ঐখোয়, ওস্ত্রেলিয়া, ইন্দিয়া, জপান অমদি য়ুনাইতেদ স্তেতসকী লুচিংবশিংনা ঙসি ইহান হানবা ওইনা উনদুনা “দি ক্বাদ”ওইনা পুনখি৷ মসিগী ইতিহাসিক ওইরবা মীফম অসিদা, ঐখোয়না ইনক্লুসিব অমদি রিসাইলেন্ত ওইবা ঐখোয়গী সেয়র সেক্যুরিতী অমসুং চাওখৎলকপগী বেদরোক অমা ওইরিবা লমদম- ফ্রী অমসুং ওপন ওইবা ইন্দো-পেসিফিক অমদা ঐখোয়গী পার্তনরশিপ অমুক হন্না শেমখি৷ ঐখোয়না মমাংদা উনখিবা অদুদগী পারকপা মতমদা থা তরুক চপ-চানা মপুং ফারে৷ মার্চ থাদগী, কোবিদ-১৯ লাইনা-লাইচৎ অসিনা মালেম অসি লেপ্প-লৈতনা মালেম অসিদা অৱা-চৈথেং পীখ্রে; ক্লাইমেত ক্রাইসিস হেনগৎলকখ্রে; অমদি রিজনেল সেক্যুরিতীগী ফিভম হেন্না-হেন্না কমপ্লেক্স ওইরকখ্রে অমদি ঐখোয়গী লৈবাক পুম্নমক অসি তোঙান তোঙান্না নত্রগা পুনশিন্দুনা তেস্ত তৌরি৷ অদুমওইনমক ঐখোয়না লেংদনা মপেং পাংনরি৷
ক্বাদ মীফমগী থৌরম অসি ঐখোয় ইশামক অমদি মালেম অসি ইন্দো-পেসিফিক্তা মীৎয়েং চংনবা অমসুং ঐখোয়না মংফাওনবা পাম্লিবা ঐখোয়গী মাংলান অদু ফংনবগী খুদোংচাবা অমনি৷ ঐখোয়না মালেমগী চৎন-পথাপতা মরা তাদুনা ফ্রী,ওপন, রুল্স-বেজ ওর্দর য়োকখৎনবা অমদি ইন্দো-পেসিফিক রিজন অমদি ৱাংমদা হেন্না সেক্যুরিতী লৈহন্নবা অমদি হেন্না চাওখৎহন্নবা হোৎনরি৷ ঐখোয়না রুল ওফ লো, নেবিগেসন অমসুং ওভরফ্লাইততা মনিং-মখা তম্বা অমদি রাজ্যশিংগী ঙমখৈগী শক্তম, দেমোক্রেতিক ভেল্যুশিং অমদি শান্তি লৈনা চয়েৎনবশিং শমদাইননবগীদমক লেপ্লি৷ ঐখোয়না পার্তনর মখল কয়াগা পুন্না খুৎশম্নদুনা থবক তৌমিন্ননবা হোৎনরি৷ এ.এস.ই.এ.এন.গী অপুনবগী শক্তম অমদি সেন্ত্রেলিতীগীদমক অমসুং ইন্দো-পেসিফিক্তা এ.এস.ই.এ.এন.গী আউতলুক্কীদমক ঐখোয়না ঐখোয়গী অকনবা সপোর্ত অমুক হন্না পীরি অমদি এ.এস.ই.এ.এন. অমসুং মহাক্কী মেম্বর স্তেতশিংগা-ইন্দো-পেসিফিক রিজনগী ময়াই-প্রেক্তিকেল অমসুং ইনক্লুসিব ৱেজশিংদা খুৎশম্ননবা হোৎনবদা ঐখোয়না কৎথোকখিবা অদু ঐখোয়না পল্লি৷ ইন্দো-পেসিফিক্তা কোওপরেসন পীননবগীদমক লৈরিবা সেপ্তেম্বর ২০২১ ই.য়ু. স্ত্রাতিজী অসি ঐখোয়নসু তরাম্না ওক্লি৷
