১. রিপব্লিক ওব মালদিবসকী রাস্ত্রপতি, হিস এক্সিলেন্সী শ্রী ইব্রাহিম মোহমেদ সোলিহ, রিপব্লিক ওব ইন্দিয়াগী প্রধান মন্ত্রী শ্রী নরেন্দ্র মোদীনা বার্তোন থাজদুনা ভারত্তা ওফিসিএল ওইনা লেঙবীরক্লি।
২. মসিনা রাস্ত্রপতি সোলিহগী মহাক্না নবেম্বর ১৭, ২০১৮দা লোইশঙ পায়খিবা মতুংদগী অহুমশুবা ভারত খোঙচৎনি। রাস্ত্রপতি সোলিহগা লোইননা হিস এক্সিলেন্সী শ্রী ইব্রাহিম অমীর, শেলথুম মন্ত্রী, হিস এক্সিলেন্সী শ্রী ফেয়াজ ইস্মেইল, একনোমিক দিবেলপমেন্ত মন্ত্রী, হর এক্সিলেন্সী শ্রীমতি আইশথ মোহমেদ দিদি, জেন্দর, ফেমিলি অমসুং সোসিএল সর্ভিস মন্ত্রী অমসুং লল্লোন ইতীক্কী দেলিগেসন অমসু য়াওরকখি।
৩. খোঙচৎ অসিগী মনুংদা, রাস্ত্রপতি সোলিহনা রেস্ত্রিক্তেদ ওইবা অমসুং দেলিগেসনগী থাক্তা লৈবা ৱারী কয়া প্রধান মন্ত্রী মোদীগা লোইননা দিল্লীদা শান্নখি। প্রধান মন্ত্রী মোদীনা রাস্ত্রপতি সোলিহ অমসুং লোইনরক্লিবশিংগীদমক চাক্লেন অমসু লাংখি।
৪. রাস্ত্রপতি সোলিহনা রিপব্লিক ওব ইন্দিয়াগী রাস্ত্রপতি শ্রীমতি দ্রৌপদি মুর্মুগসু খোঙচৎ অসিগী মনুংদা উন্নখি অমসুং রাস্ত্রপতি মুর্মুবু ভারতকী ১৫শুবা রাস্ত্রপতি ওইনা লোইশঙ পায়খিবদা হরাওবা ফোংদোকখি। ভারতকী মপান থৌরম পুবা মন্ত্রী দা. এস. জয়শঙ্করগা রাস্ত্রপতি সোলিহগসু উন্নখি। মুম্বাইগী খোঙচৎতা মহারাস্ত্রগী গবর্নর শ্রী ভগৎ সিংহ কোশ্যারিনা রাস্ত্রপতি সোলিহগা উন্নগনি।
৫. ভারত-মালদিবস লৈবাক অনিগী মরী অসি লম নক্নবা, পুৱারীগী মরী, নাৎকী মরী অমসুং মান্নবা মগুনশিংনা য়োমদুনা ঙাক্লৌ পীরি। প্রধান মন্ত্রী মোদীনা ফোংদোকখি মদুদি ভারত মচাশিংগী থম্মোইদা মালদিবসকী মফম অমা অখন্ননা কন্দুনা লৈ অমসুং ভারতকী "য়ুম্লোন্নবনা হান্না" হায়বা থৌশিল অসিদসু হেন্না চুশিন্নহল্লি। রাস্ত্রপতি সোলিহনসু "ইন্দিয়া-ফর্স্ত পোলিসী"বু হেন্না চেৎশিলহন্নবা ফোংদোকখি। হৌখিবা চহি খরসিদা লৈরক্লিবা লৈবাক অনিগী মপাং ওইবগী মরী অসিদা লুচিংবা অনিনা অপেনবা ফোংদোক্নখি, মসিনা লৈবাক অনিগী মীয়ামদা কান্নবা কয়া পীখ্রে। লুচিংবশিংনা হায়রিবা নাকল অনিমক্না কান্নবা য়াবা মপাং ওইবগী মরী অসিবু হেন্না মপাঙ্গল লৈহন্নবা অমসুং হেন্না চেৎশিলহন্নবা ৱাফম ফোংদোক্নখি।
