- ভারতকী প্রধান মন্ত্রী শ্রী নরেন্দ্র মোদীনা চেবাউ পীরকপদগী, বঙ্গলাদেশকী প্রধান মন্ত্রী সৈখ হসিনা ২০১৯গী ওক্তোবর ০৫দা ভারত্তা ওফিসিয়েল ওইবা খোঙচৎ অমা লাকখি। নই দিল্লীদা মহাক্কী ওফিসিয়েল ওইবা থবকশিংগী মথক্ত, ২০১৯ ওক্তোবর ০৩ অমসুং ০৪দা ৱর্ল্দ ইকোনোমিক ফোরম্না শীনবা ইন্দিয়া ইকোনোমিক সমিৎতা প্রধান মন্ত্রী সৈখ হসিনা চীফ গেস্ত ওইনা শরুক য়াখি।
- প্রধান মন্ত্রী অসিনা ৱাফম কয়া কুপ্না খন্নখি। তুংদা প্রধান মন্ত্রী অনিনা খোঙচৎ মনুংদা খুৎয়েক পীনখিবা এম ও য়ুশিং/য়ানচেশিং খুৎশীন্নবা শরুক য়াখি অমসুং ভিদিও লিঙ্কগী খুৎথাংদা প্রোজেক্ত অহুম শঙ্গাখি। উনবা অদুদা লুচিংবা অনিনা লৈবাক অনিগী মরক্ত ফিবম ফনা লৈরিবা নাকল অনিগী মরি অদু অপেনবা ফোংদোকখি। নাকল অনিগী লৈনরিবা মরিশিংগী মতাংদা ৱা খন্নবা মতমদা মখোয়না কান্নবা ৱাফম কয়া খন্নখি অমসুং নাকল অনিগী মরিশিং অমুক হন্না য়েংশিনখি অমসুং লমদম অসিগী ৱাথোকশিংগী মতাংদা খন্নখি। মহৌশাগী চৎনদুনা লাক্লবা অমসুং অনৌবা হিরমশিংদা নাকল অনিমক্না পাম্নগদবা মওংদা খুদোংচাবা কয়া মপুং ফানা শীজিন্নবা হায়না প্রধান মন্ত্রী অনিনা য়ানখি।অসিগুম্বা মনীংহনবা য়ারোইদ্রবা বঙ্গলাদেশ নীংতম্বগী লালজাও মতমদগী লৈরকলবা অসি হেন্না ফগৎহন্নবা য়ানখি।
ভারত অমসুং বঙ্গলাদেশ-অচেৎপা মরী অমা
- মরুপ ওইবগী মচৎ অমা উৎলিবা মান্নবা পুৱারী, কলচর, লোন, সেকুলারিজম অমসুং অঙকপা মান্নবশিং প্রধান মন্ত্রী অনিনা অমুক নীংশিংখি। নীংতম লানগী অথৌবা মুক্তিজোরধাসশিং, লান অদু থেংনখিবা ভারতকী লান্মীশিং অমসুং ১৯৭১গী নীংতম লানদা কৎথোকখিবা বঙ্গলাদেশকী মীয়াম অমসুং গনতন্ত্র অমসুং মান্নবগী গুনশিং য়োকখৎলিবা বঙ্গলাদেশকী লুচিংবশিংদা মখোয়না ইকায়খুম্নবা উৎখি। বঙ্গলাদেশ লৈবাক্কী মপা, বঙ্গাবন্ধু সৈখ মুজিবুর রহমননা পামজরম্বশিং অদুগী মতুংইন্না হায়রিবা গুনশিং অসি য়োকখৎনবা লুচিংবা অনিনা ৱাশকখি। নুংঙাই-য়াইফবা, শান্তি লৈবা অমসুং চাউখৎপা বঙ্গলাদেশ অমা ওইনা প্রধান মন্ত্রী সৈখ হসিনাগী অনীংবশিং থবক ওইনা পাংথোক্নবা ভারতনা মপুং ফানা মতেং পীগনি হায়না প্রধান মন্ত্রী মোদীনা অমুক হন্না থাজবা পীখি।
ঙমখৈগী চেকশিন-থৌরাং
