১. পীপল্স রিপব্লিক ওফ বঙ্গলাদেশ লৈঙাক্কী প্রধান মন্ত্রী ঐচ.ই. সৈখ হসিনা ভারতকী প্রধান মন্ত্রী শ্রী নরেন্দ্র মোদীগী পাউকত্তা সেপ্তেম্বর ০৫-০৮, ২০২২ ফাওবা ভারত্তা স্তেত খোঙচৎ অমদা লাকখি। মহাক্কী খোঙচৎ মনুংদা প্রধান মন্ত্রী ঐচ.ই. সৈখ হসিনানা ভারতকী রাস্ত্রপতি শ্রীমতি দ্রৌপদী মুর্মু অমসুং ভারতকী উপ-রাস্ত্রপতি শ্রী জগদীপ খনখরগা উনখি। মপান থৌরম মন্ত্রী দোক্তর এস. জয়শঙ্কর অমসুং দেভেলপমেন্ত ওফ নোর্থ ইস্তর্ন রীজন মন্ত্রী শ্রী জি. কিসন রেদ্দীনসু মহাক্কা উনখি। প্রধান মন্ত্রী সৈখ হসিনাগী থৌরমশিংগী মনুংদা ১৯৭১গী বঙ্গলাদেশ মনীং তমহনবগী লান্দা থৱায় কৎখ্রবা অমদি শাথিনা অশোক অপন নংখ্রবা ভারতকী খুৎলায় পায়বা লান্মীশিংগী মচা মশু ২০০গীদমক্তা “বঙ্গবন্ধু সৈখ মুজিবুর রহমন স্তুদেন্ত স্কোলারসিপ” হৌদোকপা য়াওরি। মহাক্না সেপ্তেম্বর ৭, ২০২২দা ভারত অমসুং বঙ্গলাদেশগী বিজিনেস কম্ম্যুনিতীশিংনা পুন্না শিনবা বিজিনেস ইভেন্ত অমদসু ৱা ঙাঙখি।
২. প্রধান মন্ত্রী অনিখক্তগী ওইবা মীফম অমা অমসুং ৱারী ৱাতায় শানবগী থৌরম অমা পাঙথোক্লবা মতুংদা দেলিগেসন লেভেলগী ৱারী অমসু সেপ্তেম্বর ৬, ২০২২দা পাঙথোকখি। মীফমশিং অদু চীং লেম্না তরাম তরাম পাঙথোকখি। লুচিংবা অনিনা স্ত্রেতেজিক পার্ত্নরসিপ অমগী শক্লোন লৌরক্লিবা মনীং তম্বা, মান্নবা থাক, থাজবা অমদি ৱাখল তামিন্নবদা য়ুম্ফম ওইবা নাকল অনিগী পুম্নমক শুপচিল্লবা খোঙবু ওইবগী মরীদা মমি তারিবা পুৱারীগী অমদি মচিন মনাও ওইবগী মরী অমসুং দিমোক্রেসী অমসুং প্লুরেলিজমগী অচেৎপা মরীদা য়ুম্ফম ওইবা নাকল অনিগী অফবা মরীগী মরমদা অপেনবা ফোঙদোক্নখি।
৩. লুচিংবা অনিনা বঙ্গলাদেশগী নীংতম্বগী সনা ফুদোংবা চহি, জাতিগী মপা বঙ্গবন্ধু সৈখ মুজিবুর রহমনগী চহি ১০০শুবা কুমওন অমসুং ভারত অমসুং বঙ্গলাদেশকী দিপ্লোমেতিক মরীগী চহি ৫০ শুরকপগী কুমওন থৌরম য়াওননবগীদমক মার্চ ২০২১দা প্রধান মন্ত্রী নরেন্দ্র মোদীগী স্তেত খোঙচৎ, মদুগী মদুংদা বঙ্গলাদেশগী মায় পাকপা নুমিৎকী সনা ফুদোংবা চহিগী কুমওন থৌরমদা ইকায়খুম্নরবা মীথুং ওইনা শরুক য়াননবা ভারতকী রাস্ত্রপতিনা দিসেম্বর ২০২১দা চৎখিবা স্তেত খোঙচৎপু নিংশিংখি।
৪. প্রধান মন্ত্রী অনিনা তেংবাংনবগী তোঙান তোঙানবা লমশিংদা খোঙজেল য়াঙনা চঙশিন্বদা মতেং পাংলিবা অৱাংবা থাক্কী খোঙচৎ চত্থোক চৎশিন তৌনবদা অপেনবা ফোঙদোক্নখি। নাকল অনিমক্না জুনল ২০২২দা ভারতকী নই দিল্লীদা লৈবাক অনিগী ফোরেন মন্ত্রীশিংদা লুচিংদুনা জোইন্ত কন্সল্তেতিব কম্মিসনগী তরেৎশুবা মীফম মায় পাক্না পাঙথোকখিববুসু নিংশিংখি।
৫. প্রধান মন্ত্রী অনিনা রাজনিতি অমসুং সিক্যুরিতীগী লমদা তেংবাংনবা, ঙাকশেল, ঙমখৈ ঙাকপা, লল্লোন ইতিক অমসুং লম্বী থোং, ঈশিংগী রিসোর্সশিং, পৱার অমসুং ইনর্জী, চাওখৎ থৌরাংদা তেংবাংনবা, নাৎকী অমদি মী মশেলগী মরক্তা লৈনবা মরী য়াওনা নাকল অনিগী তেংবাংনবগী হীরম পুম্নমক্তা খন্ন-নৈনখি। মখোয়না অকোয়বগী ফীভম, অইং অশাগী খল হোংলকপা, সাইবর সিক্যুরিতী, আই.সি.তি., স্পেস তেক্নোলোজী, গ্রীন ইনর্জী অমসুং ব্লু ইকনমীনচিংবা তেংবাংনবগী অনৌবা হীরমশিংদা খুৎশম্ননা চৎমিন্ননবা ৱাফমসু য়ানখি।
