জাপানগী প্রধান মন্ত্রী ঐচ.ই. কিসিদা ফুমিওনা ভারতকী প্রধান মন্ত্রী ঐচ.ই. শ্রী নরেন্দ্র মোদীগা লোয়ননা মার্চ ১৯দগী ২০, ২০২২ ফাওবা চত্থগদবা ১৪শুবা ভারত-জাপান এনুএল সম্মিতকীদমক মহাক্কী অহানবা নাকল অনিগী ওইবা খোঙচৎ ওইনা ভারত্তা ওফিসিএল খোঙচৎ অমদা লাকখ্রে। প্রধান মন্ত্রীশিং অদুনা লৈবাক অনিনা দিপ্লোমেতিক ওইবা মরীগী চহি ৭০শুবা অমদি ভারতকী নীংতমবগী ৭৫শুবা চহিগী কুমওন পাঙথোক্লিঙৈ মতমসিদা পাঙথোক্লিবা সম্মিত অসিগী মরুওইবা য়ানখি। মখোয়না অকোনবা চহিগী মীফম মতুংদা ফগৎলক্লিবা মরী নৈনখি অমদি তেংবাংনবগী পাক চাউরবা হীরমশিংগী মরমদা খন্ন-নৈনখি।
১. ভারত অমসুং জাপানগী মরক্তা লৈরিবা স্পিসিএল স্ত্রেতেজিক অমসুং গ্লোবেল পার্ত্নরসিপ হেন্না চেৎশিন্নহন্নবা ৱাফম য়ানবগা লোয়ননা প্রধান মন্ত্রীশিং অদুনা ২০১৮দা লৈখিবা ভারত-জাপান ভিজন স্তেতমেন্তদা লৈরিবা নাকল অনিগী ওইবা ভেল্যু অমসুং প্রিন্সিপলশিং হেন্না ফীভম লুশিল্লক্লিবা শিংনবশিং থেংনবদা মালেমগী ওইনা তেংবাংনবা হেন্না মথৌ তারক্লিবা হৌজিক ওইরিবা ফীভমসিদা য়াম্না মরী লৈনৈ হায়বা ৱাফম পুথোক্নখি। মখোয়না লৈবাকশিংগী মনীং তমবা অমদি ঙমখৈ ঙাকপবু ইকায়খুম্নবা, লৈনরিবা ফীভমশিংবু নাকল নাম্মতগী ওইবা ফিরেপ্না হোংহন্নবগীদমক কিহন খংহনবা অমদি শাফু শীজিন্নবা য়াওদনা লৈনরিবা য়েৎনবা খুদিংমক মালেমগী ওইবা কাঙলোনগী মতুং চৎন-কাঙলোন্দা য়ুম্ফম ওইদুনা ইন্না ইংনা চিক্না ৱাখৈ পুরকপদা য়ুম্ফম ওইদুনা ইং-তপ্পা, মরা চেৎপা অমদি নুংঙাই-য়াইফবা মালেমগী মায়কৈদা থোং মান্ননা চঙশিনমিন্ননবা ৱাফমশিং পুথোক্নখি। হীরমসিগী মতাঙদা মখোয়না ইথিল য়াওদবা, লৌথুপ লৌকোই লৈতবা ইন্দো-পেসিফিক্কী মান্নবা মীৎয়েঙশিং থম্নবা অমুক হন্না লেপ্নখি। অসিগুম্বা মালেম অমদা লৈবাক অনিগী শেন্মিৎলোনবু মপাঙ্গল কল্লবা নাকল অনিগী ওইবা ইনভেস্তমেন্ত অমসুং লৈবাক অনিগী মীয়ামগী শেন্মিৎলোন ঙাক্তুনা নুংঙাই য়াইফবা পুরক্কদবা হীরম কয়া কোনশিনবা, হান্নগী ফীভমদা হঞ্জিল্লকপা ঙমগদবা, মনুং মপান ফাওনা উবা, লৌথুপ লৌকোই লৈতবা, সিক্যুর ওইবা অমদি তুংদা করি ওইরক্কদগে খঙবা ঙমগদবা মালেমগী সপ্প্লাই চেন্না মপাঙ্গল হাপহনগদবনি হায়বা ৱাখল্লোনশিং ফোঙদোক্নখি। হায়রিবা মান্নবা পান্দমশিং অসি ফংনবগীদমক লৈবাক অনিসিনা মখা তানা পুন্না থবক তৌমিন্নগদবনি হায়বা ৱাফম নৌনা লেপ্নদুনা, মখোয়না ভারত-জাপান স্পিসিএল স্ত্রেতেজিক অমসুং গ্লোবেল পার্ত্নরসিপপু মখা তানা চঙশিন্নবা ফিরেপ লৌনখি।
পুম্নমক শুপচিনবা অমদি কাঙলোন্দা য়ুম্ফম ওইবা মওং অমনা চৈঙক পীবা লৌথুপ লৌকোই লৈতবা ইন্দো-পেসিফিক অমগী খোঙবু
২. প্রধান মন্ত্রীশিংনা সিক্যুরিতী অমসুং দিফেন্সকী তেংবাংনবগী লমদা মশক থোক্না খুমাং চাওশিল্লিবা অসিবু থাগৎলদুনা মরী অসিবু হেন্না চেৎশিনহন্নিংবগী অপামবা ফোঙদোক্নখি। মখোয়না নই দিল্লীদা নবেমবর ২০১৯দা অহানবা ওইনা লৈবাক অনিগী ফোরেন অমসুং দিফেন্স মন্ত্রীশিংগী ২২ মীফম পাঙথোকখিববু তরাম্না ওকখি অমদি মখোয়গী মন্ত্রীশিংবু তোকিওদা হেক য়ারিবমখৈ থুনা অনিসুবা মীফম পাঙথোক্নবা পাউতাক পীনখি। মখোয়না জাপান সেল্ফ-দিফেন্স ফোর্স অমসুং ইন্দিয়ন আর্ম্দ ফোর্সগী মরক্তা খুৎয়েক পীনখিবা এগ্রীমেন্ত কন্সর্নিং রেসিপ্রোকেল প্রোভিজন ওফ সপ্লাইজ এন্দ সর্ভিসেস থবক ওইনা পায়খৎপবুসু মখোয়না তরাম্না ওকখি। জাপান্না অহানবা ওইনা এক্সরসাইজ মিলনদা শরুক য়ারকপা অমদি তুংদা মখোয়গী কম্প্লেক্সিতী হেনগৎহন্নবা হোৎনখিববু তরাম্না ওক্লদুনা মখোয়না “ধর্ম গার্জিয়ান” অমসুং ‘মলাবার” য়াওনা নাকল অনিগী অমদি মায়কৈ কয়াগী ওইবা এক্সরসাইজ মখা চত্থনবা ফিরেপ লৌনখি। মখোয়না জাপান এয়র সেল্ফ-দিফেন্স ফোর্স অমসুং ইন্দিয়ন এয়র ফোর্স অনিগী মরক্তা ফাইতর এক্সরসাইজ হৌদোক্নবগী খুৎশম্ননা হোৎনমিন্ননবা ফিরেপ লৌনখি অমদি হায়রিবা এক্সরসাইজ অসিবু অথুবা মতমদা পাঙথোক্নবা হোৎনখিববু তরাম্না ওকখি। মখোয়না অনমেন গ্রাউন্দ ভেহিকল (য়ু.