- তেরোরিজমগী মায়োক্ত তুমিন্না লৈথোক্তবা বঙ্গলাদেশ সরকারগী থৌশিল পি এম মোদীনা থাগৎলি অমসুং লমদম অসিদা শান্তি, চেকশিন-থৌরাং অমসুং তুংদু-লৈতাবা পুরক্নবা মহাক্না পায়খৎলিবা থবকশিং শিংথাখি। লৈবাক অনিমক্কী শান্তি অমসুং তংদু-লৈতাবদা তেরোরিজম্না খ্বাইদগী চাউবা শিংনবা অমা ওইরি হায়বা খঙখি অমসুং মখল খুদিংমক্কী তেরোরিজমশিং মরুফংনা মুৎথৎনবা লুচিংবা অনিনা অমুক হন্না অচেৎপা ফিরেপ লৌখি। ২০১৯গী অগস্ত থাদা বঙ্গলাদেশকী হোম মিনিস্তর ভারত্তা লাক্লম্বা অদুদা লৈবাক অনিগী হোম মিনিস্তরশিংনা মাইপাক্না ৱারী শানখিবা অদু লুচিংবা অনিনা পনখি অমসুং এক্সত্রিমিস্তশিং, রেদিকেল কাংলুপশিং, তেরোরিস্তশিং, হুরানপোৎ পুথোক-পুশিন তৌবশিং, জালি নোত লোন্না পুবশিং অমসুং মীহাৎ-মীপুন চৎথবশিংগী মতাংদা হেন্না মতেং পীনবা হায়না য়ানখি।
- লৈবাক অনিগী মরক্ত মী চৎথোক-চৎশিন লাইহন্নবা নাকল অনিনা তকশিনখি। বঙ্গলাদেশমচাশিং কংফাল লম্বী নৎত্রগা রেলদা ভারত্তা লাকপা লাইহন্নবা ভারতনা থাজবা পীখিবা অদুগীদমক প্রধান মন্ত্রী সৈখ হসিনানা পি এম মোদী থাগৎখি অমসুং হৌজিক লৈরিবা কংফালগী পোর্তশিংদা বঙ্গলাদেশমচাশিংদা থম্লিবা অথিংবশিং লৌথোক্লে। ত্রিপুরাগী অখৌরা অমসুং নোংচুপ বেঙ্গালগী গোজাদাঙ্গাদগী হৌরগা ভারতকী কংফালগী পোর্তশিংদা চে-চাং শুনা পায়রবা বঙ্গলাদেশমচাশিং চংলকপা অমসুং হনখিবগী অথিংবা লৈরম্বা লৌথোকপা হায়না নাকল অনিনা য়ানখি।
- মীহাৎ-মীপুন লৈতবা শান্তি ওইবা ঙমখৈ অমা ওইহন্নবা নাকল অনিনা য়ানখি। লৈবাক অনিগী মরক্ত লৈরিবা মালেমগী ঙমখৈগী শরুকশিংদা শম্বল খাবগী থবকশিং হৌজিক পন্দুনা লৈরিবা অসিনা লোইশিন্নবা লুচিংবা অনিনা নাকল অনিগীমক্কী বোর্দর ফোর্সশিংদা খঙহনখি। ঙমখৈদা মীচমশিং থৱায় মাংলিবা অসিনদা লুচিংবা অনিনা নুংনাংবা ফোংদোকখি অমসুং অসিগুম্বা ঙমখৈগী থৌদোকশিং হন্থহন্নবা মরি লৈনবা ফোর্সশিংদা য়াথং পীখি।
- দিজাস্তর মেনেজমেন্তগী লমদা মতেং পীনবা হেনগৎহনবা হায়না লুচিংবা অনিনা য়ানখি। অকক্নবা মতমগী মনুংদা দিজাস্তর মেনেজমেন্তগী লমদা মতেং পীন্নবগী এম ও য়ু অমা লোইশিনবগী তঙাইফদবা অদু মখোয়না তরাম্না ওকখি।
নাকল অনিমক কান্নবা ললোন-ইতিক্কী মরি অমা শেমগৎপা
- বঙ্গলাদেশনা এল দি সিগী থাক্ত লৈরম্বদগী হন্দোরকপদা ভারতনা তরাম্না ওকখি। ভারত অমসুং বঙ্গলাদেশকী মরক্ত নাকল অনিগী ওইবা কমপ্রেহেন্সিপ ইকোনোমিক পার্তনরসিপ এগ্রিমেন্ত (সেপা) অমা অথুবদা থবক ওইনা পায়খৎনবা পুন্না থিজিনবা হায়না নাকল অনিনা য়ানখি।
