সেপ্তেম্বর ২৪দা রাস্ত্রপতি বাইদেন্না ওস্ত্রেলিয়াগী প্রধান মন্ত্রী, স্কোৎ মোরিসন; ভারতকী প্রধান মন্ত্রী, নরেন্দ্র মোদী অমসুং জপানগী প্রধান মন্ত্রী, য়োশিহিদে সুগাগা খ্বাইদগী অহানবা ওইনা হকথেংননা থেংনদুনা ৱাইৎ হাউস্তা পাংথোকপা ক্বাদ লীদর্স সম্মিতকী য়ুম্বু ওইখ্রে। তেক্ত কায়দবা অমসুং মথৌ নীংথিজনা পাংথোকপা ভেক্সিন পুথোকপা হেনগৎপা অমসুং ফংহনবগী থৌওং য়াওনা কোবিদ-১৯ লাইচৎ লোইশিনবা; স্তেন্দর্দ ৱাংবা ইনফ্রাস্ত্রকচর খুমাং চাউশিলহনবা; অইং-অশাগী শিংনবশিংগা লান্থেংনবা; হৌগৎলক্লিবা তেক্নোলোজী, স্পেস অমসুং সাইবর্সেক্যুরিতীগী মতাংদা খুৎশম্নবা; অমসুং ঐখোয়গী লৈবাক খুদিংদা লাক্কদবা মথংগী চারোন-শুরোনগী হৈ-শিংবা য়োকখৎপনচিংবা ২১শুবা চহি চাগী শিংনবশিংবু থেংনবদা অৱাংবা থাক্তা থবক ওইনা তেংবাংমিন্নবগা লোয়ননা ঐখোয়গী লৈনরিবা মরীবু হেন্না চেৎশিলহন্নবা হীরমগী মতাংদা লুচিংবশিংনা কান্নগদবা খোঙথাং কয়াগী ৱাফম হৌদোক্নখি।
কোবিদ অমসুং মালেমগী হকশেল
ক্বাদ লুচিংবশিংনা লৈবাক মরি অমসুং মালেমগী পুন্সি অমসুং পুন্সি মহিংদা খ্বাইদগী চঙ-চঙ লাওনা খুদোংথিবা তাহল্লিবা অসিদি কোবিদ-১৯ লাইচৎনি হায়বসি ময়েক শেংনা খঙমিন্নখি। অদুনা, ইন্দো-পেসিফিক অমসুং মালেমগী মফমশিংদা তেক্ত-কায়দবা অমসুং কান্নবা ভেক্সিন ফংহনবদা তেংবাংনবা ক্বাদ লুচিংবশিংনা ক্বাদ ভেক্সিন পার্ত্নর্শিপসু মার্চতা হৌদোকখ্রবনি। মার্চতগী হৌদুনা, ক্বাদনা তেক্ত-কায়দবা অমসুং কান্নবা ভেক্সিন পুথোকপ ঙম্বগী মতিক হেনগৎহন্নবা অকিবা লৈতনা থবক কয়া পায়খৎপা হৌখি, ঐখোয়গী ইশাগী লৈজবা ভেক্সিনগী শরুক্তগী তেংবাংদুনা পীখি অমসুং ইন্দো-পেসিফিক লমদম্না লাইচৎ অসিগা থেংনবদা তেংবাংনবা পুন্না হোৎনমিন্নখি। লাইচৎকী খ্বাইদগী নৌনা ওইরক্লিবা ফিভম য়েংশিন্নবা চাং নাইনা মীফম ফম্বা অমসুং ক্বাদ পার্ত্নর্শিপ কোবিদ-১৯ দেশবোর্দ শেন্নবগী মপুং ওইবা থৌদাং লৌবা য়াওনা ইন্দো-পেসিফিক শিনবা থুংনা কোবিদ-১৯ থেংনবগী থৌওংসিং শিন-লাঙলিবা ক্বাদ ভেক্সিন এক্সপর্ত গ্রুপ অসিনা ঐখোয়না তেংবাংনরিবা অসিগী খ্বাইদগী মরু ওইবা থৌওং ওইরি। ঐখোয়না রাস্ত্রপতি বাইদেনগী সেপ্তেম্বর ২২গী কোবিদ-১৯ সম্মিতপু তরাম্না ওক্লি অমসুং ঐখোয়গী থবকশিং মখা চত্থখিগনি। ক্বাদনা পাংথোক্কদবশিংদিঃ
মালেম্বু তীকা থাদোকহনবদা তেংবাংবাঃ ঐখোয়না ক্বাদ লৈবাক ওইনা, কোভেক্সকী খুত্থাংদা পীখিবা দোজশিংগী মথক্তা মালেমদা ভেক্সিন দোজ বিলিয়ন ১.