ঐখোয়না অহানবা মীফম অদুদগী হৌদুনা, মালেম অসিগী খ্বাইদগী কল্লিবা চেলেঞ্জ খরা: কোবিদ-১৯ লাইনা-লাইচৎ, ক্লাইমেত ক্রাইসিস, অমদি মরু ওইবা অমসুং নৌনা থোক্লক্লিবা তেক্নোলোজীশিং অসি থেংনবদা ঐখোয়না প্রোগ্রেস ফংবা ঙমখ্রে৷
কোবিদ-১৯ রেস্পোন্স অমদি রিলিফতা ঐখোয়গী পার্তনরশিপ অসিনা ক্বাদকী ওইনদি ইতিহাসিক ওইরবা অনৌবা ফোকস অমা মার্ক তৌই৷ ঐখোয়গী সরকারশিংগী মকোক থোংবা এক্সপর্তশিং যাওরিবা, স্ত্রোঙ্গ তাইশিং শেমগৎতুনা চার্জ তৌরবা অমদি ইন্দো-পেসিফিক হেল্থ সেক্যুরিতী অমদি কোবিদ-১৯ রেস্পোন্সতা সপোর্ত তৌনবা ঐখোয়গী প্লানশিংদা হেন্না নিংথিনা এলাইন তৌরিবা ক্বাদ ভেক্সিন এক্সপর্তশিংগী গ্রুপ অদু ঐখোয়না লোঞ্চ তৌখি৷ অসিগুম্না তৌদুনা, লাইনা-লাইচৎকী এসেসমেন্তশিং ঐখোয়না সেয়র তৌখ্রে অমদি লমদম অদুদা কোবিদ-১৯ হন্থহন্নবগীদমক দিপ্লোমেতিক প্রিন্সিপলশিং রিইনফোর্স তৌখ্রে, অমসুং কোভেক্স ফেসিলিতী য়াওনা মল্তিলেতরেল ইফর্তশিংগা খুৎশম্নদুনা সেফ, ইফেক্তিব ওইবা, ক্বালিতী লৈবা ভেক্সিন পুথোকপা অমদি ইক্বুইতেবল এসেস সপোর্ত তৌনবা ঐখোয়না খুৎশম্নদুনা হোৎনরি৷ কোবেক্সকী খুৎথাংদা শেল থাদদুনা ফংহনখিবা দোজশিং অদুগী মথক্তা, ওস্ত্রেলিয়া, ভারত, জপান, অমদি য়ুনাইতেদ স্তেতসনা মালেম অসিদা সেফ অমসুং ইফেক্তিব ওইবা কোবিদ-১৯ ভেক্সিন দোজ বিলিয়ন ১.২ হেন্না দোনেত তৌনবা ৱাশকখ্রে৷ ঙসি ফাওবদা, ইন্দো-পেসিফিক্তা লৈরিবা লৈবাকশিংদা মখোয়না হোৎনরম্লিবশিং অদুগী শরুক ওইনা সেফ, ইফেক্তিব ওইবা, অমসুং ক্বালিতী লৈবা ভেক্সিন দোজ মিলিয়ন ৭৯রোম ঐখোয়না ফংহনখ্রে৷
বাইওলোজিকেল ই লিমিতেদতা ভেক্সিন পুথোকপগী কেপাসিতী হেনগৎননবা ক্বাদ ভেক্সিন পার্তনরশিপনা শেল থাদখিবা অদু থাগৎলি, চহি অসি লোইশিল্লমদাইদা ভারত্তা অহেনবা প্রদক্সন পুথোক্লগনি৷ ঐখোয়গী মার্চ থাদা লাওথোকখিবা অসিগী মতুং ইন্না অমসুং লেপ্প-লৈতনা গ্লোবেল সপ্লাই গেপ লৈরিবা অসি খঙলদুনা, মসিগী এক্সপান্দেদ মেনুফেকচরিং অসি ইন্দো-পেসিফিক অমদি মালেম অসিগী ওইনা ঐখোয়না শোইদনা এক্সপোর্ত তৌরগনি৷ ইনকম নেম্বা অমসুং ময়াই ওইরপতা লৈরিবা লৈবাকশিংগীদমক সেফ, ইফেক্তিব অমসুং ক্বালিতী লৈবা কোবিদ-১৯ ভেক্সিননি হায়না প্রুব তৌরবা ভেক্সিনশিং লৌশিন্নবা কোভেক্স ফেসিলিতীগুম্বা মরু ওইবা মল্তিলেতরেল ইনিসিয়েতিবশিংগা ঐখোয়না খুৎশম্নরগনি৷ ভেক্সিন পুথোকপগীদমক ওপন অমদি সেক্যোর ওইবা সপ্লাই চেনশিংগী মরু ওইবা অদুসু ঐখোয়না মশক খঙই৷
