ্রে৷
৩৮. অশুগঞ্জ কন্তেনর তর্মিনেল শেমগৎনবা বাইলেতরেলর প্রোজেক্ত অসি মপুং ফানা লোইশিনদ্রিফাওবা ইনলেন্দ ৱাতর ত্রান্সিত অমসুং ত্রেদতা থম্লিবা প্রোতোকোল অসিগী শরুক অমা ওইনা মুনশিগঞ্জ অমসুং পনগাউনদা ত্রান্সশিপমেন্ত এরেঞ্জমেন্ত শিন্নবগীদমক ভারতকী মাইকৈদগী হায়জখ্রে৷

৩৯. হন্দক্তা ইকুই কুইদ্রিঙৈদা ফেনি তুরেল মথক্তা শাবা মাইত্রী সেতু শঙ্গাখিবা অদু প্রদান মন্ত্রী মোদীনা নহৌননা নিংশিংখ্রে অমসুং মসিগুম্বা য়াম্না মরু ওইবা কন্নেক্তিবিতী প্রোজেক্ত অসিদা বঙ্গলাদেশনা মতেং পাংলকখিবা অসিগীদমক মোদীনা থাগৎখ্রে৷ অনৌবা থোং অসি শিজিন্নদুনা লৈহৌরিবা ত্রেদ অমসুং ত্রাবেল ইনফ্রাস্ত্রকচর অসি শেমগৎনবা নাকল অনিমক্না য়ানখ্রে৷
৪০. চত্তোগ্রাম অমসুং সিলহেত ইন্তরনেস্নেল এয়রপোর্ত অসি অৱাং-নোংপোক ভারত মরু ওইনা ত্রিপুরাগী মীয়ামশিংনা শিজিন্নবা য়াবগী অয়াবা অদু বঙ্গলাদেশকী প্রধান মন্ত্রীনা পীখি৷ মফম অসিদা লৈরিবা মীয়ামশিং অসিনা শিজিন্নবা য়ানবগীদমক রিজনেল এয়রপোর্ত অমা ওইনা সাইদপুর এয়রপোর্ত অসি শেমগৎলিবনি হায়না বঙ্গলাদেশনসু ফোংদোরকখ্রে৷
৪১. লৈবাক অনি অসিদা ভেক্সিনেসনগী থবক অসি মপুং ফানা চত্থদুনা, অথুবা মতমদা লেন্দ পোর্তশিং অসি শিজিন্নদুনা চত্থোক-চশিন তৌবদা থম্লিবা অথিংবা অদু লৌথোক্তুনা, লৈবাক অনি অসিগী মরক্তা চেল্লিবা ত্রেন অমসুং বস সর্ভিসশিং অসি হান্নগী মতৌগুম্না অথুবা মতমদা ওপরেসন তৌবা য়াহন্নবা অমসুং হান্নগী মতৌগুম্না এয়র ত্রাবেল অসি মপুং ফানা মথৌ পাংথোক্নবা নাকল অনিমক্না য়ানখ্রে৷ হান্নগী মতৌগুম্না চত্থোক-চশিন তৌবা অসি লৈাবাক অসিদা লৈরিবা কোবিদকী ফিভম অদুগী মতুং ইন্না হায়না পল্লদুনা, মপুং ফানা চত্থোক-চশিন তৌবা অসি অথুবা মতমদা য়ারগনি হায়না ভারতকী মাইকৈদগী থাজবা পীখ্রে৷