৬. মখোয়না মখা তানা লমদমসিগী অমদি মালেমগী ওইবা ইসুশিংগী তোঙান তোঙানবা মশক মওংশিংগী মতাঙদসু খন্নখি। কোবিদ-১৯ লাইচৎকী চৈথেং অমসুং মালেমগী ওইরম্লিবা ফীভমসিনা সপ্লাই চেন্দা পীরক্লিবা অপনববু মাঙদা থম্লগা, লুচিংবশিং অদুনা লমদম অসোমদা নুংঙাই য়াইফবা অমদি চাওখৎপা পুরক্নবা মরুপ মপাং অমদি খোঙবু ওইবগী ৱাখল্লোনবু হেন্না পাক চাউনা খুৎশম্ননা চৎমিন্নবগী মথৌ তাবা ৱাফমশিংদা মীৎয়েঙ থমখি।
৭. লুচিংবা অনিনা নাকল অনিগী ওইবা অমদি সব-রীজনেল রেল, লম্বী অমসুং অতৈ কন্নেক্তিভিতীগী থৌরাংশিং পায়খৎপগী মরুওইবসু ফোঙদোক্নখি। নাকল অনিমক্না তোঙ্গি-অখোরা লাইনবু দুএল গেজতা ওনখৎপা, রেলৱে রোল্লিং স্তোক সপ্লাই, বঙ্গলাদেশ রেলৱেগী পর্সোনেলশিংগী কেপেসিতী বিল্দিং, বঙ্গলাদেশ রেলৱেগী সর্ভিসকী ফীভম ফগৎহন্নবা আই.তি. সোলুসনশিং তাথোক তাশিন তৌমিন্নবনচিংবা হৌজিক পায়খৎলিবা নাকল অনিগী ওইবা থৌরাংশিংবু তরাম্না ওকখি। নাকল অনিনা কৌনিয়া-লালমোনিরহত-মোগালঘাৎ-নিউ গিতালদহা লিঙ্ক, হিলি অমসুং বিরামপুরগী মরক্তা লিঙ্ক অমা শেমগৎপা, বেনাপোল-জসোর লাইন পরিংদা ত্রেক অমসুং সিগ্নেলিং সিস্তেম অমদি রেলৱে স্তেসনশিং মতমগা চুননা শেমগৎপাও বুরিমারি অমসুং চঙ্গ্রবন্ধাগী মরক্তা লিঙ্ক শেমজিনবা, সিরাজগঞ্জতা কন্তেনর দিপো অমা শেমগৎপনচিংবা অনৌবা থৌরাংশিংসু তরাম্না ওকখি, অমদি নাকল অনিমক্না নাকল অনিগী ওইবা চাওখৎ থৌরাংদা তেংবাংনবগী মখাদা ফাইনেন্সিএল ইন্সত্রুমেন্ত কয়াগী খুত্থাঙদা হায়রিবা প্রোজেক্তশিং অসিদা শেল থাদবা য়াবশিংসু য়েংশিনমিন্ননবা য়ানখি। বঙ্গলাদেশকী মায়কৈদগী ভারতনা ব্রোদ-গেজ দিজল লোকোমোতিব গ্রান্ত ওইনা পীনবগী থৌরাংবু তরাম্না ওকখি।
৮. লুচিংবা অনিনা এসিয়াগী মনুংদা ভারতনা বঙ্গলাদেশকী খ্বাইদগী চাউবা পোৎ থাদোকফম ওইরক্লিবা নাকল অনিগী ওইবা লল্লোন ইতিক্কী ফীভম ফগৎলকপবু থাগৎনখি। বঙ্গলাদেশকী মায়কৈদগী চেঙ, গেহু, চিনি, তিল্হৌ, শিং অমসুং চনম্নচিংবা চঙদ্রবা য়াদ্রবা চানবা পোৎলমশিং ভারতনা করি ওইরক্কদগে লায়না খঙবা য়াবা মওংদা সপ্লাই তৌবিনবা ৱাফম থমখি। ভারতকী মায়কৈদগীসু বঙ্গলাদেশকী ৱাফম অদু ভারতকী লৈরিবা সপ্লাইগী ফীভম য়েংলগা শোয়দনা থবক্তা ওন্থোক্নবা খন্নগনি অমদি হীরম অসিদা তৌবা য়াবা পুম্নমক তৌগনি হায়না থাজবা পীখি।
৯. ভারত-বঙ্গলাদেশ ঙমখৈবু নাকল অনিমক্কী ওইবা মরুওইবা থাক্তা ইংনা চীক্না থম্লিবা অসিবু শকখঙলদুনা, লুচিংবা অনিনা ওফিসিএলশিংদা ইং-চীকপা অমদি ক্রাইম লৈতবা ঙমখৈ ওইহন্নবগী পান্দমদা ত্রিপুরা সেক্তরদগী হৌরগা শম্বল খাবা য়াওনা জিরো লাইন্দগী গজ ১৫০ ফাওবগী মনুংদা পায়্খৎলিবা চাওখৎ থৌরাংগী থবকশিং থুনা লোইশিন্নবা থবক য়াঙশিন্নবা য়াথং পীখি।