লমদম অসিদা অমসুং মালেম অসি শিনবা থুংনা লাইনা-লাইচৎ অসিনা থা কয়া অৱা-চৈথেং নংহল্লবসু ঐখোয়না ঙসি ফাওবদা অদুক্কী মতিক মপুং ফানবা হোৎনখ্রে৷ ঐখোয়গী ক্বাদ ইনবেস্তমেন্তশিংগী খুৎথাংশিং য়াওনা ২০২০ ফাওবগী মনুংদা সেফ অমসুং ইফেক্তিব ওইবা কোবিদ-১৯ ভেক্সিন য়ামদ্রবদা বিলিয়ন অমা ফংহন্নবা হোৎনরিবা বাইওলোজিকেল ই লিমিতেদগী প্রদক্সন অসি ক্বাদ লুচিংবশিংনা তরাম্না ওক্লি৷ ঙসিদি, লাইনা-লাইচৎ অসি লোইশিন্নবগীদমক ইন্দো-পেসিফিক অমদি মালেম অসিদা মতেং পাংগদৌরিবা ভেক্সিন সপ্লাই অসিগীদমক ইনিসিয়েল স্তেপ অমা লাওথোক্কদৌরিবা অসিদা ঐখোয়না চাওথোকচবা ফাওজৈ৷ ২০২১গী ওক্তোবর থাদগী হৌদুনা কোবেক্স য়াওনা সেফ অমদি ইফেক্তিব ওইবা কোবিদ-১৯ ভেক্সিনশিং হান্নগুম্না এক্সপোর্ত তৌনবা ভারতনা লাওথোকখিবা অসিদা ক্বাদনসু তরাম্না ওক্লি৷ কোবিদ-১৯ ক্রাইসিস রেস্পোন্স ইমর্জেন্সী সপোর্ত লোনগী বিলিয়ন$ ৩.৩গী খুৎথাংদা জপান্না ভেক্সিনশিং লৈদুনা রিজনেল পার্তনরশিং মতেং পাংলগনি৷ খা-নোংপোক এসিয়া অমদি পেসিফিক্কীদমক ভেক্সিনশিং লৈনবা ওস্ত্রেলিয়ানা মিলিয়ন $২১২ গ্রান্ত ইন এইদ ওইনা পীরগনি৷ অসিগীসু মথক্তা, হায়রিবা লমদমশিংদা ক্বাদকী লাস্ত-মাইল দেলিভরী ইফর্তশিংদা মতেং পাংননবা অমদি লাস্ত-মাইল ভেক্সিন রোলআউতশিং সপোর্ত তৌনবা ওস্ত্রেলিয়ানা মিলিয়ন$ ২১৯ এলোকেত তৌরগনি৷
লাইনা-লাইচৎ অসি লোইশিন্নবা ঐখোয়না হোৎনরিবা অসিগী খোঙজেল য়াংখৎননবা অমদি হেন্না ফবা হেল্থ সেক্যুরিতী লৈহন্নবগীদমক ক্লিনিকেল ত্রাইএলশিং অমদি জিনোমিক সর্ভিলেন্সকী এরিয়াশিংদা ঐখোয়গী সাইন্স অমসুং তেক্নোলোজী(এস. অমসুং তি.) কোওপরেসনদসু ঐখোয়না হেন্না মপাঙ্গল লৈহল্লগনি৷
