১. ঙসি ফেদরেল চাঞ্চেলর ওলাফ স্কোলজ অমসুং প্রধান মন্ত্রী শ্রী নরেন্দ্র মোদীনা কো-চিয়র তৌদুনা ফেদরেল রিপব্লিক ওফ জর্মনী অমসুং রিপব্লিক ওফ ইন্দিয়াগী সরকারশিংগীনা তরুক শুবা ইন্তর-গভর্নমেন্তেল কনসলতেসন্স পাঙথোকখ্রে। লুচিংবা অসি অসিগী মথক্তা মন্ত্রীশিং অমসুং এনেক্সতা পল্লিবা লাইন-মিনিস্ত্রীশিংগী অতোপ্পা অৱাংবা থাক্কী মীহুৎশিং য়াওবা দেলিগেসন অনিসু শরুক য়াখি।
২. ভারতনা মাগী নীংতম্বা ফংখিবগী ৭৫শুবা চহি পালন তৌবা অসিদা জর্মনী অমসুং ভারতকী মরক্তা লৈরিবা মরী অসি অমনা অমদা থাজবা থমদুনা, লৈবাক অনিমক্কী মীয়ামশিং শেবা তৌবগী অপুনবা ৱাখল্লোনশিং অমসুং দেমোক্রেসী, আইনগী কাংলোন অমসুং মীওইবগী হকশিং, অমসুং মালেমগী শীংনবশিংদা পীরিবা মলতিলেতরেল রেস্পোন্সশিং অসিদা য়ুম্ফম ওইরগা চেৎনা লৈরি।
৩. সরকার অনিমক্না লৈবাক পুম্নমক্কী সোভরেন্তী অমসুং তেরিতোরিএল ইন্তিগ্রিতী ইকাই খুম্নবা য়াওনা য়ুনাইতেদ নেসন্স অমসুং য়ুনাইতেদ নেসন্সকী চার্তরদা য়াওরিবা ইন্তর্নেস্নেল ওগী ফন্দমেন্তেল প্রিন্সিপলশিংগা লোয়ননা ইফেক্তিব ওইবা রুল-বেজ ইন্তর্নেস্নেল ওর্দর থম্বগী মরু ওইবা অদু থমখি। মখোয়না হৌজিক অমসুং তুংগী শীংনবশিং লাকশিন্নবা মলতিলেতরেলিজম মপাঙ্গল কনখৎহন্নবা অমসুং রিফোর্ম তৌনবা, মালেম শিনবা থুংবদা শান্তি অমদি তংদু লৈতাবা পুরক্নবা, ইন্তর্নেস্নেল লো ফগৎহন্নবা, অমসুং লৈবাকশিংগী মরক্তা উংখৎনবা অসি শান্তি ওইবা মওংদা ৱারোইশিন পুরক্নবা অমসুং সোভরেন্তী অমদি তেরিতোরিএল ইন্তিগ্রিতী লৈহন্নবা ফন্দামেন্তেল প্রিন্সিপলশিং ঙাকশেন্নবা মখোয়গী সরকারশিংনা খোঙফম চেৎনা লেপ্নবা অমুক হন্না থাজবা ফোঙদোকখ্রে।
৪. লুচিংবা অনিনা কোবিদ-১৯ লাইচৎতগী ইকনোমিক রিকবরী তৌনবা মখোয়গী ফিরেপ অদু থমখি। মখোয়না মালেমগী তেম্পরেচরগী চাংচৎ অসি প্রি-ইন্দস্ত্রিএল লেবেলশিংগী মথক্তা ২°সি.গী মখাদা থম্নবা অমসুং তেম্পরেচর হেনগৎপগী লিমিৎ অসি প্রি-ইন্দস্ত্রিএল লেবেলশিংগী মথক্তা ১.৫°সি.গী মখাদা থম্নবা খোঙথাংশিং লৌখৎনবা অমসুং রিন্যুএবল ইনর্জীশিংগী মাইকৈদা ত্রাঞ্জিসন অমা তৌনবা পান্দম থমখি। মখোয়না ইকনোমিক ইকবরী অসিনা ২০৩০ এজেন্দা ফোর সস্তেনেবল দিবেলপমেন্ত অমসুং পরিস এগ্রীমেন্তগী মখাদা লৈবাক অনিগী ওইবা নেস্নেল কম্মিতমেন্তশিং অসিগী মখাদা হেন্না রেসিলিএন্ত ওইবা, এনভাইর্নমেন্তেলী সস্তেনেবল, ক্লাইমেৎ-ফ্রেন্দলী অমসুং ইনক্লুসিব ফ্যুচর অমা শেমগদবনি হায়না অকনবা ৱাফম থমখি।
সিয়র ভেল্যুশিং অমসুং রিজনেল অমদি মলতিলেতরেল ইন্তরেস্তকী পার্তনরশিপ অমা।
৫. য়ুনাইতেস নেসন্সবু মরু ওইনা লৌবগা লোয়ননা রুল্স-বেজ ইন্তর্নেসল ওর্দর ঙাক্না চৎতুনা ইন্তর্নেস্নেল লোবু ইকাই খুম্নবগা লোয়ননা জর্মনী অমসুং ভারতনা ইফেক্তিব অমসুং রিফোর্ম মলতিলেতরেলিজমগী মরু ওইবগী মতাংদা ফিরেপ চেৎনা লেপ্পি হায়না খঙহনখি। মখোয়না ক্লাইমেৎ চেঞ্জ, পোভর্তী, গ্লোবেল ফুদ সেক্যুরিতী অসিগুম্বা মালেমগী শীংনবশিং, লান্না পাউ পীবা, ইন্তর্নেস্নেল কনফ্লিক্ত অমদি ক্রাইসিসশিং অমসুং ইন্তর্নেস্নেল তেরোরিজম অসিগুম্বা দেমোক্রেসীদা অকাইবা পীবা অসিগী মায়োক্তা মলতিলেতরেল সিস্তেমদা অহোংবা পুরক্নবা ফিরেপ অমুক হন্না লৌখি। “গ্রুপ ওফ ফোর”গী মতম শাংনা ওইরক্লবা মেম্বর অমা ওইনা সরকার অনিনা য়ু,এন. সেক্যুরিতী কাউন্সিল অসিবু হীরম অসিগীদমক মতিক চাহন্নবা অমসুং কন্তেম্পোররী রিএলিতীশিং অসি খঙহন্নবা মথৌ তাবা রিফোর্ম আমা পুরক্নবগা মখোয়না হোৎনরিবশিং অদু হেনগৎনবা থাজবা পীখি। সরকার অনিমক্না মরী লৈনবা মীখলশিংদা অমনা অমগী তেংবাং পীননবা হায়নখি। জর্মনীনা ভারতনা ন্যুক্লিয়র সপ্লায়র্স গ্রুপতা থুনা চংলকোদা মতেং পাংনবা খোঙফম চেৎনা লেপ্পি হায়না ফোঙদোকখি।
৬. নাকল অনিমক্না এসিয়নগী সেন্ত্রেলিতী অসি শকখঙলদুনা ফ্রী, ওপন অমসুং ইনক্লুসিব ইন্দো-পেসিফিক ওইহন্নবা অকনবা ৱাফম থমখি। মখোয়না জর্মন ফেদরেল গভর্নমেন্তগী ইন্দো-পেসিফিক্কীদমক পোলিসী গাইদলাইনশিং, ভারতনা হৌদোকখিবা ইন্দো-পেসিফিক অমসুং ইন্দো-পেসিফিক ওসীন্স ইনিসিএতিব অসিদা ই.য়ু. স্ত্রেতেজী ফোর কোওপরেসন অদু শকখঙখি। নাকল অনিমক্না ইন্দিয়ন ওসীন অমসুং সাউথ চিনা সী য়াওনা মেরিতাইম দোমেন পুম্নমক্তা মমিং লৈরবা য়ুনাইতেদ নেসন্স কনভেন্সন ওন দি লো ওফ দি সী (য়ু.এন.সি.এল.ও.এস.), ইন্তর্নেস্নেল লো অসিগী মতুং ইন্না অপনবা লৈরবা কম্মর্স অমসুং নেভিগেসনগী মনীং তম্বা পীবগী মরু ওইবা অদু থমখি।ইন্দি-পেসিফিক রিজন্দা জর্মনীনা শরুক য়াবা হেনগৎলক্লিবা অসি মরু ওইবা মাইপাকপা অমনি হায়রদুনা নাকল অনিমক্না জনুৱারী ২০২২দা মুম্বাইদা জর্মন নেভী ফ্রিগেৎ ‘বেয়র্ন’গী পোর্ত কোল অদু তরাম্না ওকখি। জর্মনীনা মথংগী চহিদা জর্মন পোর্ততা ইন্দিয়ন নেভেল শিপবু মরু ওইবগী মরীগী খোঙচৎ অমা লাকপা তরাম্না ওক্নবা হায়খি।
৭. ভারত অমসুং জর্মনীনা মরু ওইনা মে ২০২১দা পোর্তোদা পাঙথোকখিবা ইন্দিয়া-ই.য়ু. লীদর্স মীতিংগী মতুংদা ভারত অমসুং ই.য়ু.গী মরক্তা স্ত্রেতেজিক কোওপরেসন পীনবা হেনগৎলকপা অসিবু তরাম্না ওকখি অমসুং মসিবু মখা তানা মপাঙ্গল কনখৎহন্নবা য়ানখি।মখোয়না ইন্দিয়া-ই.য়ু, কন্নেক্তিবিতী পার্তনরশিপ অসি ইমপ্লিমেন্ত তৌনবা থাজবা থম্লি। নাকল অনিমক্না ইন্দিয়া-ই.য়ু. অমসুং তেক্নোলোজী কাউন্সিল লোঞ্চ তৌবদা অপেনবা ফোঙদোকখি. হায়রিবা অসিনা ত্রেদকী হীরমশিং, তেক্নোলোজী অমসুং সেক্যূরিতীদা লৈরিবা শীংনবশিং অসি কোকহন্নবা খুৎশম্নদুনা থবক তৌবদা মতেং পাংলগনি।
