ভারত-সিচেলসকী মরক্তা হাই লেবেল ভর্চুয়েল ইভেন্ত(২০২১গী এপ্রীল ৮) পাংথোক্লগনি

সিচেলসতা ভারতকী প্রোজেক্ত কয়া অমা শঙ্গনবা ২০২১গী এপ্রীল ৮দা পাংথোক্কদৌরিবা হাই লেবেল ভর্চুয়েল ইভেন্ত অসিদা সিচেলসকী রাস্ত্রপতি ঐচ.ই. ৱেবেল রামকলাৱনগা লোইননা ভারতকী প্রধান মন্ত্রী শ্রী নরেন্দ্র মোদীনা শরুক য়ারগনি৷
মখাগী ফিচর অসি হাই লেবেল ভর্চুয়েল ইভেন্ত অুদা য়াওরগনি:
এ) সিচেলসতা অনৌবা মেজিস্ত্রেতকী কোর্ত বিল্দিং পুন্না শঙ্গামিন্নবা;
বি) সিচেলস কোস্ত গার্দতা ফাস্ত পেত্রোল বেসেল অমা খুৎশিন্নবা;
সি) এম.দবল্যু. ১ সোলর পৱার প্লান্ত অমা খুৎশিন্নবা;
দি) হাই ইমপেক্ত কম্ম্যুনিতী দিবলপমেন্ত প্রোজেক্ত(ঐচ.আই.সি.দি.পি.শিং) ১০ শঙ্গাবা৷
সিচেলসকী কোনুং বিক্তোরিয়াদা অনৌবা মেজিস্ত্রেতকী কোর্ত বিল্দিং অসি ভারতনা মতেং পাংদুনা সিচেলসতা শাবা ভারতকী খ্বাইদগী অহানবা অচৌবা সিবিল ইনফ্রাস্ত্রকচর প্রোজেক্ত অমনি৷ মেজিস্ত্রেত কোর্ত অসিনা সিচেলস জুদিসিয়েল সিস্তেমগী কেপাসিতী অসি হেনগৎহল্লগনি অমসুং মসিনা সিচেলস মীয়ামদা হেন্না ফবা জুদিসিয়েল সর্ভিসশিং পীরগনি৷
অনৌবা অমসুং মপুং ফানা ইক্বুইপ তৌরবা মিতর ৫০ শাংবা ফাস্ত পেত্রোল বেসেল অসি ভারততা এম/এস জি.আর.এস.ই., কোলকতানা শাখিবনি অমসুং মসি সিচেলস লৈবাক অসিগী মেরিতাইম সর্ভিলেন্স কোপাবিলিতীশিং অসি ফগৎহন্নবা অচৌবা মতেং অমা ওইনা ভারতনা সিচেলসতা খুদোল ওইনা পীখিবনি৷
ভারত সরকারনা চাওনা মতেং পাংদুনা সিচেলসতা চত্থরিবা ‘সোলর পি.ভি. দেমোক্রেতাইজেসন প্রোজেক্ত’কী শরুক অমা ওইনা সিচেলসকী রোমেনবাইল ইথৎতা শারিবা এম.দবল্যু. ১ ওইবা গ্রাউন্দ-মাউন্তেদ সোলর পৱার প্লান অদু মপুং ফানা শাবা লোইশিনখ্রে৷
লোকেল বোদীশিং, এজুকেস্নেল অমসুং বোকেস্নেল ইন্সতিত্যুসনশিংগা খুৎশম্নদুনা ভারতকী হাই কম্মিসন্না ভর্চুয়েল ইভেন্ত অসিদা হাই ইমপেক্ত কম্ম্যুনিতী দিবলপমেন্ত প্রোজেক্ত(ঐচ.আই.সি.দি.পি.শিং) ১০ খুৎশিন্নরগনি৷
প্রধান মন্ত্রীগী মংলান ওইরিবা ‘সাগর’-‘সেক্যুরিতী অমসুং গ্রোথ ফোর ওল ইন দি রিজন’ অসিদা সিচেলসনা য়াম্না মরু ওইবা মফম অমা কন্দুনা লৈরি৷ অসিগুম্বা মরু ওইবা প্রোজেক্তশিং শঙ্গারকপা অসিনা সিচেলসকী ইনফ্রাস্ত্রকচর, দিবলপমেন্তেল অমসুং সেক্যুরিতীগী অৱাৎপশিং অসি মেনশিন্নবা হোৎনবদা ভারত লৈবাক অসি সিচেলসকী য়াম্না মরু ওইবা পার্তনর অমা ওই হায়বা অসি উৎলে অমসুং ভারত অমসুং সিচেলস লৈবাক অনি অসিগী মরক্তা লৈরিবা মরুপ-মপাং ওইবগী মরী অদুগী খুদম অমা ওইরি৷