৪২. এজুকেসন সেক্তরদা লৈবাক অনি অসিগী মরক্তা মতেং পাংনদুনা প্রধান মন্ত্রী অনি অসিনা লৈবাক অনি অসিগী মরক্তা মতেং পাংনরিবা অসি মখাতানা পাংননবা হায়নখ্রে৷ হিরম অসিগা মরী লৈননা লৈবাক অনি অসিগী য়ুনিভর্সিতীশিং অমসুং এজুকেস্নেল ইন্সতিত্যুতশিংগী মরক্তা তোঙান তোঙানবা কোলাবোরেতিব এরেঞ্জমেন্তশিং শিন-লাংনবা মখোয়না য়ানখ্রে৷ লৈবাক অনি অসিনা মখোয় মখোয়গী লৈরিবা কল্চর, এজুকেসন, সাইন্স অমসুং তেক্নোলোজী, য়ুথ অমসুং স্পোর্ত অমসুং মাস মেদিয়া অসি য়োকখৎনবা রিগুলর একচেঞ্জ তৌরিবা অসি মখাতানা পাংথোকপা নাকল অনিমক্না পাম্মী৷
পব্লিক হেল্থদা কোওপরেসন পীনবা
৪৩. নাকল অনিমক্না মখোয় মখোয়গী লৈবাকশিং অসিদা লৈরিবা কোবিদ লাইনা-লাইচৎকী ফিভম অসিগী মতাংদা মশা-মশাগী ওইবা ৱাখল্লোনশিং ফোংদোক্নরকখ্রে৷ ভারততা শাজবা ওক্সফোর্দ এস্ত্র জেনেকা কোবিশিল্দ ভেক্সিনগী দোস মিলিয়ন ৩.২ গিফত ওইনা পীবিরকপগীদমক ভারত সরকারনা বঙ্গলাদেশকী মাইকৈদগী থাগৎপা ফোংদোকচরি অমসুং অহানবা বেতচকী ওইনা দোস মিলিয়ন ৫ দেলিবর তৌরক্লগনি হায়বা অসিদা নুংঙাইবা ফোংদোকখ্রে৷
৪৪. কোবিদ-১৯ লাইনা-লাইচৎ অসিনা মরম ওইদুনা পব্লিক হেল্থ সেক্তরদা মরু ওইনা হেল্থ কেয়র সর্ভিসেস অমসুং রিসর্চতা লৈবাক অনি অসিগী মরক্তা হেন্না নিংথীনা কোলাবোরেসন পাংথোকপা মরু ওই হায়বা অসি প্রধান মন্ত্রী অনিমক্না খঙই৷ ত্রেনিং, কেপাসিতী বিল্দিং অমসুং তেক্নোলোজী ত্রান্সফর তৌবদা হেন্না মীৎয়েং থমদুনা লৈবাক অনি অসিগী মরক্তা মতেং পাংননবা বঙ্গলাদেশকী মাইকৈদগী হায়জরকখ্রে৷ ইন্দিয়াগী ইন্দিয়ন কাউন্সিল ওফ মেদিকেল রিসর্চ অমসুং বঙ্গলাদেশকী বঙ্গলাদেশ মেদিকেল রিসর্চ কাউন্সিলগী মরক্তা তোঙান তোঙানবা মেকানিজমশিংগী মখাদা কোলাবোরেসন তৌনবা অমসুং এক্তিব পার্তিসিপেসন তৌনবা প্রধান মন্ত্রী অনি অসিনা য়ানখ্রে৷
বোর্দর মেনেজমেন্ত অমসুং সেক্যুরিতী কোওপরেসন
৪৫. অয়েৎ-অপন লৈতবা, স্তেবল ওইবা অমসুং ক্রাইম ফ্রী ওইবা বোর্দর লৈহন্নবগীদমক বোর্দর মেনেজমেন্ত অসি ইফেক্তিব ওইনা পাংতোকপা তঙাই ফদে হায়না লিদর অনিমক্না ফোংদোক্নরকখ্রে৷ বোর্দরগী মফমশিংদা অশি-অনা থোকপা অসি য়েংশিন্নিংঙাই ওই অমসুং অসিগুম্বা শিবা-নাবা থোকহল্লিবা অসি জিরোদা হন্থহন্নবা বোর্দরশিং অসিবু ঙাক শেল্লিবা ফোর্সশিং অসিদা খঙহনখ্রে৷ মীওইবগী মীনুংশি য়েংলগা পদ্ম তুরেল অসিগী তুরেলগী লম্বীদা নিয়ম চুম্না মীয়াম্না কি.