৮. নাকল অনিমক্না বে ওফ বেঙ্গল ইনিসিএতিব ফোর মলতি-সেক্তোরেল তেক্নিকেল এন্দ ইকনোমিক কোওপরেসন (বিমস্তেক) অসিগুম্বা রিজনেল ওর্গনাইজেসন লোয়ননা জি২০গুম্বা মলতিলেতরেল ফোরাদা কোওপরেসন পীননবা অকনবা ৱাফম থমখি। হীরম অসিদা ভারত অমসুং জর্মনীনা মরু ওইবা ২০২৩গী ইন্দিয়াগী জি২০ প্রসিদেন্সী অসিগী মনুংদা খুৎশম্ননা চৎতুনা কোওপরেসন পীননবা থাজবা থমখি। জর্মনীনা ভারতকী জি২০ প্রাইওরিতীশিংগী প্রজেন্তেসন অদুবু তরাম্না ওকখি অমসুং কম্মন গ্লোবেল চেলেঞ্জ অসি কোকহন্নবা মপাঙ্গল কনবা জি২০ এক্সনদা পুন্না থবক তৌমিন্নবদা য়ানখি।
৯.. নাকল অনিমক্না জি৭ অমসুং ভারতনা হৌজিক চত্থরিবা জর্মন জি৭ পার্তনরশিপ অসিদা ইনর্জী ত্রাঞ্জিসন য়াওনা ক্লোস কোওপরেসন পীনবা অসি শকখঙখি। মখোয়না জর্মনী জি৭ প্রসিদেন্সীগী মখাদা অমসুং অতোপ্পা সরকারশিংগী দাইলোগ তৌদুনা ক্লাইমেৎ-কম্পেতিবেল ইনর্জূ পোলিসীশিং, রিন্যুএবল খোঙজেল য়াংনা চাউখৎহনবা অমসুং সস্তেনেবল ইনর্জী এক্সেস তীবা য়াইনা খুদোংচাবশিং ফংহন্নবা অমসুং শীংনবশিং কোকহন্নবা ইনর্জী ত্রাঞ্জিসন পাথৱেশিংদা পুন্না থবক তৌনবা য়ানখি। মসিনা ক্লাইমেৎ চেঞ্জ, মরু ওইনা ইনর্জী সেক্তরদা মিতিগেসন-ওরিয়েন্তেদ এদাপ্তেসনশিং য়াওহনবসু য়াগনি।
১০. জর্মনীনা রসিয়ন ফোর্সনা য়ুক্রেনগী মথক্তা চত্থরিবা আইন কাইবা অমসুং হিংসা অসি অকনবা মওংদা য়ানীংদে হায়না নৌহৌনা ফোঙদোকখি।
জর্মনী অমসুং ভারতনা য়ুক্রেন্দা হৌজিক থোক্লিবা হ্যুমেনিতরিয়ন ক্রাইসিস অসিগী মতাংদা নুংনাংবা ফোঙদোকখি। মখোয়না য়ুক্রেন্দা মীচম প্রজা কয়া লৈহনখিদবগী থৌদোক অসিবু য়ানিংদবা ফোঙদোকখি। মখোয়না লান অসি খুদক্তা লেপ্পা মথৌ তাই হায়না অমুক হন্না ফোঙদোকখি। মখোয়না কন্তেম্পোররী গ্লোবেল ওর্দরঅসি য়ু.এন. চার্তর, ইন্তর্নেস্নেল লো অমসুং লৈবাকশিংগী সোভরেন্তী অমসুং তেরিরোরিএল ইন্তিগ্রিতী ঙাক্তুনা শেমখি। মখোয়না য়ুক্রেনগী লান অমসুং মাগী ঙমখৈগী রিজনেল অমসুং গ্লোবেল ওমপ্লিকেসনশিং অসি দিস্তেবিলাইজ তৌনবগী মতাংদা খন্নখি।
১১. অফঘানিস্তানগী মতাংদা নাকল অনিমক্না হ্যুমেনিতরিয়নগী ওইরিবা ফীভম, তেরোরিস্ত এতেক্তশিং চত্থবা য়াওনা হিংশা হেনগৎলকপা, হ্যুমেন রাইৎশিং অমসুং ফন্দমেন্তেল ফ্রীদমশিংগী সিস্তেমেতিক ভাইওলেসনশিং, অমসুং নুপীমচা অমদি নুপীশিংবু এজুকেসন ফংহনদবা অসিগুম্বা মতৌশিং অসিদা নুংনাংবা ফোঙদোকখি। মখোয়না শান্তি লৈবা, তংদু লৈতাবা অফঘানিস্তান অমা ওইহন্নবগীদমক চাউনা মতেং পীগনি হায়না অমুক হন্না ফোঙদোকখি অমসুং অফঘানিস্তানগী মীয়ামদা হ্যুমেনিতরিয়ন এসিস্তেন্স মখা তানা পীগনি হায়না থাজবা পীখি।
১২. নাকল অনিমক্না অতোপ্পা কয়াগী মনুংদা য়ু.এন.এস.সি. রিজোল্যুসন ২৫৯৩ (২০২১)গী মরু ওইবা অসি থম্লদুনা অফঘানগী লমদম অসিবু তেরোরিস্তকী চংজফম ওইহনবা, ত্রেনিং পীবা অমসুং তেরোরিস্তকী ওইবা থৌওং চত্থনবা পোরম য়াৎনবা মফম ওইহনবা নত্ত্রগা শেলগী তেংবাং পীবা অসি তোক্নবা অমত্তা ওইনা দিমান্দ তৌখি। মখোয়না অফঘানিস্তানগী ফীভম অসি কুপ্না তান্নবা য়ান্নখি।
১৩. লুচিংবা অনিনা তেরোরিস্ত প্রোক্সিশিং অমসুং ক্রোস-বোর্দর তেরোরিজম য়াওনা মখল পুম্নমক্কী তেরোরিজম অসিবু অকনবা মওংদা য়ানিংদবা ফোঙদোকখি। মখোয়না লৈবাক পুম্নমক্না তেরোরিস্তকী চংজফম ওইরিবা মফম অমসিং ইনফ্রাস্ত্রকচর মরু ফংনবা মুত্থৎনবা, ইন্তর্নেস্নেল হ্যুমেনিতরিয়ন লো য়াওনা ইন্তর্নেস্নেল লোগী মতুং ইন্না তেরোরিস্ত নেৎৱার্কশিংদা অপনবা পীনবা অমসুং শেলগী তেংবাং পীদনবা হায়খি। মখোয়না য়ুনাইতেদ নেস্নস সেক্যুরিতী কাউন্সিল (য়ু.এন.এস.সি.) ১২৬৭ সেক্সন্স কম্মিতিনা প্রোস্ক্রাইব তৌবা লুপশিং য়াওনা তেরোরিস্ত লুপ পুম্নমক্কী মায়োক্তা অমত্তা ওইনা লেপ্নবা হায়খি। নাকল অনিমক্না তেরর গ্রুপশিং অমসুং ইন্দিবিজুএলশিংগী মায়োক্তা সেক্সন তৌবা অমসুং দেজিগ্নেসনশিং তৌবা, রেদিকেলিজম থেংনবা, অমসুং তেরোসিস্তনা ইন্তর্নেসৎ শীজিন্নবা অমসুং তেরোরিস্তকী ক্রোস-বোর্দর মুফমেন্তগী মতাংদা ই-পাউ পীথোক-পীশিং তৌনবদা য়ান্নখি।
১৪. লুচিংবা অনিনা এন্তি-মনী লোন্দরিংদা ইন্তর্নেস্নেল স্তেন্দর্দশিং ঙাকপা অমসুং এফ.এ.তি.এফ. য়াওনা লৈবাক পুম্নমক্না তেরোরিজমদা ফাইনান্সিং তৌবা থিংবা অসি মরু ওই, মসিনা গ্লোবেল কোওপরেসনগী ফ্রেমৱার্ক মপাঙ্গল কনখৎহনগনি অমসুং তেরোরিজমগী মায়োক্তা চংশিনবা লান অসি মপাঙ্গল কনখৎহনগনি হায়না ফোঙদোকখি।
১৫. সরকার অনিমক্না জোইন্ত কম্প্রিহেন্সিন প্লান ওফ এক্সনগী নেগোসিএসনশিংগী ৱারোইশিন, রিস্তোরেসন অমসুং মপুং ফানা ইমপ্লিমেন্ত তৌনবদা তেংবাং পীননবা ফোঙদোকখি। জর্মনী অমসুং ভারতনা হীরম অসিদা আই.এ.ই.এ.দা মখোয়না লৌরিবা মরু ওইবা থৌদাং অদুসু থাগৎনখি।