জি.ভি.) অমসুং রোবোতিক্সকী লমদা খুৎশম্ননা চৎমিন্নবগী মরীবু শকখঙবগা লোয়ননা দিফেন্স ইকুইপমেন্ত অমসুং তেক্নোলোজীগী লমদা তুংদা তেংবাংননবগী অকক্নবা হীরমশিং মখা তানা খঙদোকমিন্ননবা মখোয়গী মন্ত্রীশিংদা পাউতাক পীনখি।
৩. ইং-তপ্পা, ঙাকশেল অমসুং নুংঙাই-য়াইফবা ইন্দো-পেসিফিক রিজন য়োকখৎনবা মখোয়গী ফিরেপকা লোয়ননা প্রধান মন্ত্রীশিংনা ওস্ত্রেলিয়া, ভারত, জাপান অমসুং য়ুনাইতেদ স্তেতস (দি ক্বাদ)গী মায়কৈ মরীগী তেংবাংনবা য়াওনা লমদমসিগী ৱাখল মান্নবা লৈবাকশিংগী মরক্তা নাকল অনিগী অমদি মায়কৈ কয়াগী ওইবা খোঙবু শেমগৎপগী মরুওইবা ৱাফমশিং য়ানখি। মখোয়না মার্চ অমসুং সেপ্তেমবর ২০২১দা পাঙথোকখিবা ক্বাদ লীদর্স সম্মিৎপু তরাম্না ওক্তুনা ক্বাদকী অফবা, শিংথানিংঙাই ওইবা ৱাফমশিংগী মতাঙদা অফবা মহৈ ফংনবা হোৎনবদা, মরুওইনা কোবিদ ভেক্সিন, মরুওইবা অমদি নৌনা লাক্লিবা তেক্নোলোজীশিং, ক্লাইমেত এক্সন, ইনফ্রাস্ত্রকচর কোওর্দিনেসন, সাইবরসিক্যুরিতী, স্পেস অমসুং মহৈ মশিংদা লৌরিবা খোঙফমশিং নৌহৌননা চেৎশিনহন্নবা ৱাফম য়ানখি। লাক্কদৌরিবা থা খরসিদা জাপান্দা পাঙথোক্কদৌরিবা মথঙগী ক্বাদ লীদর্স সম্মিৎকী খুত্থাঙদা ক্বাদকী তেংবাংনববু হেন্না খুমাঙ চাওশিন্নবা ৱাফমসু য়ানখি।
৪. প্রধান মন্ত্রী কিসিদানা ইং ২০১৯দা প্রধান মন্ত্রী মোদীনা লাউথোকখিবা ইন্দো-পেসিফিক ওসিন্স ইনিসিএতিব (আই.পি.ও.আই.)বু তরাম্না ওকখি। প্রধান মন্ত্রীশিং অদুনা আই.পি.ও.আই. অমসুং ফ্রী এন্দ ওপন ইন্দো-পেসিফিক (এফ.ও.আই.পি.) অনিগী মরক্তা তেংবাংনবগী হেন্না পাকথোক চাউথোরক্লিবা মফমবু খঙখি। আই.পি.ও.আই.গী কন্নেক্তিভিতীগী য়ুম্বীগী লমজিংবা খোঙবু অমা ওইনা জাপান্না শরুক য়ারকপবু ভারতনা তরাম্না ওকখি। অসীনগী অপুনবা অমদি সেন্ত্রেলিতীদা অকনবা ঙাক্লৌ পীননবা লেপ্নখি অমদি চৎন-কাঙলোন, লৌথুপ লৌকোই লৈতবা, নীংতমবা, মনুং মপান ফাওনা উবা অমদি পুম্নমক কোনশিনবা হায়রিবা ৱাফমশিংবু ঙাক্লিবা “অসীন আউতলুক ওন দি ইন্দো-পেসিফিক (এ.ও.আই.পি.)দা মপুং ফানা ঙাক্লৌ পীননবগীদমক অমুক হান্না লেপ্নখি।
৫. প্রধান মন্ত্রীশিংনা ভারত অমসুং জাপান্না ইন্দো-পেসিফিক লমদমগী মাঙজিল থাবা মপাঙ্গল কনবা লৈবাক অনি ওইনা মেরিতাইম দোমেনগী সেফতী অমসুং সিক্যুরিতীগী লমদা, নেভিগেসন অমসুং ওভরফ্লাইতকী নীংতমবা, কাঙলোন্না য়াবা লল্লোন ইতিক্তা অপনবা লৈতবা, চয়েৎনবা লাকপদা মালেমগী কাঙলোনগী মতুং ইন্না লিগেল অমসুং দিপ্লোমেতিক থৌওংশিং মপুং ফানা ঙাক্তুনা ইংনা চিক্না ৱাখৈ পুরক্নবগী মান্নবা ৱাখল্লোনশিং থম্নখি। মখোয়না মালেমগী চৎন-কাঙলোনশিং, মরুওইনা য়ুনাইতেদ নেসন্স কনভেন্সন ওন দি লো ওফ দি সী (য়ু.এন.সি.এল.ও.এস.)তা অহেনবা মীৎয়েঙ মখা তানা চঙনবা, অমদি নোংপোক অমসুং খা চাইনা সমুদ্রদা লৈরিবা রুল-বেজ মেরিতাইম ওর্দরদা লৈরিবা শিংনবশিং থেংননবগীদমক মেরিতাইম সিক্যুরিতী য়াওনা খুৎশম্ননা চৎমিন্ননবা ৱাফমশিং হন্না লেপ্নখি। মখোয়না নন-মিলিতরাইজেসন অমসুং সেল্ফ-রেস্ত্রেন্তকী মরুওইবা ৱাফমশিং থম্নখি। মখোয়না খা চাইনা সমুদ্রদা লৈরিবা দিক্লারেসন ওন দি কন্দক্ত ওফ পার্তিজ মপুং ফানা অমদি মতিং লৈনা পায়খৎনবা অমদি নেগোসিএসন অসিদা য়াওদবা কাঙবু য়াওনা লৈবাক খুদিংমক্কী হক অমসুং অপামবা শোকহন্দনা মালেমগী চৎৎন-কাঙলুনশিং, মরুওইনা য়ু.এন.সি.এল.ও.এস.কী মতুং ইন্না খা চাইনা সমুদ্রদা মচল শুবা অমদি মতিং লৈবা কোদ ওফ কন্দক অমা থুনা পুরক্নবা ৱাফমশিং থমখি।