২ হেন্না তেংবাংনবা ৱারেপ লৌরে। ঐখোয়না ঙসি ফাওবদা ইন্দো-পেসিফিক লমদমশিংদা অপুনবা ওইনা তেক্ত-কায়দবা অমসুং কান্নবা ভেক্সিন চাউরাকপা দোজ মিলিয়ন ৭৯ পীখ্রে। ঐখোয়গী ভেক্সিনগী খুৎশম্নবগী থৌওং অসিনা হন্দক্কী লাংবন কুমজা অসিদসু বাইলোজিকেল ই. লিমিতেদতা ইং ২০২২গী অরোইবা ফাওবদা য়ামদ্রবদা কোবিদ-১৯ ভেক্সিন দোজ বিলিয়ন ১ পুথোকপগী পান্দমগা লোয়ননা ভেক্সিন শাবগী থবক হেনগৎহন্নবা অয়েৎপা লৈতনা চত্থরি। হায়রিবা অনৌবা মশিং ফংনবা পায়খৎপা অহানবা খোঙথাং ওইনা, লুচিংবশিংনা ইন্দো-পেসিফিক লমদম্না লাইচৎ লোইশিনবগী পান্দম থম্লিবা অসিদা খুদক্তা তেংবাংনবগীদমক্তা অকনবা খোঙথাং কয়া লাউথোক্কনি। ভেক্সিন পুথোকপগী ওপন অমসুং সেক্যুর সপ্লাই চেনগী মরু ওইবশিংসু ঐখোয়না নীংথিনা শকখঙলি। ক্বাদনা ভারতনা ওক্তোবর ২০২১দগী হৌদুনা কোভেক্সিন য়াওনা তেক্ত-কায়দবা অমসুং কান্নবা কোবিদ-১৯ ভেক্সিন লৈবাক্কী মপান্দা থাদোকপা হৌরগনি লাউথোকখিববু তরাম্না ওক্লি। কোবিদ-১৯ ক্রাইসিস রেস্পোন্স ইমর্জেন্সী সপ্পোর্ত লোন প্রোগ্রামগী বিলিয়ন দোল্লর ৩.৩গী খুত্থাংদা জপান্না তেক্ত-কায়দবা, কান্নবা অমসুং মগুন নীংথিনা লৈরবা ভেক্সিন লৈদুনা রিজনেল লৈবাকশিংদা তেংবাংবগী থবক লেপ্তনা চত্থখিগনি। ওস্ত্রেলিয়ানা খা-নোংপোক এসিয়া অমসুং পেসিফিক লৈবাকশিংগী ভেক্সিন লৈনবগীদমক্তা গ্রান্ত এদকী ওইনা মিলিয়ন দোল্লর ২১২ পীথরক্কনি। মসিগী মথক্তা, মখোয়না লাস্ত-মাইল ভেক্সিন রোল আউত্তা তেংবাংনবা মিলিয়ন দোল্লর ২১৯ কাইথোক্কনি অমসুং হায়রিবা লমদমশিং অসিদা ক্বাদকী লাস্ত-মাইল দেলিভরী তৌবগী থৌওংশিংবু লুচিংদুনা শেন্নগনি। ক্বাদ মেম্বর লৈবাকশিংনা এ.এস.ই.এ.এন. সেক্রেতরিএৎ, কোভেক্স ফেসিলিতী অমসুং মরী লৈনবা অতোপ্পা লুপশিংগা খুৎশম্নদুনা তেংবাংমিন্নগনি। ঐখোয়না দবল্যু.ঐচ.ও., কোভেক্স, গেবি, সি.ই.পি.আই., য়ুনিসেফ অমসুং লৈবাকশিংগী সরকারশিং য়াওনা মালেমগী লুপ অমসুং পার্তনর্শিপ্না পুন্সি কনবগী থবক পাংথোক্লিবশিংদা লেপ্তনা তেংবাংবগা লোয়ননা মখোয়গী মপাঙ্গল লৈহন্নবা থবক কয়া লেপ্তনা চত্থগনি। মসিগা লোয়ননা, লুচিংবশিংনা ভেক্সিন্দা থাজবগী চাং হেনগৎহন্নবা খোঙফম চেৎনা লৈরি। মসিগা মরী লৈনবা ওইনা, ক্বাদ লৈবাকশিংনা নুংনাংবা পোকপগী ৱাখল্লোন লৈহন্দনবগীদমক্তা ৭৫শুবা ৱর্ল্দ হেল্থ এসেম্বলী (দবল্যু.ঐচ.এ.)দা থৌরম অমসু পাংথোক্কনি।
হৌজিক পুন্সি কনসিঃ ক্বাদ ওইনা অপুনবা ওইনা, ঐখোয়না ইন্দো-পেসিফিক্তা হৌজিক পুন্সি কন্নবা থবক কয়া মখা তানা চত্থনবা খোঙফম চেৎলি। জপান্না জপান বেঙ্ক ফোর ইন্তর্নেস্নেল কো-ওপরেসনগী খুত্থাংদা ভেক্সিন অমসুং লাইয়েংনবা হিদাক য়াওনা কোবিদ-১৯গা মরী লৈনবা হেল্থকেয়র সেক্তরদা চাউরাকপা মিলিয়ন $১০০গী মরু ওইবা ইনফ্রাস্ত্রকচর হেন্না ফগৎহন্নবা ভারতকা থবক তৌমিন্নগনি। ঐখোয়না ক্বাদ ভেক্সিন এক্সপর্ত গ্রুপকী সেবা শিজিন্নগনি অমসুং ঐখোয়গী ইমর্জেন্সী তেংবাংগা মরী লৈনবশিংদা খুদক্তা খন্ননবগীদমক্তা তঙাই ফদবগী মখা পোন্না মীফম কৌগনি।