মি. ১.৩ চত্থোক-চশিন য়াহন্নবা হাজরকখিবা অদু বঙ্গলাদেশকী মাইকৈদগী অমুক হন্না পনখ্রে৷ বঙ্গলাদেশকী মাইকৈদগী হায়জরক্লিবা অদু খন্নগনি হায়না ভারতকী মাইকৈদগী থাজবা পীখ্রে৷ ত্রিপুরা(ইন্দিয়া)-বঙ্গলাদেশ সেক্তরদগী হৌদুনা ইন্তরনেস্নেল বোর্দরশিংদা পন্দুনা লৈরিবা সেক্তর পুম্নমক্তা বোর্দর ফেন্সিং অসি মপুং ফানা লোইশিন্নবা ভারতকী মাইকৈদগী হায়জরকখ্রে৷ হিরম অসিগী মতাংদা য়েংশিল্লগনি হায়না বঙ্গলাদেশকী মাইকৈদগীসু থাজবা পীরকখ্রে৷
৪৬. লৈবাক অনি অসিগী মরক্তা হৌজিক হৌজিক্কী ওইনা দিফেন্সতা কোওপরেসন পীনরিবা অসিদা নাকল অনিমক্না অপেনবা ফোংদোক্নরকখ্রে৷ হিরম অসিগী মতাংদা, লৈবাক অনি অসিগী মরক্তা প্রোগ্রামশিং য়াম্না তোইনা-তোইনা একচেঞ্জ তৌননবা অমসুং ত্রেনিং অমসুং কেপাসিতী বিল্দিংদা হেন্না কোওপরেসন পীননবা প্রধান মন্ত্রী অনিমক্না ফোংদোক্নরকখ্রে৷ দিফেন্স লাইন ওফ ক্রিদিৎ অসি অথুবা মতমদা ওপরেসন তৌননবগীদমক ভারতকী মাইকৈদগী হায়জরকখ্রে৷
৪৭. নাকল অনিমক্না দিজাস্তর মেনেজমেন্ত, রিসাইলেন্স অমসুং মিতিগেসনগী মতাংদা য়ানা ৱারোল অমা শহি পীনখিবা অদু তরাম্না ওকখ্রে অমসুং মসিনা নেচরেল দিজাস্তরশিং অসি হন্থহনবদা অচৌবা মতেং ওইরগনি হায়না ফোংদোক্নরকখি৷
৪৮. তেরোরিজম অসিনা মালেম অসিগী শান্তি অমসুং সেক্যুরিতীগী ফিভমদা চাওনা অকাইবা পীরি হায়বা অসি নিংশিংদুনা ফোর্ম অমসুং মেনিফেস্তেসনশিং খুদিংদা তেরোরিজম অসি মুথৎনবা লৈবাক অনি অসিনা হোৎনরিবশিং অদু নাকল অনিমক্না পুথোক্নরকখ্রে৷ সেক্যুরিতীগা মরী লৈনবা হিরমশিংদা বঙ্গলাদেশনা পাংলকখিবা কোওপরেসন অদুগীদমক প্রধান মন্ত্রী শ্রী নেরেন্দ্র মোদীনা অপেনবা ফোংদোকখ্রে৷
কোওপরেসনগী অনৌবা এরিয়াশিং
৪৯. ২০১৭তা বঙ্গলাদেশনা মহাক্কী অহানবা সেতলাইত বঙ্গবন্ধু লোঞ্চ তৌখিবা অদু নিংশিংদুনা, বঙ্গলাদেশনা অথুবা মতমদা মহাক্কী অনিশুবা সেতলাইত লোঞ্চ তৌরগনি হায়না প্রধান মন্ত্রী হসিনা শৈখনা ফোংদোকখ্রে৷ হায়রিবা হিরম অসিদা, স্পেস অমসুং সেতলাইত রিসর্চতা মখাতানা কোলাবোরেসন তৌদুনা অমসুং তেক্নোলোজী ত্রান্সফর তৌননবা প্রধান মন্ত্রী অনিনা য়ানখ্রে৷