৬. প্রধান মন্ত্রীশিংদুনা য়ুনাইতেদ নেসন্স সিক্যুরিতী কাউন্সিল রিজোলুসন (য়ু.এন.এস.সি.আর.) খোঙ্গাউনদুনা নোর্থ কোরিয়ানা ইং-তপ্পা থুগাইগদবা মওংদা বলিস্তিক মিসাইল লোঞ্চ তৌখিববু য়ানিংদবা ফোঙদোকখি। মখোয়না য়ু.এন.এস.সি.আর.গা মখা পোন্না নোর্থ কোরিয়াবু মপুং ফানা দিন্যুক্লিয়রাইজেসন তৌনবা, অমদি নোর্থ কোরিয়াগী খুৎশু খুৎলায় মশিং হেনগৎলক্লিবসিগা মরী লৈননা নুংনাংনিংঙাই ওইবা ৱাফমশিং ৱাখৈ পুরকপগী মরুওইববু মাঙদা পুখৎনবা ৱাফমশিং হন্না য়ানখি। মখোয়না নোর্থ কোরিয়াবু মরী লৈনবা য়ু.এন.এস.সি.আর.গী মখা পোন্না মালেমগী থৌদাং মপুং ফানা য়ানবা, অমদি মীফা মীপুনগী ৱাফমশিং খুদক্তা ৱাখৈ পুরক্নবা ৱাফম থমখি।
৭. প্রধান মন্ত্রীশিংনা অফঘানিস্তান্দা ইং-তপ্পা অমসুং মরা চেৎপা পুরক্নবগীদমক পুন্না চঙশিনমিন্ননিংবগী অপামবশিং ফোঙদোক্নখি, অমদি হ্যুমেনিতরিয়ন ক্রাইসিস লোইশিন্নবা, মীওইবগী হক য়োকখৎনবা অমসুং তশেং তশেংবা মীয়ামগী মীহুৎশিংগী ওইবা অমদি পুম্নমক কোনশিনবা লৈঙাক্লোনগী ফীভম অমা শেমগৎপগী মরুওইবা ৱাফমশিং ফোঙদোক্নখি। মখোয়না অফঘান ঙমখৈবু তেরোরিস্ত থৌওংশিংগী চঙজফম, ত্রেনিং তৌফম, থৌরাং য়াৎফম অমসুং শেল থাদফম ওইহন্দনবা অমত্তা ওইনা য়ানখিবা য়ু.এন.এস.সি.আর. ২৫৯৩ (২০২১)গী মরুওইবা ৱাফমশিং ফোঙদোক্নদুনা য়ু.এন.এস.সি.না সেংসন তৌবা য়াওনা তেরোরিস্ত কাঙলুপ খুদিংমক্কী মায়োক্তা অপুনবা খোঙথাঙ অমা পায়খৎনবা ৱাফমসু থমখি।
৮. প্রধান মন্ত্রীশিংনা লেপ্তনা হেনগৎলক্লিবা তেরোরিজমগী শিংনবশিংগী মতাঙদা নুংনাংবা ফোঙদোক্লদুনা মপুং ফাবা অমদি তুং কোইগদবা মওংদা তেরোরিজম থেংননবা মালেমগী তেংবাংনবগী থৌওং মপাঙ্গল কনখৎহনবগী মথৌ তাবা ৱাফমশিং ফোঙদোক্নখি। মখোয়না লৈবাক পুম্নমক্তা তেরোরিস্তশিংগী লৈফম অমসুং মচাক মথুম মরু ফুক্তোক্নবা, তেরোরিস্ত নেতৱর্ক অমসুং মখোয়গী শেল থাদবগী চেনেল থদৎনবা, অমসুং তেরোরিস্তশিং ঙমখৈ লান্না চত্থোক চৎশিন থিংননবা থবক পায়খৎমিন্ননবা ৱাফমশিং থমখি। হীরম অসিগী মতাঙদা, মখোয়না লৈবাক পুম্নমক্কী মফমদা মখোয়গী মখাদা লৈবা মফমশিং তেরর এতেক্ত তৌনবা মফম ওইহন্দনবা, অসিগুম্বা তেরর এতেক্তশিংদা চেন্নবশিং থুনা য়াঙনা ৱায়েল ফংহন্নবা থবক পায়খৎনবা ৱাফমশিংসু থমখি। মখোয়না ২৬/১১ মুমবাই অমসুং পথানকোৎ এতেক্ত য়াওনা ভারত্তা চত্থখিবা তেরোরিস্ত এতেক্তপু য়ানিংদবা ফোঙদোকখি অমদি পাকিস্তানবু মখোয়গী ঙমখৈ মনুংদা লৈরিবা তেরোরিস্ত নেতৱর্কশিংগী মায়োক্তা অকনবা অমদি মনীং হনবা য়ারোইদবা থবক পায়খৎনবা অমসুং এফ.এ.তি.এফ. য়াওনা মালেমগী কম্মিতমেন্তশিং মপুং ফানা ঙাক্নবা ৱাফম থমখি। মখোয়না মায়কৈ কয়াগী ওইবা ফোরমশিংদা কাউন্তর-তেরোরিজমগী থৌওং মপাঙ্গল কনখৎহন্নবা, অমদি য়ুনাইতেদ নেসন্সতা কম্প্রিহেন্সিব কনভেন্সন ওন ইন্তরনেসনেল তেরোরিজম (সি.সি.আই.তি.) থুনা পায়খৎনবা পুন্না থবক তৌমিন্ননবা ৱাফমশিংসু য়ানখি।
৯. প্রধান মন্ত্রীশিংনা ম্যান্মারদা লৈরিবা ফীভমদা নুংনাংবা ফোঙদোক্লদুনা হিংসাগী থবক লেপ্নবা, ফাজিন্দুনা থম্লিবশিং থাদোক্নবা অমদি মীয়ামগী লৈঙাক্কী লম্বীদা হল্লক্নবা ৱাফম থমখি। মখোয়না ম্যান্মারদা ৱারোইশিন পুরকপদা অসীনগী ঙাক্লৌ পীননবা ৱাফম থমখি, অমদি মুক্নরিবা অসি লৈহন্দনবা কম্বোদিয়ানা অসীনগী চেয়র ওইনা ইচঙ থৌনা লৌরিবা থৌদাংবুসু তরাম্না ওকখি। মখোয়না ম্যান্মারদা অসীনগী ফাইভ-পোইন্ত কন্সেন্সস থুনা পায়খৎনবা ৱাফম থমখি।
