প্রধান মন্ত্রীনা বিহারগী দারভাঙ্গাদগী বিকসিত ভারত সংকল্প যাত্রা বেনিফিসরি, শ্রীমতি প্রিয়ানকা দেবীগা ৱারি শানখি
“স্কিম অমা হেক্তা মাইপাক্নবা, মসি তশেংনা বেনিফিসরি খুদিংমক্তা য়ৌহনগদবনি: প্রধান মন্ত্রী”ঙসি ভিদিও কনফরেন্সিংগী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শানখ্রে। অকক্নবা মতম অমগী মনুংদা সরকারনা পায়খৎলিবা স্কিমশিংগী কান্নবশিং ফংফম থোকপা বেনিফিসরিশিংদা মপুংফানা য়ৌহন্নবা লৈবাক শীনবা থুংনা বিকসিত ভারত সংকল্প যাত্রা পাংথোকপনি।
বিহারগী দারভাঙ্গাদগী বিকসিত ভারত সংকল্প যাত্রা বেনিফিসরি, শ্রীমতি প্রিয়ানকা দেবীনা প্রধান মন্ত্রীদা হায়খি মহাক্কী মপুরোইবা মুম্বাইদা নোংমগী খুৎশুমল তানবা শিন্মী অমা ওইনা থবক তৌরি অমসুং কোবিদ লাইচৎ মনুংদা অমসুং মতুংদা ইমুং-মনুংগী শেন-থুমগী ফিবম শোকচিল্লকপদগী মহাক্না ৱান নেসন ৱান রেসন কার্দ স্কিম, পি.এম.জি.কে.এ.ৱাই অমসুং জন ধন য়োজনাগী কান্নবশিং ফংলে।
লমদম অসিদা মোদী কি গরেন্তি গারি য়ৌরকপদা হরাওবা ফোঙদোক্লদুনা মহাক্না হায়খি মিথিলা লমদমদা মমাংঙৈগী চৎনবীশিংগা লোয়ননা বিকসিত ভারত সংকল্প যাত্রা ভেন তরাম্না ওক্লে। সরকারগী কান্নবশিং ফংবদগী মহাক্না মহাক্কী মচাশিংগী লাইরিক-লাইশু তম্বা অমসুং ইমুং-মনুংগী হকশেলদা হেন্না চেকশিন থৌরাং লৌবা ঙম্লে।
মহাক্কী খুঙ্গংদা সরকারগী স্কিমশিংগী মখাদা ৱাখল তাহন্নবা প্রধান মন্ত্রীনা শ্রীমতি প্রিয়ানকাদা তকশিনখি অমসুং লৈবাক অসিগী খুঙ্গং খুদিংমক্তা মোদী কি গরেন্তি গারি য়ৌবদা অপেনবা ফোঙদোকখি। মহাক্না হায়খি স্কিম অমা মাইপাক্নবা মদুগী কান্নবশিং মীওই খুদিংমক্তা য়ৌগদবনি। মোদী কি গরেন্তি গারিগী খুৎথাংদা কান্নবা ফংদ্রিবা বেনিফিসরিশিংগী মনাক্তা মহাক মশামক য়ৌনবা হোৎনরি অমসুং ফংফম থোক্লবা মীওই খুদিংমক ফংহন্নবা অচেৎপা ফিরেপ লৈরে। নুপী কাংলুপকী মরক্তা তোখায় তানবা পান্দম থম্লিবা রাজনিতিগী থবকশিং মীকুপ-নাহুম শিংনা লৈগদবনি অমসুং ঐখোয়গী নু্পীশিং অসি জাতি অমতনি, খেন্নবা লৈতে, মরম অদুনা সরকারনা মখোয় শৌগৎকনি। জাতি অসি অসুক্কী মতিক চাউই, মখোয়না শিংনবা অমা হেক্তা থেংনবা ঙম্মী।
