মহৈরোয়শিং-মমা-মপা ওইবশিংনা প্রধান মন্ত্রীবু ইমপ্রোম্তু সেসন অমদা ক্লাস ১২গী একজাম পাংথোকহনখিদবগীদমক থাগৎপা ফোংদোকখ্রে
এজুকেসন মিনিস্ত্রনা শিনবা ক্লাস ১২কী মহৈরোয়শিং অমসুং মখোয়গী মমা-মপাশিংগী ওইনা পুনবা ভর্চুএল সেসন অমদা খঙহৌদনা প্রধান মন্ত্রী শ্রী নরেন্দ্র মোদীনা শরুক য়াখ্রে। সেসন অসি এজুকেসন মিনিস্ত্রীনা সি.বি.এস.ই. ক্লাস ১২কী বোর্দ একজাম পাংথোকখিদবগী মিয়েংদা শিনবনি। প্রধান মন্ত্রীনা “ঐহাক্না অদোমগী ওনলাইন মীফম অসিদা অকায়বা পীরোইদরা হায়না আসা তৌই” হায়না মহৈরোয়শিংদা অঙকপা পোকহন্দুনা হৌদোকখি হায়রিবা অসিদা মখোয়গী প্রধান মন্ত্রীনা মখোয়গী মরক্তা লৈবা উবা মতমদা মোমোন মিনোক নোকখি। শ্রী মোদীনা মিকুপ অসিগী ইথিলগা লোয়ননা চৎতুনা একজামগী শাফু অসিদা পুক্নিং চিংশিনখি অমসুং পোৎলুম লৈত্রবা মহৈরোয়শিংগা মতম খর লোয়নখি। মহাক্না মহৈরোয়শিংবু মহাক্কী মশামক্কী থেংনরকখিবা ৱারিশিং লিদুনা নুঙাইহনখি। পাঞ্চকুলাদগী মহৈরোয় অমনা নুমিৎ কয়ানি অমা হৌজিক ওইরিবা একজামগী অৱাবগী ৱারি শারকপদা প্রধান মন্ত্রীনা মহাক্কী লৈফমগী সেক্তরগী মরমদা হংখি অমসুং মহাকসু মফম অদুদা মতম শাংনা লৈরমখি হায়না খঙহনখি।
অঙাংশিনা প্রধান মন্ত্রীগা লোয়ননা কোইদনা মখোয়গী ৱাখল অমসুং মিয়েং থমখি। হিমাচল প্রদেশতা লৈবা সোলান্দগী মহৈরোয় অমনা লায়চৎ মনুং অসিদা একজাম পাংথোকহনখিদবগীদমক প্রধান মন্ত্রীবু থাগৎপা ফোংদোকখি অমসুং ফিরেপ অসি অফবা খোঙথাং অমনি হায়না থাগৎখি। মহৈরোয় অমনা য়াম্না নুঙাইতনা ফোংদোরকখি মদুদি মীওই খরদি কোবিদকী চৎন-কাংলোন হায়বদি মায়খুম উপ্পা, থাপ্না লৈনবা, অসিনচিংবা অসি ইন্দে। মহাক্না অমুকসু মহাক্কী লোকেলিতীদা পাউজেল পীবগী মরমদা হায়খি। লায়চৎ অসিনা মরম ওইদুনা থৱায় ৱানা লৈরম্বা মহৈরোয় খরদি অৱাবা কোক্লে হায়বা অসি শেংনা উবা ফংলে অমসুং মখোয় অয়াম্বনা প্রধান মন্ত্রীনা লৌরিবা একজাম পাংথোক্তবগী ফিরেপ অসিদা থাগৎপা ফোংদোকখি। মমা-মপা ওইবশিংনা ফিরেপ য়ানিংনা লৌখি। মপুং ফাবা অমসুং অরোন অথুপ লৈতবা খন্ন-নৈনবা অমা ওইনা প্রধান মন্ত্রীনা থৌশিল অমত্তা লৈতনা মমা-মপাশিংবু উন্নবা অসিদা শরুক য়াননবা কৌরি।
একজাম পাংথোকখিদবা মতুং তুমিন্না লৈনখিবা অসিদা প্রধান মন্ত্রীনা হংবা ৱাহং অমদা মহৈরোয় অমনা পাউখুম পীরকখি “সর, অদোম্না একজাম অসি ফেস্তিবেল অমগুম পাংথোক্কদবনি হায়বিখিবা অদুনি। মরম অদুনা একজামগীদমক ঐহাক্কী ৱাখলদা অকিবা অমত্তা লৈজদে”। গুৱাহাতিদগী মহৈরোয় অমা মহাক্না ক্লাস ১০দগী পাদুনা লাক্লিবা ‘একজাম ৱারিয়র’ হায়বা লাইরিক অসিগী হোৎনমন মনা প্রধান মন্ত্রীদা পীখি। মহৈরোয়শিংনা য়োগা অসিবু অৱাবা তারবা মতম কয়া অমদা মতেং ওই হায়না পনখি।
উন্নখিবা অসি য়াম্না নিংথিনা পাংথোকখিবা অমা ওই মদুদি প্রধান মন্ত্রীনা মসি শিন্নবা থৌরাং তৌরি। মহাক্না মহৈরোয় খুদিংদা মখোয়গী খঙনবা নম্বর অমা চে মচেৎ ইদুনা মহাক্না কৌরকপা অমদি উন্নবা য়ান্নবা হায়খি। থৱায় য়াওবা মহৈরোয়শিংনা সিস্তেম অসিবু হরাওনা ইনখি। প্রধান মন্ত্রীনা একজাম পাংথোকখিদবা অসিগী ফিরেপ অসি খন্নবা হেন্না চাওথোকপা হিরম অমগীদমক পাফতাক পীখি। মহৈরোয় অমসুং মমা-মপাশিংনা জগোই, য়ুত্যুব ম্যুজিক চেনেল, এক্সর্সাইজ অমসুং পোলিতিক্স অসি পীখি। প্রধান মন্ত্রীনা মখোয়দা ইন্দিয়াগী ৭৫শুবা ইন্দিপেন্দেন্সকা মরী লৈননা অখন্না মখোয়গী মফমশিংদা রিসর্স তৌনবা অমসুং এসে ইনবা হায়খি।
মীফম অসিদা, প্রধান মন্ত্রীনা মহৈরোয়শিনা কোবিদ-১৯গী অনিশুবা ৱেব অসিগী মনুংদা মখোয়গী পব্লিক্তা শরুক য়াবা অমসুং তীমৱার্কী থোঙদা, মখোয়গা তীমগী স্পিরিত অসিদা থাগৎপা ফোংদোকখি। প্রধান মন্ত্রীনা মহৈরোশিংদা আই.এল.পি., চেম্পিয়ন লিগ য়েংগদরা নত্ত্রগা ওলেম্পিক্স নত্ত্রগা ইন্তর্নেস্নেল য়োগা নুমিৎ ঙাইগদরা হংবদা মহৈরোয় অমনা পাউখুম পীরকখি মদুদি মহাক্না কোলেজগী মিং চন্নবা এন্ত্রান্স একজামগীদমক শেম-শান্নবা মতম মরাং কায়না ফংলে হায়না খুমখি। মহাক্না মহৈরোয়শিংদা একজাম পাংথোকখিদ্রবা মতুংদা মখোয়গী মতম নিংথিনা শিজিন্নবা হায়খি।