- অখৌরা-অগরতালা পোর্ত ফাওরগা ললোন-ইতিক পাংথোকপা অথিংবা থম্লিবা অসি লৌথোক্নবা ভারতনা হায়জরকপগী পাউখুম ওইনা, তুংদা পোৎলম অয়াম্বদা ললোন-ইতিক পাংথোকপা অথিংবা থম্লিবা অসি লৌথোক্লগনি হায়না বঙ্গলাদেশকী মাইকৈদগী খঙহনখি।
- লিমোনগী পোৎথোকশিং য়াওনা বঙ্গলাদেশতগী ভারত্তা থাদোরকপা পোৎথোকশিংদা এন্তি-দম্পিং/এন্তি-সারকমভেন্সন দুতিসশিং লৌরিবা অসি খন্ননবা বঙ্গলাদেশকী মাইকৈদগী ভারতকী ওথোরিতিশিংদা হায়জখি। হৌজিক লৈরবা আইনশিংগী মতুংইন্না ললোন-ইতিক্কী খুদোংচাদবশিং কোকহন্নবা থবক পায়খৎলি হায়না ভারতকী মাইকৈদগী পনখি। মসিগী হিরম আসিদা মতেং পীন্নবা ফ্রেমৱার্ক অমা শেম্বা হায়না লুচিংবা অনিনা য়ানখি।
- বোর্দর হতশিংনা মীয়ামদা হিংনবগী লম্বী কয়া পীরিবা অসি থাগৎলদুনা, লৈবাক অনিমক্না য়ানবগী মতুংইন্না বোর্দর হত ১২ অথুবদা লিংখৎনবা লুচিংবা অনিনা ওফিসিয়েলশিংদা খঙহনখি।
- বঙ্গলাদেশ স্তেন্দার্দস এন্দ তেস্তিং ইন্সতিতুসন (বি এস তি আই) অমসুং বিউরো ওফ ইন্দিয়ান স্তেন্দার্দস (বি এস আই) অনিগী মরক্ত এম ও য়ু অমা অমুক নৌথোকহনবদা লুচিংবশিংনা তরাম্না ওকখি। লৈবাক অনিমক এসিয়া পেসিফিক লেবোরেতোরি এক্রিদিতেসন কোওপেরেসনগী মেম্বর ওইবা মরম্না অমনা অমগী বি এ বি অমসুং এন এ বি এল শকখঙনবা নাকল অনিনা য়ানখি অমসুং এন এ বি এল স্তেন্দার্দসগা মান্নবা খুদোংচাবশিং লিংখৎনবা বি এস তি আইনা থবক পায়খৎলে।
- ভারতকী কৈথেলদা বঙ্গলাদেশনা য়োল্লকপা পোৎলমসিং দুতি ফ্রি অমসুং কোতা ফ্রি ওইহন্নবা ভারতনা থৌরাং তৌবদা পি এম সৈখ হসিনানা থাগৎলি। চহিগী ওইনা মপান্দা থাদোকপা চাদা ৫২ হেনগৎতুনা অহানবা ওইনা ২০১৯দা বঙ্গলাদেশতগী ভারত্তা থাদোকপা বিল্লিয়ন দোল্লর অমা হেনবদা মখোয়না তরাম্না ওক্লি।
- লৈবাক অনিগী মরক্ত তেক্সতাইল অমসুং লিমোনগী লমদা মতেং পীনবা হেনগৎহন্নবা খোঙথাং অমা ওইনা ভারত সরকারগী তেক্সতাইল মিনিস্ত্রি অমসুং বঙ্গলাদেশ সরকারগী তেক্সতাই অমসুং জুত মিনিস্ত্রি অনিগী মরক্ত এম ও য়ু লোইশিন্নবা প্রধান মন্ত্রী অনিনা তকশিনখি।
কংফাল, ঈশিং অমসুং নোংথক্ত চৎথোক-চৎশিন ফগৎহনবা
- বঙ্গলাদেশ অমসুং ভারতকী অৱাং-নোংপোক রাজ্যশিংগী মরক্ত শেন-থুমগী মতেং পীনবা হেনগৎহন্নবা খুদোংচাবা অমা ওইনা কংফাল, ঈশিং অমসুং নোংথককী খুৎথাংদা চৎথোক-চৎশিন ফগৎহনবা হায়না নাকল অনিনা য়ানখি। অৱাং-নোংপোক্তগী ভারতকী পোৎলমশিং পুথোক-পুশিন তৌনবা চাত্তোগ্রাম অমসুং মোঙ্গলা পোর্তশিং শীজিন্ননবা থৌরাং লোইশিনবদা লুচিংবা অনিনা তরাম্না ওকখি।