১০. ঙমখৈ পরিংদা থোকপা থৌদোকশিংনা মরম ওইরগা মী শিবগী চাং মশক থোক্না হন্থরকপদা অপেন্বা ফোঙদোক্নরদুনা, নাকল অনিমক্না মশিং অসি জিরোদা হন্থহল্লক্নবা থবক পায়খৎমিন্ননবা য়ানখি। নাকল অনিমক্না খুৎশু খুৎলায়ো নিশাগী পোৎলমশিং অমসুং জালি নোৎ লোন্না পুথোক পুশিন তৌবগী মায়োক্তা অমদি মী লল্লোনবা, মরুওইবা নুপী অমসুং অঙাঙ লল্লোনবা থিংননবা ঙমখৈ ঙাক্লিবা লান্মী অনিমক্কী থৌওং হেন্না কনখৎহন্নবা লৌখৎলিবা খোঙথাংবু শিংথানখি। লুচিংবা অনিমক্না মওং খুদিংমক্কী তেরোরিজম অমসুং মসি শন্দোরকপা থিংননবা মখোয়গী অচেৎপা ফিরেপশিং ফোঙদোক্নখি অমদি লমদম অসোমদা অমদি মসিগী ৱাংমদা তেরোরিজম, হিংশাগী কা হেনবা থৌওংশিং অমসুং রেদিকেলাইজেসনগী থৌওংশিং শন্দোরকপা থিংননবা অমদি থেংননবা তেংবাংনবগী থৌওং মপাঙ্গল কনখৎহন্নবা ৱারেপ লৌমিন্নখি।
১১. জোইন্ত রিভর্স কম্মিসন ওফ ইন্দিয়া এন্দ বঙ্গলাদেশ (এগস্ত ২৩-২৫, ২০২২, নই দিল্লী)গী ৩৮শুবা মিনিস্তরিএল মীফম পাঙথোকখিবদা অপেনবা ফোঙদোক্নরদুনা, লুচিংবা অনিনা বঙ্গলাদেশকী ঈথৈ লৌখোংগী মথৌ তাবা ফংহনগদবা অমদি খা থংবা অসামদা ঈশিংগী প্রোজেক্তশিংদা মতেং ওইগদবা কম্মন ওইবা ঙমখৈগী তুরেল কুসিয়ারাদগী ভারত অমসুং বঙ্গলাদেশনা ঈশিং লৌনবগী মতাঙদা রিপব্লিক ওফ ইন্দিয়া লৈঙাক্কী জল শক্তি মন্ত্রালয় অমসুং পীপল্স রিপব্লিক ওফ বঙ্গলাদেশ লৈঙাক্কী ৱাতর রিসোর্সেস মন্ত্রালয়গী মরক্তা এম.ও.য়ু. খুৎয়েক পীনখিববু তরাম্না ওকখি।
১২. ভারতকী মায়কৈদগী ত্রিপুরাদা থুনমক মথৌ তারিবা ঈথৈ লৌখোংগী ফীভম য়েংলগা ফেনি তুরেলগী ঈশিং য়েন্নদুনা শীজিন্নমিন্নবগী মরক্কী ওইবা য়ানচে থুনা খুৎয়েক পীননবা ৱাফম থমকি। বঙ্গলাদেশকী মায়কৈদগীসু ভারতকী ৱাফম অদুবু নোৎ তৌশিনখি। ভারতকী মায়কৈদগী ত্রিপুরাগী সাব্রুম ময়োল্লমদা থক্নবা ঈশিং পীনবগীদমক ফেনি তুরেলদগী ঈশিং ক্যুসেক ১.৮২ লৌননবগী লৈবাক অনিগী মরক্তা ২০১৯দা খুৎয়েক পীনখিবা এম.ও.য়ু. পায়খৎনবগীদমক ভারতপু ইন্তেক ৱেল শাবা য়াহনবগীদমক বঙ্গলাদেশকী মফমদা থাগৎপা ফোঙদোকখি।
১৩. নাকল অনিগী ওইবা মরীদা ৱাতর মেনেজমেন্তকী মরুওইবা শকখঙলদুনা, লুচিংবশিং অদুনা মরক্কী ওইবা ঈশিং য়েন্নদুনা শীজিন্নমিন্নবগী য়ানচে অসিগী দেতা পীথোক পীশিন তৌনবা অমসুং ফ্রেমৱর্ক শেমবদা অহেনবা মীৎয়েঙ থম্নবগীদমক অহেনবা তুরেলশিং য়াওনা তেংবাংনবগী হীরমশিং পাকথোক চাউথোকহন্নবা জোইন্ত রিভর কম্মিসনকী ফিরেপ্পু থাগৎখি। লুচিংবশিং অদুনা গেঞ্জেস ৱাতর সেয়রিং ত্রীতী, ১৯৯৬কী মখাদা বঙ্গলাদেশনা ফংলিবা ঈশিং খ্বাইদগী কান্নবা মওংদা শীজিন্নবগী মওং মতৌ থিজিন্নবগীদমক জোইন্ত তেক্নিকেল কম্মিতী শেমখিববু তরাম্না ওকখি।
১৪. মমাঙদা খন্নখিবা ৱাফমশিং নিংশিংলদুনা, প্রধান মন্ত্রী সৈখ হসিনানা ২০১১দা দ্রাফ্ত শেমবা লোইখ্রবা বঙ্গলাদেশনা মতম কুইনা হায়দুনা লাক্লবা তীস্তা তুরেলগী ঈশিং শীজিন্নমিন্নবগী মতাঙদা মরক্কী ওইবা য়ানচে অদুবু মপুং ফাহন্নবা ৱাফম থমখি। লুচিংবা অনিমক্না তুরেলগী ঈশিং মোৎশিনবা অমদি তুরেল মপানগী অকোয়বগী ফীভম ফগৎহনবা অমসুং কম্মন ওইবা তুরেলশিংগী রিভর নেভিগেবিলিতীগী ইসুশিং লোইশিন্নবা ওফিসিএলশিংদা থবক পায়খৎনবা য়াথংসু পীখি।