৫০. লৈবাক অনি অসিগী মরক্তা লৈরিবা নহাশিং অসিগী ৱাখল্লোনশিং অসি একচেঞ্জ তৌননবা বঙ্গলাদেশকী নহা ওইরিবা এন্তরপ্রিনর ৫০ ভারততা লাক্তুনা মখোয় মখোয়গী অনৌ-অনৌবা ৱাখল্লোনশিং অদু ফোংদোক্নবা প্রধান মন্ত্রী মোদীনা কৌখ্রে৷

৫১. খোঙচৎ অদুগী শরুক অমা ওইনা, প্রধান মন্ত্রী নরেন্দ্র মোদীনা ২০২১গী মার্চ ২৭তা গোপালগঞ্জতা লৈরিবা ওরাকন্দি লাইশঙ অমসুং জাশোরদা লৈরিবা জেশোরেস্বারি দেবী লাইশঙদা থুংখ্রে৷ মফম অদুদা লৈরম্লিবা ধর্মগী ওইবা ত্রেদিসন অদু প্রধান মন্ত্রীনা থাগৎখ্রে৷

ম্যান্মারগী রখিন রাজ্যদগী নমফুদা মীওইশিং তান্থোরকপা

৫২. ম্যান্মার রখিন রাজ্যদগী নমফুদা মীওই মিলিয়ন ১.১ তান্থোরকপা অসিদা মীওইবগী মীনুংশি য়েংলগা বঙ্গলাদেশ সরকারনা পুকচেল চাওনা লৈফম চাফম পীরিবা অসিদা প্রধান মন্ত্রী নরেন্দ্র মোদীনা থাগৎপা ফোংদোকখ্রে৷ মফম অদুদা হেন্না খুদোং চাননবগীদমক লাক্লিবা মীওইশিং অদু অথুবা মতমদা তেক্ত-কাইদনা অমুক হন্না হলহনখিবা মরু ওই হায়না প্রধান মন্ত্রী অনিমক্না অমুক হন্না ফোংদোরকখ্রে৷

মফম অসিগী অমসুং মালেম অসিগী পার্তনরশিং ওইনা
৫৩. য়ুনাইতেদ নেসন্স অমসুং অতোপ্পা মল্তিলেতরেল ফোরাদা কম্মন ওইবা ওবজেক্তিবশিংগীদমক মখাতানা পুন্না থবক তৌমিন্ননবা লৈবাক অনি অসিনা য়ানখ্রে৷
৫৪. রিজনেল ওর্গনাইজেসনশিং খুদম ওইনা এস.এ.এ.আর.সি. অমসুং বি.আই.এম.এস.তি.ই.সি.না মরু ওইনা কোবিদ-১৯গী মতুং অসিদা লৌগদৌবা অচৌবা থৌদাংশিং লৈরি হায়না লিদর অনিমক্না ফোংদোক্নরকখ্রে৷ ২০২০গী মার্চ থাদা ভিদিও কনফরেন্সিংগী খুৎথাংদা এস.এ.এ.আর.সি. লিদরশিং অসিগা ৱারি শান্নখিবা অমসুং খা এসিয়ন রিজনদা গ্লোবেল পেন্দেমিক্কী ইফেক্তশিং অসি থেংননবা এস.এ.এ.আর.সি. ইমর্জেন্সী রেস্পোন্স ফন্দ শেমগৎনবা পুথোকখিবা অসিগীদমক ভারতকী প্রধান মন্ত্রীবু বঙ্গলাদেশকী প্রধান মন্ত্রীনা থাগৎখ্রে৷