হেন্না ফবা হেল্থ সেক্যুরিতী নৌনা শাগৎপাঃ ক্বাদনা মথংগী লাইচৎ থেংনবা ঙম্নবগীদমক্তা ঐখোয়গী লৈবাক অমসুং মালেম্বু হেন্না ফজনা শেম শাদুনা থম্বদা খোঙফম চেৎলি। ঐখোয়না কোবিদ-১৯ থেংননবা অমসুং ইন্দো-পেসিফিক্তা হেল্থ-সেক্যুরিতীগী থৌওংসিং পাংথোকপদা পাক চাউনা খুৎশম্নবা হেনগৎনবা পায়খৎপা থবকশিং মখা চত্থখিগনি অমসুং ইং ২০২২দা লাইচৎ থেংননবা শেম শাদুনা লৈবগী এক্সর্সাইস য়ামদ্রবদা অমদি পুন্না শেম-শাদুনা পাংথোক্কনি। তেক্ত-কায়দবা অমসুং কান্নবা ভেক্সিন, লাইয়েংবগী থৌওং অমসুং হৌজিক্কী অমসুং তুংদা নুমিৎ ১০০নিগী মনুংদা দাইগ্নোস্তিক্স ফংনবা নুমিৎ ১০০গী মিসনবু শৌগৎপা ওইনা ঐখোয়না সাইন্স অমসুং তেক্নোলোজীগী হীরমদা তেংবাংমিন্নরিবা অসিবুসু মখা তানা মপাঙ্গল হাপকনি। মাই-পাকপগী চাং ৱাংবা অনৌবা ভেক্সিন নত্ত্রগা লাইয়েংবগী থৌওং থিদোকপগী থবক পাংথোকপদা তেংবাংবগা লোয়ননা লমদম অসিদা লৈরিবা লৈবাকশিংনা সাইন্তিফিকেল্লী সাউন্দ ওইবা ক্লিনিকেল রিসর্চ পাংথোকপা ঙম্বগী মতিক হেনগৎহনবদা ঙাক্লৌ পীগদবা মালেমগী ওইবা কোবিদ-১৯ থেরাপ্যুতিক ইন্তর্ভেন্সন এন্দ ভেক্সিন (এ.সি.তি.আই.ভি.) ত্রাইএলশিংগী খোঙজেল য়াঙহন্নবা অহেনবা মফম শেমগৎপগুম্না হৌজিক পাংথোক্লিবা অমসুং তুংদা পাংথোক্কদবা ক্লিনিকেল ত্রাইএলশিংদা খুৎশম্নবা থৌওং কয়া মসিগী মনুং চল্লি। ঐখোয়না ‘গ্লোবেল পেন্দেমিক রেদার’গী ৱাখল্লোন্দা শৌগৎকনি অমসুং দবল্যু.ঐচ.ও. গ্লোবেল ইনফ্লুএঞ্জা সর্ভেলিএন্স এন্দ রেস্পোন্স সীস্তেম (জি.আই.এস.আর.এস.) অসিবু মপাঙ্গল কনখৎহনবগা লোয়ননা পাকথোক চাউথোকহন্নবা পুন্না থবক তৌমিন্নবা য়াওনা ঐখোয়গী ভাইরেল জিনোমিক সর্ভেলিএন্সপুসু হেন্না ফগৎহনগনি।
ইনফ্রাস্ত্রকচর
জি.৭না লাউথোকখিবা দিজিতেল কন্নেক্তিবিতী, ক্লাইমেৎ, হকশেল অমসুং হেল্থ সেক্যুরিতী অমসুং জেন্দর ইক্বেলিতী ইনফ্রাস্ত্রকচরদা মিৎয়েং চঙবা ইনফ্রাস্ত্রকচর পার্ত্নর্শিপ ওইরিবা বিল্দ বেক বেত্তর ৱর্ল্দ (বি.৩.দবল্যু.)দা য়ুম্ফম ওইদুনা শেমগত্তুনা, ক্বাদনা খঙ-হৈবা, তৌবা ঙম্বগী মতিক শিজিন্নদুনা লমদম অসিদা চত্থরিবা ইনফ্রাস্ত্রকচরগী খোঙথাংশিংবু মপাঙ্গল হেন্না কনখৎহন্নবা ইথিল পীগনি অমসুং মফমসিগী তঙাই ফদবশিং থেংনবা ঙম্নবগীদমক্তা অনৌবা খুদোংচাবা কয়া মশক খঙদোক্কবি। ক্বাদনা চত্থগদবা থৌওংশিং মখাদা পীরিঃ
ক্বাদ ইনফ্রাস্ত্রকচর কো-ওর্দিনেসন গ্রুপ হৌদোকপাঃ হাই স্তেন্দর্দ ইনফ্রাস্ত্রকচরগী ক্বাদ পার্ত্নর্শিপকী হৌজিক লৈরিবা লুচিংবশিংদগী শেমদুনা, সেনিয়র ওইবা ক্বাদ ইনফ্রাস্ত্রকচর কো-ওর্দিনেসন কাঙবুনা মফম-মফমগী ইনফ্রাস্ত্রকচরগী তঙাই ফদবশিং য়েংশিনবগী পাউদম তম্ননবা চাং নাইনা উন্নগনি অমসুং নুং-পান ফাওনা উবা, স্তেন্দর্দ ৱাংবা ইনফ্রাস্ত্রকচর লৈহন্নবা পাংথোকপা মখোয়-মখোয়গী থৌওংশিং শিন-লাঙবদা য়েংশিনগনি। ইন্দো-পেসিফিক্তা লৈরিবা অখন্নবা ইনফ্রাস্ত্রকচরগী অপাম্ববু থেংনবা ঙম্নবগীদমক্তা রিজনেল পার্ত্নর্শিংনা মখোয়-মখোয়গী থৌওংশিং অসিদা অমনা-অমবু শোইদনা তেংবাংনহন্নবা রিজনেল পার্তীশিংগা থবক তৌমিন্নবগী থৌওং য়াওনা তেক্নিকেল এসিস্তেন্স অমসুং কেপাসিতী বিলদিং তৌনবা হোৎনবশিংদা কাঙবুশিং অসিনা য়েংশিন্দুনা শিন-লাঙগনি।