১৬. সেক্যুরিতী কোওপরেসন মপাঙ্গল কনখৎহন্নবা নাকল অনিক ক্লাসিফাইদ ইনফোর্মেসন একচেঞ্জ তৌবদা এগ্রীমেন্ত অমদা নেগোসিএসন তৌবা হৌনবা নাকল অনিমক্না য়ান্নখি। নাকল অনিমক্না বাইলেতরেল সেক্যুরিতী অমসুং দিফেন্স কোওপরেসন অসি গ্লোবেল সেক্যুরিতীগী শীংনবশিং কোকহন্নবা পুন্না স্ত্রেতেজিক পার্তনরশিং ওইবা মথৌ তাই হায়খি। মখা আনা নাকল অনিমক্না ই.য়ু.গী মখাদা অমসুং অতোপ্পা পার্তনরশিংগা লোয়ননা রিসর্চ, কো-দিবেলপমেন্ত অমসুং কো-প্রদক্সন এক্তিবিতীশিং বাইলেতরেল ওইনা ফগৎহন্নবা থবক পাইখৎনবা হায়নখি। হীরম অসিদা নাকল অনিমক্না চাং নাইনা বাইলেতরেল সাইবর কন্সলতেসনশিং অমসুং দিফেন্স তেক্নোলোজী সব-ফগ্রুপ (দি.তি.এস.জি)গী মীফম পাঙথোক্নবা য়ান্নখি। সরকার অনিনা দিফেন্স গুদস য়াওনা লৈবাক অনিগী মরক্তা হায়-তেক্নোলোজী ত্রেদ হেনগৎহন্নবা তেংবাং পীনগনি হায়না ফোঙদোকখি।
গ্রীন অমসুং সস্তেনেবল দিবেলপমেন্তগী পার্তনরশিপ অমা
১৭. সরকার অনিক্না গ্রহ অসি ঙাকশেন্নবা অমসুং শিয়র, সস্তেনেবল অমসুং ইনক্লুসিব গ্রোথকীদমক মখোয়গী অপুনবা থৌদাং অদু শকখঙখি। লুচিংবা অনিনা ইন্দো-জর্মন কোওপরেসন ওন সস্তেনেবল দিবেলপমেন্ত এন্দ ক্লাইমেৎ এক্সন অসি পেরিস এগ্রীমেন্ত অমসুং মালেমগী তেম্পরেচরগী চাংচৎ অসি প্রি-ইন্দস্ত্রিএল লেবেলশিংগী মথক্তা ২°সি.গী মখাদা থম্নবা অমসুং তেম্পরেচর হেনগৎপগী লিমিৎ অসি প্রি-ইন্দস্ত্রিএল লেবেলশিংগী মথক্তা ১.৫°সি.গী মখাদা থম্নবা খোঙথাংশিং য়াওনা এস.দি.জি.শিংগী মখাদা ভারত অমসুং জর্মনীগী থাজনবা অসিনা লমজিংলি হায়না ফোঙদোকখি। মখোনা থাজনবা অসি ইমপ্লিমেন্ত খোঙজেল য়াংনা তৌনবা অমসুং হীরম অসিদা ইন্দো-জর্মন পার্তনরশিপ ফোর গ্রী এন্দ সস্তেনেবল দিবেলপমেন্ত পাইখৎনবা জোইন্ত দেক্লেরেসন অসিবু তরাম্না ওকখি। পার্তনরশিপ অসিনা বাইলেতরেল, ত্রাইএঙ্গুলর অমসুং মলতিলেতরেল কোওপরেসন হেনগৎহন্নবা অমসুং মসিবু প্রিস এগ্রীমেন্ত অমসুং এস.দি.জি.শিং ইমপ্লিমেন্ত তৌনবা নাকল অনিগী ফিরেপশিং অসি মপাঙ্গল কনখৎহনবগা মরী লৈনহন্নবা পান্দম থমখি। এস.দি.জি.শিং থুংহন্নবগী মতম অসি য়েংলগা অমসুং ভারত অমসুং জর্মনীনা গ্লাসগোগী সি.ও.পি.২৬তা লাউথোকখিবা ক্লাইমেৎ তার্গেৎ খতা অদু ২০৩০দা ওইথোকহন্নবা মখোয়না অমনা অমদগী তমশিন্দুনা অমসুং মখোয়গী মশাগী পান্দমশিং থুহন্নবা পুন্না হোৎনসি হায়না ফোঙদোকখি। জর্মনীনা পার্তনরশিপ অসিগী মখাদা ২০৩০ ফাওবদা অনৌবা অমসুং অহেনবা ফিরেপকা লোয়ননা য়ামদ্রবদা য়ুরো নিলিয়ন ১০গী লোং-তর্ম গোল অমগা লোয়ননা ভারত্তা শেল অমসুং তেক্নিকেল কোওপরেসন অমসুং অতোপ্পা তেংবাং পীবা অসি মপাঙ্গল কনখৎহনবা পাম্লি। মসিনা ক্লাইমেৎ এক্সন অমসুং সস্তেনেবল দিবেলপমেন্ত স্পেসতা মখোয়গী অচৌবা পান্দমশিং অসি থুহনবা য়াওনা জর্মন-ইন্দিয় রিসর্চ এন্দ দিবেলপমেন্ত প্রমোৎ তৌবা, প্রাইবেৎ ইনভেস্তমেন্ত হেনগৎহনবদা তেংবাং পীনগনি অমসুং ফন্দিং মখা তানা হেনগৎহন্নবা পান্দম থমখি। ভারত অমসুং জর্মনীনা হান্নগী অমসুং তুংগী ফিরেপশিং নীংথিন ইমপ্লিমেন্ত তৌবগী মরু ওইবা অদুসু থমখি।
১৮. নাকল অনিমক্না পার্তনর্শিপ অসিদআ হায়-লেবল পোলিতিকেল দিরেক্সন পীগদবা ফ্রেমৱার্ক ওফ ইন্তরগভর্নমেন্তেল কন্সলতেসনশিং (আই.জি.সি/)গী মনুংদা বাইএনিএল মিনিস্ত্রিএল মেকানিজম অমা শেম্বদা য়ান্নখি। ক্লাইমেৎ এক্সন, সস্তেনেবল দিবেলপমেন্ত, ইনর্জী ত্রাঞ্জিসন, দিবেলপমেন্ত কোওপরেসন অমসুং ত্রাইএঙ্গুলর কোওপরেসনগী লমশিংদা হৌজিক লৈরিবা বাইলেতরেল ফোর্মেৎ অমসুং ইনিসিএতিব পুম্নমক্না পার্তনরশিপ অসিদা তেংবাংগনি অমসুং মিনিস্ত্রিএল মেকানিজমগী প্রোগ্রেস রিপোর্ত তৌগনি।
১৯. নাকল অনিমক্না ইনর্জী ত্রাঞ্জিসন, রিন্যুএবল ইনর্জী, সস্তেনেবল অর্বান দিবেলপমেন্ত, গ্রীন মোবিলিতী, সর্ক্যুলর ইকনোমী, ক্লাইমেৎ এক্সনগী মরু ওইবা লমশিং অসিদা তৌবা য়াবশিং মশিং খঙদোক্নবা থবক পাইখৎকনি অমদি মিতিগেসন, ক্লাইমেৎ রেসিলিয়েন্স অমসুং এদাপ্তেসন, গ্রো-ইকোলোজিকেল ত্রান্সফোর্মেসন, বাইওদাইভর্সিতী য়োকখৎপা অমসুং সস্তেনেবল ওইবা মওংদা শীজিন্নবা, অকোইবগী ফীভম ঙাকশেনবা অমসুং নেচরেল রিসোর্সশিং সস্তেনেবল ওইনা শিজিন্নবা অমসুং চাং নাইনা পার্তনরশিপ অসিগী পান্দমশিং য়েংশিনবগী থবক পাইখৎকনি।
২০. ইন্দো-জর্মন পার্তনরশিপ ফোর গ্রীন এন্দ সস্তেনেবল দিবেলপমেন্তগী দিলিভরেবলশিং ওইনা নাকল অনিমক্না পীরিবশিং অসি য়ান্নখি:
i. ইন্দো-জর্মন ইনর্জী ফোরম (আই.জি.ই.এফ.)না তেংবাং পীবা ইন্দো-গ্রীন-জর্মন গ্রীন হাইদ্রোজেন তাস্ক ফোর্সশিংগী ইনপুৎশিংদা য়ুম্ফম ওইবা ইন্দো-জর্মন গ্রীন হাইদ্রোজেন রোদমেপ অমা শেম্বা।
ii. অফবা ইনর্জী ত্রাঞ্জিসন অমা পুরকপা ঙম্নবা ইলেক্ত্রিসিতী গ্রীদশিং, স্তোরেজ অমসুং মার্কেৎ দিজাইনগা মরী লৈনবা শীংনবশিং য়াওনা ইনোবেতিব সিলোর ইনর্জী অমসুং অতোপ্পা রিন্যুএবলশিংদা মীৎয়েং থম্বা ইন্দো-জর্মন রিন্যুএবল ইনর্জী পার্তনরশিপ অমা শেমগৎপা। পার্তনরশিপ অসিনা সোলর তেক্নোলোজীশিংগী সর্ক্যুলর ইনকোমী অমা শেম্নবা তেংবাং পীগনি। জর্মনীননা হায় ক্বালিতী প্রোজেক্ত প্রিপরেসন অমসুং ফন্দশিং লৈবা লৈতবগী মখা পোন্না ২০২০দগী ২০২৫ ফাওবা য়ুরো বিলিয়ন ১ ফাওবগী কন্সেসেনেল লোনশিং য়াওনা ফাইনান্সিএল অমসুং তেক্নিকেল কোওপরেসন পীনবা পান্দম থম্লি।