৬. রাস্ত্রপতি সোলিহনা প্রধান মন্ত্রী মোদীবু অমসুং ভারত সরকারবু কোবিদ লাইচৎকী মনুংদা লৈঙাক অসিগীদমক মালদিবস মীয়ামগীদমক মতম চুপ্পদা লেপ্পীবগীদমক থাগৎচখি। ভারত্তগী ফংখিবা হিদাক লাংথক্কী অমসুং শেলগী তেংবাংশিংনা মতেং ওইদুনা মালদিবসনা লাইচৎ অসিনা পীগদবা হকশেলগী অমসুং শেলথুমগী অৱাবদগী ঙাকথোকপা ঙমখি। মালদিবসতা কোবিদ-১৯গী তিকা ইহান হানবা ওইনা খুদোল তমখিবা লৈবাকসু ভারতনা ওইখি। প্রধান মন্ত্রী মোদীনা রাস্ত্রপতি সোলিহবু অমসুং মালদিবসকী মীয়াম্বু খাঙবা কনবগীদমক অমসুং মায় পাক্না তিকা থাবগী থবক চত্থখিবগীদমক অমসুং লাইচৎ মতুংদা মপুং ফানা শেলথুমগী ফিভম ফগৎহনবগীদমক থাগৎপা ফোংদোকখি।
৭. প্রধান মন্ত্রী মোদী অমসুং রাস্ত্রপতি সোলিহনা মখা তানা ঙাকশেলগী হীরমদা ইন্সতিত্যুসনেল ওইবা মতেং পীননবা অমসুং সেক্যুরিতী, ইনভেস্তমেন্ত প্রোমোসন, হ্যুমেন রিসোর্স দিবেলপমেন্ত, ইনফ্রাস্ত্রকচর দিবেলপমেন্ত অমসুং ক্লাইমেৎ অমসুং এনর্জী একনোমিক কোওপরেসন অমসুং মীয়ামগী মরী ফগৎহন্নবা হোৎনবদা য়ানখি।
৮. নাকল অনিমক্কী লুচিংবশিংনা ভিজা-ফ্রী ত্রাভেল, এয়র কন্নেক্তিবেতী হেন্না ফগৎলকপা, এক্সচেঞ্জ প্রোগ্রাম, অমসুং চাউখৎলক্লিবা কলচর অমসুং একনোমিক মরীনা মীয়ামগী মরক্তা মরী ফগৎলকপবু তরাম্না ওকখি। ভারতনা মতম চুপ্পদা মালদিবসকী তুরিজম মার্কেৎকী খ্বাইদগী ৱাংবা সোর্স ওইরি, একনোমিক রেজিলিএন্সতা মতেং পাংলি। লুচিংবশিং অসিনা লৈবাক অনিগী লাইচৎ মনুংদা তুরিজমগী মরী পাকথোক্নবা শেমখিবা এয়র ত্রাভেল ববলনা লৌরিবা থৌদাং নিংশিংমিন্নখি। লুচিংবা অনিনা মালদিবসতা রুপে কার্দ শীজিন্নবা য়াহন্নবা চৎথরিবা থবকপু তরাম্না ওকখি অমসুং নাকল অনিগী ত্রাভেল অমসুং তুরিজম অমসুং একনোমিক ইন্তর-লিঙ্কেজ ফগৎনবা য়ানখি। মালদিবসতা লৈরিবা ভারতকী ওজাশিং, নর্সশিং, মেদিকেল ৱার্কর, দোক্তরশিং, ৱার্করশিং অমসুং প্রোফেসনেলশিংনা পীরিবা মমল লৈরবা মতেংশিং লুচিংবা অনিনা ফোংদোক্নখি। মখোয়না নেসনেল নোলেজ নেৎৱার্ক অমা মালদিবসতা হৌদোক্লিবা অসিবু তরাম্না ওকখি অমসুং ওফিসিএলশিংদা মসিবু লৈবাক শীনবা থুংনা শন্দোক্নবা ফোংদোকখি।