অথুবা মতমদা শুংশোই শোইদনা থেংনবা দরকার ওইরিবা ক্লাইমেত ক্রাইসিস অসি লাকশিন্নবা ঐখোয়না ফোর্সশিং খুৎশম্নখ্রে৷ পেরিস-এলাইন তেম্পরেচর লিমিতশিং অসি নিংথিনা থম্নবা অমদি প্রি-ইন্দস্ত্রিএল লেবেলশিংগী মথক্তা ১.৫°Cগী লিমিত অসি য়ৌনা থম্নবা ক্বাদ লৈবাকশিংনা হোৎনরগনি৷ লোইশিল্লকপদা, সি.ও.পি.২৬না এন.দি.সি.শিং অপদেৎ তৌনবা নত্রগা পাউ ফাওদোক ফাওজিন তৌনবা ক্বাদ লৈবাকশিংনা হোৎনরি অমদি অসিগুম্না মাংজৌননা তৌখ্রবাশিং অদুবুদি তরাম্না ওক্লি৷ ইন্দো-পেসিফিক লমদমদা লৈরিবা মরু ওইবা স্তেকহোল্দরশিং য়ৌহনবা য়াওনা গ্লোবেল এম্বিসন পুখৎনবা ক্বাদ লৈবাকশিংনা মখোয়গী দিপ্লোমেসীদা মতেং পাংলগনি৷ ২০৫০ ফাওবগী মনুংদা মালেম অসিদা নেত-জিরো ইমিসন ফংনবগী পান্দম থম্লিবা অসিদা থৌদাং লৌদুনা ২০২০গী মতমদা অফবা এক্সনশিং লৌখৎতুনা থিমেতিক এরিয়া অহুম পুম্বদা: ক্লাইমেত এম্বিসন, ক্লিন-ইনর্জী ইন্নোবেসন অমসুং দিপ্লোইমেন্ত, অমদি ক্লাইমেত এদাপ্তেসন, রিসাইলেন্স অমসুং প্রিপিয়র্দনেসতা ঐখোয়গী থবক পাংথোক্লি৷ রেস্পোন্সিবল অমসুং রিসাইলেন্ত ক্লিন-ইনর্জী সপ্লাই চেনশিং শেমগৎনবা ঐখোয়না মতেং পাংলগনি অমদি দিজাস্তর রিসাইলেন্ত ইনফ্রাস্ত্রকচর অমসুং ক্লাইমেত ইনফোর্মেসন সিস্তেমশিংগী কোলিসন অদু মপাঙ্গল লৈহল্লগনি৷ মীকুপ অসিদা দরকার ওইরিবা ক্লাইমেত এম্বিসন অমদি ইন্নোবেসনগী লেবেল অদু য়েংশিল্লিবা সি.ও.পি.২৬ অমদি জি.২০গী আউতকমশিং মাই পাক্ননবগীদমক ক্বাদ লৈবাকশিংনা খুৎশম্নদুনা হোৎনরগনি৷
তেক্নোলোজী দিজাইন তৌবা, শেমগৎপা, গভর্ন তৌদুনা মরু ওইবা অমসুং নৌনা থোক্লক্লিবা তেক্নোলোজীশিংদা ঐখোয়না কোওপরেসন পীনখ্রে, ঐখোয়গী সেয়র ভেল্যুশিংনা শিজিন্নবগী মওং লেপখি অমদি য়ুনিভর্সেল হ্যুমেন রাইতশিংবু ইকাই খুম্নৈ৷ ইন্দস্ত্রীগা খুৎশম্নদুনা, ঐখোয়না সেক্যোর ওইবা, ওপন অমদি ত্রান্সপরেন্ত ৫জি অমসুং বিয়োন্দ-৫জি নেতৱর্কশিং দিপ্লোই তৌবদা খুমাং চাওশিল্লক্লি অমসুং ওপন-আর.এ.এন.