১০. প্রধান মন্ত্রীশিংদুনা য়ুক্রেন্দা হৌজিক ওইরিবা মুক্নবা অমদি মীওইবা খুন্নাইদা তারিবা লাংফমগী মরমদা শাথিনা নুংনাংবা ফোঙদোক্নখি অমদি মসিনা ওইহল্লক্কদবা খুদোংচাদবশিং, মরুওইনা ইন্দো-পেসিফিক লমদমদা ওইরক্কদবশিং নৈনখি। কন্তেম্পররী গ্লোবেল ওর্দর অসি য়ু.এন. চার্তর, ইন্তরনেসনেল লোদা য়ুম্ফম ওইদুনা শেমগৎখিবনি অমদি লৈবাকশিংগী নীংতমবা অমদি ঙমখৈগী অপুনবা শক্তমবু ইকায় খুম্নৈ হায়বা ৱাফমশিং থমখি। মখোয়না য়ুক্রেন্দা লৈরিবা ন্যুক্লিয়র ফেসিলিতীশিংগী সেফতী অমসুং সিক্যুরিতীগী মরুওইবা ৱাফমশিং থম্লদুনা হীরমসিগী মতাঙদা আই.এ.ই.এ.না ইচঙ থৌনা হোৎনরিববু শকখঙখি। মখোয়না হিংসাগী থবক খুদক্তা লেপ্নবা থম্লিবা ৱাফম হন্না পুখৎখি অমদি ৱারী শানবা অমদি দিপ্লোমেসী নত্তনা মুক্নবা অসিগী ৱারোইসিন পুরক্নবা লম্বী অমত্তা লৈতে হায়বা ৱাফমশিং থম্নখি। য়ুক্রেন্দা লৈরিবা মীওইবা খুন্নাইগী লাংফমগী ফীভম অসিগী ৱারোইসিন পুরকপদা চপ চাবা খোঙথাঙশিং লৌখৎকনি হায়বা ৱাফমশিংসু লুচিংবশিং অদুনা লেপ্নখি।
১১. প্রধান মন্ত্রী কিসিদানা ভারতপু ওগস্ত ২০২১দা মায় পাক্না য়ু.এন. সিক্যুরিতী কাউন্সিলগী প্রেসিদেন্সী ওইখিবগীদমক অমদি “মেন্তেনেন্স ওফ ইন্তরনেসনেল পীস এন্দ সিক্যুরিতী: মেরিতাইম সিক্যুরিতী” হায়বসিদা পাঙথোকখিবা অৱাংবা থাক্কী ওপন দিবেত অদুদা প্রধান মন্ত্রী মোদীগী য়ু.এন.এস.সি.গী চেয়রমেনসিপকীদমক নুংঙাইবা ফোঙদোকখি। প্রধান মন্ত্রী মোদীনা ২০২৩-২০২৪ তার্মকী য়ু.এন.এস.সি.দা জাপানগী নন-পর্মেনেন্ত সীত পীননবা ভারতনা শৌগৎকনি হায়বা ৱাফম থমখি, অমদি ৱাফমদুদা প্রধান মন্ত্রী কিসিদানা অপেনবা ফোঙদোকখি। মখোয়না ভারত অমসুং জাপানগী মতমশিংদা য়ু.এন.এস.সি.দা লৈরিবা ৱাফমশিংদা মখা তানা পুন্না চৎমিন্ননবা ৱাফমশিং য়ানখি। প্রধান মন্ত্রীশিংনা ২১শুবা চহিচাগী ওইরক্লিবা ফীভমশিং মমি তাহন্নবা য়ু.এন.এস.সি.দা অওনবা পুরক্নবগীদমক মখা তানা পুন্না চৎমিন্ননবা ৱাফমসু য়ানখি। অকক্নবা মতমগী মনুংদা চপ চাবা মহৈ ফংহন্নবগী মপুং ওইবা পান্দমগা লোয়ননা ইন্তর-গভর্নেমন্ত নেকোসিএসন্দা (আই.জি.এন.) তেক্ত-বেজ নেগোসিএসন হৌদোকপা য়াওনা, মসিগী থৌওংশিং খোঙজেল য়াঙ্খৎহন্নবা মখোয়গী খোঙফমশিং ফোঙদোক্নখি। ভারত অমসুং জাপান পাকথোক চাউথোক্লবা য়ু.এন.এস.সি.গী পর্মেনেন্ত মেমবরসিপগী মরম চাবা/মতিক চাবা কেন্দিদেৎশিংনি হায়বা ৱাফমশিং মখোয়না অমুক হন্না থমখি
১২. প্রধান মন্ত্রীশিংদুনা ন্যুক্লিয়র খুৎলায়শিং মপুং ফানা মুত্থৎনবা মখোয়গী খোঙফমশিং অমুক হন্না ফোঙদোক্নরদুনা ন্যুক্লিয়রগী খুৎলায় পৈখৎনবা অমসুং ন্যুক্লিয়র তেরোরিজম থেংননবা মালেমগী তেংবাংনবগী থৌওং মপাঙ্গল কনখৎহন্নবগী থবক থৌরমশিংদা লৈরিবা মখোয়গী খোঙফম লেঙদনা লৈগনি হায়বা ৱাফমশিং থম্নখি। প্রধান মন্ত্রী কিসিদানা কম্প্রিহেন্সিব ন্যুক্লিয়র-তেস্ত-বেন ত্রিতী (সি.তি.বি.তি.)দা থুনা চঙশিনবগী মরুওইবা ৱাফমশিং থমখি। মখোয়না সেনন মেন্দেত্তা য়ুম্ফম ওইরগা কন্ফরেন্স ওন দিসআর্মামেন্তদা মীচঙ মীখায় নাইদবা, মায়কৈ কয়াগী ওইবা, অমসুং মালেমগী ওইবা অমদি মতিং লৈনা ভেরিফাই তৌবা য়াগদবা ফিসাইল মেতরিএল কত-ওফ ত্রিতী (এফ.এম.সি.তি.)গী মতাঙদা নেগোসিএসন অমা খুদক্তা হৌনবা অমদি থুনা ৱারোইশিন পুরক্নবা ৱাফমশিং থমখি। মখোয়না মালেমগী নন-প্রোলিফরেসন থৌওংবু মপাঙ্গল কনখৎহন্নবা পান্দমগা লোয়ননা ন্যুক্লিয়র সপ্লাইয়র গ্রুপ্তা ভারতকী মেম্বরসিপকীদমক মখা তানা পুন্না চঙশিনমিন্ননবা ৱাশক্নখি।
কোবিদ মতুংগী মালেমদা তুং কোইগদবা চাউখৎ পরিংগী খোঙবু