৯. লুচিংবা অনিনা লৈবাক অনিগী লল্লোন ইতীক্কী লুচিংবশিংনা খোঙচৎ অসিগী মনুংদা ফিসরিজ, ইনফ্রাস্ত্রকচর, রিন্যুএবল এনর্জী, তুরিজম, হকশেল অমসুং আই.তি.গী মরক্তা মরুওইবা লৈবাক অনিগী মরক্তা ঙমখৈ লান্না শেল থাধনবা অমসুং মতেং পাংনবনা একনোমিক লিঙ্কেজ অমা শাগৎনবা শান্নখিবা ৱারীশিং তরাম্না ওকখি। সফতাগী মখাদা মালদিবিয়ন তুনাগী পোত্থোকশিংগী মাংজিল থারিবা কৈথেল অমা ওইরিবসিবুসু লুচিংবা অনিনা ময়েক শেংনা খঙমিন্নখি। পুম্নমকসিগী মথক্তা, লুচিংবা অনিনা ২০১৯দগী হৌদুনা লৈবাক অনিগী মপাং ওইবগী মরী হেন্না ফগৎলকপসিবু অপেনবা ফোংদোক্নখি। প্রধান মন্ত্রী মোদী অমসুং রাস্ত্রপতি সোলিহনা ভারত অমসুং মালদিবসকী মরক্তা সেপ্তেম্বর ২০২০দগী হৌদুনা দাইরেক্ত কার্গো ভেসেল সর্ভিস চৎহনখিবগী মতাং খন্নখি অমসুং সর্ভিস অসিনা লৈবাক অনিগী লল্লোন ইতীক্তা হেন্না মপাঙ্গল কনখৎহনবা ওইরক্নবা ফোংদোক্নখি।
চাউখৎলোন্দা মপাং ওইবা
১০. প্রধান মন্ত্রী মোদী অমসুং রাস্ত্রপতি সোলিহনা কোবিদ-১৯ লাইচৎ অমসুং মালেমগী ওইনা শেনমিৎলোনদা শিংনবা কয়া অমা লৈদুনসু চাউখৎলোনগী মপাং ওইরিবা মরী অসিদা খুমাং চাউশিনলিবা অসিগী মতাংদসু য়েংশিনখি। ভারত-মালদিবস অনিগী চাউখৎলোন্দা লৈরিবা মপাং ওইনবগী মরী অসিনা হৌখিবা চহি খরসিদা খংচাউ চাউখৎলক্লি অমসুং অচৌবা ইনফ্রাস্ত্রকচর প্রোজেক্তশিং, কম্ম্যুনিতীগী থাক্তা লৈবা গ্রান্ত প্রোজেক্ত অমসুং মালদিবসকী তঙাইফদবদা য়েংদুনা মনুং মপান ফাওনা উবা মওংদা শেম্বা কেপাসিতী বিল্দিং প্রোগ্রামশিং, অমসুং লৈবাক অনিগী মপাং ওইবগী মরীদা পীনরিবা মতেংশিং য়াওরি।
১১. লুচিংবা অনিনা ভারতনা লোনগী তেংবাং পীদুনা শাবা য়ু.এস.দি. ৫০০ এম.এম. গ্রেতর মালে কন্নেক্তিবিতী প্রোজেক্তকী ভর্চুএল "অহানবা কনকৃত হৈবা"গী থৌরমসু শরুক য়াখি। লুচিংবা অনিনা ওফিসিএলশিংদা হায়রিবা মালে, ভিলিঙ্গিলি, গুলহিফালু অমসুং থিলাফুশি ইথৎ চৎথোক চৎশিন শেল হন্থহনগদবা অমসুং মীয়ামদা মীৎয়েং থম্বা শেনমিৎলোন চাউখৎপা পুরক্কদবা অমসুং লৈবাক অনিগী মরীদা হেন্না ফজবা খুদম অমা ওইগদৌরিবা মালদিবসকী অচৌবা ইনফ্রাস্ত্রকচর প্রোজেক্ত অসিবু মতম চানা লোইশিন্ননবা পাউতাক পীখি।