হাই-স্তেন্দর্দ ইনফ্রাস্ত্রকচরদা মাংজিল থাবাঃ ক্বাদ লুচিংবশিংনা ইন্দো-পেসিফিক লমদমদা মগুন লৈবা ইনফ্রাস্ত্রকচর শাবদা মকোক থোংলি। ঐখোয়গী শিংথানীংঙাই ওইবা থৌওংশিংনা খ্বাইদগী ফবা মহৈ ফংনবা পব্লিক অমসুং প্রাইভেৎ রিসোর্স অনিমক শিজিন্নবগী থৌওং চত্থৈ। ক্বাদ পার্ত্নর্শিংনা ইং ২০১৫তগী হৌনা লমদম অসিগী ইনফ্রাস্ত্রকচরগীদমক্তা ওফিসিএল ওইবা শেন্থং ওইনা বিলিয়ন $৪৮ হেন্না পীখ্রে। মসিনা মরম ওইদুনা খুঙ্গং চাউখৎপা, হকশেলগী ইনফ্রাস্ত্রকচর, ৱাতর সপ্লাই অমসুং সেনিতেসন, রিন্যুএবল পাৱর পুথোকপা (খুদমঃ নুংশিৎ, সোলর অমসুং হাইদ্রো), তেলেকম্ম্যুনিকেসন, রোদ ত্রান্সপোর্তেসন অমসুং অতোপ্পা কয়ানচিংবদা শৌগৎপা ওইনা লৈবাক ৩০ শিনবা থুংবদা কেপাসিতী বিলদিং তৌবা য়াওনা প্রোজেক্ত লিশিং কয়া অমা পায়খৎখ্রে। ঐখোয়গী ইনফ্রাস্ত্রকচর পার্ত্নর্শিপ্না মসিগী তেংবাংশিং অসিবু হেন্না পাকথোক চাউথোকহন্দুনা লমদম অসিদা প্রাইভেৎ সেক্তরনা শেল থাদবগী থবকশিং হেনগৎহনগনি।
অইং-অশা
ক্বাদ লৈবাকশিংনা ক্লাইমেৎ এক্সনগী মতাংদা ৱারোল ফোংদোকপা খ্বাইদগী নৌবা ক্লাইমেৎ সাইন্সকী মতাংদা ওগস্ত ইন্তর্গবর্নমেন্তেল পেনেল ওন ক্লাইমেৎ চেঞ্জকী পাউদম্না ফংবা ৱাফমশিংবু য়াম্না লুনা লৌই। ক্লাইমেৎ চেঞ্জকী মতাংদা খুদক্তা পায়খৎকদবা হীরমশিংবু থেংননবগীদমক্তা, ক্বাদ লৈবাকশিংনা নেস্নেল ইমিসন অমসুং রিন্যুএবল ইনর্জী, ক্লিন ইনর্জী ইন্নোভেসন অমসুং দিপ্লোয়মেন্তকা লোয়ননা চান্ননবা শিনবা, নিংহন্নদবা অমসুং শেম-শাদুনা লৈবগী থৌওং য়াওবা ইং ২০৩০গী পান্দমদা থবক চত্থবগী থৌওং য়াওনা ক্লাইমেৎ এম্বিসনগী মপুং ওইবা ৱাখল্লোন্দা মখোয়গী থবক-থৌরমশিংনা মিৎয়েং চঙগনি। ক্বাদ লৈবাকশিংনা ঐখোয়না ক্লাইমেৎকী মতাংদা থম্লিবা পান্দমবু ইন্দো-পেসিফিক্কী লমদমদা ফংবা ঙম্নবগীদমক্তা ওইরক্কনি হায়বগী থাজবা থম্লিবা ইনর্জীগী অপাম্বা ফংনবা অমসুং খোঙজেল অমসুং পাক চাউবগা লোয়ননা দিকার্বোনাইজ তৌবা ঙম্নবগীদমক্তা ২০২০গী মনুংদা হান্নদগী হেন্না নীংথিজনা শেমদোক্লবা থবক কয়া পাংথোক্নবা খোঙফম চেৎলি। অহেনবা ওইনা হোৎনরিবা থৌওংশিংগী মনুং চল্লিবশিংদি নেচরেল গ্যাস সেক্তরদা মীথেন হন্থহন্নবা পুন্না হোৎনমিন্নবা অমসুং থাজবা য়াবা অমসুং নিংহন্নবা নাইদবা ক্লিন-ইনর্জী সপ্লাই চেন শেমগৎপনি। ক্বাদ না পাংথোক্কদবশিংদিঃ