১৫. সব-রীজনেল কোওপরেসনগী ফীভম ফগৎহন্নবগী ৱাখল্লোন্দা, লুচিংবা অনিনা প্রপোজ তৌরিবা কাতিহার (বিহার)দগী বোরনগর (অসাম) ফাওবগী বঙ্গলাদেশকী পার্বতিপুর ফাওরগা তিংগদবা হায় কেপাসিতী ৭৬৫ কে.ভি. ত্রান্সমিসন লাইনগী খুত্থাঙদা য়াওনা চুননা শেম্লবা ইন্দিয়া-বঙ্গলাদেশ জোইন্ত ভেঞ্চরফোর এ স্পিসিএল পর্পজ ভেহিকলগী খুত্থাঙদা লৈবাক অনিগী পৱার গ্রিদ সিঙ্ক্রোনাইজ ওইবা মওংদা শমজিন্ননবগী প্রোজেক্ত খোঙজেল য়াঙনা পায়খৎনবা ৱাফম য়ানখি। পৱার সেক্তরদা সব-রীজনেল কোওপরেসনগী মপাঙ্গল কনখৎহন্নবা ৱাফম য়ানখি। বঙ্গলাদেশকী মায়কৈদগী ভারত ফাওরগা নেপাল অমসুং ভুতান্দগী মৈ পুশিল্লক্নবা ৱাফম থম্লকখি। ভারতকী মায়কৈদগীসু ৱাফম অদুগীদমক ভারত্তা চৎন-পথাপ হান্ননা শেমদুনা লৈরে হায়না পাউদমখি।
১৬. লুচিংবা অনিমক্না বঙ্গলাদেশকী ইনর্জী দিমান্দ পীবদা অচৌবা থৌদাং লৌগদৌরিবা ইন্দিয়া-বঙ্গলাদেশ ফ্রেন্দসিপ পাইপলাইনগী হৌজিক লৈরিবা খোঙজেল য়েংশিনখি। প্রোজেক্ত অদু থুনমক লোইশিনবা ঙমগনি হায়বগী থাজবা মখোয়না ফোঙদোক্নখি। বঙ্গলাদেশকী মায়কৈদগী লৈবাক অদুগী মথৌ তাবা পেত্রোলিয়মগী পোত্থোক ফংহনবদা ভারতনা মতেং পাংননবা ৱাফম থম্লকখি। ভারতকী মায়কৈদগী নাকল অনিগী ওথোরাইজ এজেন্সীশিংগী মরক্তা ৱাফম অদু খন্নহন্নবা য়াখি। ভারতকী মায়কৈদগী অসাম অমসুং মেঘালয়দা অচৌবা ঈচাওনা মরম ওইরগা অপনবা ওইরকপদগী অসামদগী ত্রিপুরা ফাওবা বঙ্গলাদেশ ফাওরগা পেত্রোলিয়ম, থাউ অমসুং লুব্রিকেন্তশিং পুথোক পুশিন তৌবদা মতম চানা মতেং পাংলকখিবগীদমক্তা বঙ্গলাদেশপু থাগৎখি। বঙ্গলাদেশদা রিফাইন তৌরবা পেত্রোলিয়মগী পোত্থোকশিংগী জি২জি সপ্লাইয়র ওইনা ইন্দিয়ন ওইল কোর্পোরেসন লিমিতেদ (আই.ও.সি.এল.)বু হাপ্লকপগীদমক বঙ্গলাদেশকী ফিরেপ্পু ভারতনা তরাম্না ওকখি।
১৭. লুচিংবা অনিমক্না চাওখৎ থৌরাংগী লমদা নাকল অনিনা খোঙবু ওইনা চাউনা তেংবাংনবদা অপেনবা ফোঙদোক্নখি। বঙ্গলাদেশকী মায়কৈদগী ভারতনা চাওখৎ থৌরাংগী ফন্দশিং মতিং লৈনা থাদোরক্তুনা মমাঙগী শেনবা চহিদা ফন্দ থাদোকপগী লমদা মকোক থোংবা চাওখৎ থৌরাংগী খোঙবু ওইরকপগীদমক্তা থাগৎপা ফোঙদোকখি।
১৮. লুচিংবা অনিনা ছত্তোগ্রাম অমসুং মোঙ্গলা হিথাংফম (এ.সি.এম.পি.) শীজিন্নবগী মতাংদা ইনখিবা য়ানচেগী মখাদা ত্রাইএল রন মা পাক্না পাঙথোকখিববু তরাম্না ওকখি অমদি অথুবা মতমদা মপুং ফানা মথৌ তৌবা ঙমগনি হায়না থাজবা ফোঙদোক্নখি। থর্দ কন্ত্রী এক্সিন কার্গো য়াওহন্নবগীদমক নাকল অনিগী ২০১৫গী কোস্তেল সিপ্পিং এগ্রীমেন্ত পাকথোক চাউথোকহন্নবগী মায়কৈদা থবক পায়খৎনবা ৱাফম ভারতকী মায়কৈদগী অমুক হন্না থমখি। নাকল অনিনা লৈবাক অনিগী মরক্তা দাইরেক্ত সিপ্পিং লিঙ্ক থম্বা য়াবগী ফীভম খুমাঙ চাওশিন্না থিমিন্ননবা ৱাফমসু য়ানখি। প্রোতোকোল ওন ইনলেন্দ ৱাতর ত্রাঞ্জিৎ এন্দ ত্রেদ (পি.