গুম্বা এপ্রোচশিং অমদি থাজবা য়াবা ভেন্দরশিং য়োকখৎপদা অমসুং ইন্নোবেত তৌবদা পার্তনর কয়া অমগা থবক তৌমিন্নরি৷ ৫জি দাইবর্সিফিকেসনগীদমক অফবা এনবাইরোনমেন্ত অমা থম্বদা সরকারশিংগী থৌদাং অদু খঙহল্লদুনা, ওপন, স্তেন্দর্দ-বেজ তেক্নোলোজীগী স্কেলেবিলিতী অমদি সাইবর সেক্যুরিতী অদু ২০২২দা উৎনবা অমদি পব্লিক-প্রাইভেৎ কোওপরেসন পীনবদা লাইহন্নবা ঐখোয়না পুন্না হোৎনরগনি৷ তেক্নিকেল স্তেন্দর্দশিংগী চাওখৎ-থৌরাংগা মরী লৈননা, ওপন, ইনক্লুসিব, প্রাইভেৎ-সেক্তর-লেদ, মল্তি-স্তেকহোল্দর, অমদি কন্সেন্সস-বেজ এপ্রোচ অমা য়োকখৎনবা ঐখোয়না সেক্তর-স্পিসিফিক কন্তেক্ত গ্রুপশিং লিংখৎলগনি৷ ইন্তরনেস্নেল তেলিকম্ম্যুনিকেসন য়ুনিয়নগুম্বা মল্তিলেতরেল স্তেন্দর্দাইজেসন ওর্গনাইদেসনশিংদা ঐখোয়নসু মতেং পাংলগনি অমদি খুৎশম্নদুনা চৎলগনি৷ বাইওতেক্নোলোজীদগী হৌদুনা মরু ওইবা অমদি তুংগীদমক নৌনা থোক্লক্লিবা তেক্নোলোজীশিংদা লৈরিবা ত্রেন্দশিং অসি ঐখোয়না য়েংশিল্লি অমসুং কোওপরেসন পীননবগীদমক মরী লৈনবা খুদোংচাবশিং ঐখোয়না খন্দোক্লি৷ তেক্নোলোজী দিজাইন, দিবেলপমেন্ত, গভর্নেন্স, অমসুং শিজিন্নবগী মতাংদা ঙসি ক্বাদ প্রিন্সিপলশিং ঐখোয়না লোঞ্চ তৌরি, মসিনা লমদম অসি লমজিংবা খক্তা নত্তনা মালেম অসি হেন্না থৌদাং লৌজবা ঙম্বা, ওপন, হাই-স্তেন্দর্দ ইন্নোবেসনদা লমজিংলগনি হায়না ঐখোয়না অশা তৌরি৷
মখা চত্থরকপদা, হায়রিবা মরু ওইরিবা এরিয়াশিং অসিদা ঐখোয়না হেন্না কুপথনা কোওপরেসন পীবা খক্তা নত্তনা, ঐখোয়না মদুবু অনৌবা মখলশিংদা চাওথোকহল্লগনি৷ ঐখোয়গী রিজনেল ইনফ্রাস্ত্রকচর খুদিংমক তোখায়না নত্রগা পুন্না শেমগৎতুনা, ঐখোয়না অনৌবা ক্বাদ ইনফ্রাস্ত্রকচর পার্তনরশিপ অমা লোঞ্চ তৌরি৷ ক্বাদ অমা ওইনা, ঐখোয়না হোৎনরিবা অসিদা মতেং পাংননবা, লমদম অদুগী ইনফ্রাস্ত্রকচরগী তঙাই ফদবশিং অদু খঙদোক্নবা, অমদি লমদম অদুগী তঙাই ফদবশিং অমসুং খুদোংচাবশিং অদুদা কোওর্দিনেত তৌননবা ঐখোয়না চাং নাইনা উনরগনি৷ ঐখোয়না তেক্নিকেলগী মতেং ফংহন্নবা, ইভেল্যুতেদ তুলশিংগা লোইননা রিজনেল পার্তনরশিং শক্তি পীনবা ঐখোয়না মতেং পাংলগনি অমদি সস্তেনেবল ইনফ্রাস্ত্রকচর দিবেলপমেন্ত য়োকখৎলগনি৷ জি৭গী ইনফ্রাস্ত্রকচর ইফর্তশিং অসি ঐখোয়না সপোর্ত তৌই অমদি ই.য়ু. য়াওনা ৱাখল মান্নবা পার্তনরশিংগা মতেং পাংননবা ঐখোয়না চংশিল্লি৷ জি.