১২. প্রধান মন্ত্রী মোদীনা মালদিবসতা অনৌবা ভারত সরকারগী য়ু.এস.দী. ১০০ এম.এন.গী ইনফ্রাস্ত্রকচর প্রোজেক্তশিংদা শেন্থং থাদনবা লাইন ওব ক্রেদিৎ পীনবা লাউথোকখ্রে। রাস্ত্রপতি সোলিহনা ভারত সরকারবু হায়রিবা মতেং অসিগীদমক থাগৎচখি অমসুং অহেনবা শেন্থংশিংনা খন্নদুনা লৈরিবা অচৌবা ইনফ্রাস্ত্রকচর প্রোজেক্তশিং পায়খৎপদা মতেং ওইরগনি হায়না ফোংদোকখি।
১৩. নাকল অনিমক্কী লুচিংবশিংনা হৌজিক হৌজিক গ্রেতর মালেদা বাইয়র'স ক্রেদিৎ ফাইনান্সিং ওব এক্সিম বেঙ্ক ওব ইন্দিয়াগী মখাদা শাগৎলিবা সোসিএল হাউজিং ৪,০০০গী খুমাং চাউশিনবগী চাং য়েংশিনখি। হায়রিবা হাউজিং য়ুনিৎশিং অসি মালদিবস লৈঙাক্না মখোয়গী মরৈচাশিংদা অফবা হাউজিং পীনবা চঙশিনবা খোঙথাং অমগী শরুক অমনি।
১৪. লুচিংবা অনিনা গ্রেতর মালেদা অতোপ্পা সোসিএল হাউজিং ২০০০ অমগসু শানবগীদমক য়ু.এস.দি. ১১৯ এম.এন.গী শেন্থং অমা এক্সিম বেঙ্ক ওব ইন্দিয়া বাইয়র'স ক্রেদিত ফন্দিংগী অয়াবা তরাম্না ওকখি, অমসুং মসিগী মতাংদা এক্সিম বেঙ্ক ওব ইন্দিয়া অমসুং মালদিবস লৈঙাক্কী মরক্তা পীনবা লেত্তর ওব ইন্তেন্তপুসু তরাম্না ওকখি। রাস্ত্রপতি সোলিহনা ভারত সরকারবু অসিগুম্বা অহেনবা য়ুমশিংগী মতেং তৌবীবগীদমক থাগৎপা ফোংদোকখি।
১৫. লুচিংবা অনিনা অতোপ্পা ভারতনা শেন্থং পীথবা প্রোজেক্তশিং হায়বদি অদ্দু রোদস প্রোজেক্ত, ইথৎ ৩৪দা ঈশিং অমসুং সিৱেজগী খুদোংচাবা পীনবা প্রোবিজন, অমসুং হুকুরু মিস্কি (ফ্রাইদে মোস্ক) নৌনা শেমজিনবগী প্রোজেক্তশিংদা লৈরিবা খুমাং চাউশিনবগী চাংদা অপেনবা ফোংদোক্নখি। লুচিংবা অনিনা গুলহিফালহু পোর্ত প্রোজেক্তকী রিভাইজ তৌরবা দি.পি.আর.গী অয়াবা তরাম্না ওকখি অমসুং ওফিসিএলশিংদা মসিনা গ্রেতর মালেদা হান্নগী পোর্তশিং মহুৎ শিন্দোক্তুনা অমসুং মালে শহরগী খুদোংচাবশিং মফম হোংদুনা কান্নবা মালেমগী থাক্তা লৈগদবা থবক ওইবনা অথুবদা থবক পায়খৎনবা পাউতাক পীখি। লুচিংবা অনিনা হানিমাধু এয়রপোর্ত দিবেলপমেন্ত প্রোজেক্ত ই.পি.সি. কন্ত্রেক্ত খুৎয়েক পীনবদা ভারতকী মায়কৈদগী অরোইবা অয়াবা পীখিববু তরাম্না ওকখি অমসুং মসিগী থবকসু অতেনবা মতমদা পায়খৎলগনি হায়না হরাওবা ফোংদোক্নখি। লুচিংবা অনিনা অপেনবা অমগা লোইননা লামুদা কেন্সর হোস্পিতাল শাগৎপগী প্রোজেক্তকী রিপোর্ত ফাইনেলাইজ তৌবা অমসুং মসিগী ফাইনান্সিএল ক্লোজরবু ভারত সরকারগী লাইন ওব ক্রেদিৎকী থোঙদা ওইবদা অপেনবা ফোংদোকখি।