আই.দব্লিউ.তি.তি.) রুত ৫ অমসুং ৬ (ধুলিয়ন তু রাজসাহি – এক্সতেন্সন তু অরিচা) অমসং ৯ অমদি ১০ (দৌরকান্দি তু সোনামুরা)গী মখাদা রিভরিন সর্ভিসশিং হৌননবা ফিরেপ্পু থবক ওইনা পায়খৎনবা মখোয়না য়ানখি। ভারতকী মায়কৈদগী বঙ্গলাদেশগী মফমদা ত্রিপুরাগা বঙ্গলাদেশকা শম্নহনগদৌরিবা ফেনি তুরেলগী মথক্তা শাবা মাইত্রি থোং মথৌ তৌহন্নবগীদমক ৱাৎলিবা ইনফ্রাস্ত্রকচর, ইমাইগ্রেসন অমসুং কস্তম ফেসিলিতীশিং অথুবা মতমদা লোইশিন্নবা ৱাফম থমখি।
১৯. লুচিংবা অনিনা বি.বি.আই.এন. মোতোর ভেহিকল এগ্রীমেন্ত থুনা মথৌ তৌহন্দুনা নাকল অনিগী অমদি সব-রীজনেল কন্নেক্তিভিতীগী ফীভম ফগৎহন্নবা থৌরাংবু খোঙজেল য়াঙখৎহন্নবা য়ানখি। ভারতকী মায়কৈদগী ৱেস্ত বেঙ্গলগী হিলিদগী মেঘালয়গী মহেন্দ্রগঞ্জ ফাওবা বঙ্গলাদেশ ফাওরগা হায়ৱে অমা শেগৎপা য়াওনা অনৌবা সব-রীজনেল কন্নেক্তিভিতী প্রোজেক্তশিং পায়খৎপদা বঙ্গলাদেশকী মায়কৈদগী মতেং নীখি অমদি হীরমসিগী মতাঙদা দিতেল্দ প্রোজেক্ত রিপোর্ত অমা পুথোকখি। ৱাখল্লোন অসিগী পরিংদা, ইন্দিয়া-ম্যান্মার-থাইলেন্দ ত্রাইলেতরেল হায়ৱে প্রোজেক্তকী পায়খৎলিবা থৌরাং অসিদা খোঙবু ওইনিংবগী অপাম্বা বঙ্গলাদেশনা অমুক হন্না ফোঙদোকখি।
২০. ভারতকী মায়কৈদগী অকক্নবা লেন্দ কস্তম্স স্তেসনশিং/ এয়রপোর্তশিং/ সমুদ্রগী হিথাংফমশিংগী খুত্থাঙদা অতোপ্পা লৈবাকশিংদা বঙ্গলাদেশকী পোৎলমশিং থাদোকখিনবগীদমক ভারতকী ঙমখৈ মনুংদা ফাওদুনা চৎপদা ফ্রী ত্রাঞ্জিৎ পীরে হায়বা ৱাফম পাউদমখি। হীরম অসিগী মতাঙদা, ভারতনা বঙ্গলাদেশকী বিজিনেস কম্ম্যুনিতীবু অতোপ্পা লৈবাকশিংদা ত্রান্সসিপমেন্তগীদমক ভারতকী হিথাংফমগী ইনফ্রাস্ত্রকচরশিং শীজিন্ননবা ৱাফম থমখি। বঙ্গলাদেশনা মখোয়গী পোত্থোকশিং নেপাল অমসুং ভুতান্দা থাদোকপদা ভারতনা ফ্রী ত্রাঞ্জিৎ পীদুনা লাক্লি। বঙ্গলাদেশকী মায়কৈদগীসু নৌনা শঙ্গাখ্রবা চিলাহাতি – হল্দিবারি রুৎ ফাওরগা ভুতানগা রেল কন্নেক্তিভিতী লৈহন্নবা ৱাফম থম্লকখি। ভারতকী মায়কৈদগী ৱাফম অদু ওইথোকপা য়াবগী ফীভম য়েংলগা খন্নগে হায়বা ৱাফম ফোঙদোকখি। মসিগা লোয়ননা অতৈ ক্রোস বোর্দর রেল লিঙ্কশিং চৎনবা য়াবা ফীভম ওইহন্নবগীদমক, ভারতকী মায়কৈদগী বঙ্গলাদেশকী মফমদা চিলাহাতি – হল্দিবারি ক্রোসিং য়াওনা হিথাংফমদা লৈরিবা অথিংবশিং লৌথোক্নবা ৱাফম থমখি।
২১. লুচিংবা অনিনা কম্প্রিহেন্সিব ইকনমিক পার্ত্নরসিপ এগ্রীমেন্ত (সি.ই.পি.এ.)না লৈবাক অনিমক্কী কান্ননিংঙাই ওইগনি হায়না রিকম্মেন্দ তৌখিবা জোইন্ত ফীজিবিলিতী স্তদী হন্দক্তা লোইশিনখিববুসু তরাম্না ওকখি। মখোয়না নাকল অনিমক্কী ত্রেদ ওফিসিএলশিংদা কেলেন্দর চহি ২০২২গী মনুংদা ৱারী ৱাতায় শাবা হৌননবা, অমদি এল.দি.সি. স্তেতস্তকী বঙ্গলাদেশনা অরোইবা ওইনা গ্রেজুএসন তৌরকপা নংননবা হেক য়ারিবমখৈ ঙন্না লোইশিন্নবা য়াথং পীখি।