গ্রীন-শিপ্পিং নেৎৱর্ক অমা শেম্বাঃ ক্বাদ লৈবাকশিংদা মালেমগী খ্বাইদগী চাউবা হিথাংফম লৈদুনা মরু ওইবা শিপ্পিং হব ওইরি। মসিনা মরম ওইদুনা, ক্বাদ লৈবাকশিং অসি গ্রীন-পোর্ত ইনফ্রাস্ত্রকচর অমসুং ক্লিন-বঙ্করিং ফুএলবু পাক শন্না শিজিন্নবা ঙমহন্নবা য়াম্না মফম চানা লৈ। ক্বাদ লৈবাকশিংনা মখোয়গী থবক-থৌরমশিংবু ক্বাদ শিপ্পিং তাস্কফোর্স হৌদোক্তুনা শিন-লাঙগনি অমসুং লোস এঞ্জেলেস, মুম্বাই পোর্ত ত্রস্ত, সীদনি (বোতনী) অমসুং য়োকোহোমা য়াওনা মকোক থোংবা হিথাংফমশিংবু শিপ্পিং ভেল্যু চেন অসিবু গ্রীনিং অমসুং দিকার্বোনাইজ তৌবদা খোঙফম চেৎপা নেতৱর্ক অমা শেম্বদা য়াওনবা পাউজেল থাগনি। ক্বাদ শিপ্পিং তাস্কফোর্সনা মখোয়গী থবক-থৌরমশিংবু তোঙানবা থবক কয়াগী পরিংদা শিন-লাঙগনি অমসুং ইং ২০৩০ ফাওবগী মনুংদা ক্বাদ লো-ইমিসন নত্ত্রগা জিরো-ইমিসন শিপ্পিং কোরিদোর অনিদগী অহুম ফাওবা শেম্নবা পান্দম থম্লি।
ক্লিন-হাইদ্রোজেন পার্ত্নর্শিপ অমা শেমগৎপাঃ ক্বাদনা অতোপ্পা ফোরাদা হৌজিক লৈরিবা বাইলেতরেল অমসুং মলতিলেতরেল হাইদ্রোজেনগী খোঙথাং কয়াগী খুদোংচাবা লৌদুনা ক্লিন হাইদ্রোজেন ভেল্যু চেনগী ইলেমেন্ত শিনবা থুংবগী অচঙবা শেল হন্থহনবা অমসুং মপাঙ্গল কনখৎহন্নবা ক্লিন হাইদ্রোজেন পার্ত্নর্শিপ অমা লাউথোক্কনি। মসিগী মনুং চনবশিংদি ক্লিন হাইদ্রোজেন পুথোকপগী চাং নীংথিনা হেনগৎহনবা অমসুং তেক্নোলোজী শেমগৎপা (রিন্যুএবল ফোসিলদগী পুথোকপা হাইদ্রোজেন, কার্বন কেপচর অমসুং সিক্বেস্ত্রেসনগা লোয়নবা ফোসিল ফুএল অমসুং শিজিন্নগে খনবা কাংবুশিংগী ন্যুক্লিয়র), এন্দ-য়ুজ এপ্লিকেসনগীদমক্তা ক্লিন হাইদ্রোজেনবু তেক্ত-কায়দনা অমসুং নীংথিজনা পুথোক-পুশিন তৌবা, থম্বা অমসুং য়েন্থোকপগী দেলিভরী ইনফ্রাস্ত্রকচর মশক খঙদোকপা অমসুং শেমগৎপা অমসুং ইন্দো-পেসিফিক লমদমদা ক্লিন হাইদ্রোজেন লল্লোনবা হেনগৎহন্নবা মার্কেৎকী অপাম্বা হেনগৎনবগী থৌওংশিংনি।
ক্লাইমেৎ এদাপ্তেসন, রেজিলিএন্স অমসুং প্রিপেয়র্দনেস হেনগৎহনবাঃ ক্বাদ লৈবাকশিংনা অইং-অশাগী মরু ওইবা ই-পাও লান্নবা অমসুং দিজাজতর রেজিলিএন্ত ইনফ্রাস্ত্রকচর ফগৎহন্দুনা ইন্দো-পেসিফিক লমদম্না অইং-অশা হোংবগী থৌওংদা নীংহন্নবা লৈতবগী মওং হেনগৎহনবদা খোঙফম চেৎলি। ক্বাদ লৈবাকশিংনা ক্লাইমেৎ অমসুং ইনফোর্মেসন সর্ভিস তাস্ক ফোর্ম অমা শেমগনি অমসুং চাউখৎলক্লিবা ইথৎ মচাগী লৈবাকশিংদা তেক্নিকেল এসিস্তেন্স পীগদবা কোএলিসন ফোর দিজাজতর রেজিলিএন্ত ইনফ্রাস্ত্রকচরগী খুত্থাংদা অনৌবা তেক্নিকেল ফেসিলিতী অমা শাগনি।
পীপল-তু-পীপল এক্সচেঞ্জ অমসুং এজুকেসন