১৬. লুচিংবা অনিনা ভারতকী শেন্থেং মখাদা পায়খৎলিবা ৪৫ কম্ম্যুনিতী দিবেলপমেন্ত প্রোজেক্তগী ইথৎ ইম্ম্যুনিতীশিংনা চাউনা মতেং তৌববু তরাম্না ওকখি।
১৭. প্রধান মন্ত্রী মোদী অমসুং রাস্ত্রপতি সোলিহনা অপেনবগা লোইননা ফোংদোক্নখি মদুদি কেপাসিতী বিল্দিং অমসুং ত্রেনিংনা হৌখিবা চহি খরা অসিদা লৈবাক অনিগী মরী অসি হেন্না চেৎশিলহল্লি হায়না ফোংদোক্নরদুনা অপেনবা পোক্নখি। আই.তি.ই.সি. ত্রেনিং স্কিমগী মথক্তা, মালদিব মচা কয়ানা ভারত্তা অখন্নবা কস্তমাইজ ত্রেনিং কয়া লৌরি, ইন্সতিত্যুসনেল লিঙ্কেজনা পীদুনা কস্তম সর্ভিস, সিভিল সর্ভিসেস, পার্লিমান্তস, জুদিসিয়রি, মীদিয়া, হকশেল অমসুং এজুকেসন ইন্সতিত্যুৎ অমসুং ঙাকশেল অমসুং সেক্যুরিতী ওর্গানাইজেসনশিংসু পীরি। লুচিংবা অনিনা মালদিবসকী লোকেল গবর্মেন্ত ওথোরিতী অমসুং নেসনেল ইন্সতিত্যুৎ ওব রুরেল দিবেলপমেন্ত অমসুং পঞ্চায়তি রাজ, ভারতকী মরক্তা মালদিবসকী লোকেল গবর্নমেন্ত ইন্সতিত্যুসনশিংগী মপাঙ্গল কনখৎনবা এম.ও.য়ূ. অমা খুৎয়েক পীনখিববু তরাম্না ওকখি।
ঙাকশেল অমসুং সেক্যুরিতী
১৮. ভারত-মালদিবস ঙাকশেল অমসুং সেক্যুরিতীগী মরী অসি মতম শাংনা লৈরক্লিবা মরী অমনি, অমসুং মসি লৈবাক লান্না লৈবা ক্রাইম অমসুং দিজাস্তর রিলীফকী হীরমদা মতেং পীনবগী মরুওইবা খুদম অমনি। মসিগী মপাং অসি ইন্দিয়ন ওসিন রিজন্দা তংদু লৈতাবা পুরক্নবা শাফু অমা ওইরি। ভারতকী অমসুং মালদিবসকী সেক্যুরিতী অসি অমগা অমগা মরী লৈনৈ, লুচিংবা অনিনা সেক্যুরিতীগী মতাংদা অমগা অমগা মতেং পাংননবা অমসুং লমদম অসিগী শান্তি রক্সা কায়দনবা হোৎননবা থাজবা ফোংদোক্নখি; অমসুং মখোয় মখোয়গী ঙমখৈশিংদা অতোপ্পা অমনা নুংঙাইরোইদবা থবকশিং পায়খৎনদবা হায়না থাজবা ফোংদোক্নখি।
১৯. লুচিংবা অনিনা হৌজিক পায়খৎলিবা প্রোজেক্তশিং অমসুং কেপাসিতী বিল্দিংগী খোঙথাংনা শমুদ্রগী ওইবা সেফতী অমসুং সেক্যুরিতীদা লৈরিবা মরী, মেরিতাইম দোমেন এৱেইয়রনেস, অমসুং হ্যুমেনিতরিয়ান এসিস্তেন্স অমসুং দিজাস্তর রিলীফপু মপাঙ্গল কলহন্নবা য়ানখি। ভারতনা থম্লিবা ভারতকী সেক্যুরিতী অমসুং গ্রোথ ফোর ওল ইন দি রিজন (সাগর) ভিজনবু হেন্না মপাঙ্গল কনখৎহন্নবা প্রধান মন্ত্রী মোদীনা নৌনা থাজবা ফোংদোকখি।