২২. লৈবাক অনিগী মরক্তা লল্লোন ইতিক্কী অফবা ফীভম থম্বগী মরুওইবা ৱাফমশিং অমুক হন্না ফোঙদোক্নরদুনা, লেন্দ কস্তম্স স্তেসনশিং/ লেন্দ পোর্তশিংদা লৈরিবা ইনফ্রাস্ত্রকচর অমসুং ফেসিলিতীশিং অপগ্রেদ তৌবা অমসুং শকখঙলবা লেন্দ কস্তম সস্তেসনশিংদা লৈরিবা পোর্ত রেস্ত্রিক্সনশিং অমসুং অতৈ নন-তারিফ বেরিয়রশিং অথুবদা লৌথোকপগী মথৌ তাবা ৱাফম ফোঙদোক্নখি। ভারতকী মায়কৈদগী আই.সি.পি. অগর্তলা=অখোরাদগী হৌরগা হেন্না লায়না মার্কেৎ এক্সেস তৌবা য়াননবগীদমক ভারতকী অৱাং নোংপোক স্তেতশিংগী ঙমখৈদা য়ামদ্রবদা অচৌবা লেন্দ পোর্ত অমদি পোর্ত রেস্ত্রিক্সন নৎত্রগা নেজেতিব লিস্ত ওফ রেস্ত্রিক্সন লৈহন্দনবা ৱাফম অমুক হন্না ফোঙদোকখি। লুচিংবা অনিমক্না পেত্রোপোল-বেনাপোলদা অনিসুবা ফ্রৈৎ গেৎ অমা শেমগৎপদা ভারতনা ফন্দ থাদনবা হৌদোরক্লিবা ৱাফমগী খোঙজেলবু তরাম্না ওকখি অমদি ওফিসিএলশিংদা থবক অদু হেক য়ারিবমখৈ থুনা লোইশিন্নবা য়াথং পীখি।
২৩. লুচিংবা অনিনা নাকল অনিগী ঙাকশেলগী মরী হেন্না চেৎশিলহনবদা অপেনবা ফোঙদোক্নখি। লৈবাক অনিমক্তা কান্নগদবা ঙাকশেলগী লাইন ওফ ক্রেদিৎকী মখাদা পায়খৎলিবা প্রোজেক্তশিং থুনা লোইশিন্নবা ৱাফমসু মখোয়না য়ানখি। হীরম অসিগী মতাঙদা বঙ্গলাদেশ আর্ম্দ ফোর্সকী গারী লৈনবগী অহানবগী থৌরাং মপুং ফাবদা ভারতনা তরাম্না ওকখি অমদি নাকল অনিগী ওইবা ঙাকশেলগী মরী হেন্না ফগৎহন্নবা ৱাফম থমখি। ভারতকী মায়কৈদগী হেন্না ফবা মেরিতাইম সিক্যুরিতীগীদমক কোস্তেল রাদর সিস্তেম অমা পীননবা ২০১৯দা ইনখিবা এম.ও.য়ু.বু অথুবা মতমদা থবক ওইনা পায়খৎনবা ৱাফম থমখি।
২৪. ভেক্সিন মাইত্রি অমসুং বঙ্গলাদেশতা ওক্সিজেন এক্সপ্রেস ত্রেন থাবা, অমদি বঙ্গলাদেশনা ভারত্তা হিদাক খুদোল তম্লকপা য়াওনা কোবিদ-১৯ লাইচৎ মনুংদা লৈবাক অনিগী মরক্তা লৈখিবা তেংবাংনবগী অচেৎপা মরীবু তরাম্না ওক্লদুনা, লুচিংবা অনিনা মী মশেলগী মরক্তা লৈনবা মরী হেনগৎহনবগী মথৌ তাবা ৱাফম ফোঙদোক্নখি। লুচিংবশিং অদুনা রেল, লম্বী, নোংথক অমসুং ঈশিংগী কন্নেক্তিভিতী অমুক হন্না মথৌ তৌরকপদা অপেনবা ফোঙদোক্নখি। হীরম অসিগী মতাঙদা, বঙ্গলাদেশকী মায়কৈদগী রোদ অমসুং রেল ইমাইগ্রেসন চেক পোস্ত অয়ামবদা লৈরিবা ফেসিলিতীশিং ভারতনা হাংদোরকপবু তরাম্না ওকখি অমদি চত্থোক চৎশিন্দা অপনবা লৈহন্দনবগীদমক্তা অথুবা মতমদা লোন্দ পোর্ত/ আই.সি.পি. খুদিংমক্তা লৈরিবা ইমাইগ্রেসন ফেসিলিতীশিং কোবিদ-১৯ মমাঙগী ফীভমদা হঞ্জিলহন্নবা ৱাফম থমখি। লুচিংবা অনিমক্না ভারত অমসুং বঙ্গলাদেশকী মরক্তা অহুমসুবা পেসেঞ্জর পুবা ত্রেন ওইরিবা মিতলি এক্সপ্রেস জুন ২০২২দগী চাং নাইনা সর্ভিস তৌবা হৌখিববু তরাম্ন ওকখি।
২৫. লুচিংবা অনিমক্না বঙ্গবন্ধুগী মতাঙদা পুন্না পুথোকমিন্নবা ফিল্ম (মুজিব: দি মেকিং ওফ ম নেসন) অথুবা মতমদা লোঞ্চ তৌনবা ৱাফম থম্নখি। বঙ্গলাদেশকী মুজিব নগরদগী ৱেস্ত বেঙ্গলকী নাদিয়াদা লৈবা ইন্দিয়া-বঙ্গলাদেশ ঙমখৈ ফাওবগী পুৱারীগা শাগোন্নরবা লম্বী –“সাধিনোতা সোরোক” মথৌ তৌহনবা, অমদি ১৯৭১গী লিবরেসন ৱার ওফ বঙ্গলাদেশকী মতাঙদা দোকুমেন্তরী অমা পুথোকবা য়াওনা অতৌ থৌরাংশিংগী মতাঙদা থবক পায়খৎমিন্ননবা ৱাফমসু য়ানখি। ১৯৭১গী বঙ্গলাদেশ লিবরেসন ৱারগী তাঙনা ফংবা ভিদিও ফউতেজশিং পুন্না খোমজিনমিন্ননবা ৱাফম বঙ্গলাদেশকী মায়কৈদগী হৌদোরকখি। বঙ্গলাদেশকী মায়কৈদগী ভারতনা য়ুনিভর্সিতী ওফ দিল্লীদা বঙ্গবন্ধু চেয়র অমা লিংখৎখিবদসু নুংঙাইবা ফোঙদোকখি।