- কংফাল অমসুং সমুদ্রাগী ঈশিং লম্বীশিংদা কার্গো চৎনবা য়ানবা ধুলিয়ান-গাদাগারি-রাজসাহি-দৌলাতদিয়া-অরিচা লম্বী অমসুং দৌরকান্দি-সোনামুরা লম্বী ইনলেন্ত ৱাতর ত্রান্সিৎ এন্দ ত্রেদ প্রোতোগোলগী মখাদা লৈহনবদা মখোয়না তরাম্না ওকখি।
- মখোয় মখোয়গী এক্সপোর্ত কার্গোশিং লৈবাক অমনা অমগী হিথাংফমশিং হেন্না শীজিন্ননবগী কান্নবশিং থমদুনা, দরকার ওইবশিং অথুবদা ৱা খন্নবা নাকল অনিনা য়ানখি।
- লৈবাক অনিগী মরক্ত মী অমসুং পোৎ-চৈশিং লাইনা চৎথোক-চৎশিন য়ানবা বি বি আই এন মোতোর ভেহিকলস এগ্রিমেন্ত থবক ওইনা পাংথোকপা লৈবাক অনিনা য়ানরে অমসুং নাকল অনিগী ওইনা ইন্দিয়া-বঙ্গলাদেশ মোতোর ভেহিকলস এগ্রিমেন্ত অমা থবক ওইনা পায়খৎনবা থৌরাং তৌরি।
- লৈবাক অনিগী মরক্ত চৎথোক-চৎশিন হেনগৎহন্নবা ধাকা-সিলিগুরি বস চেনবা হৌদোক্নবা থৌরাং লুচিবশিংনা তরাম্না ওকখি।
- লৈবাক অনিমক্কী ঈশিংগী সেক্রেতরিশিংগী মরক্ত ২০১৯গী অগস্ততা ধাকাদা ৱা খন্নখিবা অমসুং গঙ্গা ৱাতর সিয়ারিং ত্রিতি ১৯৯৬গী মতুংইন্না বঙ্গলাদেশনা ঈশিং ফজনা শীজিন্নবা ফংনবা বঙ্গলাদেশতা গঙ্গেস-পদ্মা বরাজ শেমগৎনবা অপুনবা তেক্নিকেল কম্মিতি অমা শেম্বা অমসুং ওইথোকপা লৈবরা হায়না থিজিন্নবা তার্ম ওফ রিফরেন্স অমা শেম্বদা লুচিংবা অনিনা অপেনবা পোকখি।
- তুরেল তরুক হায়বদি মানু, মুহুরি, খোৱাই, গুমতি, ধরলা অমসুং দুধকুমারগী ইন্তরিম সিয়ারিং এগ্রিমেন্তশিংগী দ্রাফ ফ্রেমৱার্ক শেম্বা অমসুং ফেনি তুরেলগী ইন্তরিম সিয়ারিং এগ্রিমেন্তশিংগী দ্রাফ ফ্রেমৱার্ক শেম্বা য়াওনা ই-পাউ ফাওনবা য়াংখৎনবা জোইন্ত রিভর কম্মিসন শেম্নবা লুচিংবা অনিনা খঙহনখি।
- ২০১১দা সরকার অনিনা য়ানখিবগী মতুংইন্না, তিসতা তুরেলগী ঈশিং লৌনবা মরককী য়ানচেগী ফ্রেমৱার্ক থবক ওইনা পায়খৎনবা অমসুং অথুবদা খুৎয়েক পীন্নবা বঙ্গলাদেশকী মীয়াম্না খৌরাংনা ঙাইরিবা অদু প্রধান মন্ত্রী সৈখ হসিনানা পনখি। য়ানচে অদু অথুবদা থবক ওইনা পাংথোক্নবা মহাক্কী সরকার অমসুং ভারতকী মরি লৈনবশিংনা থবক পায়খৎলি হায়না প্রধান মন্ত্রীনা খঙহনখি।
- ত্রিপুরাগী সাব্রুম তাউনগী মীয়ামগী থক্নবগীদমক ফেনি তুরেলদগী ঈশিং কুসেক ১.৮২ লৌনবা ধাকদা ৱাতর রিছোসেস সেক্রেতরি থাক্কী মীফম্না লৌখিবা ৱারেপ অদু লুচিংবা অনিনা থাগৎখি।