ঙসিগী মহৈরোইশিংনা হয়েংগী লুচিংবা, অনৌবা থৌওং পুথোকপা অমসুং লময়ানবা ওইগদৌরিবনি। মথংগী শুরোনগী সাইন্তিস্ত অমসুং তেক্নোলোজিস্তকী মরক্তা মরী শাগৎনবগীদমক্তা, ক্বাদ পার্ত্নর্শিংনা ক্বাদ লৈবাক খুদিংদগী লুচিংবশিং য়াওবা নন-গবর্নমেন্তেল তাস্ক ফোর্স অমগা ৱা তানদুনা অমসুং তেংবাংবগী খোঙথাং অমনা য়েংশিন্দুনা চলায়বা, মখল অসিগী খ্বাইদগী অহানবা স্কোলার্শিপ প্রোগ্রাম অমাঃ ক্বাদ ফেলোশিপ লাউথোকপদা চাউথোকচবা পোকচৈ। প্রোগ্রাম অসিনা সাইন্স, তেক্নোলোজী, ইঞ্জিনিয়রিং অমসুং অঙ্কগী হীরমদা থোইদোক হেন্দোক্না হৈথোই শিংথোইরবা অমেরিকান, জপানিজ, ওস্ত্রেলিয়ন অমসুং ভারতকী মাস্তর অমসুং দোক্তরগী মহৈরোইশিংবু য়ূনাইতেদ স্তেৎসতা মহৈ তম্নবগীদমক্তা পুন্সিনগনি। অনৌবা ফেলোশিপ অসিনা প্রাইভেৎ, পব্লিক অমসুং একাদমিক সেক্তরদা অনৌবা থৌওং পাংথোকপা অমসুং খুৎশম্নবদা মিৎয়েং চঙবা সাইন্স অমসুং তেক্নোলোজী এক্সপর্তশিংগী নেৎৱর্ক অমা মশাগী লৈবাকশিং অমসুং ক্বাদ লৈবাকশিংগী মরক্তা শেমগৎকনি। প্রোগ্রাম অসিনা ক্বাদ লৈবাকশিংদা চৎপা কান্নরবা খোঙচৎকী খুত্থাংদা ক্বাদ স্কোলর্শিংনা অমা অমগী খুন্নাই অমসুং চৎনবীগী মতাংদা নীংখিনা ভাব তানবগী য়ুম্ফম অমা শেম্বগা লোয়ননা লৈবাক মশেলগী মকোক থোংবা সাইন্তিস্ত, তেক্নোলোজিস্ত অমসুং পোলিতিসিয়নশিংগা লোয়ননা পাক চাউরবা প্রোগ্রাম্মিংসু শেমগৎকনি। ক্বাদনা পাংথোক্কদবশিংদিঃ
ক্বাদ ফেলোশিপ হৌদোকপাঃ ফেলোশিপ অসিনা য়ূনাইতেদ স্তেৎসকী মকোক থোংবা এস.তি.ই.এম. গ্রেজুএৎ য়ুনিভর্সিতীশিংদা মাস্তর অমসুং দোক্তরগী দিগ্রী তম্নবগীদমক্তা ক্বাদ লৈবাক অমদগী ২৫ ওইদুনা চহি অমদা মহৈরোই ১০০ স্পোন্সর তৌগনি। মসিনা মালেমগী খ্বাইদগী মকোক থোংবা গ্রেজুএৎ ফেলোশিপ ওইনা তেংবাংগনি; অচুবু খ্বাইদগী তোপ-তোপ্পা থৌওং অমা ওইনা, ক্বাদ ফেলোশিপ্না এস.তি.ই.এম.দা মিৎয়েং চঙগনি অমসুং ওত্রেলিয়া, ভারত, জপান অমসুং আমেরিকাগী খ্বাইদগী ফবা মীওইশিংবু অমত্তা ওইনা পুরক্কনি। তেংবাংবগী খোঙথাং ওইরিবা, স্মিৎ ফ্যুতচরনা ক্বাদ লৈবাক খুদিংদগী একাদমিক, ফোরেন পোলিসী অমসুং প্রাইভেৎ সেক্তরগী লুচিংবা য়াওবা নন-গবর্নমেন্তেল তাস্ক ফোর্স্কা তাথোক-তাশিন তৌদুনা ফেলোশিপ অসি য়েংশিন্দুনা চলায়গনি। ফেলোশিপ অসি হৌদোকপদা য়াওরিবা পার্ত্নর্শিংগী মনুং চনবশিংদি এক্সেনচর, ব্লেকস্তোন, বোইং, গুগল, মাস্তর্কার্দ অমসুং ৱেস্তর্ন দিজিতেলনি অমসুং ফেলোশিপ অসিদা তেংবাংবা পাম্বা অহেনবা স্পোন্সর্শিপসু তরাম্না ওক্লি।
মরু ওইবা অমসুং চাউখৎলক্লিবা তেক্নোলোজীশিং
ক্বাদ লুচিংবশিংনা ওপন, এসেসিবল অমসুং সেক্যুর ওইবা তেক্নোলোজী ইকোসীস্তেম অমা চৎনহন্নবা পুন্না হোৎনমিন্নবদা খোঙফম চেৎলি। মরু ওইবা অমসুং চাউখৎলক্লিবা তেক্নোলোজীগী ৱর্কিং গ্রুপ অমা মার্চতা হৌদোকখিবদগী, ঐখোয়না হীরম মরিদা য়ুম্ফম ওইরগা থবক পাংথোক্লিঃ তেক্নিকেল স্তেন্দর্দ, ৫জি. দাইভর্সিফিকেসন অমসুং দিপ্লোয়মেন্ত, হোরাইজন স্কেনিং অমসুং তেক্নোলোজী সপ্লাই চেন। ঙসিদি, ক্বাদ লুচিংবশিংনা তেক্নোলোজীগী মতাংদা ৱাখল্লোনগী ৱারোলগা লোয়ননা ঐখোয়গী অপাম্বা মান্নবা দিমোক্রেতিক ভেল্যু অমসুং মীওইবগী হিংবগী হকপু ইকায় খুম্নবগী মতৌনা ওইহনবা মরু ওইবা অমসুং চাউখৎলক্লিবা তেক্নোলোজীবু পুন্না হোৎনমিন্নদুনা হেন্না চাউখৎহনবা ঙমগদবা অনৌবা থবক-থৌরমসু হৌদোক্লে। ক্বাদনা পাংথোক্কদবশিংদিঃ