iii. ইনকম, ফুদ সেক্যুরিতীদা ভারত্তা লৈরিবা খুঙ্গংগী মীয়াম অমসুং স্মোল-স্কেল ফার্মরশিংদা কান্নবা পীনবা, ক্লাইমেৎ রিজিলিয়েন্স, লৈবাক লৈহাও ফগৎহনবা, বাইদাইভর্সিতী, ফোরেস্ত রেস্তোরেসন অমসুং ঈশিং ফংহনবা অমসুং ভারতকী এক্সপরিয়েন্স অসি গ্লোবেল ওইনা প্রোমোৎ তৌনবা “এগ্রোইকোলোজী এন্দ সস্তেনেবল মেনেজমেন্ত ওফ নেচরেক রিসোর্সেস”দা লাইৎহাউজ কোওপরেসন অমা থম্বা। জর্মনীনা হায় ক্বালিতী প্রোজেক্ত প্রিপরেসন অমসুং ফন্দশিং লৈবা লৈতবগী মখা পোন্না ২০২৫ ফাওবা য়ুরো মিলিয়ন ৩০০ ফাওবগী কন্সেসেনেল লোনশিং য়াওনা ফাইনান্সিএল অমসুং তেক্নিকেল কোওপরেসন পীনবা পান্দম থম্লি।
iv. মখা তানা গ্রীন ইনর্জী কোরিদোরশিং খুদম ওইনা লেহ-হরিয়ানা ত্রান্সমিসন লাইন অমসুং কার্বোন ন্যুত্রেল লদাখকী প্রোজেক্তকী কোলাবোরেসন অসি য়েংশিনখি।
v. হেল্দী ইকোসিস্তেমশিংগী লমদা অমসুং মখোয়দা অমাংবা, ফ্রেগমেন্তেসন অমসুং দিগ্রেদেসন থোকহনদনবা ইন্তেন্সিফাইদ ওইবা পোলিতিকেল পার্তনরশিপ অমসুং দাইলোগ অমসুং এক্সন হেনগৎহন্নবগী ফ্রেমৱার্ক অমা ওইনা য়ু.এন. দিকেদ ওন ইকোসিস্তেম রেস্তোরেসন ২০২১-২০৩০ অসি শকখঙলদুনা পোভর্তী লান্থেংননবা, বাইওদাইভর্সিতী ঙাকশেন্নবা অমসুং শেমগৎনবা অমসুং ক্লাইমেৎ চেঞ্জ হন্থহন্নবা মরু ওইবা খোঙথাং অমা ওইবা বোন চেলেঞ্জকী মখাদা ফোরেস্ত লেন্দস্কেপ রিস্তোর তৌনবা কোওপরেসন চেৎশিনহনবা।
vi. এয়র পোলুসন হন্থহন্নবা লম য়াওনা গ্রীন তেক্নোলোজীশিং মাইপাক্না অমসুং সস্তনেবল ওইনা শীজিন্নবগী চুনবা কন্দিসনশিং শেম্বদা কোওপরেসন হেনগৎহনবা।
vii. থর্দ কন্ত্রীশিংদা এস.দি.জি.শিংগী পান্দম অমসুং ক্লাইমেৎ তার্গেৎশিংদা তেংবাং পীনবা দিবেলপমেন্ত কোওপরেসন অমসুং সস্তেনেবল, ভাইএবল অমসুং ইনক্লুসিব প্রোজেক্তশিং পীবগী ইন্দিবিজুএল স্ত্রেন্থ অমসুং এক্সপরিয়েন্সশিংদা য়ুম্ফম ওইবা ত্রাইএঙ্গুলর কোওপরেসন অমদা পুন্না থবক তৌবা।
২১. ইন্দো-জর্মন পার্তনরশিপ ফোর গ্রীন এন্দ সস্তেনেবল দিবেলপমেন্তগী হীরমদা নাকল অনিমক্না হৌজিক লৈরিবা ইনিসিএতিবশিংদা লাক্লিবা প্রোগ্রেস অসিবু তরাম্না ওকখি, মসিদা য়াওরিবা অদুদি:
i. ২০০৬তা ইন্দো-জর্মন ইনর্জী ফোরম অমসুং পার্তনরশিপকী মখাদা ফ্লেগশিপ কোওপরেসন প্রোগ্রামশিং লোঞ্চ তৌখি। মখোয়না মাগী স্ত্রেতেজিক দাইমেন্সন অমসুং প্রাইবেৎ সেক্তরদা শরুক য়াবা হেনগৎহন্নবা য়ান্নখি।
ii. দিল্লীদা ফেব্রুৱারী ২০১৯দা মাগী অরোইবা মীফমদা ইন্দো-জর্মন এনভাইর্নমেন্ত ফোরম (আই.জি.ই.এন.ভি.এফ.) মনুংদা কোওপরেসন পীনবা। মখোয়না লৈবাক অনিগী ফেদরেল স্ত্রকচর অসি য়েংলবা প্রোভিন্সিএল অমসুং ম্যুনিসিপাল ওথোরিতীশিংদা শরুক য়ান্নবা হোৎনরি।
iii. সি.বি.দি. সি.ও.পি.১৫গী পান্দমশিংগা লোয়ননা অচৌবা পোস্ত-২০২০ গ্লোবেল বাইওদাইভর্সিতী ফ্রেমৱার্ক অমা পাইখৎনবা মখোয়না তেংবাং পীনবা নাকল অনিমক্তগী ফোঙদোক্তুনা ফেব্রুৱারাই ২০২১দা ভর্চুএল ওইনা বাইওদাইভর্সিতীদা জোইন্ত ৱার্কিং গ্রুপকী মীফমশিং পাঙথোকখি অমসুং তেঞ্জিবল কোওপরেসন থম্নবগী মাইকৈদা থবক পাইখৎনবা মখোয়গী অপম্বা ফোঙদোকখি।
iv. জোইন্ত ৱার্কিং গ্রুপ ওন ৱেস্ত এন্দ সর্ক্যুলর ইকোনোমী অসিনা মরু ওইনা লৈবাক অনিগী মরক্তা কোওপরেসন পীনবা অমসুং এক্সপরিয়েন্সশিং একচেঞ্জ তৌবা হেনগৎহন্নবা অফবা খুদোংচাবশিং পীরি। মখোয়না মোৎশিনবা তৌদনবা, মরু ওইনা এস.দি.জি.গী তার্গেৎ ১৪.১দা হাপখিবগী মতুং ইন্না মেরিন এনভাইর্নমেন্তদা প্লাস্তিক চংহনদনবা অচৌবা পান্দম অমসুং পোলিসীশিং ইফেক্তিব অমসুং ইফিসিএন্ত ওইনা ইমপ্লিমেন্ত তৌবা তেংবাং পীনবা অমসুং এস.দি.জি. তার্গেৎ ৮.২ (তেক্নোলোজী অপগ্রেদ তৌবা অমসুং ইনোবেসন), ১১.৬ (ম্যুনিসিপাল অমসুং অতোপ্পা ৱেস্ত মেনেজমেন্ত) অমসুং ১২.৫ (রিসাইকল্লিং অমসুং ৱেস্ত হন্থহনবা) অসি ইমপ্লিমেন্ত তৌবদা মীৎয়েং চংনবা ইন্দো-জর্মন এনভাইর্নমেন্ত কোওপরেসন মখা চত্থনবা অমসুং মপাঙ্গল কনখৎহনবা য়ান্নখি। ভারত অমসুং জর্মনীনা প্লাস্তিক পোলুসন্দা গ্লোবেল লেগেল্লী বাইন্দিং এগ্রীমেন্ত অমা থম্নবগী মাইকৈদা য়ু,এন.ই.এ.দা খুৎশম্ননা হোৎনবদা য়ান্নখি।
v. ২০১৯দা লোঞ্চ তৌখিবা গ্রীন অর্বান মোবিলিতীগী ইন্দো-জর্মন পার্নরশিপ অমসুং সবস্তেন্তিব দিবেলপমেন্ত কোওপরেসন পোর্তফোলিও অসি দিবেলপ তৌখি। মেত্রোশিং. লাইৎ মেত্রোশিং. ফ্যুএল ইফিসিএন্ত লো-ইমিসন অমসুং ইলেক্ত্রিক বস সিস্তেমশিং, নন-মোতোরাইজ ত্রান্সপোর্ত অসিগুম্বা ত্রান্সপোর্তকী সস্তেনেবল মোদশিং অসি ইন্তিগ্রেসন তৌবদা তেংবাংনবা অমসুং ২০৩১ ফাওবা পার্তনরশিপ অসিদা অপুনবা থবক্কীদমক অচেৎপা পান্দমসিংদা থবক তৌনবা ৱাখল্লোন অমগা লোয়ননা পুম্নমক্কীদমক সস্তেনেবল মোবিলিতীগীদমক ঙন্না ইন্তিগ্রেতেদ প্লান্নিং তৌনবা খোঙথাংশিং অমসুং কোল্লাবোরেসনগী খোঙজেল য়াংখৎহনখি।
vi. সহরগী থাক্ক্তা এস.দি.জি. লোকেলাইজেসন তৌবদা পাঙ্গল খনখৎহন্নবা অমসুং দেতা-দ্রিবন দিসিজন লৌবদা লোয়ননা রাজ্য অমসুং জিলাগী থাক্তা এস.দি.জি. ইমপ্লিমেন্তেসন তৌনবা পোরম য়াৎপদা মতেং পাংনবগীদমক অহানবা লৈবাক অসিগী অহানবা এস.দি.জি. অর্বান ইন্সেক্স এন্দ দেশবোর্দ (২০২১-২২) দিবেলপ তৌবদা নিতি আয়োগ অমসুং বি.এম.জেৎ.কী মরক্তা কোল্লাবোরেসন তৌখি।
২২. নাকল অনিমক্না ইন্তর্নেস্নেল স্মার্ত সিতিজ নেৎৱার্ক মনুংদা অর্বান দিবেলপমেন্তদা মখোয়গী মাইপাক্না কোওপরেসন পীনবা অসি মখা চত্থনবগা মখোয়গী অপাম্বা অদু অমুক হন্না ফোঙদোকখি। স্মার্ত সিতিজকী হীরম অসিদা মলতিলেতরেল এক্সপরিয়েন্স সিয়র তৌনবা অমসুং তমশিনবা অসি প্রমোৎ তৌনবগীদমক মখোয়না ২০২২দা ম্যুচুএল স্মার্ত সিতী ওনলাইন-সিম্পোজিয়ম তৌনবা য়ান্নখি।