- লৈবাক অনিগী রেলৱেজ সেক্তরদা মতেং পীনবগী খুদোংচাবশিং লুচিংবা অনিনা খঙখি। ২০১৯গী অগস্তা লৈবাক অনিগী রেলৱেজ মিনিস্তরশিংগী মরক্ত ৱারী শানখিবা অদু মখোয়না খঙজিনখি।
- মাইত্রি এক্সপ্রেস চেনবা চয়োল অমদা ৪রক ওইরম্বদগী ৫দা হেনগৎপা অমসুং বন্ধন এক্সপ্রেসনা চয়োলদা ১রক ওইরম্বদগী ২দা হেনগৎপদা লুচিংবা অনিনা তরাম্না ওকখি।
- ভারতনা বঙ্গলাদেশতা রেলৱেজ রোল্লিং স্তোক পীবা অমসুং বঙ্গলাদেশকী সাইদপুর ৱার্কসোপ মতমগা চুন্না শেমগৎনবা থবক অথুবা পায়খৎনবা লুচিংবা অনিনা মরি লৈনবা ওফিসিয়েলশিংদা খঙহনখি।
- গ্রান্ত ওইনা বঙ্গলাদেশতা ব্রোদ-গেজ অমসুং মিতর-গেজ লোকোমোতিবশিং পীনবা খন্নবগীদমক প্রধান মন্ত্রী সৈখ হসিনানা প্রধান মন্ত্রী মোদী থাগৎখি। মসিনা লৈবাক অনিগী মরক্ত ললোন-ইতিক্কী থবক হেনগৎহনবদা মতেং পাংগনি।
- হৌজিক চয়োল অমদা এয়র সার্বিস ৬১ লৈরিবা অসি ২০১৯গী কালেনদগী চয়োল অমদা এয়র সার্বিস ৯১দা হেনগৎহন্নবা অমসুং ২০২০গী নীংথম থাগী সেদুলদগী চয়োল অমদা এয়র সার্বিস ১২০দা হেনগৎহন্নবা ৱারেপ লৌখিবা অদু লুচিংবা অনিনা তরাম্না ওকখি।
দিফেন্সকী মতেং পীনবা হেনগৎহনবা
- ১৯৭১গী দিসেম্বরদা বঙ্গলাদেশকী নীংতম লালদা ফোর্স অনিমক্না পুন্না লাল থেংনখিবগী ময়েক লারবা পুৱারী অদু নীংশিংদুনা, দিফেন্সকী মতেং পীনবা হেনগৎহনবগী তঙাইদবা হেনগৎলক্লিবা অসি লুচিংবা অনিনা খঙখি।
- সমুদ্রা ঙাক-শেনবা হেনগৎনবা মতেং পীনবা হেনগৎহন্নবা অমসুং বঙ্গলাদেশতা কোস্তেল সর্ভেলেন্স রাদার সিস্তেম লিংখৎনবা এম ও য়ু অমা লৈহনবা অমসুং নাকল অনিনা এম ও য়ু অদু অথুবদা খুৎয়েক পীনবা হোৎনবগী থবকশিং প্রধান মন্ত্রীনা তরাম্না ওকখি।
- ভারতনা বঙ্গলাদেশতা য়ু এস দোল্লর মিল্লিয়ন ৫০০গী দিফেন্স লাইন ওফ ক্রেদিৎ অথুবদা থবক ওইনা পায়খৎপা হায়না লুচিংবা অনিনা য়ানখি।
চাউখৎ-থৌরাংগী মতেং পীনবা হেনগৎহনবা
- বঙ্গলাদেশকী শেন-থুমগী ফিবম ফগৎহন্নবা গ্রান্ত—ন-এদ প্রোজেক্তশিং তোঙান-তোঙানবা হাই ইম্পেক কম্মুনিতি দিবেলপমেন্ত প্রোজেক্তস (ঐচ আই সি দি পি)গী মখাদা পায়খৎপগীদমক প্রধান মন্ত্রী হসিননা ভারত সরকার থাগৎখি।
- লাইন্স ওফ ক্রেদিৎ অহুম শীজিন্নবগী থবক খুমাং চাউশিনবদা প্রধান মন্ত্রী অনি অপেনবা পোকখি অমসুং এল ও সি অসিগী মখাদা পায়খৎপা প্রোজেক্তশিং অথুবদা থবক হৌনবা ওফিসিয়েলশিংদা খঙহনখি।
