প্রধান মন্ত্রীগী সিতিজেন এসিস্তেন্স এন্দ রিলিফ ইন ইমর্জেন্সী সিচুএসন (পি.এম. কেয়রস) ফন্দ থ্রসনা নোংচুপ বেঙ্গোলগী মুর্শিদাবাদ অমসুং কাল্যানিদা ফমুং ২৫০ চনবা মতম খরগী ওইবা কোবিদ হোস্পিতাল অনি লিংখৎনবগী লুপা কোতি ৪১.৬২ কায়থোক্নবা ৱারেপ লৌখ্রে। হায়রিবা অসিগীদমক চংগদবা ইনফ্রাস্ত্রকচরশিং রাজ্য সরকার অমসুং ভারত সরকারগী এম.ও.ঐচ.এফ.দবল্যু.না মতেং পীরগনি।
প্রোপোজেল অসিনা নোংচুপ বেঙ্গোলদা কোবিদকী ফিভম অসি মপুং ফানা শিন্নবা হেলথ ইনফ্রাস্ত্রকচর হেনগৎহল্লগনি।
প্রধান মন্ত্রীগী সিতিজেন এসিস্তেন্স এন্দ রিলিফ ইন ইমর্জেন্সী সিচুএসন (পি.এম. কেয়রস) ফন্দ থ্রসনা হেলথ ইনফ্রাস্ত্রকচরগী মতেং পাংবা হেনগৎনবা হোৎনদুনা, বিহার, দিল্লী, জম্মু অমসুং শ্রীনগরদশু কোবিদ হোস্পিতাল লিংখৎপদা মতেং পাংলি।