ক্বাদ ৱাখল্লোনগী ৱারোল ফোঙবাঃ থা কয়া পুন্না হোৎনমিন্নরবা মতুংদা, ক্বাদনা তেক্নোলোজী, দিজাইন, দিভেলপমেন্ত, গবর্নেন্সকী ৱাখল্লোনগী ৱারোল অমা হৌদোক্লগনি অমসুং মসিবু শিজিন্নদুনা লমদম অসিদা নত্তনা অপুনবা মালেম্বুসু থৌদাং খঙবা, ওপন, স্তেন্দর্দ ৱাংবা ইনোভেসনগী মাইকৈদা লমজিংগনি হায়বগী থাজবা থম্লি।
তেক্নিকেল স্তেন্দর্দ কন্তেক্ত গ্রুপ শেমগৎপাঃ ক্বাদনা স্তেন্দর্দ-দিভেলপমেন্তকী থবক-থৌরমশিংগা লোয়ননা ফাউন্দেস্নেল প্রি-স্তেন্দর্দাইজেসন রিসর্চতা মিৎয়েং চঙবা থাক ৱাংবা কম্ম্যুনিকেসন অমসুং আর্তিফিসিএল ইন্তেল্লিজেন্সকী কন্তেক্ত গ্রুপ অমা শেমগৎকনি।
সেমিকন্দক্তর সপ্লাই চেন ইনিসিএতিব অমা হৌদোকপাঃ ক্বাদ পার্ত্নর্শিংনা তৌবা ঙম্বগী মতিক খঙদোকপা, অয়েৎপা লাক্কদবা মশক খঙদোকপা অমসুং সেমিকন্দক্তর অমসুং মসিগী মরু ওইবা কম্পোনেন্তশিংগী সপ্লাই চেন হেন্না কনখৎহন্নবা অপুনবা খোঙথাং অমা হৌদোক্কনি। খোঙথাং অসিনা ক্বাদ পার্ত্নর্শিংদা মালেমগী দিজিতেল ইকোনোমীগী মথৌ তাবা মরু ওইবা অমসুং সেক্যুর ওইবা তেক্নোলোজীশিং পুথোকপা তোঙানবা মগুন চেনবা অমসুং চাংদম্ননীংঙাই ওইবা মার্কেৎশিংদা শোইদনা ঙাক্লৌ পীহনগনি।
৫.জি. শিজিন্নবা হৌবা অমসুং তোঙানবা হীরমদা শিজিন্নবদা তেংবাংবাঃ তোঙানবা মগুন চেনবা, নিংহন্নদবা অমসুং সেক্যুর ওইবা তেলিকম্ম্যুনিকেসন ইকোসীস্তেম অমা শেমগৎপা অমসুং খুমাং চাউখৎহন্নবা ক্বাদ সরকারশিংগী মরু ওইবা থৌদাংদা তেংবাংনবগীদমক্তা, ওপন আর.এ.এন. পোলিসী কোলিএসন্না য়েংশিনবা ওপন আর.এ.এন. দিপ্লোয়মেন্ত অমসুং এদোপ্সনগী মতাংদা ত্রেক ১.৫ ইন্দস্ত্রী দাইলোগ অমা ক্বাদনা হৌদোক্লে। ক্বাদ পার্ত্নর্শিংনা তেস্তিং তৌবা অমসুং তেস্ত ফেসিলিতীগী মতাংদা হোৎনবা থবকশিং য়াওনা ৫.জি. দাইভর্সিফিকেসন তৌবা য়ানবা অকোয়বগী ফিভম অমা লৈহন্নবা পুন্না হোৎনমিন্নগনি।
বাইওতেক্নোলোজী স্কেনিং তৌবা য়েংশিনবাঃ ক্বাদনা সিন্থেতিক বাইওতেক্নোলোজী, জিনোম সিক্বেন্সিং অমসুং বাইওমেন্যুফেকচরিং য়াওনা এদভান্স বাইওতেক্নোলোজীদগী হৌবা মরু ওইবা অমসুং চাউখৎলক্লিবা তেক্নোলোজীগী চৎনবীবু য়েংশিনগনি। থৌওং অসি পাংথোকপগী মনুংদা, ঐখোয়না পুন্না হোৎনমিন্নবগা মরী লৈনবা খুদোংচাবশিংসু মশক খঙদোক্কনি।
সাইবর্সেক্যুরিতী