২৩. নাকল অনিমক্না পেরিজ এগ্রীমেন্ত অমসুং এজেন্দা ২০৩০দা থমখিবা পান্দমশিং অদু ফংনবা সস্তেনেবল অমসুং রিজিলিএন্ত সিতীশিংগী মরু ওইবা থৌদাং অদু খঙলদুনা সস্তেনবেল অর্বান দিবেলপমেন্তদা জোইন্ত ইন্দো-জর্মন ৱার্কিং গ্রুপকী চাং নাইনা মীফমশিং পাঙথোকপা অসি মখা চত্থবদা য়ান্নখি।
২৪. নাকল অনিমক্না মার্চ ২০২১দা অরোইবা মীফম পাঙথোকখিবা জোইন্ত ৱার্কিং গ্রুপ ওন এগ্রিকলচর, ফুদ ইন্দস্ত্রী এন্দ কঞ্জুমর প্রোতেক্সননা লৌরিবা কান্নবা থৌদাং অদু নৌহৌনা ফোঙদোকখি। মখোয়না ফংলিবা ফলশিং অসিগী মতাংদা অপেনবা ফোঙদোকখি অমসুং সস্তেনবেল এগ্রিকলচরেল প্রদক্সন, ফুদ সেফতী, এগ্রিকলচরেল ত্রেনিং অমসুং স্কিলিং, পোস্ত-হর্বেস্ত মেনেজমেন্ত অমসুং এগ্রিকলচরেল লোজিস্তিক্সকী লমশিং অসিদা হৌজিক লৈরিবা এম.ও.য়ু.শিং অসিদা য়ুম্ফম ওইবা কোওপরেসন মখা চত্থবগী অপাম্বা ফোঙদোক্নখি।
২৫. সরকার অনিমক্না সস্তেনেবল এগ্রিকলচরেল প্রদক্সনগীদমক ফন্দমেন্তেল বেসিস অমা ওইরিবা ক্বালিতী লৈবা মরুশিং লৌমিশিংদা ফংহনবা হেনগৎহন্নবগীদমক ভারতকী সীদ সেক্তরদা মাইপাক্না ফ্লেগশিপ প্রোজেক্তপু অতোইবা স্তেজ য়ৌরকপপু থাগৎপা ফোঙদোকখ্রে। মখোয়না ভারতকী এগ্রিকলচরেল মার্কেৎ দিবেলপমেন্ত মপাঙ্গল কনখৎহন্নবা অমসুং মোদর্নাইজ তৌনবা হৌজিক চত্থরিবা রিফোর্ম অসিগী মতেং পীনবা পান্দম থম্লিবা ২০২১গী ওগস্ততা হৌখিবা অনিশুবা বাইলেতরেল কোওপরেসন প্রোজেক্তকী মতাংদসু পনখি।
২৬. নাকল অনিমক্না হৌজিক লৈরিবা কোওপরেসন এগ্রীমেন্তশিংদা য়ুম্ফম ওইবা ফুদ সেফতীগী লমদা কোওপরেসন এক্তিবিতীশিং দিবেলপ তৌনবা অপাম্বা ফোঙদোকখি।
২৭. নাকল অনিমক্না অৱাৎপশিং মেনখৎতুনা অমসুং লৌমীশিংগী স্কিল অমসুং শিন্মীশিংগী খুৎশুম অপগ্রেদ তৌদুনা ভারতকী লৌউ-শিংউদা প্রেক্তিকেল স্কিল দিবেলপমেন্ত প্রমোৎ তৌনবা পান্দম থম্লিবা “ইন্দো-জর্মন সেন্তর্স ওফ এক্সিলেন্স ইন এগ্রিকলচর” লিংখৎনবা জর্মন এগ্রিবিজিনেস এলাইন্স (জি.এ.এ.) অমসুং এগ্রিকল স্কিল কাউন্সিল ওফ ইন্দিয়া (এ.এস.সি.আই.)গী মরক্তা এম.ও.য়ু. খুৎয়েক পীনবা অদু শকখঙখি।
২৮. নাকল অনিমক্না ফুদ অমসুং এগ্রিকলচর সেক্তরদা তেক্নোলোকী অমসুং নোলেদজ ত্রান্সফর তৌবা অসিনা হেন্না সস্তেনেবল ফুদ সিস্তেমশিং ওইহন্নবা মরু ওই অমসুং “বুন্দেসিন্তিতুত ফর রিসিকোবেৱের্তং” (বি.এফ.আর.) অমসুং এফ.এস.এস.এ.আই.না ফুদ সেফতীগী লমদা তেলর্দ রিসর্চ কোওপরেসন প্রোজেক্তশিং অসি খন্নবা য়াই হায়না য়ান্নখি।
২৯. ইন্তর্নেস্নেল সোলর এলাইন্স (আই.এস.এ.): নাকল অনিমক্না ইন্দিয়ন অমসুং জর্মন স্ত্রেতেজিক প্রাইওরিতীশিং অমসুং সোলর ইনর্জীগী লমদা গ্লোবেল কোওপরেসন তৌরিবা অসিগী মরক্তা সীনর্জীশিংদা কোল্লাবোরেসন অমসুং তেংবাং পীনবা হেনগৎহন্নবা য়ান্নখি।
৩০. ইন্সুরেসিলিয়েন্স গ্লোবেল পার্তনরশিপ অমসুং কোলিজন ফোর দিজাস্তর ইনফ্রাস্ত্রকচর: নাকল অনিমক্না গ্লোবেল ইনিসিএতিব ফোর দিজাস্তর রিস্ক মেনেজমেন্তগী থোংদা ক্লাইমেৎ অমসুং দিজাস্তর রিস্ক লোয়ননা কেপাসিতী বিল্দিং তৌবদা রিস্ক ফাইনান্স অমসুং ইন্সুরেন্স সোল্যুসনশিংদা কোল্লাবোরেসন হেনগৎহন্নবা য়ান্নখি। জর্মনীনা ইন্সুরেজিলিয়েন্স গ্লোবেল পার্তনরশিপকী মেম্বর অমা ওইনবা ভারতনা লাউথোকখিবা অদু তরাম্না ওকখি।
৩১. নাকল অনিমক্না প্রাইবেৎ সেক্তরদা মোবিলাইজ তৌনবা দিবেলপ অমসুং স্ত্রকচর্দ ফন্দিং মেকানিজমগী খুত্থাংদা এস.দি.জি.শিং অমসুং ক্লাইমেৎ গোলশিংদা ইনোবেসন অমসুং ইনভেস্তমেন্তশিংগীদমক পব্লিক-প্রাইবেৎ পার্তনরশিপকী মতাংদা ভারত অমসুং জর্মনগী প্রাইবেৎ সেক্তরদা কোল্লাবোরেসন তৌবা হেনগৎহন্নবা য়ান্নখি।
৩২. নাকল অনিমক্না য়ু.এন. ২০২৩ ৱাতর কনফরেন্সকীদমক শেম-শারিবা অসি থাগৎনখি অমসুং এস.দি.জি. ৬কীদমক অমসুং অতোপ্পা ঈশিংগা মরী লৈনবা সস্তেনেবল দিবেলপমেন্তগীদমক ২০৩০ এজেন্দাগী গোল অমসুং তরা্গেৎশিং অসিদা মতেং পীনবা হায়না ফোঙদোকখি।
৩৩. কাঙলোন্দা য়ুম্ফম ওইবা, পুম্নক্কী ওইবা, হীরম খুদিং মনুং চনবা, মীচঙ-মীখায় নাইদবা ত্রেদকী মরু ওইবা খঙদুনা মসিগী মতুং ইন্না লেপ্তনা চত্থবগী থৌওংবু থাগৎনরদুনা, জর্মনী অমসুং ভারতনা দবল্যু.তি.ও.বু মলতিলেতরেল ত্রেদিং সীস্তেমগী য়ুম্বী অমসুং চাউখৎলক্লিবা লৈবাকশিংবু মালেমগী লল্লোন-ইতিক্কী পথাপ মনুংদা চলহন্নবা থৌওং খুদিংগী য়ুম্বী অমা ওইবগী মরু ওইবদা মিৎয়েং চঙনখি। লৈবাক অনিমক্না মখোয়গী ৱাখল্লোন অমসুং থৌদাংশিং, মরু ওইনা, তাইয়র অনিগী এপেলেৎ বোদী ঙাক শেন্দুনা থম্বগা লোয়ননা এপেলেৎ বোদীগী ওতোনোমী মপাঙ্গল লৈহনবগী পান্দম থমদুনা দবল্যু.তি.ও.বু শেমদোক্নবগীদমক্তা খোঙফম চেৎলি।
৩৪. জর্মনী অ,সুং ভারত অসি ত্রেদ অমসুং ইনভেস্তমেন্তকী মরু ওইবা পার্ত্নরশিংনি। ফ্রী ত্রেদ এগ্রীমেন্ত, ইনভেস্তমেন্ত প্রোতেক্সন এগ্রীমেন্ত অমসুং জিওগ্রাফিকেল ইন্দিকেসনগী এগ্রীমেন্তকী মতাংদা য়ুরোপিয়ন য়ুনিয়ন অমসুং ভারতকী মরক্তা ৱারী শাগদৌবা লৈরিবা অসিদা লৈবাক অনিনা কন্না শৌগৎকনি হায়বা ৱাফম ফোংদোক্নখি অমসুং লৈবাক অনিগী মরক্তা লৈবা ত্রেদ অমসুং ইনভেস্তমেন্তশিংদা অসিগুম্বা এগ্রীমেন্তশিংগী অচৌবা মতিক লৈবগী ৱাফমসু ফোংদোকখি।
