ইকায়খুম্নরবা, রাস্ত্রপতি জোকো ৱিদোদো,
শক্নাইরবশিং,
খুরুমজরি
- ঐখোয়গী মরুপ-মপাং ওইবা মরী অসি চহি ৪০ শুরক্লে।
- ইন্দিয়া-অসিয়ান মীফমগী কো-চিয়ার ওইবা অসিদা ঐ নুংঙাইবা ফাওই।
- অচৌবা মীফম অসি পাংথোকপগীদমক, ঐনা রাস্ত্রপতি ৱিদোদো থম্মোয় শেংনা থাগৎচরি।
- অসিয়ান লৈবাকশিংগী লুচিংবশিং ঐনা ঐগী য়াইফ-পাউজেল পীজরি।
- হন্দক ওফিস পায়রবা কম্বোদিয়াগী প্রধান মন্ত্রী হুন মনেতকী মফমদা ঐনা ঐগী য়াইফ-পাউজেল পীজরি।
- মীফম অসিগী ওবজার্বর অমা ওইরিবা তিমোর-লেস্তকী প্রধান মন্ত্রী জানানা গুসমাও ঐনা তরাম্না ওকচরি।
শক্নাইরবশিং,
- ঐখোয়গী পুৱারি অমসুং লম্মিৎ-তুমিৎনা ভারত অমসুং অসিয়ান শম্নহল্লে।
- গুনশিং মান্নরে, লমদম অসি অমতা ওইরে,
- শক্তি লৈরবা লৈবাকশিংগী মালেম অমদা শান্তি, নুংঙাই-য়াইফবা অমসুং থাজবনা ঐখোয় অমতা ওইনা পুনশিল্লে।
- ভারতকী এক্স ইস্ত পোলিসিদা অসিয়ান্না ময়াইদা লৈরি।
- অসিয়ান্না ময়াইদা লৈবা অমসুং ইন্দো-পেসিফিক্তা অসিয়ানগী মীৎয়েং ভারতনা মপুংফানা শৌগৎলি।
- ভারতকী ইন্দো-পেসিফিক থবকশিংদা অসিয়ান্না মরুওইবা মফম অমা কল্লি।
- হৌখিবা চহিদা ঐখোয়না ইন্দিয়া-অসিয়ান ফ্রেন্দসিপ ইয়র পাংথোকখ্রে অমসুং ঐখোয়গী মরী অসি ‘কমপ্রেহেন্সিপ স্ত্রাতেজিক পার্তনরশিপ’ অমদা পুখৎলে।
শক্নাইরবশিং,
- ঙসি, মালেমগী তম্বা ঙমদবা ফিবমশিংদা, ঐখোয় অমগা অমগা মতেং পাংনবদগী লেপ্তনা চাউখৎলক্লি।
- মসি ঐখোয়গী মরীগী মপঙ্গল অমসুং অৱা-অনা থেংনবা ঙম্বগী খুদম অমনি।
- চহি অসিগী অসিয়ানগী মীফমগী থিমদি ‘অসিয়ান মেত্তরস: ইপিসেন্তর ওফ গ্রোথ’ হায়বনি।
- লৈবাক খুদিংমক্কী খোল্লাউ তাবা মরম্না অসিয়ান অসি মরুওই অমসুং মালেম চাউখৎহনবদা অসিয়ান্না মরুওইবা থৌদাং লৌবা মরম্না অসিয়ান অসি চাউখৎপগী হৌরকফম্নি।
- ভারতনা জি-২০গী প্রসিদেন্ত ওইবগী থিমদি- বসুধাইব কুতুম্বকম-মালেম অমা, ইমুং অমা, তুংলমচৎ অমা’ হায়বনি।
শক্নাইরবশিং,
- ২১শুবা চহিচা অসি এসিয়াগী চহিচানি। মসি ঐখোয়গী চহিচানি।
- মসিগীদমক, নিয়মদা য়ুম্ফম ওইবা কোবিদ মতুংগী মালেমগী চৎন-কাংলোন অমা শেমগৎপা অমসুং মীওইবা খুন্নাই য়াইফনবা থবকশিং পায়খৎপা দরকার ওই।
- মনিংতম্বা ইন্দো-পেসিফিক ওইহনবা অমসুং গ্লোবেল সাউথকী খোল্লাউ তাবা হেনগৎহনবা অসি লৈবাক খুদিংমক্কী অপাম্বনি।
- ঙসি খন্নরিবা অসিনা তুংদা ভারত অমসুং অসিয়ান লমদম চাউখৎনবা অনৌবা ৱারেপশিং লৌগনি হায়না ঐনা থাজৈ।
- কন্ত্রি কোওর্দিনেতর শিঙ্গাপুর, চিয়ারমেন ওইগদৌরিবা লাও অমসুং ময়ামগা লোয়ননা,
- অদোমগা নক্না থবক তৌমিন্ননবা ভারতনা থাজবা পীরি।
অদোম থাগৎচরি।