সাইবর্সেক্যুরিতীগী হীরমদা ঐখোয়গী লৈবাক মরিগী কুইনদগী লৈরক্লবা মরীদা য়ুম্ফম ওইদুনা, ক্বাদনা লৈবাক অমগী অমসুং মালেমদা চৎনরিবা খ্বাইদগী ফবা থৌওংশিং লৈহন্নবা ঐখোয়গী লৈবাক মরিগী হৈ-শিংবশিংসু অমত্তা ওইনা পুরক্তুনা সাইবর থ্রেৎকী মাইয়োক্তা নীংহন্নবা লৈতবা ক্রিতিকেল ইনফ্রাস্ত্রকচরশিংবু হেন্না মপাঙ্গল লৈহন্নবা অনৌবা খোংথাংশিং হৌদোক্কনি। ক্বাদনা পাংথোক্কদবশিংদিঃ
ক্বাদ সেনিয়র সাইবর গ্রুপ হৌদোকপাঃ লুচিংবগী থাক্তা লৈবা অখঙ-অহৈশিংনা শেয়র্দ সাইবর স্তেন্দর্দ শিজিন্নবা; সেক্যুর সোফৱেয়র শেম-শাবা; মহৈ অমসুং হৈ-শিংবা মীওই শেমগৎপা; অমসুং সেক্যুর ওইবা অমসুং থাজবা য়াবা দিজিতেল ইনফ্রাস্ত্রকচরগী সাইবর সেক্যুরিতী অমসুং পাক-চাউববু খুমাং চাউশিলহনবগী হীরম য়াওনা লেপ্তবা চাউখৎপা পুরক্নবগীদমক্তা সরকার অমসুং ইন্দস্ত্রীগী মরক্তা লৈরিবা থবকশিংবু হেন্না খুমাং চাউশিলহন্নবা চাং নাইনা উন্নগনি।
স্পেস
ক্বাদ লৈবাকশিং অসি স্পেস য়াওনা মালেমগী সাইন্সকী লুচিংবশিংগী মনুংদা অমনি। ঙসিদি, ক্বাদনা খ্বাইদগী ইহান হানবা ওইনা, অনৌবা ৱর্কিং গ্রুপ অমগা লোয়ননা স্পেসকী হীরমদা তেংবাংনবা হৌরগনি। অখন্নবা হীরম ওইনা, ঐখোয়গী খুৎশম্নবা অসিনা সেতিলাইৎ দেতা পীনগনি, ক্লাইমেৎ চেঞ্জ, মহৌশাগী অমাঙ-অতা থোকপদা শেম-শাবগী থৌওং অমসুং অপাম্বা মান্নবা হীরমশিংদা লাকপা খুদোংচাদশিং মাইয়োক্নবদা থেংনবদা এদাপ্ত তৌবা অমসুং য়েংশিনবদা মিৎয়েং চঙগনি। ক্বাদনা পাংথোক্কদবশিংদিঃ
পৃথীবি অমসুং মসিগী ঈশিংবু ঙাক-শেন্নবা সেতিলাইৎ দেতা পীনবাঃ অইং-অশা হোংবগী শিংনবা অমসুং সমুদ্র অমদি মেরিন রিসোর্সশিংবু তুং কোইনা শিজিন্নবগী মতাংদা পৃথীবিদগী য়েংশিনবা অমসুং নৈনরিবা সেতিলাইৎ দেতা পীনবগী মতাংদা ঐখোয়গী লৈবাক মরিনা ৱারী শাবা হৌরগনি। দেতা অসি পীনবনা ক্বাদ লৈবাকশিংনা ক্বাদ ক্লাইমেৎ ৱর্কিং গ্রুপকা ৱা-তানদুনা ক্লাইমেৎ চেঞ্জতা হেন্না নীংথিজনা চান্ননা লৈবা ঙম্বা অমসুং অইং-অশাগী কা হেনবা খুদোংথিনীংঙাই ওইরিবা ইদো-পেসিফিক্কী অতোপ্পা লৈবাকশিংগী কেপাসিতী শাগৎপদা তেংবাংগনি।
তুং কোইনা চাউখৎনবগীদমক্তা কেপাসিতী বিলদিং তৌবা ঙমহনবাঃ ক্বাদ লৈবাকশিংনা শিংনবা অমসুং খুদোংথিবা কয়া শেন্নবা ঙমনবগীদমক্তা ইন্দো-পেসিফিক লমদমগী অতোপ্পা লৈবাকশিংদা স্পেসকা মরী লৈনবা হীরমশিংদা কেপাসিতী বিলদিং তৌবা ঙমহনগনি। ক্বাদ লৈবাকশিংনা অপাম্বা মান্নবা স্পেস এপ্লিকেসন অমসুং তেক্নোলোজীশিংবু ঙাক্লৌ পীবা, মপাঙ্গল লৈহনবা অমসুং খুমাং চাউশিনবদা তেংবাংনবা অমত্তা ওইনা হোৎনমিন্নগনি।
কাঙলোনগী মতাংদা ৱা খন্নবাঃ ঐখোয়না আউতর স্পেস ইনভাইরনমেন্তকী মতম-শাংনা শিজিন্নবা য়াবা ফিভম লৈহন্নবগীদমক্তা কাঙলোন অমসুং ৱাখল্লোনশিংগী মতাংদা পুউনা ৱা তান্নগনি।
Our resolve to move towards the goal of Viksit Bharat is very clear: PM