১৩. প্রধান মন্ত্রীশৎংদুনা কোবিদ-১৯ থেংননবা মালেমগী থৌওংদা অমদি মীয়ামগী পুন্সি অমসুং হিংনবগী পাম্বৈ ঙাক্তুনা থম্নবগীদমক ভারত অমসুং জাপান্না মখা তানা থৌদাং য়াননবা অমুক হন্না লেপ্নখি। ইন্দো-পেসিফিক অমসুং মসিগী ৱাংমদা মান্নবা থাক্তা শাফগদবা অমদি মতিং লৈবা ভেক্সিন ফংহন্নবগীদমক ক্বাদ ভেক্সিন পার্ত্নরসিপকী মখাদা চঙশিল্লিবা খোঙজেলবু মখোয়না তরাম্না ওকখি। প্রধান মন্ত্রী মোদীনা কোবিদ-১৯ থেংননবা অমদি খুন্নাইগী ঙাকশেল পীননবা ভারত লৈঙাক্কী থৌওংশিংদা জাপান্না পাংলক্লিবা মতেংগীদমক অপেনবা ফোঙদোকখি। প্রধান মন্ত্রী কিসিদানা কোবিদ-১৯ থেংনবদা ভারতনা লৌখৎখিবা থৌরাংশিং, মরুওইনা হিদাক লাংথক অমসুং মেদিকেল খুৎলায়শিং সপ্লাই লেপহন্দনবা, অমসুং ভেক্সিন মাইত্রি থৌরাংগী খুত্থাঙদা শাফগদবা অমদি মতিং লৈবা ভেক্সিন ফংহন্নবা পায়খৎখিবা থৌরাংশিংগীদমক থাগৎখি। মখোয়না হকশেলগা মরী লৈনবা এস.দি.জি.শিং, মরুওইনা য়ুনিভর্সেল হেল্থ কভরেজ, অমসুং ৱর্ল্দ হেল্থ ওর্গনাইজেসনগী লমজিং অমসুং খুৎশম্ননা চৎমিন্নবগী থৌদাং অমসুং মসিদা অওনবা পুরকপা য়াওনা মালেমগী হেল্থ আর্কিতেকচর মপাঙ্গল কনখৎহন্নবা মখোয়গী খোঙফমশিং অমুক হন্না চেৎশিনহনখি।
১৪. প্রধান মন্ত্রীশিংদুনা, সি.ও.পি.২৬কী মহৈদা য়ুম্ফম ওইদুনা, ক্লাইমেত চেঞ্জ থেংনবগী মরুওইবা অমদি তঙাইফদবশিং খঙখি, অমদি তোঙান তোঙানবা লৈবাক্কী ফীভমশিং অমসুং মালেমগী নেত-জিরো ইমিসন ফংনবগী লেপ্পা নাইদনা ইনোভেসন তৌবগী ৱাফমশিং মমি তাবা ইনর্জী ত্রাঞ্জিসনকী ওইথোকপা য়াবা তোঙান তোঙানবা লম্বী পরিংশিংগী মরুওইবশিং ফোঙদোক্নখি। তুং কোইগদবা শেন্মিৎলোন চাউখৎপা পুরক্নবা, ক্লাইমেত চেঞ্জকী ৱাখঢ পুরক্নবা অমদি বেত্তরী, ইলেক্ত্রিক ভেহিকল চার্জিং ইনফ্রাস্ত্রকচর (ই.ভি.সি.আই.), সোলার ইনর্জী, গ্রীন হাইদ্রোজেন/এমোনিয়া, নুংশিৎকী ইনর্জী য়াওনা ক্লীন ইনর্জীশিং য়াওনা স্তোরেজ সিস্তেম অমসুং ইলেক্ত্রিক ভেহিকলনচিংবা হীরমশিংদা ইনর্জী সিক্যুরিতী লৈহন্নবা তেংবাংনবগীদমক শেমখিবা ইন্দিয়া-জাপান ক্লীন ইনর্জী পার্ত্নরসিপ (সি.ই.পি.) হৌদোকখিববু তরাম্না ওকখি, অমদি মখোয় মখোয়গী ওইবা ইনর্জী ত্রাঞ্জিসন প্লানশিং, ইনর্জী ইফিসিএন্সী, সি.সি.য়ু.এস. (কার্বোন দাইওক্সাইদ কেপচরিং, য়ুতিলাইজেসন এন্দ স্তোরেজ), অমসুং কার্বোন রিসাইক্লিংগী মতাঙদা লৈরিবা মীৎয়েঙশিং ফোঙদোক্নখি। মখোয়না পেরিস এগ্রীমেন্তকী আর্তিকল ৬ চৎনহন্নবা ভারত অমসুং জাপানগী মরক্তা জোইন্ত ক্রেদিতিং মেকানিজম (জে.সি.এম.) শেমগৎনবগী মতাঙদা মখা তানা খন্ন-নৈননবা লেপ্নখি। মখোয়না অতৈ হীরমশিংদসু এনভাইরনমেন্তেল কোওপরেসন য়োকখৎনবা ফিরেপশিং অমুক হন্না লৌনখি। হীরমসিগী মতাঙদা, মখোয়না দিসেন্ত্রেলাইজ দোমেস্তিক ৱেস্তৱাতর মেনেজমেন্তকী মতাঙদা তেংবাংননবগীদমক এ.ও.সি. খুৎয়েক পীনখিববু তরাম্না ওকখি। প্রধান মন্ত্রী মোদীনা ভরানসি, অহমদবাদ অমসুং চেন্নাইদা স্মার্ত সিতীগী মতাঙদা মমাঙদা অমদি হৌজিক হৌজিক ফংলিবা জাপানগী তেংবাংশিংগীদমক অপেনবা ফোঙদোক্লদুনা হীরম অসিগী মতাঙদা মখা তানা মতেং ফংখিগনি হায়না খল্লি হায়বা ৱাফম থমখি। প্রধান মন্ত্রী কিসিদানা ইন্তরনেসনেল সোলার এলাইন্স (আই.এস.এ.) অমসুং কোএলিসন ফোর দিজাস্তর রেজিলিএন্ত ইনফ্রাস্ত্রকচরনচিংবা ভারতকী থৌরাংশিংবু থাগৎখি, অমদি হেভী ইন্দস্ত্রীদা অওনবা পুরকপা য়োকখৎনবগীদমক ইন্দিয়ন-স্বেদিস ক্লাইমেত ইনিসিএতিব লীদ.আই.তি.দা জপান্না শরুক য়াশিনগনি হায়বা ৱাফম থমখি। মখোয়না সস্তেনেবল অর্বান দেভেলপমেন্তকী মতাঙদা এ.ও.সি. খুৎয়েক পীনখিববু তরাম্না ওকখি।