২০. লুচিংবা অনিমক্না সিফাভরুদা কোস্ত গার্দ হার্বর শেমগৎপা হৌবগী খুমাং চাউশিনবগী চাং উবদা অপেনবা ফোংদোক্নখি। হায়রিবা প্রোজেক্ত অসিনা মালদিবস লৈঙাকপু মখোয়গী ই.ই.জেদ. অমসুং এতোলশিংদা মেরিতাইম সর্ভিলেন্স পায়খৎপদা মালদিবস নেসনেল দিফেন্স ফোর্স (এম.এন.দি.এফ.)কী মপাঙ্গল হেনগৎহনবদা মতেং ওইরগনি। লুচিংবা অনিমক্না ওফিসিএলশিংদা প্রোজেক্ত অসিবু মতম চানা লোইশিন্নবা পাউতাক পীখি।
২১. ভারত সরকারনা মালদিবস নেসনেল দিফেন্স ফোর্স, মালদিবস সরকারগীদমক অনিশুবা লেন্দিং এসোল্ত ক্রাফ্ত (এল.সি.এ.) অমসুং হান্নগী সি.জি.এস. হুরাভীগী মহুৎ ওইনবা জহাজ পীরগনি হায়না প্রধান মন্ত্রী মোদীনা লাউথোকখি। প্রধান মন্ত্রী মোদীনা ভারত সরকারনা মালদিবস নেসনেল দিফেন্স ফোর্সকীদমক য়ুতিলিতী ভেহিকল ২৪ খুদোল তম্লগনি হায়নসু লাউথোকখি। রাস্ত্রপতি সোলিহনা প্রধান মন্ত্রী মোদীবু লেপ্পা লৈতনা ভারতনা এম.এন.দি.এফ.কী ইনফ্রাস্ত্রকচর অমসুং খুৎলাই হৌজিক মতমগী থাক্তা শেন্থং কাইথবীদুনা অমসুং দিফেন্স প্রোজেক্তকীদমক য়ু.এস.দি. ৫০ এম.এন. লাইন ওব ক্রদিত ফেসিলিতীগী থোঙদা পুখৎনবা হোৎনবীবগীদমক থাগৎখি।
২২. রাস্ত্রপতি সোলিহনা প্রধান মন্ত্রী মোদীবু নেসনেল কোলেজ ফোর পোলিসিং এন্দ লো এনফোর্সমেন্ত (এন.সি.পি.এল.ই) অমা অদ্দু শহরদা মার্চ ২০২২দা লিংখৎপদা মতেং পাংবীবগীদমক থাগৎখি।
২৩. লুচিংবা অনিনা মালদিবসতা পোলিসিং হেন্না পীবা ঙম্নবা অমসুং ইথত্তা লৈরিবা মীয়ামদা হেন্না সেফতী পীবা ঙম্নবগীদমক পুলিস ইনফ্রাস্ত্রকচর ৬১ লিংখৎপগী দিজাইন অমসুং শাগৎপদা বাইয়রস ক্রেদিত এগ্রীমেন্ত লান্নববু তরাম্না ওকখি।
২৪. লুচিংবা অনিনা হায়রিবা হীরমশিং অসিদা রিজনেল অমসুং মলতিলেতরেল ওইবা খোঙথাংশিংদা খুমাং চাউশিনলিবা অসিবুসু তরাম্না ওকখি। প্রধান মন্ত্রী মোদীনা রাস্ত্রপতি সোলিহবু কলম্বো সেক্যুরিতী কনক্লেব মার্চ ২০২২দা মায় পাক্না পাঙথোক্তুনা অনৌবা উচুক – হ্যুমেনিতরিয়ান এসিস্তেন্স এন্দ দিজাস্তর রিলীফ – মালদিবস ইনিসিএতিবতা হাপচিনখিবা ৫শুবা মীফম পাঙথোকখিবগীদমক থাগৎপা ফোংদোকখি।