- ধাকদা একজিম বেঙ্ক ওফ ইন্দিয়াগী ওফিস অমা হাংনবা বঙ্গলাদেশতা ভারত সরকারনা এল ও সি অমা পীনবা ফ্রেমৱার্ক এগ্রিমেন্ত অমা খুৎয়েক পীনবদা নাকল অনিনা অপেনবা ফোংদোকখি।
- ওক্তোবর ৫দা ভিদিও লিঙ্কগী খুৎথাংদা লুচিংবশিংনা প্রোজেক্ত অহুম হৌদোকখি, মখোয় অদুদি :
a) বঙ্গলাদেশতগী এল পি জি পুশিল্লকপা
b) ধাকাদা রামকৃষ্ণ মিসনদা মহৈরোইশিংগী হোস্তেল বিবেকানন্দা ভাবন শঙ্গাবা
c) খুলনাদা লৈবা ইন্সতিত্যুৎ ওফ দিপ্লোমা ইঞ্জিনিয়ার্স বঙ্গলাদেশ (আই দি ই বি)দা বঙ্গলাদেশ-ইন্দিয়া প্রোফেসনেল দিবেলপমেন্ত ইন্সতিত্যুৎ (বি আই পি এস দি আই) লিংখৎপা।
- বঙ্গলাদেশকী সিবিল সর্ভেন্তশিং ত্রেনীং পীনবা নাকল অনিনা হৌজিক মতেং পীনরিবা অসি লৈবাক অনিনা অপেনবা ফোংদোকখি। তুংদা ভারতনা বঙ্গলাদেশ জুদিসিয়েল ওফিসারশিং মশিং হেন্না ত্রেনীং পীনবা থবক পায়খৎকনি হায়না থাজবা পীখি।
ঙমখৈ লান্না ইনর্জীগী মতেং পাংনবা
- বঙ্গলাদেশকী ত্রকশিং শীজিন্নদুনা বঙ্গলাদেশতগী ত্রিপুরাদা এল পি জি পুশিল্লক্নবগী প্রোজেক্ত অমা প্রধান মন্ত্রী অনিনা হৌদোকখি অমসুং অসিগুম্বা ইনর্জীগী মরি অসিনা ঙমখৈ লান্না ইনর্জী ললোন-ইতিক তৌবা হেনগৎহনগনি হায়না থাজবা থমখি।
- কাতিহার (ভারত), পারবোতিপুর (বঙ্গলাদেশ) অমসুং বোরনাগর (ভারত)গী মরক্ত ঙমখৈ লান্না মৈ পুনবা কে ভি ৭৬৫গী দবল সর্কুইত অমা শেমগৎনবা ১৭শুবা জে এস সিগী মীফমদা লৌখিবা য়ানবশিং নাকল অনিনা তরাম্না ওকখি। মসিগী থবক অসিনা লমদম অনিগী মরক্ত ইনর্জী ললোন-ইতিক পাংথোকপা ঙমহনগনি অমসুং ভারত, নেপাল অমসুং ভুতানদগী পাৱর প্রোজেক্তশিংদগী পুথোরকপা মৈ অহোংবা মমলদা ফংহনবা ঙমগনি।
এজুকেসন অমসুং য়ুথ একচেঞ্জ
- তুংগী য়েংলগা লৈবাক অনিমক্কী নহারোলশিংগী মরক্ত মতেং পীনবা হেনগৎহনবগী মরুওইবা অদু নাকল অনিনা তকশিনখি। মসিগী মাইকৈদা লৌখৎপা খোঙথাং অমা ওইনা নহারোলশিংগী থবক থৌরমশিংগী লমদা মতেং পীন্নবা এম ও য়ু অমা খুৎয়েক পীন্নবা মখোয়না পনখি। বঙ্গলাদেশকী চুনগদবা ত্রেনীং প্রোগ্রামশিং শেম্নবা থবক লুচিংবা অনিনা শকখঙখি।
- লৈবাক অমনা অমগী একাদেমিক ক্বালিফিকেসনশিং শকখঙনবা এম ও য়ু অমা অথুবদা লৈহন্নবা লৈবাক অনিমক্কী মরি লৈনবা ওথোরিতিশিংদা লুচিংবা অনিনা খঙহনখি।
মহাত্মা গান্ধীগী ১৫০শুবা মপোক নুমিৎ (২০১৯), বঙ্গাবন্ধুগী মপোক নুমিৎ (২০২০) অমসুং বঙ্গলাদেশ নীংতম লালগী চহি ৫০শুবা (২০২১)গী কলচরগী মতেং পীনবা
