ঙসি প্রধান মন্ত্রী শ্রী নরেন্দ্র মোদীনা য়ুনাইতেদ কিংদমগী ফোরেন সেক্রেতরি দেবিদ লাম্মী তরাম্না ওকখ্রে। মহাক্না উনবা লাকপগীদমক প্রধান মন্ত্রীনা লাম্মী থাগৎপা ফোঙদোকখি অমসুং য়ু.কে সরকার শেম্বগা অহানবা থা মনুংদা ভারত্ত লাকপগীদমক মহাক থাগৎপা ফোঙদোকখি।
মহাক্না হন্দক য়ু.কেগী প্রধান মন্ত্রী কের স্তারমরগা ৱারি শানখিবা অদু প্রধান মন্ত্রী মোদীনা নিংশিংখি অমসুং ইন্দিয়া-য়ু.কে কমপ্রেহেন্সিপ স্ত্রাতেজিক পার্তনরশিপ পাকথোক-চাউথোক্নবা অমসুং চেৎশীৎহন্নবা প্রধান মন্ত্রী স্তারমরনা পুখৎলকপা ৱাফম প্রধান মন্ত্রী মোদীনা থাগৎখ্রে।
ইকোনোমি, শেন থাদবা, ঙাক-শেন, সেকুরিতি, মরুওইবা অমসুং নৌনা থোক্লকপা তেক্নোলোজিশিং অমসুং অইং-অশাগী খল হোংলকপগী মতাং য়াওনা হিরম কয়াদা লৈনরিবা লৈবাক অনিগী মরীশিংগী খুদোংচাবশিং মপুংফানা থবক ওইনা পাংথোক্নবা য়ু.কেগী অপাম্বা অদু ফোরেন সেক্রেতরি লাম্মীনা ফোঙদোকখি।
মরুওইবা অমসুং নৌনা থোক্লকপা তেক্নোলোজিশিংদা য়ুম্ফম ওইদুনা তেক্নোলোজি সেকুরিতিগী থবক্কী মতাংদা লৈবাক অনি য়ানবা পুরকপদা প্রধান মন্ত্রীনা তরাম্না ওকখি অমসুং অথুবা মতমদা এফ.তি.এগী য়ানবা পুরক্নবা লৈবাক অনিনা অয়াবা পীবদা প্রধান মন্ত্রীনা তরাম্না ওকখি।
লুচিংবশিংনা লৈবাক অনিনা দরকার ওইবা লমদম-লমদমগী অমসুং মালেমগী ওইবা ৱাফমশিংগী মতাংদা অনিংবশিং ফোঙদোক্নখি।
প্রধান মন্ত্রীনা য়ু.কেগী প্রধান মন্ত্রী কের স্তারমরদা য়াইফ-পাউজেল পীখি অমসুং মহাক্কী খুদোংচাবা য়েংলগা অথুবা মতমদা ভারত্তা লাক্নবা মহাক্না চেবাউ পীখি।