৫৫. লিদর অনিমক্না প্রাইয়োরিতী ওইবা বেসিস্তা রিজনেল অমসুং সব-রিজনেল প্লেতফোর্মদা মখাতানা কোওপরেত তৌমিন্ননবা য়ানখ্রে৷ মসিগী পান্দম অসি ফংবা ঙম্নবা, বি.আই.এম.এস.তি.ই.সি.বু ইন্তর রিজনেল কোওপরেসনগীদমক হেন্না ইফেক্তিব ওইবা খুৎলাই অমা ওইনা শিজিন্নদুনা মেম্বর ওইরিবা লৈবাক পুম্নমক অসিদা চাওখৎপা পুরকহন্নবা মখোয়না য়ানখ্রে৷
৫৬. ২০২১গী ওক্তোবর থাদা ইহান হানবা ওইনা বঙ্গলাদেশ লৈবাক অসিনা আই.ও.আর.এ.গী চিয়রমেনশিপ ফম অমুক হন্না পাইরগনি হায়না বঙ্গলাদেশকী মাইকৈ অসিদগী ফোংদোরকখি অমসুং ইন্দিয়ন ওসিন রিজন অসিদা সেফতী অমসুং সেক্যুরিতীগা লোইননা থবক থৌরমশিং নিংথীনা পাংথোকপা য়ানবা বঙ্গলাদেশকী মাইকৈদগী ভারতকী মতেং নিরক্লি৷ প্রধান মন্ত্রী নরেন্দ্র মোদীনা বঙ্গলাদেশপু থাগৎপা ফোংদোকখ্রে অমসুং মসিগী হিরম অসিদা শোইদনা ভারতনা মতেং পাংগনি হায়না থাজবা পীখ্রে৷
৫৭. ২০২৩দা দবল্যু.ঐচ.ও.গী সাউথ ইস্ত এসিয়ন রিজনেল ওফিসকী দাইরেক্তর ফমগীদমক বঙ্গলাদেশকী কেন্দিদেৎ অমা ওইনা চোংথোরক্লিবা অসিদা শোইদনা সপোর্ত তৌগনি হায়না ভারতকী মাইকৈদগী ফোংদোকখিবা অসিগীদমক বঙ্গলাদেশকী মাইকৈনা ভারত সরকারবু থাগৎখ্রে৷
৫৮. বঙ্গলাদেশনা কোলিয়েসন ফোর দিজাস্তর রিসাইলেন্ত ইনফ্রাস্ত্রকচর(সি.দি.আর.আই.)দা য়াওরগনি হায়না ভারতকী মাইকৈদগী ফোংদোকখ্রে৷ মসিনা বঙ্গলাদেশনা অতোপ্পা মেম্বর ওইরিবা লৈবাকশিং অসিগা ইনফ্রস্ত্রকচর রিক্স মেনেজমেন্ত, স্তেন্দর্দশিং, ফাইনান্সিং অমসুং রিকোভরী মেকানিজমদা মহাক্কী লৈরিবা এক্সপরিয়েন্স অদু একচেঞ্জ তৌবা ঙমহল্লগনি৷
৫৯. ন্যু দিবলপমেন্ত বেঙ্ক অসিদা য়াওনবা বঙ্গলাদেশনা লৌখিবা ৱারেপ অদু ভারতকী মাইকৈদগী তরাম্না ওকখ্রে৷
বাইলেতরেল দোকুমেন্তশিং শহি পীনবা অমসুং প্রোজেক্তশিং শঙ্গবা
৬০. খোঙচৎ অসিগী মনুংদা মখাগী বাইলেতরেল দোকুমেন্তশিং অসি শহি পীনখ্রে অমসুং একচে়ঞ্জ তৌনখ্রে:
i. দিজাস্তর মেনেজমেন্ত, রিসাইলেন্স অমসুং মিতিগেসনগী ফিল্দ অসিগা কোওপরেসন পীননবা শহি পীনখিবা;
ii. বঙ্গলাদেশ নেস্নেল কেদেৎ কোর্প্স(বি.এন.সি.সি.) অমসুং ইন্দিয়াগী নেস্নেল কেদেৎ কোর্প্স(এন.সি.সি.)গী মরক্তা শহি পীনখিবা;