২০ ক্বালিতী ইনফ্রাস্ত্রকচর ইনবেস্তমেন্ত প্রিন্সিপলশিং ঐখোয়না রিকনফর্ম তৌই অমদি ইন্দো-পেসিফিক লমদমদা স্তেন্দর্দ ৱাংবা ইনফ্রাস্ত্রকচর শেমগৎনবা ঐখোয়না ঐখোয়গী ইফর্তশিং রিইনর্জাইজ তৌরগনি৷ ব্লু দোত নেতৱর্ক্কা ঐখোয়গা মখাতনা এনগেজমেন্ত তৌনিংবগী অপাম্বা অদু ঐখোয়না অমুক্কা হন্না ফোংদোক্লি৷
ঙসিদি, ঐখোয়না সাইবর স্পেসতা অনৌবা কোওপরেসন পীবা হৌরি অমসুং সাইবর থ্রেতশিং অসি অমতা ওইনা খুৎশম্নদুনা থেংননবা, রিসাইলেন্স প্রমোত তৌনবা, অমসুং ঐখোয়গী মরু ওইবা ইনফ্রাস্ত্রকচর সেক্যোর ওইহন্নবা ৱাশক লৌরি৷ স্পেসতা, অনৌবা কোলাবোরেসনগী খুদোংচাবশিং ঐখোয়না খন্দোক্লগনি অমদি ক্লাইমেত চেঞ্জ য়েংশিনবা, দিজাস্তর রেস্পোন্স অমসুং সমুদ্র অমদি মেরিন রিসোর্সশিং নিংথিনা শিজিন্নবগুম্বা শান্তিগী হিরমশিংগীদমক ঐখোয়না সেতলাইত দাতা সেয়র তৌরগনি৷ আউতর স্পেস অসি নিংথিনা শিজিন্ননবগীদমক রুলশিং, নোর্মশিং, গাইদলাইনশিং অমদি প্রিন্সিপলশিং ঐখোয়না তানরগনি৷
ঐখোয়না ক্বাদ ফেল্লোশিপ হৌদোক্কদৌরিবনা মহৈ-মশিং অমদি মী অমগা অমগা মতেং পাংনবগী অনৌবা লৈমাই অমা হৌদোকপদা ঐখোয় চাওথোকচবা ফাওই৷ শুমিত ফ্যুচরশিংনা য়েংশিনখিবা, ফিলানথ্রোপিক ইনিসিয়েতিব অমা ওইবা, অমদি এসেঞ্চর, ব্লেকস্তোন, বোইং, গুগল, মাস্তরকার্দ, অমসুং ৱেস্তর্ন দিজিতেলদগী পুকচেল চাওনা সপোর্ত ফংখিবা অসিনা মসিগী পাইলোত ফেল্লোশিপ প্রোগ্রাম অসিনা ঐখোয়গী লৈবাক মরিদা লৈরিবা সাইন্স, তেক্নোলোজী, ইঞ্জিনিয়রিং অমদি অঙ্কগী গ্রেজুয়েত মহৈরোইশিংদা গ্রেজুয়েত ফেল্লোশিপ ১০০ ফংহল্লগনি৷ ক্বাদ ফেল্লোশিপ অসিগী মতেংদগী, ঐখোয়গী স্তেম তেলেন্তগী মথংদা লাক্কদৌরিবা জেনেরেসন অসিনা ঐখোয়গী সেয়র ফ্যুতরগী মমাই লেপকদৌরিবা ইন্নোবেসনশিং অসিদা ৱাখল মান্নবা পার্তনরশিং অমদি ক্বাদ অসি লমজিংনবা শেম-শাদুনা লৈরগনি৷