৩৫. জর্মনী অমসুং ভারতনা য়ু.এন. গাইদিং প্রিন্সিপল ওন ব্যুজিনেস অমসুং হ্যমেন রাইৎস, অমসুং ও.ই.সি.দি. গাইদলাইন্স ফোর মলতিনেস্নেল ইন্তর্প্রাইসপু শেন্মিৎলোনগী তুং কোইনা অমসুং হীরম খুদিংমক মনুং চন্দুনা অমুক হন্না ফগৎলকপগী মরু ওইবা শরুক অমা ওইনা থবক্তা ওন্থোকপগী মরু ওইবশিংদা মিৎয়েং চঙনখি। সরকার অনিমক অসিনা সপ্লাই চেনশিংবু হেন্না রেজিলিএন্ত, দাইবর্সিফাই, থৌদাং খঙবা অমসুং তুং কোইনা চৎহন্নবা পান্দম থম্লি। সপ্লাই চেন অসিনা মালেমগী ওইবা ইনভাইরনমেন্তেল, লেবর অমসুং সোসিএল স্তেন্দর্দ ঙাক্না চৎপগা লোয়ননা শেন্মিৎলোন্দা লেপ্তনা কান্নবা শোইদনা পীবা ঙমহন্নবা পুন্না থবক তৌমিন্নবগী তঙাই ফদবা লৈবশিংবুসু সরকার অনিমক্না য়ানখি।
৩৬. দিকেদ কয়াদা অমুক্তা থোকখিদ্রিবা মালেমগী থবক অমসুং খুন্নাইগী খ্বাইদগী চাউবা ইরাং অমগী মরকসিদা, নাকল অনিমক অসিনা তুং কোইনা চৎকদবা লেবর মার্কেত অমুক হন্না শেমগৎনবা অমসুং রেজিলিএন্ত, ইনক্লুসিব, জেন্দর রেস্পোন্সিব অমসুং রিসোর্স ইফিসিএন্ত রিকোবরী লৈহন্নবা পান্দম থম্বগী মরী লৈননা পুন্না হোৎনমিন্নবগী মরু ওইবসু শকখঙখি। পুম্নমক অসিগী পান্দমদি থবক পীবা অমসুং অফবা থবক, থবক তৌবা য়াবা চহিগী মনুং চনবা মীওইশিংবু হয়েংগী মতমগী থবক পাংথোকপা ঙমহন্নবা রি অমসুং অপস্কিলিং পোলিসী হৌদোকপা অমসুং সস্তেনেবল ওইবা তুংগী মতম অমা লৈহন্নবা তেংবাংবগা লোয়ননা লাইরবা অমসুং মান্নদবা মিৎয়েং য়েংবগী থৌওংগা মাইয়োক্নবা ঙমগদবা সোসিএল প্রোতেক্সন সীস্তেম্বু খুমাং চাউশিলহনবনি।
৩৭. ভারতনা ইং ২০১৭তা আই.এল.ও. কনভেন্সন ১৩৮ অমসুং ১৮২বু হৌনগী মতুং ইন্না অয়াবা পীখিবগী থৌওংবু জর্মনীনা তরাম্না ওক্লি। নাকল অনিমক্না এস.দি.জি. ৮.৭কী মখা পোন্না অঙাংদা অমসুং নম্ফুদা থবক শুহনবগী মাইয়োক্তা লান্থেংনবগী মরু ওইববু খঙনরদুনা হায়রিবা লমশিং অসিদা তেংবাংনবগী থৌওং হেনগৎহন্নবা অপাম্বা ফোংদোক্নখি। অফবা থবক অমসুং প্লেতফোর্ম ইকোনোমীগুম্বনা খুদম ওইরিবা অনৌবা থবক মখলশিংদা সোসিএল প্রোতেক্সন মতিক চানা ফংহনবগী থৌওংবু শোইদনা লৈহন্নবা অমসুং পুক্নিং থৌগৎনবগীদমক্তা নেস্নেল অমসুং ইন্তর্নেস্নেল পোলিসী কয়া মখা তানা লান্নখিববুসু তরাম্না ওকখি।
৩৮. তেক্নোলোজী, শেন্মিৎলোন অমসুং খুন্নাইগী অহোংবা লৈহনবদা মরু ওইবা শাফু পীরিবা দিজিতেল ত্রান্সফোর্মেসনগী মরু ওইববু নাকল অনিমক্না শকখঙখি। ইন্দো-জর্মন দিজিতেল দাইলোগ অসিদি ইন্তর্নেত গবর্নেন্স, হৌগৎলক্লিবা তেক্নোলোজী অমসুং দিজিতেল ব্যুজিনেস মোদেলগুম্বা দিজিতেলগী হীরমশিংদা তেংবাংনবগী থৌওং লৈহন্নবা মরু ওইবা পাম্বৈ অমনি। মসিগা লোয়ননা, ইন্দস্ত্রীনা মরু ওইবা থৌদাং লৌবা ইন্দো-জর্মন দিজিতেল এক্সপর্ত গ্রুপকুম্বা হৌজিক লৈরিবা খোঙথাংগা মরী লৈনদুনা কান্নবা লৌবগী থৌওংবুসু মখোয়না শৌগৎখি।
৩৯. তেক্সেসনগী মতাংগী ওইনদি, ওক্তোবর ৮, ২০২১গী ও.ই.সি.দি. ইনক্লুসিব ফ্রেমৱর্ক ওন বেজ ইরোজন অমসুং প্রোফিৎ শিফতিং (বি.ই.পি.এস.)দা য়ানবা পুরকখিবা য়ুম্বী-অনিগী ৱারোইশিনবু নাকল অনিমক্না তরাম্না ওক্নখি। ৱারোইশিন অসিদি লায়গদবনি, থবক-থৌরমশিংদা হীরম খুদিং মনুং চনগদবনি অমসুং অকায়বা লৈগদবা চৎনবীবু মরুদগী হৌনা লেপহনবা, এগ্রেসিব তেক্স প্লান্নিং লোইশিনবা অমসুং মলতিনেস্নেল ইন্তর্প্রাইসশিংনা মখোয়গী পীফম থোকপা তেক্স শোইদনা পীহনগনি হায়বগী থাজবা পীদুনা কারবার খুদিংগী মান্নবা অমসুং মীচঙ মীখাই নাইদবা ফিভম লৈহন্দুনা মালেমগী তেক্সকী পথাপ্পু তংদু লৈতাহনবদা তেংবাংবা হায়বা ৱাখল্লোন লৈগদবনি হায়বসিদা নাকল অনিমক্না য়ানখি। জর্মনী অমসুং ভারতনা য়ুম্বী অনিমক অসিবু অথুবা মতমদা অমসুং নীংথিনা থবক্তা ওন্থোক্নীংবগী অপাম্বা উৎনখি। দবল তেক্স এভোইদেন্স এগ্রীমেন্তপু অথুবা মতমদা এমেন্দ তৌবগী প্রোতোকোলবু মপুং ফাহন্নবা নাকল অনিমক্না খোঙফম চেৎপগী মতৌ উৎনখি।
৪০. লৈবাক অনিগী মরক্কী ত্রেদ অমসুং ইনভেস্তমেন্তকী হীরমগা মরী লৈননা, হৌজিক অমসুং তুংদা ওইরক্কদবা ইনভেস্তরশিংগী মরু ওইবা রিফরেন্স অমা ওইনা উৎখ্রবা ইন্দো-জর্মন ফাস্ত ত্রেক মেকানিজমগী মায় পাক্লবা ফোর্মেৎপু মখা তানা চত্থনবা নাকল অনিমক্না শেম-শাদুনা লৈরে হায়বা ফোংদোক্নখি। ফাস্ত ত্রেক মেকানিজম অসিগী চহি তংখাইগী মীফমগী মখা তাবা ওইনা, নাকল অনিমক্না কারবার তৌবদা লায়হনবগী মতাংগা মরী লৈননা নাকল অনিমক্কী অখন্নবা সেক্তরশিংগী কম্পেনী অমসুং ইনভেস্তরশিংগী খুদোংচাদবশিংগী মতাংদা চাং নাইনা ৱারী শাবগী থৌওং চত্থগনি।
৪১. লৈবাক অনিগী শেন্মিৎলোনগী মরীবু খুমাং চাউশিলহন্নবগীদমক্তা কোর্পোরেত মেনেজরশিংবু ত্রেনিং পীবগী প্রোগ্রাম (“মেনেজর প্রোগ্রাম”) অসিবু থবক ওইনা পায়খৎনবা শেম শাদুনা লৈরে হায়না লৈবাক অনিনা ফোংদোক্নখি। হীরম অসিগা মরী লৈননা, ইন্দস্ত্রী একজেক্যুতিবশিংগী ত্রেনিং প্রোগ্রাম পায়খৎপগী মতাংদা লেপ্তনা থবক তৌমিন্ননবা নাকল অনিমক্না শীন-লাঙবা য়াহল্লিবা জোইন্ত দিক্লারেসন ওফ ইন্তেন্তকী খুৎয়েক পীখিববু নাকল অনিমক্না তরাম্না ওকখি। অসিগুম্বা তেংবাংনবগী থৌওং অসিনা মখোয়গী বাইলেতরেল কম্মর্স অমসুং ত্রেদ শেমগৎপা, ব্যুজিনেস একজেক্যুতিব মরক্তা মশা অমসুং কারবারগী কন্তেক্ত মপাঙ্গল লৈহনবা অমসুং লৈবাক অনিগী মরক্তা ভাব হেন্না তাবগী অপাম্বা মহৈ কয়া ফংহনবদা তেংবাংই হায়না নাকল অনিমক্না য়ানখি।