iii. বঙ্গলাদেশ অমসুং ভারত লৈবাক অনিগী মরক্তা ত্রেদ রেমিদিয়েল মিজরশিংগী এরিয়া অসিদা কোওপরেসন পীননবা য়ানা ৱারোল শহি পীনখিবা;
iv. আই.সি.তি. ইক্যুইপমেন্ত, কোর্সৱেয়র অমসুং রিফরেন্স বুকশিং সপ্লাই তৌনবা অমসুং বঙ্গলাদেশ-ভারত দিজিতেল সর্ভিস অমসুং এমপ্লোইমেন্ত ত্রেনিং(বি.দি.এস.ই.তি.)সেন্তরগীদমক ত্রেনিং পীনবা ত্রিপার্তাইত য়ানা ৱারোল;
v. রাজশাহি কোলেজ ফিল্দ অমসুং অকোইবগী মফমশিং অসিদা স্পোর্তস ফেসিলিতীশিং শেমগৎনবগীদমক ত্রিপার্তাইত য়ানা ৱারোল৷
৬১. প্রধান মন্ত্রীগী ওফিস্তা পাংথোকখিবা থৌরম অমদা, প্রধান মন্ত্রী অনি অসিনা মখাগী থবক-থৌরমশিং অসি লাওথোকখি:
i. লৈবাক অনি অসিগী মরক্তা লৈররক্লিবা বাইলেতরেল দিপ্লোমেতিক তাইশিং অসি চহী ৫০ শুরকপা অসিগা লোইন-লোইননা ইন্দিয়া-বঙ্গলাদেশ ফ্রেন্দশিপ স্তাম্পশিং থাদোকপা
ii. ১৯৭১গী লিবরেসন ৱারদা থৱাই খৎখ্রবা ইন্দিয়ন আর্ম ফোসশিংগী নিংশিং খুভম ব্রহমনবরিয়াগী অশুগঞ্জতা শানবা উরেপ-উয়ুং তম্বা৷
iii. পেকেজ মঙাগী (অমিন বজার-কলিয়াকোইর, রূপুর-ধকা, রূপুর-গোপালগঞ্জ, রূপুর-ধমরাই, রূপুর-বোগ্রা)গী রূপুর পৱার ইবাক্বেসন প্রোজেক্তকীদমক উরেপ-উয়ুং তম্বা৷
iv. বোর্দর হাত ৩-নলিকতা(ইন্দিয়া)-সেদবাদ(বঙ্গলাদেশ); রিঙ্কু(ইন্দিয়া)-বগন বরি(বঙ্গলাদেশ) অমসুং ভোলাগঞ্জ(ইন্দিয়া)-ভোলাগঞ্জ(বঙ্গলাদেশ) শঙ্গাবা
v. কুথিবরিদা রবিন্দ্র ভাবন ফেসিলিতীশিং শঙ্গাবা
vi. চিলাহতি-হাল্দিবরি রেল লিঙ্ক ফাওদুনা ধকা-ন্যু জলপাইগুরি-ধকা রুততা চেনগদৌরিবা পেসে়ঞ্জর ত্রেন সর্ভিস ‘মিতালি এক্সপ্রেস’ মাইখুম হাংদোকপা;
vii. ইতিহাসিক ওইরবা লম্বী মুজিবনগর অমসুং নাদিয়া শম্নহনবা অমসুং লম্বী অসিগী মমিং শাধিনোতা শোরোক্তা ওল্লো হায়না লাওথোকখিবা
৬২. প্রধান মন্ত্রী নরেন্দ্র মোদী অমসুং মহাক্কা লোইনবা মীহুৎশিং অসিদা বঙ্গলাদেশকী খোংচৎ অসিদা প্রধান মন্ত্রী শৈখ হসিনানা উৎলকখিবা থৌগলোন অমসুং ইকাই খুম্নবা অদুগীদমক প্রধান মন্ত্রী নরেন্দ্র মোদীনা প্রধান মন্ত্রী শৈখ হসিনাবু থাগৎখ্রে৷