১৫. প্রধান মন্ত্রীশিংনা ৱর্ল্দ ত্রেদ ওর্গনাইজেসন (দব্লিউ.তি.ও.)না ময়ায়দা থম্লগা রুল্স-বেজ মল্তিলেতরেল ত্রেদিং সিস্তেম ঙাক্নবা অমদি মপাঙ্গল কনখৎহন্নবা, অমসুং ১২শুবা দব্লিউ.তি.ও. মিনিস্তরিএল কন্ফরেন্স (এম.সি.১২)দা ৱাহন্থোক লৈবা মহৈ ফংনবগীদমক অমগা অমগা পুন্না চৎমিন্ননবা মখোয়গী ফোঙফমশিং অমুক হন্না ফোঙদোক্নখি। হায়রিবা সিস্তেমসিগা ওন্ন-তৈনবদা লৈরিবা ইথিল পীবা শেন্মিৎলোনগী খুজিল থৌরাংশিং অমসুং থৌওংশিংগী মায়োক্তা মখোয়গী য়ানিংদবা ফোঙদোক্নখি অমদি অসিগুম্বা থৌওংশিংগী মায়োক্তা মালেমগী ওইবা ইকনমিক রেজিলিএন্স শেমগৎনবা পুন্না থবক তৌমিন্ননবা খোঙফম লৌনখি।
১৬. লৈনরিবা মরী অসিনা স্পিসিএল স্ত্রেতেজিক এন্দ গ্লোবেল পার্ত্নরসিপকী থাক্তা কাখৎখ্রবা মতুংদগী শেন্মিৎলোনগী তেংবাংনবদা মশক থোক্না চাউখৎপা পুরক্লে হায়বা ৱাফমশিং প্রধান মন্ত্রীশিংদুনা ফোঙদোক্নখি। ২০১৪দা লাউথোকখিবা জে.পি.ৱাই. ত্রিলিয়ন ৩.৫কী ইনভেস্তমেন্ত তার্গেৎ অসি ফংলে হায়না মখোয়না অপেনবা ফোঙদোক্নখি। ভারত্তা জাপানিজ ইনভেস্তরশিংগী বুজিনেস এনভাইরনমেন্ত ফগৎহন্নবা ভারতনা লৌখৎলিবা খোঙথাঙশিং, লোয়ননা শেন্মিৎলোন চাউখৎহন্নবা অমসুং লল্লোন ইতিক তৌবদা কোমহন্নবা পায়খৎলিবা থৌরাংশিং পল্লদুনা, মায়কৈ অনিগী কান্নগদবা চুনবা পব্লিক অমসুং প্রাইভেত প্রোজেক্তশিংদা শেল থাদনবা মথঙগী চহি মঙাসিদা জপান্না ভারত্তা জে.পি.ৱাই. ত্রিলিয়ন ৫ থাদবগী অপামবশিং ফোঙদোক্নখি। প্রধান মন্ত্রী মোদীনা ভারত্তা শেন্মিৎলোনগী তেংবাংনবগী মরী মপাঙ্গল কনখিহন্নবা জাপান্না পায়খৎলিবা তোঙান তোঙানবা থৌরাংশিংদা তৌবিমল খঙবা ফোঙদোকখি। হীরম অসিগী মতাঙদা, প্রধান মন্ত্রীশিংদুনা নবেমবর ২০২১দা ইন্দিয়া-জাপান ইন্দস্ত্রিএল কম্পিতিতিবনেস পার্ত্নরসিপ (আই.জে.আই.সি.পি.) শেমখিববু নীংশিংদুনা এম.এস.এম.ই. (মাইক্রো, স্মোল এন্দ মেদিয়ম এন্তরপ্রাইজেজ), মেনুফেকচরিং অমসুং সপ্লাই চেন য়াওনা লৈবাক অনিগী মরক্তা ইন্দস্ত্রিএল কোওপরেসন মখা তানা য়োকখৎনবা আই.জে.আই.সি.পি.)গী মখাদা রোদমেপ শেমখিববু তরাম্না ওকখি। থাজবা য়াবা, হান্নগী ফীভমদা হঞ্জিল্লকপা ঙমগদবা, মতিং লৈবা সপ্লাই চেন লমদমসিদা শেমগৎনবগীদমক পুন্না থবক তৌমিন্ননবা ৱাফমসু মখোয়না লেপ্নখি, অমদি হীরম অসিগী মতাঙদা খ্বাইদগী ফবা থৌওংশিং তাথোক তাশিন তৌনবগী খোঙজেলবু তরাম্না ওকখি। ইলিসিত তেক্নোলোজী ত্রান্সফরগী ৱারোইশিন পুরকপগী, তুং কোইগদবা সপ্লাই চেন শেমগৎপগী অমদি ক্বাদকী খুত্থাঙদা য়াওনা মরুওইবা ইনফ্রাস্ত্রকচরশিং ঙাক্তুনা থমবগী থৌওং মপাঙ্গল কনখৎহনবগী মরুওইবা ৱাফমশিং মখোয়না ফোঙদোক্নখি। নাকল অনিগী ওইবা য়ু.এস.দি. বিলিয়ন ৭৫গী করেন্সী স্বাপ এগ্রীমেন্ত নৌনা খুৎয়েক পীনখিববু মখোয়না তরাম্না ওকখি। মখোয়না নাকল অনিগী ওইবা লল্লোন ইতিক ফগৎহনবগী মথৌ তাবা খঙখি অমদি ইন্দিয়া-জাপান কম্প্রিহেন্সিব ইকনমিক পার্ত্নরসিপ এগ্রীমেন্ত (সি.ই.পি.এ.)গী মখাদা ভারত অমসুং জাপানগী মরক্তা ঙা সুরিমিগী ত্রেদ য়োকখৎনবগীদমক শেমদোক শেমজিন তৌখিববু তরাম্না ওকখি। লৈবাক অনিগী মরক্তা ত্রেদ অমসুং ইনভেস্তমেন্ত য়োকখৎপগী মরুওইবা ফোঙদোক্লদুনা, লৈরিবা মেকানিজমগী খুত্থাঙদা সি.ই.পি.এ. চৎনহনববু অমুক হন্না নৈননবা ৱাফমশিং মখোয়না পুক্নিং থৌগৎনখি। জাপানগী সেম ভারত্তা পুশিল্লকপদা ভারতনা অয়াবা পীখিবা অমদি ভারতকী হৈনৌ জাপান্দা পুশিল্লকপগী থবক থৌওং কোমথোকহনখিববু মখোয়না তরাম্না ওকখি।