৪২. জর্মন কম্পেনীশিংগী রেলৱে সেক্তরদা তেক্নিকেলগী মতাংদা লৈরিবা হৈ-শিংবগী মতৌবু ভারতনা শকখঙখি। ফেদেরেল মিনিস্ত্রী ওফ ইকোনোমিক এফিয়র্স অমসুং ইনরজী অমদি ভারতকী রেলৱে মন্ত্রালয়গা রেলৱেগী মতাংদা তুংগী মতমদা তেংবাংনবগীদমক্তা ইং ২০১৯দা খুৎয়েক পীনখিবা জোইন্ত দিক্লারেসন ওফ ইন্তেন্ততা য়ুম্ফম ওইরদুনা, ইন্দিয়ন রেলৱেজনা ইং ২০৩০ ফাওবদা নেত জিরো ওইনবা পান্দম শৌগৎপা ওইনা হাই স্পীদ অমসুং ইনর্জী ইফিসিএন্ত তেক্নোলোজীগী মতাংদা মখা তানা তেংবাংনবগী নাকল অনিমক্না অপাম্বা লৈনরিবা অসিদসু মিৎয়েং চঙনখি।
৪৩. স্তেন্দর্দাইজেসন, এক্রেদিতেসন, কনফোর্মিতী এসেসমেন্ত অমসুং মার্কেত সর্ভেলিএন্সকী মতাংদা তেংবাংনরিবা অসিবু হেন্না মপাঙ্গল লৈহন্নবা নাকল অনিনা লেপ্তনা হোৎনরিবা অসিগীদমক্তা গ্লোবেল প্রোজেক্ত ক্বালিতী ইনফ্রাস্ত্রকচর (জি.পি.ক্যু.আই.)গী মনুংদা লৈবা ইন্দো-জর্মন ৱর্কিং গ্রুপ্পু জর্মনী অমসুং ভারতনা থাগৎপা ফোংদোকখি। দিজিতেলাইজেসন, স্মার্ত অমসুং সস্তেনেবল ফার্মিং/এগ্রিকলচর অমসুং সর্ক্যুলর ইকোনোমীগী হীরমদা তেংবাংননবা অনৌবা লম শকখঙদোকপগী থৌওং পাংথোক্লিবা ৱর্কিং গ্রুপ অসিগী ৮শুবা চহিগী মীফমদা খুৎয়েক পীনখিবা ৱর্ক প্লান ২০২২বু নাকল অনিমক্না নীংশিংনখি।
৪৪. নাকল অনিমক্না স্তার্ত-অপকী মতাংদা তেংবাংনরিবা অসিবু মপাঙ্গল হেন্না লৈহনবগী অপাম্বা লৈ হায়না ফোংদোক্নখি অমসুং হীরম অসিগা মরী লৈননা, স্তার্ত-অপ ইন্দিয়া অমসুং জর্মন এক্সেলরেতর (জি.এ.)গী মরক্তা হৌজিক-হৌজিক তেংবাংনরিবা অসিবুসু থাগৎনখি। জি.এ.না ইং ২০৩০দগী হৌদুনা ইন্দিয়া মার্কেত এসেস প্রোগ্রাম অমা পীদুনা মখোয়না শৌগৎলিবা অসিবু হেনগৎহন্নবা পায়খৎপা খোঙথাং অমসুং স্তার্ত-অপ ইন্দিয়ানা জি.এ.গা খুৎশম্নদুনা স্তার্ত-অপ খুন্নাই অনিমক অসিদা শৌগৎপগী থৌওং হেনগৎহন্নবগীদমক্তা কম্মন ইনগেজমেন্ত মোদেল অমা শেমগৎপগী ৱাহৌদোকপু মখোয়না তরাম্না ওক্নখি।
পোলিতিকেল অমসুং একাদমিক এক্সচেঞ্জ, সাইন্তিফিক কো-ওপরেসন, ৱর্কফোর্স অমসুং মীয়ামগী মোবিলিতীগী মতাংদা খুৎশম্নবা
৪৫. সরকার অনিমক্না মহৈরোই, একাদমিয়া অমসুং প্রোফেস্নেল ৱর্কফোর্স য়াওনা পীপল-তু-পীপল এক্সচেঞ্জ নীংথিজনা পাংথোক্লিবা অসিবু তরাম্না ওক্নখি। নাকল অনিমক্কী অৱাংবা থাক্কী মহৈ-তম্বগী পথাপ্পু মালেমগী থাক্তা লৈহন্নবা হোৎনরিবা অসিবু হেন্না পাকথোক চাউথোকহন্নবা, লৈবাক অনিগী ইন্নোভেসন অমসুং রিসর্চ তৌবগী ফিভম্বু হেন্না নকশিলহন্নবা অমসুং ভোকেস্নেল এজুকেসন অমসুং ত্রেনিংগী দুএল স্ত্রকচর মপাঙ্গল হেন্না লৈহন্নবা নাকল অনিমক্না মশা-মশাগী ওইনা হোৎনরিবা অসিবু শৌগৎনবা য়ানবা পুরকখি।
৪৬. এজুকেসন অমসুং স্কিল দিভেলপমেন্তকী হীরমদা লৈবাক অনিগী মরক্তা লৈনবা এক্সচেঞ্জ হেনগৎলক্লিবা অসিদা জর্মনী অমসুং ভারতনা নুংঙাইবা ফোংদোকখি অমসুং তেংবাংনরিবা অসিবু হেন্না চেৎশিলহন্নবা অপাম্বসু ফোংদোক্নখি। ভারতকী খনগৎলবা মহৈরোইশিংবু জর্মনগী য়ুনিভর্সিতীশিংদা অন্দর্গ্রেজুএত কোর্স তম্বা য়াহন্নবগীদমক্তা দিজিতেল প্রিপেরেতরী কোর্স (স্তদীইঙ্কোল্লেগ) শেমগৎপা অসিদা সরকার অনিনা নুংঙাইবা ফোংদোকখি। ভারত সরকারনা মহৈরোয় এক্সচেঞ্জপু পুক্নিং থৌগৎকনি অমসুং স্তদী ইন ইন্দিয়াগুম্বা প্রোগ্রামগী মখাদা জর্মনীগী মহৈরোয়শিংবু ভারতকী হাইয়র এজুকেসন ইন্সতিত্যুসন (ঐচ.ই.আই.)দা মিং চনবগী খুদোংচাবা পীগনি। ভারত অসুং জর্মন য়ুনিভর্সিতীশিংগী মরক্তা জোইন্ত দিগ্রী অমসুং দুএল দিগ্রীগী মওংদা তেংবাংনবা য়াবগী থৌওং থীদোকপগী য়ুনিভর্সিতীগী থাক্তা পায়খৎলিবা খোঙথাংবু লৈবাক অনিগী সরকারনা তরাম্না ওক্নখি।
৪৭. ইন্দো-জর্মন স্ত্রেতজিক রিসর্চ অমসুং দিভেলপমেন্ত পার্ত্নরশিপশিংবু হেন্না খুমাং চাউশিলহনবদা একাদমিয়া-ইন্দস্ত্রীগী মরক্তা তেংবাংনবা অসিনা মরু ওইবা থৌদাং লৌই হায়বা শকখঙলদুনা, জর্মনগী ইন্দস্ত্রী ইকোসীস্তেমদা ভারতকী নহা ওইরিবা রিসর্চরশিংদা ইন্দস্ত্রীগী মতাংদা খঙহনবগী পান্দম থম্লিবা ইন্দস্ত্রীএল ফেল্লোশিপ্তা তেংবাংনবগীদমক্তা ইন্দো-জর্মন সাইন্স অমসুং তেক্নোলোজী সেন্তর (আই.জি.এস.তি.সি.)না হন্দক্তা হৌদোকখিবা খোঙথাং, হৌজিক চত্থরিবা সাইন্স অমসুং তেক্নোলোজী প্রোজেক্তশিংদা নুপী রিসর্চরশিংদা থেঙনা য়াওবা য়াহনবগী খুদোংচাবা পীরিবা ৱিমেন ইনভোল্ভমেন্ত ইন সাইন্স অমসুং ইঞ্জিনিয়রিং রিসর্চ (দবল্যু.আই.এস.ই.আর.) প্রোগ্রাম অমসুং ইন্দো-জর্মন এস. অমসুং তি. কোওপরেসনগী ইনক্লুসিব ইকোসীস্তেম অমা শেম্লিবা পেয়র্দ আর্লী কেরিয়র ফেল্লোশিপ্পু নাকল অনিনা তরাম্না ওকখি।
৪৯. দার্মস্তাত্তা লৈরিবা মালেমগী ফেসিলিতী ফোর এন্তিপ্রোতোন অমসুং আইওন রিসর্চ (এফ.এ.আই.আর.) অসিবু বাইলেতরেল সাইন্স কোওপরেসনগী খ্বাইদগী মশক থোকপা মহৈ অমা ওইহন্নবা নাকল অনিমক্না শৌগৎনরিবা অসিবু অখন্ননা ফোংদোকখি।