২৬. লুচিংবা অনিদুনা লৈবাক অনিগী মরক্তা ইনোভেসনগী লমদা খোঙবু ওইবগী মরী শেমগৎকদবা বঙ্গলাদেশকী স্তার্ত-অপ দেলিগেসন অমগী অহানবা খোঙচৎপু মায় পাকহন্নবা ৱাফম থম্নখি। নাকল অনিমক্না লাক্কদৌরিবা থা খরসিদা পাঙথোক্নবা থৌরাং তৌরিবা য়ুথ এক্সচেঞ্জ মখা চত্থবদা অপেনবা ফোঙদোক্নখি। বঙ্গলাদেশকী মায়কৈদগী ভারতকী মেদিকেল ফেসিলিতীশিংদা বঙ্গলাদেশকী মুক্তিজোধাশিংগী অনা লায়েং ফংহন্নবা ভারতকী থৌরাংবু থাগৎপা ফোঙদোকখি।
২৭. লুচিংবশিং অদুনা দেল্তিক উমং সুন্দরবনগী ইকোসিস্তেম অমসুং মফমসিগী মীওইশিং তুং কোইনা হিংবা ঙম্নবগীদমক অথুবা মতমদা জে.দব্লিউ.জি. পাঙথোকপা য়াওনা ‘কঞ্জার্বেসন ওফ সুন্দরবন্স’কী মতাঙদা ২০১১দা ইনখিবা এম.ও.য়ু.বু মতিং লৈনা থবক ওইনা পায়খৎনবা ৱাফম ফোঙদোক্নখি।
২৮. নাকল অনিমক্না মতিং লৈবা তেংবাংনবগী অনৌবা হীরমশিং অমসুং মাঙজিন থাগৎলক্লিবা হীরমশিং শীজিন্নবগী মরুওইবা ৱাফম য়ানখি অবদি আউতর স্পেস, গ্রীন ইনর্জী, ন্যুক্লিয়র ইনর্জী ইংনা চীক্না শীজিন্নবা, অমদি শেলথুম, হকশেল অমসুং মহৈ মশিংগী লমদা তেক্নোলোজী ইনেবল্দ সর্ভিসশিং শীজিন্নবগী মতাঙদা মতমগা চুনবা হীরমশিংদা তেংবাংনবগী ফীভম ফগৎহন্নবা নাকল অনিমক্কী ওফিসিএলশিংদা য়াথং পীখি।
২৯. রীজনেলগী ওইরিবা ফীভমগী মতাঙদা, ম্যান্মারগী রাখাইন স্তেত্তগী নমদুনা লাঞ্জেন্নহল্লকখিবা মীওই মিলিয়ন অমা হেনববু মীওইবগী মিনুংশিগী তেংবাং পীদুনা লৈফম চাফম ফংহনবগীদমক ভারতনা বঙ্গলাদেশগী পুকচেল চাওববু থাগৎপা ফোঙদোকখি অমদি মরমদমদগী লাঞ্জেন্নরক্লিবা মীওইশিং শাফনা, তুং কোইগদবা মওংদা অমদি থুনা ময়ুমদা হলহনখিনবা থৌরাংদা বঙ্গলাদেশ অমসুং ম্যান্মারগী মফমদা লৈবাক অনিমক্কা ঙমখি পুনবা অমত্তা ঙায়রবা লৈবাক অমা ওইনা মখা তানা মতেং পাংগনি হায়বা ৱাফম ফোঙদোকখি।
৩০. নাকল অনিনা রীজনেল লূপশিংগী খুত্থাঙদা রীজনেল কোওপরেসন মপাঙ্গল কনখৎহন্নবগী থবক পায়খৎমিন্নবগী মথৌ তাবা ফোঙদোক্নখি। ভারতকী মায়কৈদগী বিম্সতেক সেক্রেতরিএৎ থম্বদা অমসুং মসিগী ইনফ্রাস্ত্রকচর শেমগৎপদা বঙ্গলাদেশনা লৌরিবা থৌদাংগীদমক থাগৎপা ফোঙদোকখি। ভারতকী মায়কৈদগী ইন্দিয়ন ওসীন রিম এসোসিএসন (আই.ও.আর.এ.)গী চেয়র অমা ওইনা বঙ্গলাদেশকী মফমদা পীবা য়াবা তেংবাং পীগনি হায়বা ৱাফম অমুক হন্না থমখি।
৩১. খোঙচৎ অদুগী মনুংদা মখাগী এম.ও.য়ু.শিং অমসুং য়ানচেশিং খুৎয়েক পীনখি:
ক) কম্মন ওইবা ঙমখৈগী তুরেল কুসিয়ারাদগী ভারত অমসুং বঙ্গলাদেশনা ঈশিং লৌবগী মতাঙদা ভারত লৈঙাক্কী জল শক্তি মন্ত্রালয় অমসুং বঙ্গলাদেশ লৈঙাক্কী ৱাতর রিসোর্সেস মন্ত্রালয়গী মরক্তা খুৎয়েক পীনখিবা এম.ও.য়ু.