১৭. প্রধান মন্ত্রীশিংদুনা কোবিদ মতুংগী মালেমদা দিজিতেল তেক্নোলোজীগী থৌদাং অসুম অসুম মরুওইবা হেনগৎলক্কনি হায়বা ৱাফম খঙনখি অমদি দিজিতেল ত্রান্সফোর্মেসনগীদমক অপুনবা প্রোজেক্তশিং য়োকখৎপা, ভারতকী আই.তি. প্রোফেসনেলশিং জাপান অমসুং জাপানিজ কম্পেনীশিংদা খুদোংচাবা পীননবা ঙাক্লৌ, আই.ও.তি., এ.আই. অমসুং অতৈ হৌগৎলক্লিবা তেক্নোলোজীশিংগী লমদা পুন্না চৎমিন্নবগী খুত্থাঙদা দিজিতেল ইকনমী ফগৎহন্নবা মীৎয়েঙদা ইন্দিয়া-জাপান দিজিতেল পার্ত্নরসিপগী হেনগৎলক্লিবা তেংবাংনবগী ফীভমবু তরাম্না ওকখি। হীরম অসিগী মতাঙদা, প্রধান মন্ত্রী কিসিদানা জাপানিজ আই.সি.তি. সেক্তরদা থাক ৱাংনা হৈ-শিংলবা ভারতকী আই.তি. প্রোফেসনেলশিং চিংশিন্ননবা মীৎয়েঙ থম্লি হায়বা ৱাফম থমখি। নৌনা হৌগৎলক্লিবা ভারতকী স্তার্ত-অপশিংদা শেল থাদনবগীদমক শেমখিবা “ইন্দিয়াএ-জাপান ফন্দ ওফ ফন্দক”গী খোঙজেলবুসু মখোয়না তরাম্না ওকখি। সাইবরসিক্যুরিতী অমসুং আই.সি.তি.গী লমদা এম.ও.সি. খুৎয়েক পীনখিববু তরাম্না ওক্লদুনা, সাইবর দোমেন্দা লৈরিবা নাকল অনিগী মরীগী খোঙজেলবু মখোয়না থাগৎখি অমদি য়ুনাইতেদ নেসন্স য়াওনা মায়কৈ কয়াগী ওইবা ফোরমশিংদা অমগা অমগা লৈনরিবা সাইবর এঙ্গেজমেন্ত হেন্না চেৎশিনহন্নবা লেপ্নখি। মখোয়না মখা তানা ৫জি, ওপন রেন, তেলিকোম নেতৱর্ক সিক্যুরিতী, সবমেরিন কেবল সিস্তেম, অমসুং ক্বান্তম কম্ম্যুনিকেসন য়াওনা তোঙান তোঙানবা হীরমশিংদা তেংবাংননবগী ৱাখল্লোনশিং ফোঙদোক্নখি। মখোয়না নবেমবর ২০২০দা পাঙথোকখিবা ইন্দিয়া-জাপান জোইন্ত কম্মিতী ওন সাইন্স এন্দ তেক্নোলোজী কোওপরেসনগী ১০শুবা মীফম য়াওনা সাইন্স অমসুং তেক্নোলোজীগী লমদা নাকল অনিগী তেংবাংনবগী খোঙজেলবু তরাম্না ওকখি, অমদি অপুনবা লুনার মিসনগী মীৎয়েঙ থমখি। তেক্নোলোজী দিজাইন, দেভেলপমেন্ত, গভর্নেন্স, অমসুং শীজিন্নবগী মতাঙদা লৈরিবা ক্বাদ প্রিন্সিপলশিংনা লমজিংবা তেক্নোলোজীগী মীৎয়েঙশিং ৱাখল মান্নবা লৈবাকশিংগী মরক্তা পুন্না চঙশিনমিন্ননবা হোৎনরিবা থৌরাংশিং মপাঙ্গল কনখৎহন্নবা খোঙফমশিং অমুক হন্না চেৎশিনহনখি।
১৮. প্রধান মন্ত্রী মোদীনা চহি কয়াসিদা ভারতকী খুন্নাই-শেন্মিৎলোন চাওখৎহনবদা জাপান্না পীরিবা তেংবাংগীদমক তৌবিমল খঙবা উৎখি। জাপান্না পুন্না য়েন বিলিয়ন ৩০০গী মথক্তা (আই.এন.আর. করোর ২০৪০০গী মথক্তা) পীরিবা য়েন তরেৎকী লোন প্রোজেক্তশিংগা মরী লৈনবা ৱারোলশিং খুৎয়েক পীনখিববু প্রধান মন্ত্রীনা তরাম্না ওকখি। ফ্লেকসিপ বাইলেতরেল কোওপরেসন প্রোজেক্ত মুমবাই-অহমদবাদ হাই স্পীদ রেল (এম.এ.ঐচ.এস.আর.)গী লৈরিবা খোঙজেলদা প্রধান মন্ত্রীনা অপেনবা ফোঙদোকখি। প্রোজেক্ত অসি ভারত-জাপান তেংবাংনবগী মরুওইবা খুদম অমনি অমদি মসিনা ভারত রেলৱেজকী মতিং মখা তানা হেনগৎহনগদবা মওংদা তেক্নোলোজী ত্রান্সফর পুরক্কনি হায়বা ৱাফম মখোয়না য়ানখি। হেক য়ারিবমখৈ অথুবা মতমদা শীজিন্নবা হৌনবা পুন্না থবক তৌমিন্ননবা ফিরেপসু অমুক হন্না লৌমিন্নখি। প্রধান মন্ত্রী মওদীনা এম.এ.ঐচ.এস.আর. অমসুং ভারতকী তোঙান তোঙানবা মেত্রো রেল প্রোজেক্তশিংদা জাপানগী তেংবাংগীদমক তৌবিমল খঙবা উৎখি অমদি পত্না মেত্রোগী হান্না থৌরাং তৌদুনা লৈরবা শেম শাবগী সর্ভে অসি পায়খৎনবা মীৎয়েঙ থমখি।
১৯. প্রধান মন্ত্রীশিংদুনা ইন্দো-পেসিফিক রিজন্দা ভারত অমসুং জাপানগী মরক্তা পায়খৎমিন্নরিবা অপুনবা প্রোজেক্তশিংগী নুংগী ওইবা মশকশিং অমুক হন্না পুথোকখি। মখোয়না বঙ্গলাদেস্তা হৌজিক পায়খৎলিবা প্রোজেক্তশিংগী লৈরিবা খোঙজেলশিং য়েংখি অমসুং অসীন, পেসিফিক ঈথৎ লৈবাকশিংদসু অসিগুম্বা তেংবাংশিং য়ৌহন্নবা মীৎয়েঙ থমখি। ভারতকী অৱাং নোংপোক লমদমদা তুং কোইগদবা শেন্মিৎলোন চাওখৎহন্নবা অমসুং লমদম অসিগা খা-নোংপোক এসিয়াগী লম্বী থোং শেমগৎনবগীদমক এক্ত ইস্ত ফোরম (এ.ই.এফ.)কী খুত্থাঙদা মখা তানা খুৎশম্ননা চৎমিন্ননবগী মরুওইবশিং থম্নখি। “ইনিসিএতিব ফোর স্ত্রেংদনিং দি বেমবু ভেল্যুচ চেন ইন নোর্থ ইস্ত” অমসুং অৱাং নোংপোক লমদমগী তোঙান তোঙানবা স্তেতশিংদা হকশেল, উমংগী রিসোর্স মেনেজমেন্ত, লম্বী থোং অমসুং তুরিজমগী লমদা তেংবাংনবনচিংবা কয়া য়াওরিবা “ইন্দিয়া-জাপান ইনিসিএতিব ফোর সস্তেনেবল দেভেলপমেন্ত ইন নোর্থ ইস্তর্ন রিজন ওফ ইন্দিয়া” হৌদোকখিববু মখোয়না তরাম্না ওকখি।