- মরুওইবা থৌরম অনি- ২০২০দা বঙ্গবন্ধু সৈখ মুজিবুর রহমনগী মপোক নুমিৎ অমসুং বঙ্গলাদেশ নীংতম লালগী চহি ৫০শুবা অমসুং ২০২১দা ভারত-বঙ্গলাদেশ দিপ্লোমেতিক মরি লৈনবা হৌখিবগী থৌরম চাউনা পাংথোক্নবা মতেং পীনবা হায়না লুচিংবা অনিনা য়ানখি। হায়রিবা পুৱারী ওইরবা চহি অনি অসিদা লৈবাক অনিগী মরক্ত কলচরগী মরি হেনগৎহনবা হায়না লুচিংবা অনিনা য়ানখি। ২০১৯-২০২০গী মনুংদা নাকল অনিনা খুদোংচাগবা য়েংলগা বঙ্গলাদেশতা ভারতকী কুম্মৈ অমা পাংথোক্নবা পুখৎলকপা ৱাফম অমগী বঙ্গলাদেশকী প্রধান মন্ত্রীনা ভারতকী প্রধান মন্ত্রী থাগৎখি।
- কলচরেল একচেঞ্জ প্রোগ্রামগী এম ও য়ু নৌথোকহনবদা প্রধান মন্ত্রী অনিনা তরাম্না ওকখি।
- ২০২০দা পাংথোক্কদৌরিবা মহাক্কী মপোক নুমিৎ থৌরমদা রিলিজ তৌনবা বঙ্গবন্ধু সৈখ মুজিবুর রহমনগী ফিচর ফিল্ম অমা পুথোক্নবা এন এফ দি সি অমসুং বি এফ সি সি অনিগী মরক্ত য়ানবা অমা অথুবদা থবক ওইনা পাংথোক্নবা প্রধান মন্ত্রী অনিনা ওফিসিয়েলশিংদা খঙহনখি।
- অহিংশা অমসুং লোইলম লৈঙাক্কী মায়োক্ত অমসুং লমচৎ ফজদবগী ময়োক্ত মহাক্কী ফিলোসোফিগীদমক মালেম শীনবা থুংনা থাগৎনরিবা মহাত্মা গান্ধীগী চহি ১৫০শুবা মপোক নুমিৎ থৌরমদা কম্মেমোরেতিপ স্তাম্প অমা ফোংবদা অয়াবা পীবদগীদমক প্রধান মন্ত্রী নরেন্দ্র মোদীনা বঙ্গলাদেশ সরকার থাগৎখি।
- ভারতকী নেসনেল মিউজম অমসুং বঙ্গলাদেশ নেসনেল মিউজম অনিগী মরক্ত মতেং পাংন্নবা এম ও য়ু অমা লৈবা লুচিংবা অনিনা য়ানখি অমসুং এম ও য়ু অদু থবক ওইনা অথুবদা লোইশিন্নবা মরি লৈনবা ওফিসিয়েলশিংদা খঙহনখি।
ম্যান্মারগী রাখিনে স্তেত্তগী লাকপা লাঞ্জেন্নরকপশিং
- ম্যান্মারগী রাখিনে স্তেততগী লাকপা লাঞ্জেন্নরকপা মীওইশিং বঙ্গলাদেশনা চংজফম পীবগীদমক প্রধান মন্ত্রীনা বঙ্গলাদেশ থাগৎখি। কোচ বাজারদা লৈবা মতম খরগী ওইবা কেম্পশিংদা লৈরিবা রোহিঞ্জাশিংগীদমক বঙ্গলাদেশ সরকারনা পায়খৎলিবা থবকশিং শৌগৎতুনা ভারতনা মঙাশুবা তাঙ্কক্কী ওইনা মতেং পাংগনি। মসিগী তেংবাং পোৎলমশিং অসিদা তেন্তশিং, তেবাং পোৎলমশিং য়াওরি, লোয়ন্না ম্যান্মারদগী লাকপা নুপীশিংগী স্কিল হেনগৎহন্নবা ভারতনা ফি তুনবা মেছিন লিশিং ১ পীগনি। রাখিনি রাজ্যদা ভারতনা অহানবগী ওইনা য়ুম ২৫০ শারে অমসুং মফম অদুগী শেন-থুমগী ফিবম ফগৎহন্নবা থবকশিং পায়খৎলে।