২৫. লুচিংবা অনিনা হৌখিবা থাদা কোচিদা কলম্বো সেক্যুরিতী কনক্লেবকী মেম্বর স্তেৎশিংগী ৬শুবা দেপ্যুতি নেসনেল সেক্যুরিতী এদভাইজরশিংগী মীফম মায় পাক্না পাঙথোকখিববুসু নিংশিংখি অমসুং ৭শুবা দেপ্যুতি নেসনেল সেক্যুরিতী এদভাইজরশিংগী মীফমসু মালদিবসনা পাঙথোক্তুনা হেন্না ফবা পান্দম পুরকপা ঙমগনি হায়না থাজবা ফোংদোক্নখি।
২৬. লুচিংবা অনিনা দিজাস্তর মেনেজমেন্ত অমসুং সাইবর সেক্যুরিতীগী মতাংদা হেন্না মপাঙ্গল লৈনবা এম.ও.য়ু. লান্নখিববুসু তরাম্না ওকখি।
২৭. লুচিংবশিং অসিনা মওং অমহেক্তগী তেরোরিজম্বু য়ানিংদবা ফোংদোক্নখি অমসুং লৈবাক অনিগী সেক্যুরিতী এজেন্সীশিংনা রেদিকেলাইজেসন, ভাইওলেন্ত এক্সত্রিমিজম, তেরোরিজম অমসুং নার্কো ত্রাফিক্কিংদা হেন্না মতেং পাংননবা পুথোক্নখি। জোইন্ত ৱার্কিং গ্রুপনা কাউন্তর তেরোরিজমগী মতাংদা এপ্রিল ২০২১দা পাঙথোকখিবা অহানবা মীফমগী মতুং লাক্লিবা খুমাং চাউশিনবগী চাং অসিবু উরদুনা লুচিংবা অনিনা ওফিসিএলশিংদা সাইবর সেক্যুরিতী য়াওনা তোঙান-তোঙানবা হীরমশিংদা মতেং পাংনবগী চাং হেনগৎনবা ফোংদোকখি।
মতেং পাংনবগী মচীন তুমখৎলক্লিবা ফ্রন্তিয়র
২৮. এনভাইরোন্মেন্ত অমসুং রিন্যুএবল এনর্জী- অইং অশাদা অহোংবা লাকপদগী ওইহল্লক্লিবা অৱাবা কয়া অসিবু লুচিংবশিংনা মশক খঙদোকখ্রে অমসুং ইন্তর্নেসনেল সোলার এলাইএন্স অমসুং কোএলিজন ফোর দিজাস্তর রেজিলিএন্ত ইনফ্রাস্ত্রকচরগী খোঙথাং অসিগা লোইননা মতেং পাংনদুনা মপাঙ্গল কনখৎনবা হোৎনবদা য়ানখ্রে। থক্নবা ঈশিং অমসুং সেনিতেসন ইনফ্রাস্ত্রকচর ভারত সরকারগী লাইন ওব ক্রেদিৎকী মখাদা ইথৎ ৩৪দা শেমগৎপনা মালদিবসতা অন্তর্জাতিগী মতেংগা লোইননা পায়খৎপা খ্বাইদগী চাউবা ক্লাইমেৎ এদাপতেসন প্রোজেক্ত ওইরি। প্রধান মন্ত্রী মোদীনা মালদিবসনা ১২০৩০ ফাওবদা নেৎ জিরো ওইনবা থম্লিবা অচৌবা পান্দম অসিবু শিংথাখি অমসুং মপুং ফানা মতেং পাংগনি হায়না থাজবা পীখি। হীরম অসিগী মতাংদা লুচিংবা অনিনা মখোয়গী ওফিসিএলশিংবু রিন্যুএবল এনর্জী অমসুং গ্রিদ কন্নেক্তিবিতীগী হীরমদা মপাঙ্গল কনখৎনবা মতেং পাংননবা ফোংদোকখি।