২০. প্রধান মন্ত্রীশিংদুনা পীপল-তু-পীপল এক্সচেঞ্জ, তুরিজম অমসুং স্পোর্তসকী খুত্থাঙদা ২০২০দা তারিবা দিপ্লোমেতিক ওইবা মরী শেমগৎখিবগী ৭০শুবা কুমওন অসিদা মীৎয়েঙ থমদুনা, ইন্দিয়া-জাপান স্পিসিএল স্ত্রেতেজিক এন্দ গ্লোবেল পার্ত্নরসিপপু হেন্না চাউথোকহন্নবা মখোয়গী খোঙফমশিং অমুক হন্না চেৎশিনহনখি। ইন্দিয়া-জাপানগী মরুপ মপাং ওইবগী খুদম ওইনা ভরানসিদা রুদ্রক্স কনভেন্সন সেন্তর হাংদোকখিববু মখোয়না তরাম্না ওকখি। মখোয়না ভারত্তা জাপানিজ লোলগী এজুকেসন অমসুং ত্রেনিংগী খোঙজেলপু থাগৎনখি অমদি থৌরাং অসিবু জাপান ওভরসীস কোওপরেসন ভোলুন্তিয়র্স (আই.ও.সি.ভি.)গী খুত্থাঙদা হেন্না পাকথোক চাউথোকহন্নবা লেপ্নখি।
২১. মখোয়না স্কিল দেভেলপমেন্ত অমসুং থবক পীবগী খুদোংচাবশিং শেমগৎপগী লমদা তেংবাংনবগী থৌওং কনখৎহনবগী মরুওইবশিংসু অমুক হন্না লেপ্নখি। হৌখিবা চহিশিংদা ভারত মচা ৩,৭০০ হেন্না জে.আই.এম.শিংদা (জাপান-ইন্দিয়া ইন্সতিতৃউৎ ওফ মেনুফেকচরিং) অমসুং জে.ই.সি.শিংদা (জাপানিজ এন্দোদ কোর্সেস) ত্রেন তৌখ্রে হায়বা ৱাফমসিবুসু মখোয়না তরাম্না ওকখি। জনুৱারী ২০২১দা খুৎয়েক পীনখিবা মেমোরেন্দম ওফ কোওপরেসনগী মখাদা স্পেসিফাইদ স্কিল্দ ৱর্কর (এস.এস.দব্লিউ.) থবক তৌবা হৌখিবদা মখোয়না নুংঙাইবা ফোঙদোক্নখি। চহিসিগী অঙনবা শরুক্তা ভারত্তা এস.এস.দব্লিউ. চাংয়েংশিং হৌখিববু মখোয়না তরাম্না ওকখি অমদি হৈ-শিংলবা শিন্মী খরদি এস.এস.দব্লিউ. ওইনা জাপান্দা থবক তৌবা হৌখ্রে হায়বা ৱাফমসু পুথোকখি। চাউরাক্না ভারত মচা ২০০রোম জাপান্দা তেক্নিকেল ইন্তর্ন ত্রেনী ওইনা থবক তৌরি হায়বা ৱাফমসু মখোয়না পুথোক্নখি। হায়রিবা ফ্রেমৱর্কসিগী মখাদা হৈশিংলবা ভারত মচা কয়ানা জাপানিজ শেন্মিৎলোন্দা থৌদাং য়াবা মশিং হেনগৎহন্নবা পুন্না থবক তৌমিন্ননবা মখোয়না য়ানখি।
২২. প্রধান মন্ত্রী মোদীনা প্রধান মন্ত্রী কিসিদাগী মফমদা ওলিম্পিক অমসুং পেরালিম্পিক গেম্স তোকিও ২০২০ মায় পাক্না পাঙথোকখিবগীদমক নুংঙাইবা ফোঙদোকখি, অমদি প্রধান মন্ত্রী কিসিদানা ভারতকী তেংবাংগীদমক তৌবিমল খঙবা উৎখি। প্রধান মন্ত্রী মোদীনা এক্সপো ২০২৫, ওসাকা, কন্সাই, জাপান্দা ভারতনা শরুক য়াগদৌরিবসি লৈবাক অনিগী মরক্তা লল্লোন ইতিক হেনগৎহন্নবা অমদি পাকথোক চাউথোকহন্নবা, শেল থাদবা হেনগৎহন্নবা অমদি মীগা মীগগী মরী ফগৎহন্নবা তাঞ্জা অমনি হায়বা ৱাফম থমখি। প্রধান মন্ত্রী কিসিদানা ভারতনা শরুক য়াগদৌরিবসিবু তরাম্না ওকখি অমদি মসিবু মায় পাক্নবা হোৎনবদা প্রধান মন্ত্রী মোদীগী মতেংগীদমক থাগৎপা ফোঙদোকখি।
২৩. প্রধান মন্ত্রীশিংদুনা লুচিংবশিংনা চহিগী ওইনা চত্থোক চৎশিন তৌনদুনা মায় পাকবশিংদা য়ুম্ফম ওইরগা শেমগৎপগী মরুওইবা ৱাফমশিং পুথোক্নখি, অমদি লাক্কদৌরিবা চহিশিংদসু অসিগুম্বা খোঙচৎশিংদা মীৎয়েঙ থম্লি হায়বা ৱাফমশিং থমখি। প্রধান মন্ত্রী কিসিদানা প্রধান মন্ত্রী মোদীগী মফমদা মহাক অমসুং মাগী খোঙবুনা ভারত্তা লাকপা মতমদা তরাম তরাম তৌবিবগীদমক্তা থাগৎপা ফোঙদোকখি অমদি প্রধান মন্ত্রী মোদীবু ক্বাদ লীদর্স সম্মিত্তা জাপান্দা লাক্নবা পাউকৎ তৌরমখি। প্রধান মন্ত্রী মোদীনা পাউকৎ অদুবু হরাউ তয়াম্না লৌখি।
রিপব্লিক ওফ ইন্দিয়াগী প্রধান মন্ত্রী
জাপানগী প্রধান মন্ত্রী
