ভারত-জাপান ফোরেন অমসুং দিফেন্স মিনিস্তরশিংগী মীফম (২+২)গী হৌদোকপা থৌরমদা শরুক য়ানবা ভারত্তা লাকখিবা জাপানগী ফোরেন এফেয়র্স মিনিস্তর তোসিমিত সুমোতেগী অমসুং দিফেন্স মিনিস্তর তারোকোনোনা ঙসি প্রধান মন্ত্রীগা উনখ্রে।
প্রধান মন্ত্রীনা লাক্লিবা মিনিস্তরশিংনা তরাম্না ওকখি অমসুং ২০১৮গীওক্তোবরদাজপান্দাপাংথোকখিবা১৩শুবাভারত-জাপানচহিগীমীফমদা প্রধান মন্ত্রী অমসুং প্রধান মন্ত্রী অবেনা থমখিবা পান্দম ফংবদা নাকল অনিনা অপেনবা ফোংদোকখি। মসিগী মীফম অসিনা ভারত অমসুং জাপানগী মরক্ত স্ত্রাতেজিক, সেকুরিতি অমসুং দিফেন্সকী মখা তানা মতেং পীনবা হেনগৎহনগনি হায়না প্রধান মন্ত্রীনা ফোংদোকখি।
লৈবাক অনিগী মীওইশিং, লমদম অসি অমসুং মালেমগী কান্নবা ফংনবা ভারত-জাপানগী মরী অসি হিরম খুদিংমক্তা চাউখৎহনবগী মরুওইবা অদু প্রধান মন্ত্রীনা পনখি। লৈবাক অনিগী মরক্তা চাং নাইনা অৱাংবা থাক্কী মীফম পাংথোকপা অসি মরী চেৎপগী খুদম অমনি হায়না প্রধান মন্ত্রীনা পনখি।
মহাক অমসুং প্রধান মন্ত্রী অবেনা লৈবাক অনিগী মরী অসিবু মপাঙ্গল কনখৎহনবগী মরুওইবা অদুদা অচেৎপা থাজবা থম্লি হায়না প্রধান মন্ত্রীনা ফোংদোকখি। মহাক্না হায়খি মথং থাদা ভারত্তা পাংথোক্কদৌরিবা ভারত-জাপান চহিগী মীফমদা প্রধান মন্ত্রী অবেবু তরাম্না ওক্লি। ভারতকী এক্ত ইস্ত পোলিসীনা মরুওইবা থৌদাং লৌদুনা লমদম অসিদা শান্তি অমসুং নুংঙাই-য়াইফবা পুরকপদা ভারতনা জাপানগা লৈনরিবা মরী অসি মরুওইবা মচাক অমনি হায়না প্রধান মন্ত্রীনা পনখি।