২৯. শান্নখোৎনবা অমসুং নহাশিং শেমগৎপা- লুচিংবা অনিনা খুৎলাইশিং লান্নবা অমসুং মালদিবিয়ন এথলেৎশিংবু ভারত্তা ত্রেনিং তৌবা য়াওনা শান্নখোৎনবগী মরী হেন্না ফগৎনবা ফোংদোকখি। মখোয়না ওফিসিএলশিংদা স্পোর্ত ইনফ্রাস্ত্রকচর চাউখৎনবা য়ু.এস.দি. ৪০ মিলিয়ন লাইন ওব ক্রেদিৎ ফেসিলিতীগী থোঙদা মালদিবস্তা শান্নখোৎনবগী ইনফ্রাস্ত্রকচর শেমগৎনবা হোৎননবা ফোংদোকখি। মখোয়না মালদিবসতা গ্রান্ত ফন্দ প্রোজেক্তকী মথক্তা তোঙান-তোঙানবা শান্নখোৎনবগী প্রোজেক্তশিং য়াওহন্নবা ফোংদোকখি। লুচিংবা অনিনা নাকল অনিমক্কী নহাশিংনা শান্নখোৎনবা অমসুং য়ুথ এফিয়র্সকী ২০২০দা খুৎয়েক পীনখিবা এম.ও.য়ু.গী মখাদা চাউখৎলক্লিবা অসিবুসু তরাম্না ওকখি।
মলতিলেতরেল ফোরমশিংদা লৈবা মপাং
৩০. লুচিংবশিং অসিনা য়ু.এন. বোদীশিংদা মরুওইনা সেক্যুরিতী কাউন্সিল শেমদোকপগী তঙাইফদবা লৈরিবা অসিবুসু য়ানখি। হীরম অসিগী মতাংদা প্রধান মন্ত্রী মোদীনা ভারতনা পার্মনেন্ত মেম্বরশিপ অমা ফংদুনা য়ু.এন. সেক্যুরিতী কাউন্সিল চাউথোক্নবা অমসুং রিফোর্ম তৌনবা হোৎনরিবা অসিদা মালদিবসকী মতেংবুসু থাগৎপা ফোংদোকচখি। রাস্ত্রপতি সোলিহনা ভারতপু য়ু.এন. জেনরেল এসেমব্লীগী হুম্ফু তরাতরুকশুবা মীফমদা মেলদিবসনা প্রেসিদেন্সি ফংনবা ভারতনা শৌগৎপীবগীদমক থাগৎপা ফোংদোকচখি। লুচিংবা অনিনা য়ু.এন. অমসুং অতোপ্পা অন্তর্জাতিগী থাক্তা মান্নবা হীরমদা মলতিলেতরেল ওইনা মতেং পাংনবদা য়ান্নবা ফোংদোক্নখি।
এগ্রীমেন্তস/এম.ও.য়ু.শিং
৩১. লুচিংবশিং অসিনা খোঙচৎ অসিগী মনুংদা মখাগী হীরমশিং অসিদা এম.ও.য়ু./য়ান্নবশিং লান্নখিঃ
-ফিশিং জোন ফোর্কাস্ত কেপাসিতী বিল্লিংদা মতেং পাংনবা
- সাইবর সেক্যুরিতীগী হীরমদা মতেং পাংনবা
- মালদিবসকী ৱিমেন দিবেলপমেন্ত কম্মিতী অমসুং লোকেল গবর্নমেন্ত ওথোরিতীগী কেপাসিতী বিল্লিং শেমগৎপা
-দিজাস্তর মেনেজমেন্ততা মতেং পাংনবা
-পুলিস ইনফ্রাস্ত্রকচর শেমগৎনবা য়ু.এস.দি. ৪১ মিলিয়নগী বাইয়র'স ক্রেদিৎ এগ্রীমেন্ত
-সোসিএল হাউজিং য়ুনিৎ ২,০০০ শেমগৎনবা বাইয়র'স ক্রেদিৎ ফাইনান্সিংগী য়ান্নচে
৩২. রাস্ত্রপতি সোলিহনা প্রধান মন্ত্রী মোদীবু মহাক্কী দেলিগেসনশিং য়াওনা তরাম্না ওকপীবগীদমক থাগৎপা ফোংদোকখি।
৩৩. রাস্ত্রপতি সোলিহনা ভারতকী রাস্ত্রপতিবু মালদিবসতা স্তেৎ ভিজিত তৌবীরনবা বার্তন অমুক হন্না নিংশিংজখি। রাস্ত্রপতি সোলিহনা ভারতকী প্রধান মন্ত্রীবু মালদিবসতা লেঙবীরক্নবগীদমক ফোংদোকখি।