খা-এসিয়াদা, ঐখোয়না আফগানিস্তানরোমদা ঐখোয়গী দিপ্লোমেতিক, ইকোনোমিক অমদি হ্যুমেন-রাইতস পোলিসীশিং অসিদা চেৎনা মতেং পাংনরগনি অমদি য়ু.এন.এস.সি.আর. ২৫৯৩গা মরী লৈননা লাক্কদৌরিবা থাশিংদা ঐখোয়গী কাউন্তর-তেরোরিজম অমসুং হ্যুমেনিতরিয়ন কোওপরেসন হেন্না নিংথিংনা তৌরগনি৷ আফগান তেরিতোরী অসি লৈবাক অমা হেক্তদা এতেক্ত তৌবা নত্রগা অকিবা ফাওহনবদা নত্রগা তেরোরিস্তশিংদা লৈফম চাফম পীবদা নত্রগা ত্রেন তৌবদা, নত্রগা তেরোরিস্তকী থৌওংশিং প্লান তৌবদা নত্রগা শেল থাদবদা শিজিন্নরোইদবনি হায়না ঐখোয়না অমুক্কা হন্না হায়রি, অমদি আফগানিস্তানদা তেরোরিজম থেংনবা য়াম্না মরু ওই হায়না হ়ঞ্জিন হঞ্জিন ফোংদোক্লি৷ তেরোরিস্ত প্রোসিস শিজিন্নবা অসি লাল্লি হায়না ঐখোয়না ময়ামদা লাওথোক্লি অমদি ক্রোস-বোর্দর এতেক্তশিং য়াওনা অকি-তুজুংনিংঙাই ওইরবা এতেক্তশিং লোঞ্চ তৌবদা নত্রগা প্লান তৌবদা শিজিন্নবা য়াবা তোরোরিস্ত গ্রুপশিংদা লোজিস্তিকেল, ফাইনান্সিয়েল নত্রগা মিলিতরী সপোর্ত অমতা পীরোইদবনি হায়না ফোংদোকখি৷ আফগান মচাশিংদা সপোর্ত তৌদুনা ঐখোয়না অমতা ওইনা লেপ্লি অমদি আফগানিস্তানবু থাদোক্তুনা চৎপা পাম্বা মীওই অমতগী লম্বীদা অথিংবা পীদনা নিংথিংনা সেফ ওইনা চৎহন্নবা অমদি নুপী, অঙাংশিং অমসুং মাইনোরিতীশিং য়াওনা আফগান পুম্নমক্কী হ্যুমেন রাইতশিং অসি ইকাই খুম্ননবা তালিবানদা হায়জরি৷
ঐখোয়গী সেয়র ফ্যুচরশিং অসি ইন্দো-পেসিফিক্তা ইরগনি হায়বসি ঐখোয়নসু খঙই, অমদি ক্বাদ অসি রিজনেল পিচ, স্তেবিলিতী, সেক্যুরিতী অমদি চাওখৎহন্নবগীদমক ফোর্স অমা ওইনা শিজিন্ননবা ঐখোয়না হোৎনরিবশিং অসিগী শরুক অনি হেন্না ঐখোয়না হোৎনরগনি৷ ঐখোয়না মরু ওইনা য়ু.এন. কনবেন্সন ওন দি লো ওফ দি সি(য়ু.এন.সি.এল.ও.এস.)উরিবা অসিগুম্না ইন্তরনেস্নেল লো ইন্দুনা চেম্পিয়ন ওইনবা অমদি নোংপোক অমসুং খা থংবা চাইনাগী সমুদ্র য়াওনা মেরিতাইম রুল্স-বেজ ওর্দরদা থেংনরিবা চেলেঞ্জশিং অসি লান্থেংননবা মখাতানা হোৎনরগনি৷ অপিকপা ইথৎকী রাজ্যশিং মরু ওইনা পেসিফিক্তা লৈরিবশিংদা মখোয়গী ইকোনোমিক অমদি এনবাইরোনমেন্তেল রিসাইলেন্স লৈহন্নবা ঐখোয়না মতেং পাংগনি হায়না ময়ামদা ফোংদোক্লি৷ কোবিদ-১৯না হকশেল অমসুং শেল-থুমদা পীরিবা চৈথেং অসি থেংননবা অমদি ক্বালিতী সস্তেনেবল ইনফ্রাস্ত্রকচর শেমগৎনবা অমসুং পেসিফিক্কী লমদমদা কা-হেন্না শাথিরবা চেলেঞ্জশিং থেংনহল্লিবা ক্লাইমেত চেঞ্জকী ইম্পেক্তশিং অসি হন্থনবা অমদি চুশিন্ননবা পার্তনর অমা ওইনা চৎমিন্নদুনা ঐখোয়না মখাতানা মতেং পাংলগনি৷