৪৯. ইংলিশ লোলদা ইবা দ্রাফ এগ্রীমেন্ততা ঙসি খুৎয়েক পীখিবা অসিনা দোক্যুমেন্ত তৌদুনা মাইগ্রেসন অমসুং মোবিলিতীগী পাক-চাউবা পার্ত্নরশিপকী মতাংদা জর্মনী অমসুং ভারতকী মরক্তা লৈনগদবা মরীগী মতাংদা ৱারী শাবগী অরোইবা তাঙ্ককপু সরকার অনিনা তরাম্না ওক্নখি। য়ানচে অসিবু অথুবা মতমদা খুৎয়েক পীনদুনা মরী লৈনবা থবকশিং অথুবা মতমদা থবক পায়খৎপা হৌনবা হোৎননবা নাকল অনিমক্না য়ানবা পুরকখি। এগ্রীমেন্ত অসিনা মহৈরোই, প্রোফেস্নেল অমসুং রিসর্চরশিংদা তু-ৱে মোবিলিতী পীবদা তেংবাংবগা লোয়ননা আইনগী ৱাংমদা মাইগ্রেসন তৌবগী শিংনবশিংগী মতাংদা য়েংশিনবগী মরু ওইবা থৌওংগী মতাংদা ৱাফম থমখি।
৫০. স্কিল লৈরবা হেল্থ অমসুং কেয়র ৱর্করশিংগী মাইগ্রেসন তৌবগী মরী লৈননা জর্মন ফেদেরেল এমপ্লোয়মেন্ত এজেন্সী (বি.এ.) অমসুং কেরলা রাজ্যগী মরক্তা প্লেসমেন্ত এগ্রীমেন্তকী খুৎয়েক পীনখিববু সরকার অনিনা তরাম্না ওক্নখি। অপুনবা হীরম মনুং চনবা “ত্রিপল-ৱিন এপ্রোচ” অমা এপ্লাই তৌদুনা থম্লিবা পান্দম অসিদি লাক্কদৌরিবা অমসুং পন্থুংম ওইগদৈরিবা লৈবাক অনিমক্কা লোয়ননা মাইগ্রেন্ত মশামক্তসু কান্নবা ফংহনবনি। জর্মনী অমসুং ভারতকী লেবর মার্কেতকা লোয়ননা মাইগ্রেন্ত মশামকশিংগী অপাম্বদা মতিক চাবা মিৎয়েং চঙবগা লোয়ননা কেরলাগা হন্দক্তা খুৎয়েক পীনখিবা তেংবাংনবগী থৌওং অসিবু থবক মখল খুদিংগী ওইনা ভারতকী অতোপ্পা রাজ্যশিংগসু লৈননবা পান্দম থম্লিবা অসিবু মখোয়না তরাম্না ওক্নখি।
৫১. থবক্কা মরী লৈনবা খুদোংথীবা থৌদোক অমসুং লাইনাগী থৌওং হন্থহনগদবা থবক মফমদা তেক্ত-কায়দবা অমসুং হেল্থকা লোয়ননা সোসিএল প্রোতেক্সনগী লমদা ভারতকী নেস্নেল সেফতী কাউন্সিল (এন.এস.সি.) অমসুং জর্মন সোসিএল এক্সিদেন্ত ইন্স্যুরেন্স (দি.জি.য়ু.ভি.)গী মরক্তা মেমোরেন্দম ওফ অন্দর্স্তেন্দিংদা খুৎয়েক পীনখিববু সরকার অনিনা তরাম্না ওকখি। মসিদা নত্তনা, ওক্যুপেস্নেল সেফতী অমসুং হেল্থ অমদি সোসিএল প্রোতেক্সনগী লমদা তেংবাংনবগীদমক্তা ভারতকী দাইরেক্তোরেত জেনেরেল ফেক্তরী এদভাইস সর্ভিস অমসুং লেবর ইন্সতিত্যুৎস (দি.জি.এফ.এ.এস.এল.আই.) অমসুং জর্মন সোসিএল এক্সিদেন্ত ইন্স্যুরেন্স (দি.জি.য়ু.ভি.)গী মরক্তা মেমোরেন্দম ওফ অন্দর্স্তেন্দিংগী খুৎয়েক পীনখিবা অদুবুসু তরাম্না ওকখি।
৫২. ভারত অমসুং জর্মনীগী মরক্তা মশক থোকপা কলচরেল এক্সচেঞ্জ তৌনবা অমসুং মহৈ-মশিংগী লমদা তেংবাংনবা অমসুং গোইথ-ইন্সতিত্যুত, জর্মন একাদমিক এক্সচেঞ্জ সর্ভিস (দি.এ.এ.দি.), য়ুনিভর্সিতী গ্রান্ত কম্মিসন (য়ু.জি.সি.), ওল ইন্দিয়া কাউন্সিল ফোর তেক্নিকেল এজুকেসন (এ.আই.সি.তি.ই.) অমসুং হীরম অসিগা মরী লৈনবা অতোপ্পা ইন্সতিত্যুসনশিংগী মরু ওইবা থৌদাংবু সরকার অনিনা থাগৎখি। অসিগুম্বা কন্তেক্তশিংবু এজুকেসন অমসুং দাইলোগকী ফোর্মেত্তা ওইথোকহনবগীদমক্তা মখোয়না জর্মন পোলিতিকেল ফাউন্দেসনগী থৌদাংবুসু শকখঙখি।
মালেমগী হকশেলগী পার্নরশীপ অমা
৫৩. কোবিদ-১৯গী লাইচৎ অসিনা ওপন সোসাইতীশিং অমসুং মল্তিলেতরেল কোওপরেসনগী রেজিলিয়েন্স উৎনবা ক্রিতিকেল তেস্ত অমা ওইনা মখা চত্থরিবা অমসুং মসিবু মল্তিলেতরেল রেস্পোন্স অমা পীবা মথৌ তাবনা সরকার অনিনা মেদিকেল সপ্লাই চেনশিং পীবদা, হেল্থ ইমর্জেন্সিশিং লাকপদা মালেম্না শেম্বা শাবগী মপাঙ্গল কনখৎহন্নবা অমসুং তুংগী জুনোতিক রিস্কশিং হন্থহন্নবা ৱান-হেল্থ-এপ্রোচ অমা শিজিন্নবদা অমগা অমগা তেংবাংননবা য়ানবা পুরকখ্রে। নাকল অনিমক্না মালেমগী হকশেলগী থবক অমসুং তুংদা লাক্কদবা লাইচৎশিং লান্থেংনবদা দবল্যু.ঐচ.ও.বু দিরেক্তিং অমসুং কোওর্দিনেতিং ওথোরিতী অমা ওইনা রিফোর্ম তৌনবা অমসুং মপাঙ্গল কনখৎহন্নবা ৱারেপ লৌখি। মখোয়না শেন্মিৎলোন ফগৎহন্নবা বিজিনেস অমসুং তুরিজ,গী মীয়াম্না অপনবা লৈতনা চৎথোক চৎশিন তৌবা য়াহনগী তঙাইফদবা অদুগী মতাংদা ফোঙদোকখি অমসুং কোবিদ-১৯ ভেক্সিনশিং অমসুং ভেক্সিনেসন সর্তিফিকেৎশিং মুচ্যুএল রিকক্নেসন তৌবদা অমগা অমগা তেংবাং পীনবা হেনগৎহন্নবা ফোঙদোকখি।
৫৪. নাকল অনিমক্না ভারতকী নেস্নেল সেন্তর ফোর দিজিজ কন্ত্রোল (এন.সি.দি.সি.) অমসুং জর্মনীগী রোবর্ত-কোচ-ইন্সতিত্যুত (আর.কে.আই.)গী মরক্তা অৱাংবা মখলগী পেথোজেনিক ওর্গানিজমশিং তেস্তিং তৌনবা য়ু.পি.গী বন্দাদা বাইও-সেফতী লেভেল IV লেবোরেতরী (বি.এস.এল.-৪) লিংখৎপদা তেক্নিকেলগী ওইবা মতেং পীনবা কোলাবোরেন তৌনবা ৱারেপ অদুবু তরাম্না ওকখি।
৫৫. সরকার অনিমক্না ভারত সরকারগী সেন্ত্রেল দ্রগস স্তেন্দর্দ কন্ত্রোল ওর্গনাইজেসন (সি.দি.এস.সি.ও.), হকশেল অমসুং য়াইদ-য়ুম্বাল মন্ত্রালয় অমসুং ফেদরেল রিপব্লিক ওফ জর্মনীগী ফেদরেল ইন্সতিত্যুত ওফ দ্রগস এন্দ মেদিকেল দিভাইসেস (বি.এফ.এ.আর.এম.) অমসুং ফেদরেল রিপব্লিক ওফ জর্মনীগী পোল-এর্লিশ-ইন্সতিত্যুতকী মরক্তা জোইন্ত দিক্লেরেসন ওফ ইন্তেন্ত অমা খুয়েক পীনদুনা মেদিকেলগী পোত্থোকশিং রিগুলেসন তৌবগী লমদা কোওপরেসনগী পীনবগী মপাঙ্গল কনখৎহন্নবা অপম্বা ফোঙদোকখি।
৫৬. লুচিংবা অনিনা ৬শুবা আই.জি.সি.দা পাংথোকখিবা খন্ন-নৈনবা অদুদা অপেনবা ফোঙদোকখি অমসুং ইন্দো-জর্মন স্ত্রাতেজিক পার্তনরশীপ মখাতানা চাউথোক্নবা অমসুং মরী চেৎশিনহন্নবা মখোয়গী অপাম্বশিং অদু অমুক হন্না ফোঙদোকখি। প্রধান মন্ত্রী নরেন্দ্র মোদীনা চাঞ্চেলর স্কোলজবু ৬শুবা আই.জি.সি.দা হরাউ তয়াম্না ওকখিবা অমসুং ভারতকী দেলিগেসনবু হোস্তিং তৌখিবগী থাগৎপা ফোঙদোকখি। ভারতনা মথংগী আই.জি.সি. য়ুম্বু ওইনবা মীৎয়েং থম্লি।