খ) বঙ্গলাদেশ রেলৱে পর্সোনেলশিং ভারত্তা ত্রেনিং পীননবগী ভারত লৈঙাক্কী রেলৱে (রেলৱে বোর্দ) মন্ত্রালয় অমসুং বঙ্গলাদেশ লৈঙাক্কী রেলৱে মন্ত্রালয়গী মরক্তা খুৎয়েক পীনখিবা এম.ও.য়ু.
গ) এফ.ও.আই.এস. অমসুং বঙ্গলাদেশ রেলৱেগী অতৈ আই.তি. এপ্লিকেসন্নচিংবা আই.তি. সিস্তেমদা পুন্না চৎমিন্ননবগীদমক ভারত লৈঙাক্কী রেলৱে (রেলৱে বোর্দ) মন্ত্রালয় অমসুং বঙ্গলাদেশ লৈঙাক্কী রেলৱে মন্ত্রালয়গী মরক্তা খুৎয়েক পীনখিবা এম.ও.য়ু.
ঘ) কাউন্সিল ফোর সাইন্তিফিক এন্দ ইন্দস্ত্রিএল রিছর্চ (সি.এস.আই.আর.), ইন্দিয়া অমসুং বঙ্গলাদেশ কাউন্সি ওফ সাইন্তিফিক এন্দ ইন্দসত্রিএল রিছর্চ (বি.সি.এস.আই.আর.), বঙ্গলাদেশকী মরক্তা সাইন্তিফিক এন্দ তেক্নোলোজিকেল কোওপরেসনগী এম.ও.য়ু.
ঙ) স্পেস তেক্নোলোজীগী লমদা মতেং পাংননবগীদমক নিউস্পেস ইন্দি্রা লিমিতেদ অমসুং বঙ্গলাদেশ সেতলাইৎ কম্পেনী লিমেতিদকী মরক্তা খুৎয়েক পীনখিবা এম.ও.য়ু.
চ) ব্রোদকাস্তিংদা মতেং পাংননবগী প্রসার ভারতি অমসুং বঙ্গলাদেশ তেলিভিজন (বি.তি.ভি.) অনিগী মরক্তা খুৎয়েক পীনখিবা এম.ও.য়ু. অমসুং
ছ) বঙ্গলাদেশ জুদিসিএল ওফিসরশিংগী ভারত্তা ত্রেনিং অমসুং কেপাসিতী বিল্দিং প্রোগ্রামশিং পাঙথোক্নবা নেস্নেল জুদিসিএল একাদমী, ইন্দিয়া অমসুং সুপ্রিম কোর্ত ওফ বঙ্গলাদেশকী মরক্তা খুৎয়েক পীনখিবা এম.ও.য়ু.
৩২. খোঙচৎ অদুগী মনুংদা মখাগীশিং অসি মায়খুম হাংদোকখি/লাউথোকখি/থাদোকখি:
ক) বঙ্গলাদেশকী রাম্পালদা মাইত্রী সুপর পৱার থর্মেল পৱার প্লান্তকী য়ুনিৎ-১ মায়খুম হাংদোকপা
খ) রুপসা রেলৱে থোং শঙ্গাবা,
গ) খুল্না – দর্শনা রেলৱে লাইন অমসুং পারওতিপুর – কৌনিয়া রেলৱে লাইনগী প্রোজেক্ত মেনেজমেন্ত কন্সল্তেন্সী কন্ত্রেক্ত খুৎয়েক পীননবা লাউথোকপা
ঘ) পুৱারী ওইরবা বঙ্গবন্ধু সৈখ মুজিবুর রহমনগী মার্চ ৭তা পীখিবা ৱারোলবু ভারতকী লোল ২৩ অমসুং খা এসিয়া লৈবাক অতৈগী লোল ৫দা হন্দোকপা ৱারোলশিং য়াওবা লাইরিক প্রধান মন্ত্রী সৈখ হসিনানা প্রধান মন্ত্রী নরেন্দ্র মোদীদা খুদোল তম্বা।
ঙ) বঙ্গলাদেশ রেলৱেদা ব্রোদ গেজ লোকোমোতিব ২০ গ্রান্ত ওইনা পীবগী ৱাফম লাউথোকপা।
চ) বঙ্গলাদেশ লৈঙাক্কী রোদ এন্দ হায়ৱেজ দিপার্তমেন্ততা লম্বী শেম্বগী খুৎশু খুৎলায় অমদি মেছিনরী পীবগী ৱাফম লাউথোকপা।
৩৩. প্রধান মন্ত্রী সৈখ হসিনানা লৈঙাক্কী অমদি ভারত মীয়ামগী তরাম তরাম্বা থৌজাল লৈবা মীয়োক মীচান উৎপিবগীদমক্তা প্রধান মন্ত্রী নরেন্দ্র মোদীবু থাগৎখি। প্রধান মন্ত্রী হসিনানা প্রধান মন্ত্রী মোদীবু বঙ্গলাদেশতা লাক্নবা পাউকৎ অমা পীরমখি অমদি লুচিংবা অনিনা থাক খুদিংদা ফোরম খুদিংদা মখা তানা ৱারী ৱাতায় শাননবগী ৱাফম ফোঙদোক্নখি।
PM highlights the Japan Plus system developed in India, to facilitate and fast-track Japanese investments in India