য়ুনাইতেদ নেসন্স সেক্যুরিতী কাউন্সিল রিজোলুসনশিং অসিগা মরী লৈননা নোর্থ কোরিয়া মপুং ফানা দিন্যুক্লিরাইজেসন তৌননবা ঐখোয়না হোৎনরি হায়না অমুক্কা হন্না ফোংদোক্লি অমদি জপান মচাশিং ফাখিবগী ইসু অসিগী ৱারোইশিন অথুবা মতম পুরকপগী তঙাই ফদবা লৈ৷ নোর্থ কোরিয়ানা য়ু.এন. ওব্লিগেসনশিং অসি ঙাক্না চৎনবা ঐখোয়না তকশিল্লি৷ ঐখোয়না সবস্তেন্তিব ওইবা মওংদা ৱারি শাননবা নোর্থ কোরিয়াদসু হায়জরি৷ ইন্দো-পেসিফিক অমদি ৱাংমদা দেমোক্রেতিক রিসাইলেন্স শেমগৎনবা ঐখোয়না হোৎনরি৷ ফোরেন্নরশিং য়াওনা পোলিতিকেল দিতেনী পুম্নমক থাদোক্তুনা ম্যানমারগী ইরাং অসি লোইশিন্নবা, কন্সত্রক্তিব ওইবা মওংদা ৱারি শাননবা অমদি অথুবা মতমদা দেমোক্রেসী হঞ্জিনহন্নবা ঐখোয়না লেপ্প-লৈতনা হায়জরি৷ এ.এস.ই.এ.এন. ফাইব পোইন্ত কন্সেন্সস অসি অথুবা মতমদা চৎননবসু ঐখোয়না মখাতানা হায়জরি৷ য়ুনাইতেদ নেসন্স য়াওনা মল্তিলেতরেল ইন্সতিত্যুসনশিংদা ঐখোয়না হেন্না মতেং পাংলগনি৷ তোখায় তোখায়না নত্রগা পুনশিন্দুনা, লমদম অসি অদুমক লেংদনা ইনক্লুসিব, ওপন ওইনবা অমদি য়ুনিভর্সেল রুলশিং অমসুং নোর্মশিং ঙাক্না চৎহন্দুনা ঐখোয়গী মতমদা থেংনরিবা চেলেঞ্জশিং অসিদা ঐখোয়না রেস্পোন্স পীরগনি৷
মতেং পাংনবগী হৈনবীশিং অসি ঐখোয়না মখাতানা লৈহল্লগনি; ঐখোয়গী লুচিংবশিং অমদি ফোরেন্দ মন্ত্রীশিং অসি চহিগী ওইনা উনরগনি অমসুং ঐখোয়গী সেনিয়র ওফিসিয়েলশিংনা চাং নাইনা উনরগনি৷ অকনবা লমদম অমা শেমগৎপদা তঙাই ফদ্রিবা কোওপরেসন অসি ফংহন্নবা ঐখোয়গী ৱর্কিং গ্রাপশিংনা লেপ্তনা হোৎনরি৷
ঐখোয় পুম্নমকপু চাংয়েং তৌরিবা মতম অমদা, ইন্দো-পেসিফিকপু ফ্রী অমসুং ওপন ওইহন্নবা ঐখোয়না হোৎনরিবা অসি হোংহনবা ঙম্লোই, অমদি পার্তনরশিপ অসিগীদমক ঐখোয়না মংলিবা মংলান অসি এম্বিসিয়র্স ওইনা অমসুং য়াম্না মরু ওইনা অদুমক লৈহৌরগনি৷ ঐখোয়না লেংদনা মতেং পাংনদুনা, মসিগী মীকুপ অসি ফংনবগীদমক ঐখোয় পুন্না থবক তৌমিন্নরি৷