- ম্যান্মারদগী চেল্লকপা মীওইশিংগীদমক ২০১৭দগী সেপ্তেম্বরদগী ভারতনা অৱা-তেংবাংগী পোৎলমশিং পীরকপগীদমক বঙ্গলাদেশ সরকারগী মাইকৈদগী থাগৎপা ফোংদোকপগী পাউদম প্রধান মন্ত্রী সৈখ হসিননা থমখি। ম্যান্মারদগী চেল্লকপা মীওইশিং অশোয়-অঙাম থোকহন্দনা মরৈবাক্ত অমুক হনখিনবা অথুবদা থবক পায়খৎপা হায়না লুচিংবা অনিনা য়ানখি।
লমদম অসিগী অমসুং মালেমগী ওইবা মরুপশিং
- য়ু এন অমসুং মালেমগী লুপশিংগা নক্না থবক তৌমিন্ননবা মখোয়গী অচেৎপা ফিরেপশিং প্রধান মন্ত্রী অনিনা অমুক ফোংদোকখি। এজেন্দা ২০৩০ পায়খৎতুনা মখোয়গী লৈবাকশিংগী চাউখৎনবা থমখিবা পান্দমশিং ফংনবা পুন্না থবক তৌমিন্ননবা মখোয়না অমুক হন্না ৱারেপ লৌখি।
- লৈবাক অনিগী মরুওইবা হিরমশিংদা রিজনেল অমসুং সব-রিজনেলগী থাক্ত মতেং পীনবা হায়না লুচিংবা অনিনা য়ানখি। মসিগী পান্দম অসিদা মেম্বর লৈবাক খুদিংমক পুন্না চাউখৎনবা সব-রিজনেলগী থাক্ত মতেং পীন্নবা বিমসতেককী থবকশিং মওং-মরিল তাহনবা হায়না মখোয়না য়ানখি।
- খোঙচৎ মনুংদা মখাগী নাকল অনিগী চে-চাংশিং খুৎয়েক পীনখি, খুৎশীন্নখি, চৎনবা হৌখি অমসুং পীনখি :
. কোস্তেল সর্ভিলেন্স সিস্তেম পীনবা এম ও য়ু অমা
. ভারত্তাগী পোৎ-চৈ পুথোক-পুশিন তৌনবা চাত্তোগ্রাম অমসুং মোঙ্গলা হিথাংফমশিং শীজিন্ননবা স্তেন্দার্দ ওপেরেতিং প্রোসিদিউয়
. ভারতকী ত্রিপুরাদা লৈবা সাব্রুম তাউনগী ঈশিং পীনবা ভারতনা ফেনি তুরেলদগী ঈশিং কুসেক ১.৮২ লৌনবা এম ও য়ু
. ভারতনা বঙ্গলাদেশতা লাইন্স ওফ ক্রেদিৎ পীনবা য়ানচে
. হায়দ্রবাদ য়ুনিভর্সিতি অমসুং ধাকা য়ুনিভর্সিতি অনিগী মরক্ত এম ও য়ু. কলচরেল একচেঞ্জ প্রোগ্রাম মখা চৎথবা
. নহারোলগী থবক-থৌরমশিংদা মতেং পীন্নবা এম ও য়ু
- চেন্নাইদা বঙ্গলাদেশগী দিপুতি হাই কম্মিসন অমা লিংখৎনবা বঙ্গলাদেশনা হায়জরকপা অদু য়াবগীদমক প্রধান মন্ত্রী সৈখ হসিননা প্রধান মন্ত্রী নরেন্দ্র মোদী থাগৎখি।
অৱাংবা থাক্কী খোঙচৎশিং লেপ্তনা পাংথোকপা
- ভারত্তা লৈরিঙৈ মনুংদা মহাক অমসুং মহাক্কা লোয়নরকপা মীহুৎশিং তরাম্না ওকপা অমসুং লৈফম-চাফম শীনবগীদমক প্রধান মন্ত্রী সৈখ সহিননা প্রধান মন্ত্রী নরেন্দ্র মোদী থাগৎখি।
- প্রধান মন্ত্রী সৈখ সহিননা প্রধান মন্ত্রী নরেন্দ্র মোদী বঙ্গলাদেশতা লাক্নবা চেবাউ পীখি। চেবাউ অদু য়াখি অমসুং দিপ্লোমেতি চেন্নেলগী খুৎথাংদা খোঙচৎ অদুগী মতম লেপ্নবা য়ানখি।
